لازم نشتري سياره فخمه حق واسطه الشارع ؟؟؟؟ [الأرشيف]

بومحمد المطاوعه

30-12-2009, 01:18 PM

السلام عليكم ورحمه الله وبركاته

شخباركم يالغاليين

حبيت اطرح لكم الموقف الي صار لي

في يوم من ايام قبل اليوم الوطني 18/12/2009م

الصراحه كنت راجع من السوق

وزحمه ومسيره خفيفه زحمه الكورنيش المعروفه من الساعه 7 لين 10 تقريبآ

المهم وصلت اول دوار الي هو دوار المسرح

الشرطي مسكر الشارع لازم اتروح سيده على دوار البريد

قلت حق الشرطي انا هلي معاي

ومشغول قالي ماقدر تعليمات من فوق
خليت الدوار وقلت له مشكور اخوي

ورحت عنه وصلت لين دوار البريد مع زحمه الشارع ومصخره الي صايره

والي معور قلبي انه هلي يشوفون هالمصخره تصير ف الكورنيش

وانا ماسك اعصابي في الزحمه تقريبآ 10 دقايق

لين ماوصلت الدوار والشرطي مسكر الدوار مايخليك اتلف الدوار علشان اتروح يسار

على اشارات البريد الي هو اشاره نادي قطر

وقفت عند الشرطي قالي السموحه اخوي ماقدر اخليك تدخل

قلت له يا ابن الحلال انا هلي معاي ماتشوف

قال والله ماقدر وتعليمات من فوق واذا خليتك بيسوون لي سالفه
انقهر وقلت له تعليماتكم حلوه الصراحه ومشكور على تعوانكم مع الشعب

انا ماجاي استانس في المسيره ولا جاي اتمشى ولا جاي اسوي مسيره انا جاي مع هلي مب ربعي لو مع ربعي ماعليه خلوني اروح لين ادش برج كيوتل الله يهديك

الشرطي الي على دوار المسرح ماخلاني اطوف وانت بعد ماخليتني يعني شاسوي ادش واشوف

المهزله والزحمه مب مجبور انا اروح سيده

قالي ماقدر واسمحلي يالغالي قلت له لو غالي خليتني اطوف بس حق ناس وناس

حركت عنه وانا معصب وضاغط حد الريس جنبه

وصلت لين دوار الشيراتون بعد 15 ولا 12 دقيقه ومع اني اكسر على فلان وعلان

واعدي من يمين لين يسار وتوزع سلامات بس علشان يعطونك درب

المهم وصلت لين الدوار وانا واقف نص الدوار شفت بورش كايين ووقف جنب الشرطي

وخلاه يمر مع انه بروحه محد معاه قلت هالشرطي طيب بيخليني اطوف

وصلت لين عند الشرطي وسلمت عليه

وبدووووووون لا اقول ولا حرف

قالي ماعليك امر روح سيده قلت له نعم ماتشوف هلي معاي

انا شلي خص ف المسيره انا مشغول وهلي معاي يعني لازم اتدخلني وتحشرني ف الزحمه

قالي ماقدر اخليك اتطوف قلت له انزين والبورش قالي شاسوي ماقدر السموحه

قلت له يعني لازم ناخذ سيارات كشخه وسيارات فخمه علشان تخلون الواحد يطوف ؟

قالي اخوي الله يرضى عليك حرك

قلت له اصلن مافيك خير ولا يشرفني اني اتكلم معاك

واقعد اقولك ماعليك امر

قالي مشكور وجزاك الله خير قلت له انت الله يسامحك ان شاءالله دنيا واخره

المشكله شايل اسمه من صدره

قلت له الواسطه فوق القانون وحركت عنه وانا معصب

يعني ابي افهم شي واحد ليش حق ناس وناس

ليش يخلي راعي البورش يطوف وانا عندي كروزر ومع هلي قالي روح سيده؟

ابي تفاعل منكم حد يرضى يصير مع هله نفس ماصار لي

حد يرضى يدخل اهله مكان ومجبور عليه من قبل الداخليه ومن شرطه المرور

من مصخره الي صارت ف الكورنيش

من رقص وغيره ..؟

والله اني كاتب الموضوع ومنقهر :anger1:

كازانوفا

30-12-2009, 01:30 PM

خلص الموضوع و صار ليش تعيد بماضي راااح؟؟؟؟؟؟ ايش بتستفيد؟؟ بتبرد نارك من الردود؟؟؟
اذا كان بالفعل الردود بتبرد نااارك خلنا نقراااا
مجرد راائي

كيلو حديد

30-12-2009, 01:41 PM

ما يسوى عليك هالزعل فديتك الطيب

أنا خذيت أهلي وشفنا الألعاب وتلعوزنا بالزحمه وأحنا طالعين أكثر من ساعه ونص

كنت بطالع من الإشارات اللي جنب نادي الدانه وبروح صوب دوار نادي قطر
حولوني صوب اشارات الستي

وشفنا زي ما قلت اللي صاير من رقص ومصخره

بس إستغليت هالموضوع في توضيح هالشئ للأهل وكيف الناس تغيروا
وكيف أن ذولي مالهن قيمه وبأنهن نزلن من أنفسهن بالحركات اللي يسوونهن

الواحد يقدر يستغل الموقف لو ضده لمصلحته قدر الإمكان

كاتم الاسرار

30-12-2009, 01:48 PM

عادي اخوي ولد المطاوعه من زمااااااااان سالفه السياره واسطه تذكرني بمسلسل فايز التوش الله يعييييينك والله انت جرب مره اخذ سيارة احد من ربعك كشخه ورقم كشخه وشوووووف العجائب في كل مكان والله

@@ديزل@@

30-12-2009, 01:49 PM

اخوي يمكن رااعي البوورش يكون مسواال ولا وزير لا تحكم على قبل كل شي مداام تدري في زحمه ليش ترووح

M.Alkhater

30-12-2009, 02:09 PM

ماصكروا الشارع الا وفيه شي ..

يمكن في احد بيمر او شي مهم ..

وراعي البورش يمكن من اللي بيمرون او حررس او آلخ . .

وهآي شي آكيد فديتك عندك وآسطه بتمشي ماعندك تم مكآنك ..

ريم المدينة

30-12-2009, 02:16 PM

حتى الشارع فيه واسطة!!

هذلان

30-12-2009, 02:18 PM

السلام عليكم

انا مريت بنفس الموقف الي مريت فيه بس اني كنت بروحي و ابي الحق على دوامي بطلت الدريشه و كلمت الشرطي توني بقوله اااااء قالي وهو معصب اسمحلي روح سيده ما اقدر اسويلك شي .. قلت له انا اقدر .. شغلت الدبل و ركبت الرصيف و شقحت على الشارع الثاني هالموقف صادني عند اشارات سوق واقف و الشرطي كان مخلي السير يروح للكورنيش و انا ابي اشرد عن الزحمه .

ادري تصرف غير صحيح و ما احترمت رجل الشرطه بس هو الي اظطرني على هالشي او بمعنى الصح المخرج كان عاوز كدا

بـن عدوان

30-12-2009, 02:19 PM

الله يعينك ياخوي ..

بس مادري يمكن راعي البورش حد من المسؤولين او الضباط .. الخ .. ؟؟

alrheeb2020

30-12-2009, 02:23 PM

خلص الموضوع و صار ليش تعيد بماضي راااح؟؟؟؟؟؟ ايش بتستفيد؟؟ بتبرد نارك من الردود؟؟؟
اذا كان بالفعل الردود بتبرد نااارك خلنا نقراااا
مجرد راائي

مع احترامي ..

ليش تعبت يدك يالغالي وكتبت .؟؟ :nice:

هذلان

30-12-2009, 03:11 PM

مع احترامي ..
ليش تعبت يدك يالغالي وكتبت .؟؟ :nice:
:victory:

:D

B7r_QTR

30-12-2009, 03:31 PM

ولد المطاوعة

شكلك تكتب الموضوع وانت معصب ومنقهر

وماتنلام الصراحة

ولام الله من لامك

كنهم يجبرونك الا تشوف المسخرة اللي صايرة

ماقدر اعلق على موضوع البورش اللي خلاها تمر,,

لكن المفروض انه يخليك تمر,,,, او أنك توقف على راسه وتخليه يطير ويوقع لين بالغصب يخليك تمر.

تغلبية

30-12-2009, 03:47 PM

السلام عليكم

انا مريت بنفس الموقف الي مريت فيه بس اني كنت بروحي و ابي الحق على دوامي بطلت الدريشه و كلمت الشرطي توني بقوله اااااء قالي وهو معصب اسمحلي روح سيده ما اقدر اسويلك شي .. قلت له انا اقدر .. شغلت الدبل و ركبت الرصيف و شقحت على الشارع الثاني هالموقف صادني عند اشارات سوق واقف و الشرطي كان مخلي السير يروح للكورنيش و انا ابي اشرد عن الزحمه .

ادري تصرف غير صحيح و ما احترمت رجل الشرطه بس هو الي اظطرني على هالشي او بمعنى الصح المخرج كان عاوز كدا

http://www.mooode.com/data/media/108/d_clap_0145.gif

http://www.mooode.com/data/media/108/d_clap_0145.gif

http://www.mooode.com/data/media/108/d_clap_0145.gif

الصراحة .. الشرطي غلطان غلطان !!

فلفل حار

30-12-2009, 03:53 PM

ماصكروا الشارع الا وفيه شي ..

يمكن في احد بيمر او شي مهم ..

وراعي البورش يمكن من اللي بيمرون او حررس او آلخ . .

وهآي شي آكيد فديتك عندك وآسطه بتمشي ماعندك تم مكآنك ..

:victory:

وسع خاطرك يا ولد المطاوعه ...

والله كريم يالغالـي ...
:telephone:

CH Engineer

30-12-2009, 05:57 PM

الواسطه فكل مكان
المفروض انك تروح من ورى الديوان وتفك عمرك

القلم الصريح

30-12-2009, 06:11 PM

هدي هدي هدي هدي

اتوقع الكيبورد راح فيها وانت تكتب الموضع اللي يقهررررررررررررر من قلببببببببب

اللي راح راح وحنا اولاد النهرده

العلم الوكاد

30-12-2009, 06:12 PM

هو كلة يوم واحد في السنة
يعني اش بيصير لو حركت من دوار للثاني
هذا انت زعلت وانت في السيارة ومستانس
اشلون رجل المرور اللي واقف بالساعات ويستحمل كلام فلان وعلان
وكلة للمصلحة العامة انا اشوف ما فيه شي اذا تأخرت 20 دقيقة او قطعت كيلوين زيادة
كله عشان خاطر قطر يهون وبعدين مثل ماقالوا الاخوان يمكن اللي خلاه يطوف اما ضابط او مسؤول
يقولك راعي المثل (الناس ما لهم الا الظاهر) انت شفته عداه قلت واسطة
بس الاكيد ان التعاون والالتزام في مثل هالمناسبة مطلوب من الكل

مرتبش

30-12-2009, 06:17 PM

معليش اسمحلي ردي شوي مختلف
انا استغرب من اللي يصر انه يلف رغم وجود الشرطة ومانعة اللي قبله واللي قبل قبله
ساعات يسوون زحمة مالها داعي.. شفت الشرطي ما مشى اللي جدامك ,,ليش تجابله وطوفني وانا مستعجل وانا مضطر..

بيانو

30-12-2009, 06:50 PM

[COLOR="Navy"]هدى أعصابك أخوى ومعلش

والموضوع اللى تكلمت فيه هذا أمر واقعى بعيداً عن اليوم الوطنى والمسيره

يعنى بالايام العاديه بأى شارع إذا ما كان عندك سياره محترمه وكشخه خلك على اليميييييين علطوووووووووول - وأوعى تفكر تروح يسار -- ترى الكشيخه بيدسوك

هذا هو قانون الشارع للأسف

الحياه = مظاهر

هدى أعصابك وإنسى الأمره كله ولاكن لا تنسى فرحه اليوم الوطنى:victory: أعاده الله عليكم باخير/COLOR]

سهم مديون

30-12-2009, 07:29 PM

وسع بالك طال عمرك وحصل خير هؤلاء رجال المرور اعرف بتنظيم السير

Just a Gurl

30-12-2009, 07:51 PM

اي طبعا لازم تكون عندك سياره كشخه عشان تنحط فوق الراس....
امش ببورش ولا مرسدس وشوف شلون الناس تفتح لح لا وتعطيك سلام وتبتسم لك بعد!!!
اما لو انك في عراوي،، الكل يلف عليك ويهرن لك ويديم لك!!!

Northman

30-12-2009, 08:56 PM

في ناس عندهم تصريح vip يدخلون الاماكن المسكره يمكن راعي البورش عنده

halcrow

30-12-2009, 09:23 PM

الله يهداك تلوم الشرطي ...ماتدري فيه الف موتر وراه يدور السبه عليه وللاسف تحصلهم بنات وعوايل

وفي شي ثاني ......يعني بذمتك معروف انه يوم وطني وزحمه وين ذكائك ..... ليش تقط روحك في هالمكان وكلنا عارفين شنهو طريق الكرنيش وخاصه في المسيرات واليوم الوطني الا اذا انت الله بالخير

وذا على راعي البورش ياخي ماتدري يمكن شخص مسؤول..... مع ان البورش صاير موتر عادي ...في كل شارع تعينه مثل الجي

الشاااهين

30-12-2009, 09:47 PM

والله شبابنا طيبين ياخوي بس لاتنسى انهم شرطه وعندهم أوامر ويمكن اي تجاوز منهم يعطونه محكمه عسكريه وبالنسبه لراعي البورش احنا مانعرف الغيب أكيد مسموح له ولا ماخلاه يدش

الله يرزقك موتر كشخه وما فيه داعي تزعل اخوي.

هذلان

30-12-2009, 11:42 PM

http://www.mooode.com/data/media/108/d_clap_0145.gif

http://www.mooode.com/data/media/108/d_clap_0145.gif

http://www.mooode.com/data/media/108/d_clap_0145.gif

الصراحة .. الشرطي غلطان غلطان !!

اشكرج

مافيه داعيه تنحنين لي اعجاباً :nice:

صوت الضمير

30-12-2009, 11:44 PM

أعتقد أخوي .. إن الشرطي ماغلط عليك وكلمك بكل أحترام .. واللي سواه كلنا بنسويه لاجأت الحزه

وهذا واجبه ووظيفته .. وأنا لو مكانه بسوي مثله .. لان لوخلاك تمر بجي غيرك وهكذا..

رجال المرور .. ورجال لخويا بالتحديد .. أكن لهم كل الأحترام والتقدير ..

يقف تحت أشعة الشمس وينظم السير.. ويقف تحت المطر وفي عز البرد ..

الله يوفقهم أعيالنا ..

وشكراً شكراً شكراً للحامين الوطن

أبداع

دلوليانوز

31-12-2009, 02:27 AM

كذا الدنيا..عادي
وعيش حياتك

اشوف مظبط الكروزر بالتوقيع

لايكون هاي الموتر..

هام السحاب

31-12-2009, 03:01 AM

مايسوى عليك
حاط موضوع طول في عرض عشان ماخلاك تطوف
هدي هدي

محمد 1977

31-12-2009, 06:22 AM

أخوي بارك الله فيك بصراحه انا لو مكان الشرطه والله ماخليك تطوف وانت طايح استهزاء وتجريح يعني لو انك مكانه وقالولك ممنوع حد يطوف ايش بتسوي ماتقدر تخالف التعليمات والا بتتعرض للمسائلة القانونية ،
أخوي رجل الشرطة لازم يكون له تقديره واحترامه وعلى فكره ممكن كان يخالفك على اللي سويته بس الرجال كان متسامح معاك لأبعد الحدود
تخيل انك قاعد في مكتبك وجاك واحد من المراجعين وقط ورقه في وجهك وقال لك خلصني ايش بيكون شعورك والله ان دمك بيفور ويمكن تطلب له الأمن
أخوي رجال الشرطه الله يعطيهم العافية في الصيف والشتاء تلقاهم يشتغلون بكل تفاني وبكل طيبه وبصراحه أتحداك لو تقدر انت تداوم (8) ساعات يوميا في عز الحر
بيض الله وجوههم من سعادة وزير الدوله للشئون الداخلية إلى أصغر شرطي.

ANONYMOUS

31-12-2009, 06:34 AM

الله

مع ان البورش صاير موتر عادي ...في كل شارع تعينه مثل الجي

:anger1:

راعي ال VXR

31-12-2009, 06:57 AM

أخوي بارك الله فيك بصراحه انا لو مكان الشرطه والله ماخليك تطوف وانت طايح استهزاء وتجريح يعني لو انك مكانه وقالولك ممنوع حد يطوف ايش بتسوي ماتقدر تخالف التعليمات والا بتتعرض للمسائلة القانونية ،
أخوي رجل الشرطة لازم يكون له تقديره واحترامه وعلى فكره ممكن كان يخالفك على اللي سويته بس الرجال كان متسامح معاك لأبعد الحدود
تخيل انك قاعد في مكتبك وجاك واحد من المراجعين وقط ورقه في وجهك وقال لك خلصني ايش بيكون شعورك والله ان دمك بيفور ويمكن تطلب له الأمن
أخوي رجال الشرطه الله يعطيهم العافية في الصيف والشتاء تلقاهم يشتغلون بكل تفاني وبكل طيبه وبصراحه أتحداك لو تقدر انت تداوم (8) ساعات يوميا في عز الحر
بيض الله وجوههم من سعادة وزير الدوله للشئون الداخلية إلى أصغر شرطي.

بيض الله وجيك

HEART_LION

31-12-2009, 07:38 AM

انا صار لي نفس موقفك والمشكله موتري في مواقف راس الشوعه قبل اليوم الوطني وطالع مع واحد من الربع

المهم الشارع مصكر من دوار الشيراتون ماتقدر تدش ع الكرنيش والعكس من سما دبي حاولت فيهم ياجماعه احنا ثنين وسياره وحده لا علم ولا شعار وموتري داخل اخليه يعني وبالعقل سيارة وحده بسوي مسيره بروحي ليش ممنوع؟ عندك دوريات وشيك على موتري داخل او لا .. ويصارخ بعد

اخر شي قلت حق رفيجي نزلني ع الدوار وتوكل على الله ورحت امشي

G0LD

31-12-2009, 09:38 AM

والله ياخوي كثير من إلي ردوا ماقصروا ويجوز راعي السياره الي عدت مطلوب لعمل

معين في المواقع المزدحمه أو عنده بلاغ وإلخ !!

والشرطه ماقصروا ويعطيهم ألف عافيه الصراحه

وعلى فكره بالنسبه للبورش هي سياره عاديه مش لهذي الدرجه ويمكن الجي الي عندك

أغلى منها مش عن السياره عزيزي صدقني فيه شي وإحنا لانعلم به وهناك حالات طارئه

خلف الكواليس نحن لانعلم بها !!

وبالنسبه لك لو عندك حاله طارئه صدقني راح يطوفك وبالراحه لكن شافك مع العائله

ويفكرك تتمشى نفس بقية الخلق !!

وسع صدرك ومافيه أل كل خير

دمت بود

السد

31-12-2009, 11:43 AM

وليش اخوي اتعصب
اعصابك خلها في ثلاجة
اولا : ليش اتجيب اهلك الاماكن المزدحمة لماذا لما تختار البديل
ثانيا : هل عرفت من يسوق البورش
احتمال أنا:victory::victory::victory:

الـقـاسـي

31-12-2009, 01:47 PM

اخوي مهما كان ترى انت غلطت بكلامك مع الشرطي والشرطي كان محترم وياك لابعد الحدود ..
وتدري اقل شي كان ممكن يسوية شنو ؟؟
يشتكي عليه وتكون القضيه اهانة موظف اثناء تأديه عمله وانت اللي بتتضرر فالنهايه ولو انا مكانه سويت نفس الشي ..
احياننا في شرطه يسوونها يطوفون ربعهم او غيره ..
وترى احياننا في ناس يكون عندهم في بطاقه سواء بطاقه الدوام او غيره انه عدم التعرض لحامل هذه البطاقه او السماح له بدخول جميع الاماكن ..

فـ لاتسيء الظن انا معاك انه شي يقهر ويرفع الضغط ..

لكن كان المفروض منك انك ماتروح اصلا ويا هلك صوب الكورنيش يوم زحمه ومسيره وعقب تحلطم تقول هلي وياي وخلوني امشي فالمسيره الغلطة من البداية غلطتك ..

شبح الصمت

31-12-2009, 01:56 PM

أخوي ولد المطاوعه
خل موضوعك وحتسبه لوجه الله واذا لك حق ربك ما يفوت حق المظلوم
وصدقني الشباب مساكين عندهم اوامر وصدقني صدقني انا رحت يوم الجمعه العيد الوطني وكانوا الشرطة مسهلين كل شيء والخويا والدوريات والفزعه ،، بس انت يمكن رحت حزت الزحمة وهم ما يخلون احد يمر لأنه اشلون محد يمر وانت بروحك مار ما يصير ،، وثاني شيء صدقني راعي البورش توقع ضابط والا شخص من الاشخاص الي عندهم بطاقات الدخول لأي منطقة ..
ياولـد المطاوعه وســـــــــع الخاطر يا صاحبي وخل الهمـــوم تنزاح
ماهو غلط منك الغلط يوم تخطي والبشر من حوالينك تقول انها صح

وطن

31-12-2009, 01:58 PM

هم يوم او يومين في السنة اللي فيهم الاحتفالات
ومعروف انه مسيره واكيد زحمه !!!
واكيد ان الشوارع مسكره
واكيد بتشوفون مناظر ما تسر

اللي ماله حاجه في ذاك اليوم لا يطلع ويعرض نفسه لمواقف ما يبيها
او انه يستخدم الطرق البديله !!!

وبخصوص راعي البورش الأكيد انه عنده تصريح

او انه مسؤول مثل ما قالوا الاخوان اللي قبلي

بومحمد المطاوعه

01-01-2010, 01:36 PM

ما يسوى عليك هالزعل فديتك الطيب

أنا خذيت أهلي وشفنا الألعاب وتلعوزنا بالزحمه وأحنا طالعين أكثر من ساعه ونص

كنت بطالع من الإشارات اللي جنب نادي الدانه وبروح صوب دوار نادي قطر
حولوني صوب اشارات الستي

وشفنا زي ما قلت اللي صاير من رقص ومصخره

بس إستغليت هالموضوع في توضيح هالشئ للأهل وكيف الناس تغيروا
وكيف أن ذولي مالهن قيمه وبأنهن نزلن من أنفسهن بالحركات اللي يسوونهن

الواحد يقدر يستغل الموقف لو ضده لمصلحته قدر الإمكان

هاي المشكله

كل شي تحويل في تحويل ويسببون الزحمه

بومحمد المطاوعه

01-01-2010, 01:37 PM

عادي اخوي ولد المطاوعه من زمااااااااان سالفه السياره واسطه تذكرني بمسلسل فايز التوش الله يعييييينك والله انت جرب مره اخذ سيارة احد من ربعك كشخه ورقم كشخه وشوووووف العجائب في كل مكان والله

ههههههههههه اي والله مسلسل فايز التوش

صدقت يخافون من رقم الثلاثي ولا من موتر كشخه

انا اعرف شباب يشتغلون في المرور وبلسانهم يقولون لنا

مانقدر نسوي شي لو شفناه راكب موتر كشخه ورقمه مميز

واحنا المساكين صك مخالفات فينا

بومحمد المطاوعه

01-01-2010, 01:39 PM

اخوي يمكن رااعي البوورش يكون مسواال ولا وزير لا تحكم على قبل كل شي مداام تدري في زحمه ليش ترووح

ياخي بس مجرد بورش

لا رقمه زين ولا شي

بس يمكن يكون رفيجه

ليش لا

يمشي ربعه والناس لا

معروفه السالفه

بالغلط دخلت على بالي زحمه كل يوم

نفس اي يوم من الايام العاديه

اصلن الكورنيش ولا عمره فاضي

لازم زحمه

بومحمد المطاوعه

01-01-2010, 01:41 PM

ماصكروا الشارع الا وفيه شي ..

يمكن في احد بيمر او شي مهم ..

وراعي البورش يمكن من اللي بيمرون او حررس او آلخ . .

وهآي شي آكيد فديتك عندك وآسطه بتمشي ماعندك تم مكآنك ..

لا لا راعي البورش كان منحشر ويانه ف الزحمه

اي والله لو عندك واسسطه شيييخ ولو ماعندك خلك مكانك

بومحمد المطاوعه

01-01-2010, 01:42 PM

حتى الشارع فيه واسطة!!

اي عيل شلووون

بومحمد المطاوعه

01-01-2010, 01:44 PM

السلام عليكم

انا مريت بنفس الموقف الي مريت فيه بس اني كنت بروحي و ابي الحق على دوامي بطلت الدريشه و كلمت الشرطي توني بقوله اااااء قالي وهو معصب اسمحلي روح سيده ما اقدر اسويلك شي .. قلت له انا اقدر .. شغلت الدبل و ركبت الرصيف و شقحت على الشارع الثاني هالموقف صادني عند اشارات سوق واقف و الشرطي كان مخلي السير يروح للكورنيش و انا ابي اشرد عن الزحمه .

ادري تصرف غير صحيح و ما احترمت رجل الشرطه بس هو الي اظطرني على هالشي او بمعنى الصح المخرج كان عاوز كدا

ياريال بعض الاحيان اسلوبهم

خايس الصراحه

يخلييك تغلط عليه

وبعض الشرطه تشيلهم فوق راسك

الله المستعان

بومحمد المطاوعه

01-01-2010, 01:45 PM

الله يعينك ياخوي ..

بس مادري يمكن راعي البورش حد من المسؤولين او الضباط .. الخ .. ؟؟

يعين الجميع

اوكي مب مشكله خله لو يكون من

بس انا وقفت وكلمته باحترام

بس اهو جنى على نفسه

خلاص ليش اقعد احترمه اذا اهو ماقدر وضعي

بومحمد المطاوعه

01-01-2010, 01:47 PM

ولد المطاوعة

شكلك تكتب الموضوع وانت معصب ومنقهر

وماتنلام الصراحة

ولام الله من لامك

كنهم يجبرونك الا تشوف المسخرة اللي صايرة

ماقدر اعلق على موضوع البورش اللي خلاها تمر,,

لكن المفروض انه يخليك تمر,,,, او أنك توقف على راسه وتخليه يطير ويوقع لين بالغصب يخليك تمر.

ياريااال المشكله

اسلوب مافي اشلون تبيني اتكلم وياه

ليكون بعد اروح واحب راسه

هاي الي ناقص يصير ف الدوحه

والله مهزله في تعامل الناس

مب الكل في بعض الشرطيين

قسم بالله تشيله فوق الراس من الاحترام من التصرف من الادب

من كل شي

بس بعضهم يخليك تتحسف انك كلمته

بومحمد المطاوعه

01-01-2010, 01:48 PM

:victory:

وسع خاطرك يا ولد المطاوعه ...

والله كريم يالغالـي ...
:telephone:

الحمدلله موسع خاطري

ولا مفتكر اصلن في تصرف غير لائق من قبل شرطي المرور ولا اي شخص

بس الي قهرني مايقدروون وضعك ولا يقدروون انه هلك معاك

مايهمهم هالشي ابد

بومحمد المطاوعه

01-01-2010, 01:49 PM

الواسطه فكل مكان
المفروض انك تروح من ورى الديوان وتفك عمرك

تحسفت اني دخلت

انا على بالي زحمه كل يوم

نفس الكورنيش معروفه زحمتها

مادري انه مسيره وعفسه

مع انه قبل يوم الوطني

الله كريم

بومحمد المطاوعه

01-01-2010, 01:50 PM

هدي هدي هدي هدي

اتوقع الكيبورد راح فيها وانت تكتب الموضع اللي يقهررررررررررررر من قلببببببببب

اللي راح راح وحنا اولاد النهرده

هههههههههههههههههههه

الجاي اخس بعد :victory:

بومحمد المطاوعه

01-01-2010, 01:52 PM

هو كلة يوم واحد في السنة
يعني اش بيصير لو حركت من دوار للثاني
هذا انت زعلت وانت في السيارة ومستانس
اشلون رجل المرور اللي واقف بالساعات ويستحمل كلام فلان وعلان
وكلة للمصلحة العامة انا اشوف ما فيه شي اذا تأخرت 20 دقيقة او قطعت كيلوين زيادة
كله عشان خاطر قطر يهون وبعدين مثل ماقالوا الاخوان يمكن اللي خلاه يطوف اما ضابط او مسؤول
يقولك راعي المثل (الناس ما لهم الا الظاهر) انت شفته عداه قلت واسطة
بس الاكيد ان التعاون والالتزام في مثل هالمناسبة مطلوب من الكل

صح كلامك بس ماتعوان معاي؟

انا مب بروحي ولا جاي المسيره استانس مع هلي

ولا جاي اراويهم الكورنيش

انا جييت وابي اعدي اروح البيت

لازم اقعد واقول حق الشرطي والله ابوي ولا امي مريضه بالسكري

بطل الشارع علشان اطوف

مب كلام هاي

بس هانت عادي

احنا في قطر لازم قطر لغيير القطريين

بومحمد المطاوعه

01-01-2010, 01:53 PM

معليش اسمحلي ردي شوي مختلف
انا استغرب من اللي يصر انه يلف رغم وجود الشرطة ومانعة اللي قبله واللي قبل قبله
ساعات يسوون زحمة مالها داعي.. شفت الشرطي ما مشى اللي جدامك ,,ليش تجابله وطوفني وانا مستعجل وانا مضطر..

على بالي رجال فيه خير

مادريت انه حق ناس وناس

يمكن راعي البورش رفيجه من جذي طوفه

بومحمد المطاوعه

01-01-2010, 01:54 PM

[color="navy"]هدى أعصابك أخوى ومعلش

والموضوع اللى تكلمت فيه هذا أمر واقعى بعيداً عن اليوم الوطنى والمسيره

يعنى بالايام العاديه بأى شارع إذا ما كان عندك سياره محترمه وكشخه خلك على اليميييييين علطوووووووووول - وأوعى تفكر تروح يسار -- ترى الكشيخه بيدسوك

هذا هو قانون الشارع للأسف

الحياه = مظاهر

هدى أعصابك وإنسى الأمره كله ولاكن لا تنسى فرحه اليوم الوطنى:victory: أعاده الله عليكم باخير/color]

عادي مب مشكله

ماكلينها ماكلينها

بومحمد المطاوعه

01-01-2010, 01:55 PM

وسع بالك طال عمرك وحصل خير هؤلاء رجال المرور اعرف بتنظيم السير

الحمدلله وسعت بالي

وعمرك ياخوي

اي صح مقدر كل تصرفاتهم

بس لو يتعاونوون مع الشعب

الي معاه اهله ولي مريض

مب يحشرونه ف الزحمه حاله من حال واحد جاي المسيره

يستانس

بومحمد المطاوعه

01-01-2010, 01:57 PM

اي طبعا لازم تكون عندك سياره كشخه عشان تنحط فوق الراس....
امش ببورش ولا مرسدس وشوف شلون الناس تفتح لح لا وتعطيك سلام وتبتسم لك بعد!!!
اما لو انك في عراوي،، الكل يلف عليك ويهرن لك ويديم لك!!!

ههههههههههههههههههههه

اي والله يا اخوي صادق

الله كرييم

الناس مظاهر ف الدنيا

وفي الاخره عذابهم أليم

eXpert*

01-01-2010, 01:57 PM

كان المفروض منك انك ماتروح اصلا ويا هلك صوب الكورنيش يوم زحمه ومسيره وعقب تحلطم تقول هلي وياي وخلوني امشي فالمسيره الغلطة من البداية غلطتك ..

مايصحّ الأ الصحيح

بومحمد المطاوعه

01-01-2010, 01:58 PM

في ناس عندهم تصريح vip يدخلون الاماكن المسكره يمكن راعي البورش عنده

صح كلامك يمكن عنده

بس على الاقل يقدر وضعي ويقدر ان معاي اهلي والوالده مريضه

هاي الي خلاني اعصب عليهم

بومحمد المطاوعه

01-01-2010, 01:59 PM

الله يهداك تلوم الشرطي ...ماتدري فيه الف موتر وراه يدور السبه عليه وللاسف تحصلهم بنات وعوايل

وفي شي ثاني ......يعني بذمتك معروف انه يوم وطني وزحمه وين ذكائك ..... ليش تقط روحك في هالمكان وكلنا عارفين شنهو طريق الكرنيش وخاصه في المسيرات واليوم الوطني الا اذا انت الله بالخير

وذا على راعي البورش ياخي ماتدري يمكن شخص مسؤول..... مع ان البورش صاير موتر عادي ...في كل شارع تعينه مثل الجي

مشكور ع الرد

جزاك الله خير

اقرأ موضوعي عدل عقب تكلم

قلت لك بالغط دخلت الكورنيش

على بالي زحمه كل يوم

ليش مره من المرات رحت الكورنيش الساعه 8 ولا حصلت زحمه

والله اذا عندك هليكوبتر هذا شي ثاني

بومحمد المطاوعه

01-01-2010, 02:01 PM

والله شبابنا طيبين ياخوي بس لاتنسى انهم شرطه وعندهم أوامر ويمكن اي تجاوز منهم يعطونه محكمه عسكريه وبالنسبه لراعي البورش احنا مانعرف الغيب أكيد مسموح له ولا ماخلاه يدش

الله يرزقك موتر كشخه وما فيه داعي تزعل اخوي.

اي اخوي صح كلامك مقدر وظيفته وأوامره

مب زعلان بس منقهر

الله يسمع منك ان شاءالله

يكون عندنا موتر كشخه علشان نركب فوق الدوار ومحد يكلمنا ههههههههه

eXpert*

01-01-2010, 02:01 PM

على بالي رجال فيه خير

مادريت انه حق ناس وناس

يمكن راعي البورش رفيجه من جذي طوفه

ان بعض الظن أثم

بومحمد المطاوعه

01-01-2010, 02:02 PM

أعتقد أخوي .. إن الشرطي ماغلط عليك وكلمك بكل أحترام .. واللي سواه كلنا بنسويه لاجأت الحزه

وهذا واجبه ووظيفته .. وأنا لو مكانه بسوي مثله .. لان لوخلاك تمر بجي غيرك وهكذا..

رجال المرور .. ورجال لخويا بالتحديد .. أكن لهم كل الأحترام والتقدير ..

يقف تحت أشعة الشمس وينظم السير.. ويقف تحت المطر وفي عز البرد ..

الله يوفقهم أعيالنا ..

وشكراً شكراً شكراً للحامين الوطن

أبداع

كلامك عسل اخوي

اشكرك عليه

بس تخيل انت في السياره وحد معاك مريض؟

ترضى يصير فيك نفس ماصار فيني؟

بومحمد المطاوعه

01-01-2010, 02:03 PM

كذا الدنيا..عادي
وعيش حياتك

اشوف مظبط الكروزر بالتوقيع

لايكون هاي الموتر..

هههههههه

اي نعم هاي الموتر

بس ماكنت مضبطه وقت السالفه الي صارت لي

بومحمد المطاوعه

01-01-2010, 02:05 PM

مايسوى عليك
حاط موضوع طول في عرض عشان ماخلاك تطوف
هدي هدي

خلاص

صح مايسوى عليك بس لو جييت وشرحت حالتك عند اي شخص

انك دشت في مكان ومعاك شخص غالي عليك ومريض

عقب تعال قولي مايسوى علييك

الله لايجيب المرض حق ابوك ولا امك

بس تخيل انهم معاك وواحد فيهم مريض ترضى يصير فيك نفس الي صار فيني؟

وانا اعتبر المنتدى بيتي الثاني

مافيها شي لو اعرض موقفي على اخواني وخواتي

وشكرآ لك

ماريسا

01-01-2010, 02:07 PM

الله المستعان

بومحمد المطاوعه

01-01-2010, 02:09 PM

أخوي بارك الله فيك بصراحه انا لو مكان الشرطه والله ماخليك تطوف وانت طايح استهزاء وتجريح يعني لو انك مكانه وقالولك ممنوع حد يطوف ايش بتسوي ماتقدر تخالف التعليمات والا بتتعرض للمسائلة القانونية ،
أخوي رجل الشرطة لازم يكون له تقديره واحترامه وعلى فكره ممكن كان يخالفك على اللي سويته بس الرجال كان متسامح معاك لأبعد الحدود
تخيل انك قاعد في مكتبك وجاك واحد من المراجعين وقط ورقه في وجهك وقال لك خلصني ايش بيكون شعورك والله ان دمك بيفور ويمكن تطلب له الأمن
أخوي رجال الشرطه الله يعطيهم العافية في الصيف والشتاء تلقاهم يشتغلون بكل تفاني وبكل طيبه وبصراحه أتحداك لو تقدر انت تداوم (8) ساعات يوميا في عز الحر
بيض الله وجوههم من سعادة وزير الدوله للشئون الداخلية إلى أصغر شرطي.

الف شكر لهم

ماقلت شي ولا استهزء في وظيفته

وشي اكيد مب كفو واحد يقط علي الاوراق ويقول خلصني

بس هذا شي ماله خص بموضوع انه يفتح لك الشارع

يعني لو فتح لي الشارع

كاني قطيت الاوراق في وجها؟

وعلى طاري تتحداني اني اداوم 8 ساعات في الحر؟

انزين شسالفه انا اداوم 12 ساعه كل يوم في عز الحر

انا اتحداك انت اتداوم 12 ساااعه :tease:

بومحمد المطاوعه

01-01-2010, 02:12 PM

انا صار لي نفس موقفك والمشكله موتري في مواقف راس الشوعه قبل اليوم الوطني وطالع مع واحد من الربع

المهم الشارع مصكر من دوار الشيراتون ماتقدر تدش ع الكرنيش والعكس من سما دبي حاولت فيهم ياجماعه احنا ثنين وسياره وحده لا علم ولا شعار وموتري داخل اخليه يعني وبالعقل سيارة وحده بسوي مسيره بروحي ليش ممنوع؟ عندك دوريات وشيك على موتري داخل او لا .. ويصارخ بعد

اخر شي قلت حق رفيجي نزلني ع الدوار وتوكل على الله ورحت امشي

الله يكون في عونك

تصرف البعض من افراد الشرطه

يخلييك تعصب والمشكله

انه حامل شعار الدوله

وتقدر تاخذ اسمه وتشتكي عليه

اذا غلط عليك

ويعطيك العافيه

بومحمد المطاوعه

01-01-2010, 02:16 PM

والله ياخوي كثير من إلي ردوا ماقصروا ويجوز راعي السياره الي عدت مطلوب لعمل

معين في المواقع المزدحمه أو عنده بلاغ وإلخ !!

والشرطه ماقصروا ويعطيهم ألف عافيه الصراحه

وعلى فكره بالنسبه للبورش هي سياره عاديه مش لهذي الدرجه ويمكن الجي الي عندك

أغلى منها مش عن السياره عزيزي صدقني فيه شي وإحنا لانعلم به وهناك حالات طارئه

خلف الكواليس نحن لانعلم بها !!

وبالنسبه لك لو عندك حاله طارئه صدقني راح يطوفك وبالراحه لكن شافك مع العائله

ويفكرك تتمشى نفس بقية الخلق !!

وسع صدرك ومافيه أل كل خير

دمت بود

انا موسع صدري ياخوي

عندي حاله

يعني الوالده والوالد فيهم السكر

لو نزل السكر عليهم؟

يحتاجون ياخذون علاجهم هالوقت

بس ماقلت حق الشرطي مابي اقعد اقول حق اي شخص

يعني لو شفت الشرطي يستاهل الواحد يتكلم معاه

مب مشكله بقوله وبقوله الله يجزاك خير

خلني اطوف

اما اسلوبه مب اسلوب واحد قطري

يعني انا قطري حالي حالك

حتى ولد البلاد مايتعاونون معاه

الله المستعان

ويعطيك العافيه اخوي

بومحمد المطاوعه

01-01-2010, 02:17 PM

وليش اخوي اتعصب
اعصابك خلها في ثلاجة
اولا : ليش اتجيب اهلك الاماكن المزدحمة لماذا لما تختار البديل
ثانيا : هل عرفت من يسوق البورش
احتمال أنا:victory::victory::victory:

والله اذا انت اتسوق البورش

عيل زيين بقولهم نكك ههههههههه عند اي شرطي

انا بالغلط دخلت مب بنفسي

على بالي زحمه كل يوم

مادري مسوين مسيره قبل اليوم الوطني

تحياتي لك

بومحمد المطاوعه

01-01-2010, 02:21 PM

اخوي مهما كان ترى انت غلطت بكلامك مع الشرطي والشرطي كان محترم وياك لابعد الحدود ..
وتدري اقل شي كان ممكن يسوية شنو ؟؟
يشتكي عليه وتكون القضيه اهانة موظف اثناء تأديه عمله وانت اللي بتتضرر فالنهايه ولو انا مكانه سويت نفس الشي ..
احياننا في شرطه يسوونها يطوفون ربعهم او غيره ..
وترى احياننا في ناس يكون عندهم في بطاقه سواء بطاقه الدوام او غيره انه عدم التعرض لحامل هذه البطاقه او السماح له بدخول جميع الاماكن ..

فـ لاتسيء الظن انا معاك انه شي يقهر ويرفع الضغط ..

لكن كان المفروض منك انك ماتروح اصلا ويا هلك صوب الكورنيش يوم زحمه ومسيره وعقب تحلطم تقول هلي وياي وخلوني امشي فالمسيره الغلطة من البداية غلطتك ..

اوكي غلطتي وانا اتحملها

بس صح كلامك يعني لو واحد من ربعه كان خلاه يطوف ليش؟

مدام الشرطي اسلوبه زفت واسلوبه مب اسلوب واحد يشيل شعار الدوله

والزي العسكري ليش اقعد احترمه؟

اذا انت ترضاها على نفسك انا ما ارضاها على نفسي

ومستعد اتحول للمسائل القانونيه

الحمدلله ماصار شي في الوالده ولا الوالد

لو صار فيهم شي والله مب ساكت على الموضوع الي صار معاي

مسجل الوقت واليوم واي دوار مريت عليهم

لانه اقدر احول محكمه اذا صار في ذاك الوقت شي على حد من اهلي

ويعطيك العافيه

بومحمد المطاوعه

01-01-2010, 02:25 PM

أخوي ولد المطاوعه
خل موضوعك وحتسبه لوجه الله واذا لك حق ربك ما يفوت حق المظلوم
وصدقني الشباب مساكين عندهم اوامر وصدقني صدقني انا رحت يوم الجمعه العيد الوطني وكانوا الشرطة مسهلين كل شيء والخويا والدوريات والفزعه ،، بس انت يمكن رحت حزت الزحمة وهم ما يخلون احد يمر لأنه اشلون محد يمر وانت بروحك مار ما يصير ،، وثاني شيء صدقني راعي البورش توقع ضابط والا شخص من الاشخاص الي عندهم بطاقات الدخول لأي منطقة ..
ياولـد المطاوعه وســـــــــع الخاطر يا صاحبي وخل الهمـــوم تنزاح
ماهو غلط منك الغلط يوم تخطي والبشر من حوالينك تقول انها صح

اشكرك على كلامك يا اخوي

وصح كلامك انا كنت موجود في يوم الوطني

والحمدلله الشرطه مب مقصرين بأي شي

ومقدر راعي البورش مب معترض

يمكن يكون ضابط ولا يمكن يكون مسؤل عن شي

بس انا معاي الوالده والوالد

وفيهم السكر

يعني لو صار فيهم شي لاقدر الله والله يبعد الشر عنهم وعنكم من المسؤول ذاك الوقت؟

:weeping:

بومحمد المطاوعه

01-01-2010, 02:28 PM

هم يوم او يومين في السنة اللي فيهم الاحتفالات
ومعروف انه مسيره واكيد زحمه !!!
واكيد ان الشوارع مسكره
واكيد بتشوفون مناظر ما تسر

اللي ماله حاجه في ذاك اليوم لا يطلع ويعرض نفسه لمواقف ما يبيها
او انه يستخدم الطرق البديله !!!

وبخصوص راعي البورش الأكيد انه عنده تصريح

او انه مسؤول مثل ما قالوا الاخوان اللي قبلي

ان شاءالله كل يوم عيد واحتفالات مب زعلان من هالشي انا

بس يعني بروح السوق بقعد اصور في سوق واقف ولا اي سوق يعني

اكيد عندي شغل

الوالده تبي تشتري شي معين والحمدلله لبيت طلبها

بس تحسفت دخلت الكورنيش

بومحمد المطاوعه

01-01-2010, 02:30 PM

ان بعض الظن أثم

اي صح اخوي ان بعض الظن اثم

ونفس ماقالو الشباب

يمكن مسؤول

بعد نفس كلامك قولهم

ان بعض الضن اثم

halcrow

01-01-2010, 07:27 PM

مشكور ع الرد

جزاك الله خير

اقرأ موضوعي عدل عقب تكلم

قلت لك بالغط دخلت الكورنيش

على بالي زحمه كل يوم

ليش مره من المرات رحت الكورنيش الساعه 8 ولا حصلت زحمه

والله اذا عندك هليكوبتر هذا شي ثاني

دام انك معترف انك غلطت ودخلت الكورنيش
تحمل غلطتك بروحك ولا تحمل غلطتك الشرطي وتخليه في ورطه

والله يعطيك على قد نيتك

2010

02-01-2010, 03:02 AM

لو مكانك

امر غصب عنه

و خله يوقف قدام الموتر

بومحمد المطاوعه

02-01-2010, 04:23 PM

دام انك معترف انك غلطت ودخلت الكورنيش
تحمل غلطتك بروحك ولا تحمل غلطتك الشرطي وتخليه في ورطه

والله يعطيك على قد نيتك

اي معترف بس لو وياك

الوالد ولا الوالده مريضين فيهم السكر

عقب تعال تكلم وقول تحمل غلطتك

والله كل يوم زحمه ف الكورنيش

اعتقد هالشي معروف لو انت اتسوق وانت مغمض هاي شي ثاني

وانا فكرت زحمه العاديه

وكان الشارع الي ورى الديوان زحمه اخس واخس

بس افهمك ليش

روح اليوم وشوف بعينك

بومحمد المطاوعه

02-01-2010, 04:24 PM

لو مكانك

امر غصب عنه

و خله يوقف قدام الموتر

ياخي في بعضهم

معاملاتهم معامله يهوود

وفي بعضهم ينشالون فوق الراس