المساعد الشخصي الرقمي

مشاهدة النسخة كاملة : مساعدة بخصوص شحن من الامارات


الخبــره
29-12-2009, 09:23 PM
السلام عليكم
حصلت لي دراجه بولارس 2010 جديده من الامارت
عند واحد من الاخوان الامارتين
المطلوب اشحنها من هناك للدوحه
في واحد قالي بوصلها لك للين الدوحة 3500 من غير رسوم الجمرك
حد منكم يعرف كم نسبة الجمرك في الدوحة
و تشوفون السعر زين والا مبالغ فيه
اللي في الامارات يقولي انه بيعطيني ورقة المخالصة شئ جي اسمها
وماعلي الا اشحنها وادفع رسوم المراكز
واحد من الربع يقولي انه لازم اخلص لها ورقة مثل الفحص الفني شي من الكلام
ومتلعوز اول مرة اشحن شئ من الامارات وما ابي اتبهدل يعني ابي اعرف كل الاجراءات
اللي يعرف شئ لا يقصر :(
ساحر قطر
29-12-2009, 10:03 PM
يمكن تستغرب بس لو تقدر تجيبها في اي لنج ( بانوش ) قطري في الامارات هذي الايام بيجيبه لك ارخص وبفرق يمكن 2000 ريال , والله يعينك.
مع السموحة منك.
A bin M
29-12-2009, 10:24 PM
حوالي 3000 ريال ..

ياريت تقول لي بكم خذتها وهل هي أس وله لا


في انتظار ردك
professonal
29-12-2009, 10:34 PM
اخوي السعر غالي انا جايب بظاعة في تريلا كامله بـــ 4000 ريال وجالس اسبوع في المراكز وبخصوص المركبات لازم اطلع لها ورقه مركبه ورسوم الجمارك 4% من قيمة الشراء واذا اتروح مكان التريلات في الشارقة وتحصل لك واحد جاي الدوحة عنده بظاعه حملها معاه ارخص لك وايد والله يوفقك
حمد73
29-12-2009, 10:38 PM
في شركة شحن في دبي أسمها ألفا ون
أتص لهم وبيجيبونه لك برسم الخدمه وتدفع لهم في الدوحه
مكانهم :
شليف البنك اللي مقابل حمرعين
تلف بعده يمين و بعد يمين وتمشي حوالي 500 متر بتحصله على يمينك هو شكله مثل مخزن
شغلهم مرتب و يوصلون الأغراض بسرعه و يخلصون كل الأوراق
حشيم
30-12-2009, 12:00 AM
السلام عليكم

بالنسبة لشركات الشحن في الامارات فهي كثيره وتقدر تتوصل لهم بالاتصال بالرقم 700017000 وهي خدمة لآي معلومات عن الامارات
الجمارك في الخليج موحدة 5% من قيمة الفاتورة
انصحك انك تروح وتجيبها معاك ولا تدخل في المراكز مع الشاحنات وفيه مكان للتخليص على البضائع الشخصية البسيطة مثل السكوتر والبطابط هذا اذا ما مشوك شباب الجمارك بالمراكز
سعود qtr
30-12-2009, 03:00 AM
٢٠١٠ ما عليها جمارك
بوسيف الهاجري
30-12-2009, 08:38 AM
مرحبا الشيخ ليش اتعذب عمرك وتدفع مبلغ وقدره
خلهم يشحنونها لك الى مركز الغويفات يمكن اتكلف 800 ريال
والله لايهينك خذ لك قلص معاك واطلع استلمها من مركز الغويفات ودخلها المراكز
كل السالفه نص ساعه في مركز الغويفات ونص ساعه في البطحا
الخبــره
31-12-2009, 07:31 PM
الله لا يهينكم يالربع وارحم الله والديكم
ماقصرتوا

الدراجة بولارس اس موديل 2010
الشحن مع الرسوم طلع علي للحين 4500
وفوق هذا ماعندي مشكلة بدفع وعن عوار الراس بس بعد ماخلصت
سافرت الامارات وبعد ماقدرت اخلص بسرعة
في خربطة في الاجراءات واحتمال القرار يكون بالشحن عن طريقة شركةالصحراء
الله يهدي الوكيل لو موفرها في الدوحة ابرك بس الواحد شيقول
فقط قطر
01-01-2010, 09:40 AM
اسمع...اخوي..عندك شركة الفا ون في الدوحة...مديرهم اسمه عبدالرشيد ( بس يعجبك ) وهم نفس الشركة اللي في الامارات..
واذا تبي رقم جواله ممكن ادزه لك مسج...
super123
02-01-2010, 02:05 PM
بالتوفيق
الخبــره
03-01-2010, 05:28 PM
ابشركم يالربع
الدراجة وصلت البيت الحمدلله
خذت سيارتي والتيدر وحملت الدراجة وتوكلت على الله
ومريت على الحدود وكانت الامور طيبة