ايش السالفة ؟؟؟

[لاجل QT]

من اطلع تواجهنى هذي المشكلة مدري هي صج مشكلة ولا انا ابالغ فيها

دوم اصادف لين اكون واقفة بسيارتى عربي او اسيوي يجينى يطلب الحاجة ..اللى يقول يبى يجمع حق تذكر على شان يسافر واخر شي في شي خرعنى وفاجأنى جانى واحد اسيوي يبكي ويمسك بطنة يقول انة مسوى عملية وكشف عن بطنة:omg: وديت وجهى الصوب الثانى وزجرت علية.. ورميت علية الفلوس وحركت بسرعة ..طيب اذا عندهم مشكلة لية مايروحون سفارتهم.. لية يخرعونا :eek5:..بصراحة من واحد جانى اخاف واسكر غفل الباب بسرعة ..يستغلون عاطفة المراءة ..والله انا اعطيهم من الخوف والخرعة ابي افتك:weeping:

[غير البشر]

هذول عصابه متفقين مع بعض

انتو الرجاجيل يلتفون عليكم

واحنا حريمهم :(

المفروض المسؤولين يوقفونهم عند حدهم

جاتني وحده انا امسويه تحاليل وابي فلوس ومادري شنو

الله يعينج اختي والله

[عاشق الشهادة]

الله يعلم ان هذولا محتاجين او لا ؟ واذا اعطتيهم شي فلك الأجر الكبير بإذن الله اختي

[BusinessGirl]

هلا اختي
اتصدقين الاسبوع اللي راح
طلعت من الصالون
في سياره وقفت سياره الدريول
وكان فيها واحد
وانا كنت بنفسي مع الشغاله
وطالعه من صالون يعني ما اتقولين مكان حيوي وفي ناس
المهم
الدريول راح يشوفه
قالي
( لا بيزنس جير هذا يبي انتي ) !!!!!!!
واشوف واحد في السياره مع هله مو بروحه
مت من الخوف
بس قلت يمكن زوجته تبي اتدل مكان
والا صالون
لان رقم السياره ما كان قطري
المهم
قالي يا اختي انا ما ابي وايد بس 500 ريال
عشان البترول

(خاطري اشوف تعابير ويوهكم )

بعدها زين ان الدريول انقذني
قال لي انا في يروح هذا رجال ما في زين

والله كنت متخرعه لحد ما وصلت البيت الا اشوفهم لاحقيني
والمشكله هله معاه في السياره
زوجته واعياله

بس جيت البيت اخوي استلمهم

اممممممم
صج شي ماله داعي
وموقف ما يتمنى احد يكون فيه
اكيد محد يرفض المساعده
بس بهالطريقه

مستحييييييييييييييييييييييل

[لاجل QT]

ذكرتينى بزنس بطرارة السايير كم مرة صارتلى ويكون معاة وحدة على انها زوجتة من يومين موقفنى واحد اسيوي بس يتكلم قطرى عاد المشكلة انهم يطرون ويخزون وانا وحدة الله بالخير اخاف من ظلي اسوي روحى ولاهمنى (يعنى قوية) والقلب ينتفض من الخوف،اقول متى يروح .........ياريت الجهة المسؤوالة تشوف لها حل لانة بصراحة شي يخوف

[بـــــــنت النوخـّــــذه]

من اطلع تواجهنى هذي المشكلة مدري هي صج مشكلة ولا انا ابالغ فيها

دوم اصادف لين اكون واقفة بسيارتى عربي او اسيوي يجينى يطلب الحاجة ..اللى يقول يبى يجمع حق تذكر على شان يسافر واخر شي في شي خرعنى وفاجأنى جانى واحد اسيوي يبكي ويمسك بطنة يقول انة مسوى عملية وكشف عن بطنة:omg: وديت وجهى الصوب الثانى وزجرت علية.. ورميت علية الفلوس وحركت بسرعة ..طيب اذا عندهم مشكلة لية مايروحون سفارتهم.. لية يخرعونا :eek5:..بصراحة من واحد جانى اخاف واسكر غفل الباب بسرعة ..يستغلون عاطفة المراءة ..والله انا اعطيهم من الخوف والخرعة ابي افتك:weeping:



:eek5::eek5::eek5::eek5::eek5: امبله اهو نفسه اهو اهو عمره جذيه 35 سنه وحاط لزقه كبيره في بطنه هندي جانا بس رفع قميصه وتسمرنا :secret::eek5: كنا بسوق الديره 0000 وبعدها مشى عااااااااادي ولا يدل انه مسو ي عمليه حسدناه على قوته يامال العافيه لي سوى حد عندنا عمليه انشيله شيل --بس عموما هذولي الفئه ممنوع تجولهم واي حد يشوفهم يبلغ عنهم احس يستلمون التبرعات من الناس من صوب ويروحون يصنعون المواد المخدره من سويكه اعزكم الله وغيرها ويبيعوها لهذولي الشباب وياغافلين لكم الله --وترى في بعضهم ما يقبلون المبلغ يبون شي راهي هههههه:)

[لاجل QT]

هذول عصابه متفقين مع بعض

انتو الرجاجيل يلتفون عليكم

واحنا حريمهم :(

المفروض المسؤولين يوقفونهم عند حدهم

جاتني وحده انا امسويه تحاليل وابي فلوس ومادري شنو

الله يعينج اختي والله

انتو ياحيكم رجاجيل قلبكم قوي ..بس احنا الحريم نبلع العافية :eek5:..والله حتى لو جاتنى مرة اخاف ماتدرون ايش خاشة تحت عباتها:omg: او يمكن رجال مسوي روحة مرة :eek5:..مشكلة بصراحة:weeping:

[BusinessGirl]

ذكرتينى بزنس بطرارة السايير كم مرة صارتلى ويكون معاة وحدة على انها زوجتة من يومين موقفنى واحد اسيوي بس يتكلم قطرى عاد المشكلة انهم يطرون ويخزون وانا وحدة الله بالخير اخاف من ظلي اسوي روحى ولاهمنى (يعنى قوية) والقلب ينتفض من الخوف،اقول متى يروح .........ياريت الجهة المسؤوالة تشوف لها حل لانة بصراحة شي يخوف

هلا اختي
اي والله الله يعينج احس فيج
واحسهم يتعمدون يشوفون حريم بروحهم بدون ريايل
عشان يكسبون تعاطفهم
او يفكرون ان البنت بتخاف بتعطيهم فلوس عشان تشرد
حرام يعني في حريم يسوقون وبنات يروحون دواماتهم بروحهم
الله يحفظنا بس

وان شاء الله دوم اتكونين قويه حتى لو بالتمثيل :)

[شموع قطريه]

انا مره في سوق الديره جاتني وحده تطر قالت لها الله يعطيج ماعندي الحين سامحيني جان تقول لي فيه صراف الي قريب تبين اراويج اياه علشان تسحبين وتعطيني .. !!! قلت لها لا ماجبت البطاقه .. جنه غصب نعطيهم ويحاججونا بعد

[BusinessGirl]

انا مره في سوق الديره جاتني وحده تطر قالت لها الله يعطيج ماعندي الحين سامحيني جان تقول لي فيه صراف الي قريب تبين اراويج اياه علشان تسحبين وتعطيني .. !!! قلت لها لا ماجبت البطاقه .. جنه غصب نعطيهم ويحاججونا بعد

ههههههههههههههههههههاااااي اختي قطر
ضحكتيني من قلب
جان عطيتيها الكرت مع الباس ورد
هههههههههههههاااااااااي
في مره كنا في عرس وامي تبي اتنقط وخلصت فلوسها
جاتني اتشوف اذا عندي نقوط والا لاء
ما كان عندي وقتها غير كرت البنك
قلت حق امي خلاااااااااااااااااااااااااص
خذي الكرت وامسحيه على روسهم

ههههههههههههههههههههااي >>ما زالت تضحك

[E L L E]

انا مااعطيهم لاني منقرصه منهم اللي يبي يطر يطر بـ احترام مب هالشكل
وفيه مليون شي وشي للتصدق مب بهالطريقه

[سهم مرتاح]

السلام عليكم

في عيادة مستشفى الدوحه حريم منقبات يطرون بس بااحتراف عندهم اوراق الفحوصات ويقولون انهم محتاجين ويحاججون الواحد بقوة عين ويلزقون في الواحد عشان يعطيهم ويفتك من شرهم

[بنت العلي]

هههههه لا يطوفكم انا مره كنت في السيارو مع رفيجتي وجااان يجي واااحد كاشخ صوبنا ويطق الدرشة وتفتح رفيجتي الدرشة تتوقعون اش كان يبينا نعطيه ....................

يبي منا اجار البيت اللي هو ساكن فيه وجان رفيجتي نعطيه مبلغ ما اعجبه وانا يوم شفت السالفة جذي قلت له روح ترى بنادري لك الشرطة وجان شيسوي .....................

راح الاخ ووقف ورى سيارتي وقااااااااااااااااااااااااااااااام يصيح العيار والله شنو بط جبدي خله اللي يسوي واللي ما يسوى يتفرج علينا ....


من يومها قمت احرم افتح دريشة السيارة حق اي حد يطر ....والله قمت اخاف منهم وانا بروحي خيالي وااسع

بس صج لازم يشوفون لهم حل لانهم مسوووين لنا رعب

[واحد 11]

اللي يطر في قطر ماعنده سالفه خلوكم صاحين ... بالذات اللي يقول يبي بترول ...

[BURBERRY]

مره كنت طالع من جرير فالليل و توني راكب السياره إلا يجني اسيوي حاط صليب على رقبته .. يقول باص باص ..
قلت له هنااك موقف الباص ..
قال باص مافي يجي الحين .. انته ودي انا صناعيه ..
.. قلت يلا روح انتظر الباص ..
رد علي ..
جيب فلوس حق تاكسي كروه انته قطري فيه فلوس واجد .. ويهز رأسه

و بعدها طردته ..ولا عطيته شي

[شموخ قطريه]

ول ول هذول مايخلصون

انا كنت واقفه عند الرونق الي في المطار مع الوالده وعيال اخوي ابو 2 و 4 و6 مساكين مستانسين العمه بتدويهم هههههه

تونا بننزل الا اشوف ذاك الهندي جاينا دف واقول حق امي صكري الباب بسرعه المهم تم يطق على الدريشه قلت حق امي لاتفترين وااليهال متكدسين فوق بعض من الخوف الا ويرفع كمه والا يشل الشاش والجرح العوووووود الي يلوع الجبد:(:eek5: كبر كف اليد والله بغيت اصيح بس مب من الخرعه من اليهال الي تخرعو والله ولا همني وابطل باب السياره وانزله :victory: واصرخ ذاك الصراخ في ويهه والا يالعني بذيك النظره :eek5: والله ثواني والا اهو مختفي وبس

اللهم ياكافي

[بنت^البحرين1]

هههههههههههههههههه ردودكم بعضها مشوقة تضحك

انا مرة ياتني مرة عورت قلبي، مع اني ابدا مايمشي عندي مبدأ اللي يطلبون عند السيايير.. الصدقة تطلع بطرق اخرى مش بهالطريقة ولا افتكر ان في حد طالعني اني ماعطيت او طنشت.. المهم يات وتتكلم وتبربر وتصيح كلامها من دولة عربية .. قلت لها الله يعطيج .. وردت قالت ولدها معاق وزوجها مريض صايدته جلطه .. رديت قلت الله يعطيج والا كنها قنبلة وتهب فيني صرااااااااخ:eek5: بتشووووووفين هالسيارة اللي انتي فيها " بيجيب أجلك فيها ":omg: انا تسمرت مكاني اطالعها مب مصدقة :weeping: تميت اتنافض وانا راجعة اقول جان ماصج ادعم واموت في السيارة ومحد يطلعني :(


ومرة ياني واحد اوووووووووف بغى يجلطني .. بطل قميصه في جرح عووووووووووود وكله دم ماعرف، بس ان تقشعرت من الخوف احس صادتني نفضه هههههههههههههههههه.. يقولي شوفي ماقدر واعيالي في البيت ومحتاج الله يخليج ابي اشتري لهم غدا، قلت له روح اطلب من المطعم انا بدفع لك، يقولي لا عطيني الفلوس احسن عشان اسالهم شنو يبون ياكلون :nice: الحين ماعندك وبعد تخيرهم شيبون خذ اي شي وخلاص..قلت له الله يعطيك ومشيت


واخررررر موقف لعيونكم :nice:

مرة في باركات السيف يات وحدة تطلب متنقبه .. قلت لها أختي انا بسألج(اشتغلت على مخها اني اتفلسف ومصلحة اجتماعية) مب مابي أعطيج لكن هل انتي تشوفين ان المجمع وبالذات في هاليوم مكان مناسب تطلبين فيه ؟ حتى لو انج محتاجة بس انتي عارفة اليوم جمعة وعارفة شنو من اجناس من الناس تكون متواجدة ماتخافين على نفسج ؟ قالت لي فقيرة، قلت لها اوعدج عطيني اسمج بسجل له في الصناديق الخيرية من دون حد يعرف.. بس لاتيين اهني تطلبين خافي على نفسج ولاتقولين محد يقدر عليج .. واشتغلت عليها، احسها سبت روحها انها يات يم سيارتي:tease: .. وانا مستنه اتفلسف عليها هي ساكته ماتكلمت ويوم بمشي قلت لها الله يهديج .. وبعد ماعطيتها :nice:


انا في نظري قادرة اتصدق بطرق ثانية وايد وايد مثل ماذكرت وحده من خواتي في الردود .. مب لازم بهالطريقة وماحب احد يجبرني اطلع واعطي غصبا علي.. او اللي يحبون يحرجونا جدام الناس عشان نعطيهم ابدا ماهتز حق هالحركات خيرشر

[هذلان]

السلام عليكم

فيه ناس يقولون عطه و هو بينه و بين ربه اذا محتاج فعلا ولا نصاب .
بالنسبه لي ما اعطي منهم حد نهائيا لابغيت تبرع ولا تصدق عندك عيد الخيريه او اي محل او جمعيه تلقى فيها الصناديق تبرع لين تخلص فلوسك .



مره كنت طالع من جرير فالليل و توني راكب السياره إلا يجني اسيوي حاط صليب على رقبته .. يقول باص باص ..
قلت له هنااك موقف الباص ..
قال باص مافي يجي الحين .. انته ودي انا صناعيه ..
.. قلت يلا روح انتظر الباص ..
رد علي ..
جيب فلوس حق تاكسي كروه انته قطري فيه فلوس واجد .. ويهز رأسه
و بعدها طردته ..ولا عطيته شي

لو يقولها لي احتمال كبير جدا يتلشط لين يقول بس . اكره هالكلمه

[دلوليانوز]

الريان ومعيذر مب من بين هالاماكن


ولا لو صار موقف من هالمواقف...راحت عليه

[لاجل QT]

هههههههههههههههههه ردودكم بعضها مشوقة تضحك

انا مرة ياتني مرة عورت قلبي، مع اني ابدا مايمشي عندي مبدأ اللي يطلبون عند السيايير.. الصدقة تطلع بطرق اخرى مش بهالطريقة ولا افتكر ان في حد طالعني اني ماعطيت او طنشت.. المهم يات وتتكلم وتبربر وتصيح كلامها من دولة عربية .. قلت لها الله يعطيج .. وردت قالت ولدها معاق وزوجها مريض صايدته جلطه .. رديت قلت الله يعطيج والا كنها قنبلة وتهب فيني صرااااااااخ:eek5: بتشووووووفين هالسيارة اللي انتي فيها " بيجيب أجلك فيها ":omg: انا تسمرت مكاني اطالعها مب مصدقة :weeping: تميت اتنافض وانا راجعة اقول جان ماصج ادعم واموت في السيارة ومحد يطلعني :(


ومرة ياني واحد اوووووووووف بغى يجلطني .. بطل قميصه في جرح عووووووووووود وكله دم ماعرف، بس ان تقشعرت من الخوف احس صادتني نفضه هههههههههههههههههه.. يقولي شوفي ماقدر واعيالي في البيت ومحتاج الله يخليج ابي اشتري لهم غدا، قلت له روح اطلب من المطعم انا بدفع لك، يقولي لا عطيني الفلوس احسن عشان اسالهم شنو يبون ياكلون :nice: الحين ماعندك وبعد تخيرهم شيبون خذ اي شي وخلاص..قلت له الله يعطيك ومشيت


واخررررر موقف لعيونكم :nice:

مرة في باركات السيف يات وحدة تطلب متنقبه .. قلت لها أختي انا بسألج(اشتغلت على مخها اني اتفلسف ومصلحة اجتماعية) مب مابي أعطيج لكن هل انتي تشوفين ان المجمع وبالذات في هاليوم مكان مناسب تطلبين فيه ؟ حتى لو انج محتاجة بس انتي عارفة اليوم جمعة وعارفة شنو من اجناس من الناس تكون متواجدة ماتخافين على نفسج ؟ قالت لي فقيرة، قلت لها اوعدج عطيني اسمج بسجل له في الصناديق الخيرية من دون حد يعرف.. بس لاتيين اهني تطلبين خافي على نفسج ولاتقولين محد يقدر عليج .. واشتغلت عليها، احسها سبت روحها انها يات يم سيارتي:tease: .. وانا مستنه اتفلسف عليها هي ساكته ماتكلمت ويوم بمشي قلت لها الله يهديج .. وبعد ماعطيتها :nice:


انا في نظري قادرة اتصدق بطرق ثانية وايد وايد مثل ماذكرت وحده من خواتي في الردود .. مب لازم بهالطريقة وماحب احد يجبرني اطلع واعطي غصبا علي.. او اللي يحبون يحرجونا جدام الناس عشان نعطيهم ابدا ماهتز حق هالحركات خيرشر

اللة يكفينا شرهم ،الخوف من دعواتهم علينا.انا اعطي والله كان نصاب او صاج اعطيهم ولى الاجر باذن الله