من يبلغ شياب قطر ويسوي خير

[بن موسى]

ياجماعة خير اليوم كان واحد من الشياب واقف قدام احد المحلات بسيارته في شارع معيذر وانحرف عليه شخص اسيوي من الشارع العام واصتدم به والحمدلله الله سلم الاثنين 0 بس المشكلة عندما حضر المحقق وابرز الشايب رخصتة وكانت رخصة قاطره ومقطورة 0 قال له المحقق انت تعتبر تقود سيارتك بدون رخصة قيادة لانه حسب قانون المرور الجديد من يحمل رخصة قيادة عامه لايجوز له قيادة السيارات الخفيفه0 مع العلم بان الشايب المذكور حصل على الرخصة العامه بالتدرج حسب القانون القديم يعني تاخذ رخصة خفيفه وبعد فترة تتقدم بفحص جديد لقيادة السيارات الثقيله 0 والان اعتبر الشايب يقود سيارتة بدون رخصة قيادة وسوف يحول لمحكمة المرور 0 فاكيف يصير هذا 0
واللي عندة حد من شيابة يسوق برخصه ثقيله يبلغه لايتوهق ويستعجل للمرور يعدل وضعة 0
الظاهر الجماعة محتاجين فلوس باي شكل وباي طريقة

[بوطويشم]

السلام عليكم

وش ذنب الشايب

اذا المرور ما حطو اعلاتات في الجرايد

و المجلس الشورى مادري متى يدخلون ويوقفون المرور عند حدهم كل يوم قانون وما يبلغون احد

[المقهوره]

شلون قاطره ومقطوره

رخصة ابوي عاديه نفس رخصتي مكتوب فيها ( رخصة سوق)
الي فيها خط اخضر


وتنتهي في 2014

هالشايب قطري ؟

ما خبر الشياب القطرين عندهم رخص ثقيله إلا الي يسوق دنكر والخ

[كازانوفا]

الظاهر الجماعة محتاجين فلوس باي شكل وباي طريقة


هاي الجمله اسمعها دايما
ربي يهون علينا مصائب الدنيا عشان لا ننشغل عن الاخره

[الخارجية]

الله يهديهم

[العلم الوكاد]

اخوي بحثت في قانون المرور رقم 19 لسنة 2007

وما حصلت ما يفيد تطبيق مثل هذه المخالفة

الا المادة 29

لا يجوز سياقة أي مركبة ميكانيكية على الطريق إلا بعد الحصول على رخصة سوق من السلطة المرخصة ، تخول حاملها سياقة مثل تلك المركبة

يمكن استنادا الى الجملة الاخيرة وان كانت في اعتقادي تطبقا تصاعديا

يعني المفروض اخالف صاحب الرخصة الخفيفة اللي يسوق ثقيل

لكن ما اخالف صاحب الرخصة الثقيلة اللي يسوق خفيف

على اعتبار انه معه رخصة ثقيلة فأكيد عدى مرحلة الخفيف

[خالد_قطر]

شلون قاطره ومقطوره

رخصة ابوي عاديه نفس رخصتي مكتوب فيها ( رخصة سوق)
الي فيها خط اخضر


وتنتهي في 2014

هالشايب قطري ؟

ما خبر الشياب القطرين عندهم رخص ثقيله إلا الي يسوق دنكر والخ

أختي معظم شياب قطر ليانسهم ثقيلة خصوصا الي اشتغلوا في دخان وكانوا معظم الي يسوقون باصات المدارس قطريين طبعا هاي كان في الستينات والسبعينات لين الله فتح عليهم.
بس معظمهم غيروا لياسنهم إلى خفيفة

[سهم مديون]

يجب ان يكون هناك اعلان وتوجيه من إدارة المرور بضرورة تعديل وضع هؤلاء حسب قانون المرور الجديد

[المقهوره]

أختي معظم شياب قطر ليانسهم ثقيلة خصوصا الي اشتغلوا في دخان وكانوا معظم الي يسوقون باصات المدارس قطريين طبعا هاي كان في الستينات والسبعينات لين الله فتح عليهم.
بس معظمهم غيروا لياسنهم إلى خفيفة

اها شكرا للتوضيح

[بن موسى]

بوطويشم 0عليكم السلام ورحمة الله وبركاته 0ذنبه انه مادفع المعلوم وقدرة 600 ريال
المقهوره 0الرخصة تكون مرقمه من 1 لا4 == 1 =دراجه ناريه 2=سيارات خفيفه 3= قاطره ومقطورة 4=اليات وكان في الاول ماحد يقدر ياخذ الرقم 3 الا بعد ان يكون حصل على الرقم 2 لمدة سنتين او ثلاث انشاء الله اكون وصلت المعلومه0
كازانوفا - والله الظاهر نعم محتاجين جدآ 600 ريال من كل شخص تسوي ميزانيه0
الخارجية - اللهم امين
العلم الوكاد -نعم اخوي هم يبون اللي عندة رخصه عامه يرجع ويعمل رخصه خفيفه مرة اخرى وهذا ماله تفسير عندي الا انهم يبون فلوس وبس0
خالد_قطر - شكرآ لك اصبت في التفسير
سهم مديون -الله يهديك تبي اللي يلمونه من الشياب يعطونه الجريدة في علان ليش تبي تخسرهم قيمة المخالفات اللي لموها0 مايصير وانا اخوك المخسر عدو مبين