ابي مساعدتكم

[ضوى]

قدر الله وماشاء الله فعل ، سويت حادث مثل اللي شايفينه في الصورة وطلعت انا الغلطانة
وطبعا باصلح سيارتي على حسابي ولانه سيارتي جديدة موديل 2008 ومابي الوكالة لاني باتعطل جدا ، لذلك زوجي طلب مني اسالكم احسن كراج في الدوحة يعني مب الصناعية ، قريت وياه في المواضيع السابقة عن افضل كراج ومن ضمن الكراجات اللي ركز عليها كراج الساسوزكي وطبعا عجبه لانه مب في الصناعية وانا ابي اسالكم عن تجربة وين احسن كراج للدعمات اللي في الصور لانه سيارة البيت بعد مدعومة بنفس اللي في الصورة

سيارتي

http://up.arab-x.com/Dec09/aV867666.jpg (http://up.arab-x.com/)

سيارة السايق

http://www13.0zz0.com/2010/01/01/17/933912323.jpg (http://www.0zz0.com)

شاكرة مساعدتكم مقدما وادري مابتقصرون معاي

[بوناصر1]

خطاكم الشر في الحديد ولا فيكم

في كراج في الغرافة ويقع على يمينك وانتي متجه لدوار الشيخ فيصل بن قاسم

[سلمان]

محل غلاس في محطة التيسير ألي على طريق سلوى




وأنا تعامل معاه والصراحه شغله نظيف


والحمدالله على السلامه

[محمد عبدالرحمن]

الحمد لله على سلامتك أخت ضوى،

اقتراح، إن زوجك يتصل على الوكالة يسأل عن الأجزاء المتعورة في السيارة لأن التصليح مهما كان بيبين لكن لما تتغير الأجزاء ترجع السيارة وكالة بس تشوفين لج كراج صبغهم نظيف.

الحمد لله على السلامة،
محمد

[ضوى]

خطاكم الشر في الحديد ولا فيكم

في كراج في الغرافة ويقع على يمينك وانتي متجه لدوار الشيخ فيصل بن قاسم


الله يبعد الشر عن كل المسلمين يارب مشكور ياخوي جزاك الله خير

مجرب هالكراج ياخوي؟؟

[ضوى]

محل غلاس في محطة التيسير ألي على طريق سلوى




وأنا تعامل معاه والصراحه شغله نظيف


والحمدالله على السلامه


الله يسلمك ياخوي ماقصرت وجزاك الله خير

بس غلاس يصلح اللي تشوفه في الصورة ؟؟؟ لانه الباب فيه طعج خفيف !!لاني وديت له السيارة وكان فيها زلق بسيط وصبغها لي صبغ بس

[بوناصر1]

الله يبعد الشر عن كل المسلمين يارب مشكور ياخوي جزاك الله خير

مجرب هالكراج ياخوي؟؟

اي نعم مجرب هالكراج لأني مااحب اروح لزحمة الصناعية وعوار الراس .

وشغلة زين .

[ابوعلي]

محل غلاس في محطة التيسير ألي على طريق سلوى

وأنا تعامل معاه والصراحه شغله نظيف


والحمدالله على السلامه

الحمدلله على السلامة اختي ضوى


اخوي سلمان محل غلاس كنت عندهم من يومين وكنت ابي اصلح موتري والضربة قريبه من ضربة اختنا ضوى وقال ان ما يقدر يصلح ولو بيصلح يمكن بيرجع 70 %

[بن درويش]

كراج بالوكره ورى شركه النيسان

[عاشق الشهادة]

اختي ضوى عندي كراج بالصناعية يوم واحد والسياراة بتكون جاهزة وشغل محترم ولي سعر خاص عندهم ارخص من كلاس او أي كراج بقطر , واذا عن زحمة الصناعية انا مستعد اخذ السياراة واعمل الطعجات الي فيها وارجعها برأس الخدمة او السائق يجي معي مافي مشكلة المهم اني اخدمكم في أي مجال اقدر علية .

[هذلان]

السلام عليكم

ممكن اقدم نصيحه .. بما ان السياره جديده و هي سيارتج الخاصه انصح تبحثين عن الكراج الافضل بغض النظر عن مكانه لو كان في الصناعيه مثلا .. راس مالها مشاورين للصناعيه مره تنزلون السياره في الكراج و مره تاخذونها .. افضل من كراج شغله بيكون مبين .
و انصح بكراج المستقبل لو انه غالي بس شغله مميز جدا .

اخر الدعمات باذن الله :nice:

[ضوى]

الحمد لله على سلامتك أخت ضوى،

اقتراح، إن زوجك يتصل على الوكالة يسأل عن الأجزاء المتعورة في السيارة لأن التصليح مهما كان بيبين لكن لما تتغير الأجزاء ترجع السيارة وكالة بس تشوفين لج كراج صبغهم نظيف.

الحمد لله على السلامة،
محمد


الله يسلمك اخوي محمد جزاك الله خير ماقصرت

بخصوص الاجزاء المتعورة مافي قطع غيار متعورة مدري صح التعبير او لا ! بس سمكرة وصبغ يعني مايبي له يبدل شئ اعتقد :( ، والوكالة تقطع القلب في الانتظار
عموما اشكرك على اقتراحك وكفاية مرورك واهتمامك بالامر

[ضوى]

اي نعم مجرب هالكراج لأني مااحب اروح لزحمة الصناعية وعوار الراس .

وشغلة زين .

كل الشكر والتقدير اخوي الفاضل

[ضوى]

الحمدلله على السلامة اختي ضوى


اخوي سلمان محل غلاس كنت عندهم من يومين وكنت ابي اصلح موتري والضربة قريبه من ضربة اختنا ضوى وقال ان ما يقدر يصلح ولو بيصلح يمكن بيرجع 70 %

الله يسلمك من الشر ، ماقصرت جزاك الله خير


وشاكرة لك توضيحك

[ضوى]

كراج بالوكره ورى شركه النيسان

شكرا لك ماقصرت

[ضوى]

اختي ضوى عندي كراج بالصناعية يوم واحد والسياراة بتكون جاهزة وشغل محترم ولي سعر خاص عندهم ارخص من كلاس او أي كراج بقطر , واذا عن زحمة الصناعية انا مستعد اخذ السياراة واعمل الطعجات الي فيها وارجعها برأس الخدمة او السائق يجي معي مافي مشكلة المهم اني اخدمكم في أي مجال اقدر علية .


بالفعل اعجز عن الشكر لعرضك اللي لو بيدل على شئ بيدل على كرمك وشهامتك اخوي الكريم

باشوف بوعيالي وش بيرد علي وان شاء الله خير بس صدقني مارح انسى هالوقفة منك

[ضوى]

السلام عليكم

ممكن اقدم نصيحه .. بما ان السياره جديده و هي سيارتج الخاصه انصح تبحثين عن الكراج الافضل بغض النظر عن مكانه لو كان في الصناعيه مثلا .. راس مالها مشاورين للصناعيه مره تنزلون السياره في الكراج و مره تاخذونها .. افضل من كراج شغله بيكون مبين .
و انصح بكراج المستقبل لو انه غالي بس شغله مميز جدا .

اخر الدعمات باذن الله :nice:


وعليكم السلام ورحمة الله وبركاته ،

ياخوي هذلان كلامك صحيح ومقتنعة فيه ، وان شاء الله بنشوف الافضل

الف شكر وتقدير والله يجعلها اخر الدعمات ان شاء الله مع انه مالي ذنب في هالحادث ولكن قدر الله وماشاء فعل

[البحار00]

اختي انا مجرب كراج السوزوكي صراحه شغله عال العال

وكان موتري كروزر والي يشوفه الحين مايدري ان الموتر كان مدعوم

وعلى فكره انا كنت مستصغر هالشركة بس يوم شفت السيارات الي فيها ارتاح بالي

الكروزرات في قراجهم اكثر من سيارات السوزوكي

ترى موتري خذ عندهم 8 ايام والدعمه كانت قويه يعني الي عندج ولا شيء

[ولـ الكعبان ـد]

ماتشوفون شر انشاء الله

وانـا أقول شغل الوكاله افضل

بس الله يعينج ع التأخير

[ضوى]

اختي انا مجرب كراج السوزوكي صراحه شغله عال العال

وكان موتري كروزر والي يشوفه الحين مايدري ان الموتر كان مدعوم

وعلى فكره انا كنت مستصغر هالشركة بس يوم شفت السيارات الي فيها ارتاح بالي

الكروزرات في قراجهم اكثر من سيارات السوزوكي

ترى موتري خذ عندهم 8 ايام والدعمه كانت قويه يعني الي عندج ولا شيء


وانا معاك في هالشئ ، زوجي راح اليوم وعجبه المكان وشغلهم وقال لي في كروزرات عندهم بس للاسف قال بيطول الموضوع فوق الاسبوعين عشان الزحمة وانا ماقدر اصبر باتعطل :(

مشكور ياخوي على اضافتك

[ضوى]

ماتشوفون شر انشاء الله

وانـا أقول شغل الوكاله افضل

بس الله يعينج ع التأخير


الشر بعيد عنك ياخوي

والله لو بياخذون اضعاف اللي بتاخذه الكراجات ومابياخروني رحت لهم بس للاسف تاخير ولا مبالاة منهم

شكرا لك

[سداوي&مدريدي]

الحمد لله على السلامه أختي ضوى

والله يعينج على بعض النصابين في الصناعيه

نصيحه روحي لأكثر من كراج لاتستعجلين

وأخذي بنصايح الأعضاء

بالتــوفيق :nice:

[ضوى]

الحمد لله على السلامه أختي ضوى

والله يعينج على بعض النصابين في الصناعيه

نصيحه روحي لأكثر من كراج لاتستعجلين

وأخذي بنصايح الأعضاء

بالتــوفيق :nice:



الله يسلمك ياخوي :)

ان شاء الله ياخوي ، مشكور وماقصرت

[ضوى]

اخر الاحداث :)

راح زوجي اليوم وكالة الساسوزكي وطبعا كانت في الصناعية :( وبغيت انطق منه ، لإني قلت له جنب التيسير ، المهم راح الوكالة وشاف سيارات اشكثر واغلبها كروزر وبرادو وخلافه ، ويوم شافوا سيارتي قالوا له التصليح 1400 ريال وتاخذ تقريبا اسبوعين ، طبعا ماعجبني الوضع ، قلت له خلاص جرب تروح للمستقبل المهم قال لي اتصلي البدالة واطلبي الكراج طلبت له الرقم واخذ منهم رقم الشارع اللي هو 27 باب 33 وشافوا السيارة وقال بيصلحها 1000 ريال وبتاخذ لها تقريبا 3 لين اربع ايام وتوكلنا على الله وسلمناهم السيارة

كل الشكر والتقدير لكل من شاركني لو بدعوة طيبة وادري فيكم طول عمركم راعين واجب وكفو عليكم ياعيال بلادي

[مستثمر 999]

تبين نصيحتي اختي

ما في احسن من الوكاله وخاصه هالايام عندهم نظام الحجز

وخلي اكدرج اكثر الباب ما يتصلح ونفس الشي مع الصدام الخلفي

تشترين القطع ويجهزونها لج في الوكاله وتروحين تركبينهم والشغله كلها يوم واحد

والضمان على الصبغ سنتين

انتو ما تعرفون ان الصبغ في منه انواع يعني في الي حق كم شهر

وعندج الخليج شارع 15 انا اتعامل معاهم اسعارهم معقوله وشغلهم لا يعلى عليه

[ضوى]

تبين نصيحتي اختي

ما في احسن من الوكاله وخاصه هالايام عندهم نظام الحجز

وخلي اكدرج اكثر الباب ما يتصلح ونفس الشي مع الصدام الخلفي

تشترين القطع ويجهزونها لج في الوكاله وتروحين تركبينهم والشغله كلها يوم واحد

والضمان على الصبغ سنتين

انتو ما تعرفون ان الصبغ في منه انواع يعني في الي حق كم شهر

وعندج الخليج شارع 15 انا اتعامل معاهم اسعارهم معقوله وشغلهم لا يعلى عليه


:eek5::eek5::eek5::eek5:

خوفتني اخوي !! اشلون يعني الباب مايتصلح ؟؟ ترى انا الصبغ مايهمني وايد كثر ماتهمني الدعمة !! وكالة م

[مستثمر 999]

سلامتج اختي ما قصدت اخوفج والسالفه اصلا ما تستاهل الخوف لان عندج تويوتا

يعني ذهب ابيض


صدقيني ما ابالغ لو قلت لج ان تصليح الباب من قطع ولحام وسمكره ومعجون يكلف اكثر من تغيير الباب

يمكن تدفين 200 ريال في الباب الجديد ولكن بتدفين 2000 ريال اكثر على السمكره

صدقيني انا محترف تصليح سيارات من سنين

مثال
انا من 10 سنين سالت عن تصليح صدام كامري قال لي 1200 وما ارتحت له ورحت الوكاله وسألت عن الصدام وشريته ب 300 ريال وصبغته ب 100 وكان الله غفورا رحيما

شوفي شركة الخليج شارع 15 كم يصلحون وبعدها اتصلي الوكاله .

اسأ لي بالتليفون عن قطع الغيار اعتقد رقمهم 4607888 او 4608777

[مستثمر 999]

على فكره


ابشرج الصدام ما يحتاج تصليح ولا صبغ يشفطونه في الكريستال ب 200-300 ريال والسواد يطير بالبوليش

وازيدج من الشعر بيت لقيت نظارتي واقول لج الباب يتصلح ولكن بعاهه مستديمه ( معجون )

[فلفل حار]

خطاكم الشر يا ضوى ...


في الحديد ولا فيج وناطرين رآيج في شغل كراج المستقبل ترا شغله نظيف بآذن الله ...
ماتشوفون شر ...

:)

[شبح الصمت]

خطاكم الشر خطاكم الشر
اختي تبين كراج مشي حالج حالج يمشي والا تبين شغل نظيف
لو تبين شغل نظيف وطيب عندج الديهاتسو
تبين شغل زين وبسرعه عندج كراج وحده اللوان شارع 11

[القلم الصريح]

خطاج الشر ياضوى

بعد ماقررتي ودخلتي سيارتج قراج المستقبل للتصليح ، ياليت تصورين لنا صوره الباب والصدام بعد التصليح

والسمكره والصبغ ، لنشوف مستوى جودة التصليح والسمكره

[ezgert]

صار لي نفس الحادث تقريبا ووديتها محطة بترول المسيله , محل اسمه ( ارت بينت ) عند واحد اسمه حسن
وديتها الصبح وخذتها في الليل , وسعره كان معقول , اعتقد اقل من الف ريال , بس لازم تنسقين معاه قبل لا تودينها , يعني تاخذين موعد

[ضوى]

شاكرة للجميع تفاعلهم الطيب

القلم الصريح

ان شاء الله اذا طلعت باصورها وباعرضها عندكم حت تكون تجربة حقيقة لكراج المستقبل وياربي اتوفق ان شاء الله واقدر افيدكم

بس لحظة انتو تقولون صدام وصدام شنهو يعني صدام مب اللي جدام السيارة ؟؟ ؟؟ انا ماشوف الا الباب اللي متعور !!!!!!!!!!!!

[ضوى]

اها يمكن تقصدون السيارة الثانية

على فكرة سيارتين مدعومتين سيارتي وسيارة السايق ويمكن كلامكم كله على السيارة الثانية ؟؟

[هذلان]

ضوى تسوقين و ماتعرفين شنهو يعني صدام ؟

لو قايلين مدقار شبتسوين :nice:

[ضوى]

ضوى تسوقين و ماتعرفين شنهو يعني صدام ؟

لو قايلين مدقار شبتسوين :nice:



:eek5::eek5::eek5:

بعد هاي شنو مدقار ؟؟؟؟؟

عندي نظرية ياهذلان ، السيارة بس عشان اسوقها مالي حاجة اعرف اجزائها :) المهم اعرف السكان والجير وبزيادة بعد والباقي البركة في بوعيالي ، بس هذا مايمنع اني اعرف شنهو يعني صدام ودقار من باب العلم بالشئ وحتى ماتكون عندي امية سيارة :(

[هذلان]

الله لا يفرقكم .. بالمناسبه المدقار قدام التنده :tease:

[ضوى]

الحمد لله سيارتي خلصت ، بس بكرة بيطلعها بوعيالي ، راح اليوم شافها يقول ماشاء الله تبارك الله ماكان الباب جاته ضربة ، وبكرة ان شاء الله باحط صورتها والحمد لله على لك حال وتسلمون على وقفتكم ماقصرتوا جزاكم الله خير

[ضوى]

الصور بعد تصليح السيارة في كراج المستقبل ، ماشاء الله شغله مضبوط ، والشكر الجزيل لكل من دلني عليه ، والشكر لكل من ساهم لو بالكلمة الطيبة ، الف شكر وتحية


http://up.arab-x.com/Jan10/gZA97324.jpg (http://up.arab-x.com/)


http://up.arab-x.com/Jan10/kXy97324.jpg (http://up.arab-x.com/)

[أمير المحبه]

والله زعلت يا اختي الغاليه ضوى

الحمدالله على السلامه

في الحديده ولافيج يالغاليه

[أمير المحبه]

كراج بالوكره ورى شركه النيسان

قصدك غاراج النعيمي

اي والله شغله وايد حلو

[مشهور]

ماتشوفين شر اخت ضووى ، ومبروك علي تصليح السيارة حقيقية كراج المستقبل من افضل الكراجات في الصناعية ،، وشقل عدل،،
ونزين ماصلحتي في كراج ميتلك مبنى عجيب وشغل حي الله كلام ؟
ودمتم عل خير

[هذلان]

اوووه تستاهلين

هانج المخلاص :victory:

خلاص ضوى من اليوم و رايح لاتشيلين هم الدعمات دام الكراج شغله عاجبج :tease:



بعيد الشر عنج و عن المسلمين اجمعين :)

[بـن عدوان]

الحمدلله على سلامتج وعلى سلامة الموتر

^_^

[ضوى]

الله يسلمكم اجمعين ان شاء الله ، وربي يبعد عنكم الحوادث ويبعد عنكم السواقين المتهورين اللهم امييييييييييين

وارجو من المشرفين اغلاق الموضوع