برفع قضية على المجموعه

[الرسام القطري]

الله يلعن المجموعه يا ويلهم مني اليوم باعو لي أسهم أنا كنت حاط سعر 30.90 بروه
وجاني مسج بنفس السعر الي أنا حاطه
وشوي جاني مسج ببع بروه بسعر أقل وهي 30 .50 درهم أقسم بربي اتصلت في مديرهم
قالي تعال نحل المشكلة
وانا مب حال المشكلة الى في المحكمه
وبطلب تعويض
:anger2: :anger2: :anger2: :anger2: :anger2: :anger2: :anger2:

[khaleel]

غلطان روح وتفاهم مع المدير وقوله ما بعفو عنكم الا اذا حطتوني في قائمة ال Vip ولا ايش رايك غلطتهم واستفدت منها :nice: :nice: :nice:

[لمت أب]

طالب بتعويض بلأضرار الماديه والمعنويه..
وطالب بمبلغ محترم حق الأكتتابات الجايه :cool:

[الرسام القطري]

والله لو يبنون لي غرفة هناك مستحيل هذي مب اول مرة اول مرة في الناقلات
والحين في بروه

الحين اتصلت في محامي وقالي تعال جيب الأثباتات وتعال ما راح أرضى بتعويض اقل من مليون إن شاء الله
اصبروا بس بفضحهم في الجرايد
:anger2: :anger2: :anger2: :anger2: :anger2:

[qatar25]

الله يلعن المجموعه يا ويلهم مني اليوم باعو لي أسهم أنا كنت حاط سعر 30.90 بروه
وجاني مسج بنفس السعر الي أنا حاطه
وشوي جاني مسج ببع بروه بسعر أقل وهي 30 .50 درهم أقسم بربي اتصلت في مديرهم
قالي تعال نحل المشكلة
وانا مب حال المشكلة الى في المحكمه
وبطلب تعويض
:anger2: :anger2: :anger2: :anger2: :anger2: :anger2: :anger2:


اخوي
هم بعد البيع يحطون لك السعر مع العموله

يعني اي سعر انت حاطه ,, اضربه في فاصله تسعه تسعه خمسه يطلع السعر الحقيقي بعد خصم العموله,

[rashid_qatar]

مايجوز اللعن ........ مايسوى عليك فرق بسيط وقالو بيعطونك اشتبي تاخذ اثم ، والغلط وارد ولو نزل السهم بتقول ماقصرو ، صل على النبي واستغفر ربك

[الرسام القطري]

يالربع هذي مب اول مرة
تدرون والله اني مريض من السوق والله حتى على الفراش احسب خسارتي كل يوم
والله خسران مليون ريال
والله مب إكتتاب لاتقولون اكتتاب

لا والله
أنا ما أبيع أسهم الأكتتاب لا أنا شاري من السوق وخسران
حط نفسك مكاني

المجموعه لها أغلاط كثيرة بس أنا أسكت أقول معليه يله مشي بس الحين لا

ما يشبعون فلوس
مرة ناقلات ومرة مواشي بعد نسيت أقولكم
كانت قصة المواشي حلوه
شريت مواشي من زمان تقريبا 800 سهم
وبعد فترة اتصلت فيهم قلت له بيع 800 سهم مواشي قالي ما عندك الى 200 استغربت
وتم تعويضي بخطأ من موظف
ما راح أسكت خلاص صبرت وايد
:anger2: :anger2: :anger2: :anger2: :anger2: :anger2: :anger2: :anger2: :anger2:

[لمت أب]

:nice:
مايجوز اللعن ........ مايسوى عليك فرق بسيط وقالو بيعطونك اشتبي تاخذ اثم ، والغلط وارد ولو نزل السهم بتقول ماقصرو ، صل على النبي واستغفر ربك

[لمت أب]

اذا انت تظارب ب800 سهم...
شلون تخسر مليون ريال؟؟؟؟؟!!!!!!!
فعلا شي محيّر :con2:

[Taj]

اللعنة هي الخروج من رحمة الله سبحانه وتعالى فلا يجوز لك ان تلعن اخيك او حيوان او مال او أي شيء واستغفر ربك ، وذهب للجماعة وحل الموضوع بشكل ودي وحملهم جميل وخلك انت افضل منهم وانا متأكد بعد ذلك ستكون بينك وبينهم علاقة خاصة ستستفيد منها في استثمارك في سوق الدوحة .. والله الموفق

[jajassim]

اخى الرسام القطري ، ارجوك هدى اعصابك ،

بسم الله الرحمن الرحيم (( و عسى أن تكرهوا شيئا و هو خير لكم ، و عسى أن تحبّوا شيئا و هو شرّ لكم ، و الله يعلم و أنتم لا تعلمون )) صدق الله العظيم .

[الرسام القطري]

السلام عليكم
جزاكم الله خير
سامحوني والله كنت معصب وايد والحمد الله صليت الظهر الحين راحت الضيقة خلاص الله يسامح الموظف ما أبي أقطع رزقه خلاص
بروح العصر وبحل المشكلة بشكل ودي إن شاء الله

وفي واحد ما فهم كلامي اسمه لمت آب يقول اشلون تخسر وانت عندك 800 سهم
حبيت أقوله يقرأ كلامي عدل ويشوف ايش كاتب انا وسامحوني أخواني الأعزاء
:shy: :shy:

[BU-HUSSAIN]

عزيزي اعتبرها دفع بلاء والله المستعان

[khaleel]

والله لو يبنون لي غرفة هناك مستحيل هذي مب اول مرة اول مرة في الناقلات
والحين في بروه

الحين اتصلت في محامي وقالي تعال جيب الأثباتات وتعال ما راح أرضى بتعويض اقل من مليون إن شاء الله
اصبروا بس بفضحهم في الجرايد
:anger2: :anger2: :anger2: :anger2: :anger2:

يا ريتهم غلطانين معاي هههههههههههههههههههههههههه :D :D :D :D :D

[البنز]

الله يلوم اللي يلومك يا الرسام .... وإذا تبي شاهد في المحكمة تراني حاضر ..

[لهيب]

أذا عن المحامين بتحصل الكلام الطيب والترحيب بس أنت أدفع الرسوم ويصر خير. أنصحك راجع المدير ولا تعور راسك

[مساهم فنان]

غريبة والله ما تفلط المجموعة إلا معاك
أفا .............. أفا
مرتين تغلط معاك ................ز
بس الوسطاء وايد غير الوسيط ............؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أنا أحس إن السالفة ما لها أساس من الصحة .........
سامحني هذا شعوووووووووووووري

[al7or]

تفاهم مع المدير

وما اعتقد انه بيقصر بحقك
:)

[PoBox]

وشحادك عليهم
الوسطاء ماليين البلد ..

[بوخالد2]

اذا انت تظارب ب800 سهم...
شلون تخسر مليون ريال؟؟؟؟؟!!!!!!!
فعلا شي محيّر :con2:
مالك حق في الرجال انشاء الله 10000ريال حلاله وكيفه واسمحلي يالغالي بس للتوضيح فقط :nice:

[ahmed1111]

الله يهداك قلبت الموضوع كانه انت تبي تبيعه ب 1000 وباعقولك بريال
كلها 30 درهم مادري كم
وتطلب تعووووووويض مليون
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخ
الله يهداك والله
ومحامي ومادري وشو كلها على 30 درهم ياخي اعتبرهم رد الشر عنك
ترررى انت تحسب انت اقوى من المجموووعه انت مب قدهم وشو الاثباتات الي معاك تسجيل الصوت بيقولون احنا مسحنا وشو الاثباتات الي معاك ولا شيى سجلت صووتك وانت تكلمهم ؟ أكيد لا
تعووووذ من بليس والمحامي الي انت حاطه بتخسر عليه اكثر من التعووويض واذا ظهرت انت الغلطان او طلعوك انت الغلطان وتوقع هالشي اهم الي بيرفون عليك قضيه واللانه السالفه ماتستهال كلشششششششش

وهذا راي والعلم عند الله
وشكرا

[لاداعي]

غلطان روح وتفاهم مع المدير وقوله ما بعفو عنكم الا اذا حطتوني في قائمة ال Vip ولا ايش رايك غلطتهم واستفدت منها :nice: :nice: :nice:


عين العقل اخوي ويعطيك العافيه

[MUBASHER]

المجموعه من احسن الشركة في الخليج




((من تجربه))

[رجل الجزيرة]

أخي العزيز / الرسام القطري


السلام عليكم ورحمة الله وبركاته

جزاك الله خير على إنك صليت الظهر وتعوذت من الشيطان ولا تنسى ياالغالي إن اللعنة والعياذ بالله ترجع لصاحبه.

----------------------------------------------

أخي العزيز / Bu-hussain

السلام عليكم ورحمة الله وبركاته


واحد سرق حلالي عيني عينك وشلون تكون دفعت بلاء ودفعة البلاء تلازم تكون من نفس طيبة موب من نفس معصبة ومغلوط على صاحبها.

:)



أخوكم / رجل الجزيرة

[nasa1177]

حرام عليك تزعل نفسك

[صناعات قطر]

يالربع هذي مب اول مرة
تدرون والله اني مريض من السوق والله حتى على الفراش احسب خسارتي كل يوم
والله خسران مليون ريال
والله مب إكتتاب لاتقولون اكتتاب

لا والله
أنا ما أبيع أسهم الأكتتاب لا أنا شاري من السوق وخسران
حط نفسك مكاني

المجموعه لها أغلاط كثيرة بس أنا أسكت أقول معليه يله مشي بس الحين لا

ما يشبعون فلوس
مرة ناقلات ومرة مواشي بعد نسيت أقولكم
كانت قصة المواشي حلوه
شريت مواشي من زمان تقريبا 800 سهم
وبعد فترة اتصلت فيهم قلت له بيع 800 سهم مواشي قالي ما عندك الى 200 استغربت
وتم تعويضي بخطأ من موظف
ما راح أسكت خلاص صبرت وايد
:anger2: :anger2: :anger2: :anger2: :anger2: :anger2: :anger2: :anger2: :anger2:



الخسارة خسارة الروح ...وأهم شي رضى الله والوالدين والصحة والسعادة اذا تعارضت المادة مع هذه الاشياء أبتعد عنها والله لو هي مليارات مانبيها والله يعوضك خير