حد يساااعدني الكاكسكو ينزززف

[يحفظك ربي]

السلام عليكم ورحمة الله وبركاته

يالربع بغيت عنوان عيادة بيطريه بسرعه ممتازه وفاتحة اليوم السبت

لان الكاسكو اللي عندنا صبعه انجرح مادري ضفره مكسور كان شاير في القفص :weeping: :weeping::weeping:

وتم ينزززززف وايد وقفصه صار كله دم والماي توصخ

وشكله وايد يعور القلب ولا ندري شنسوي فيه :weeping:

يكسر الخاطر وماندري اذا يألمه ولا بس دم ينزل ! لان اتوقع الدم طالع من ظفره !!!!! :weeping:

والمشلكه ان اليوم سبت والعيادة اللي نخبرها مسكره !

اذا تقدرون تساعدوني واكون شاكره لكم :weeping:

[عاشق الشهادة]

مافيه الا العافية روحوا اي صيدلية واخذو من عندهم علبة رش لوقف نزيف الدم وانا دوم استخدم هذا الرش اذا قصيت اظافر الكاسكو الي عندي يطلع دم والحمد لله بعد ما ارش على الظفر الامور تكون مستتبة ولا في داعي تودون طيركم عن دكتور وخسارة نقود على الفاضي .

[ahaat]

اولااا سلامه طيرك

ثانيااا في عياده ورى صالون باربي اسمها عياده الحيوانات الاليفه وهذا رقمهم اتصل فيههم واستفسر منهم في واحد مصري اسمه محمد اطلبه اذا ردت عليك اجنبيه واستفسر منه وهذا رقمهم 4367187 والعياده تكون مفتوحه من 8 صباحااا حتى 8 بالليل بس الجمعه مافي

اتمنى افدتك

مع التحيه

[يحفظك ربي]

يعطيكم العافيه اخواني ماقصرتوا

[Rosy]

في العياده اللى قبال سباير فاتحين لي 8 بالليل وممتازين الدكاتره اجانب

[يحفظك ربي]

وديناه العياده اللي صوب استاد خليفه وغاليه عالفاضي بس ضربه ابره مضاد حيوي بـ1400 ريال

ولا حط له شاش ولا غسل ويهه (اللي كله دم) ولاسبحه .. غااالي وايد الصراحه

بنشوف اليوم بنوديه مكان غير

مسكين اليوم كسر خاطري ماقام يصارخ الصبح كالعاده .. ساكت وهادي وماله حس الله يشفيه :(

[بوحمد111]

فيه محل للطيور قريب من سوق عمان اللي في السوق المركزي وعندهم دكتور متواجد على طول وسعرهم رخيص جداً والحمدلله انا تعاملت معاهم واهم دائماً ينصحون بالزين ان شاء الله

[qatar.com]

وديناه العياده اللي صوب استاد خليفه وغاليه عالفاضي بس ضربه ابره مضاد حيوي بـ1400 ريال

ولا حط له شاش ولا غسل ويهه (اللي كله دم) ولاسبحه .. غااالي وايد الصراحه

بنشوف اليوم بنوديه مكان غير

مسكين اليوم كسر خاطري ماقام يصارخ الصبح كالعاده .. ساكت وهادي وماله حس الله يشفيه :(





انا 200 ريال اضرب مضاد حيوي لعزبتي كامل فوق 150راس ولله الحمد 1400 حق ابرة ولا حق كاسكو :rolleyes2:

[مبارك سعد]

مايشوف شر كاسكو الله يشفيه

[[E]]

ما يشششوف ششرر ..

والله قلبي عووووووورني ..:(

[ahaat]

اخوووي ليش ماتوديه العياده البيطريه الحكوميه في واحد سوداني دكتور ممتاز اسمه د. خالد وبيكوون ببلاش بلا العيادات الغاليه بصرااحه صار علاج الحيوانات اكثر من علاج البشر ومافي رقابه عليهم

اخوووي نصيحه اخذه للحكومي وان شاء الله يتشافى عن قريب

[محبوب قطر]

اخوووي ليش ماتوديه العياده البيطريه الحكوميه في واحد سوداني دكتور ممتاز اسمه د. خالد وبيكوون ببلاش بلا العيادات الغاليه بصرااحه صار علاج الحيوانات اكثر من علاج البشر ومافي رقابه عليهم

اخوووي نصيحه اخذه للحكومي وان شاء الله يتشافى عن قريب

وين مكانه اخوي العياده البيطريه الحكوميه

ويعطيك الف عافبه

[عاشق الشهادة]

وين مكانه اخوي العياده البيطريه الحكوميه

ويعطيك الف عافبه




عند دوارالبرشوات وانت جاي من مطار الدوحة بيكون قبل الدوار مبنى كبير هذا هو بابه بالخلف :)

[المظلومة]

انا شريت كاسكو والفريج كلن يبي من صوته وعبطه الفجر ..

انسرق ..

الثاني تم كم يوم حلو والامور طيبه ..

جاته حالت هدوا يوم انا مرضت بعد يومين مااااات ..

:( :( :( :( :(

وخسرت وايد عليهم ..

الحين ابي واحد يتكلم ..ساعدوني

[المريش]

مسكين الله يشافيه

[المغترب 123]

بل ليش 1400 لو انا كا حللته وتغدينا عليه انا وجيراني ولا ادفع عليه 1400 اذا 140 ريال افكر فيها الف مرة

[زمن الغدر]

بل ليش 1400 لو انا كا حللته وتغدينا عليه انا وجيراني ولا ادفع عليه 1400 اذا 140 ريال افكر فيها الف مرة

:victory::victory:
الي عنده ارش محيره يشتري حمام و.....

صيدين العالم وقاصين عليهم

ب1400 بيرد الروح علبه المضاد كلها ب35 ريال وابره ب5 40 ريال

[ahaat]

عند دوارالبرشوات وانت جاي من مطار الدوحة بيكون قبل الدوار مبنى كبير هذا هو بابه بالخلف :)


اخوي عاشق الشهاده كفى ووفى ان شاء الله تكون عرفت المكان وين :)

[يحفظك ربي]

مشكورين اللي دلوني المكان

واللي قاعدين يتطنزون على السعر اللي دفعته

650 حساب اللي يدخل بعد الساعه 8 + 350 مخدر + 400 مضاد حيوي

الدخول قبل الساعة 8 يكون بـ 120

هو صج غالي سعره بس هاذي روح مب نخليها تعبانه ومريضه ونطالعها لازم نعالجها !



المهم ان حالة الكاسكو الحين طيبه وخل يبرا الجرح بنوديه يقصون اضافره

ومشكورين

[adoori]

بل ليش 1400 لو انا كا حللته وتغدينا عليه انا وجيراني ولا ادفع عليه 1400 اذا 140 ريال افكر فيها الف مرة

حرااااااااااااااام:eek5::eek5:

[حلم اللقا]

الله يشفيه يارب
ومايشوف شر

والعيادة الحكوميه احسن منها مافي

بلا خساير بلا عوار راس

[يحفظك ربي]

الشر مايجيك يالطيب

ومشكورين على المواساه كلكم ^^

ماقصرتوا