استعلامات 180 ياكيوتل واليوم الوطني

[مستثمر مبتدئ]

السلام عليكم طبعا اليوم الوطني خلص بس هذا مايمنع بعض الجهات الاستمرار في الاحتفال بس اللي ابغي اقوله حق كيوتل بخصوص استعلامات الدليل 180 حطوا اغنية وحده يعني ماله لزمه شاعر يقول قصيده وعقبها اغنية وطنية لمطرب وعقبها اغنية وطنية بس بصوت جماعي انزين ليش هالكثرة وشكرا لكم

[كلاسيك قطر]

اي يالغالي يحتفلون في اليوم الوطني

والحين انا توني متصل 180 وشلو الشعر والاغنيه

[الكاسر99]

اليوم أنا متصل والشعر إلى الآن موجود

يعني تبي رقم مطعم تتصل في كيوتل وهم حاطين لك الشعر وتوصل المطعم وتخلص اكلك وللحين كيوتل


ماردوا...........؟؟؟

[بنت العصـيمي]

هنا السوال ؟؟؟؟؟؟؟

هل انتم مهتمين بالاغنية ام بالرقم اللي تبونه يعني عيد وطني ولا سلام اميري ماتفرق ؟؟؟؟؟؟؟؟؟؟؟؟؟؟

بصراحة انا ما اسمع شي اقعد اسولف لين ما يردون وساعات يرفعون الخط وانا اسولف وانا اللي ما ارد عليهم الهو بشي ثاني لين ما يردوووووون

[بنت سيف]

أنا اليوم متصلة على 111 .. والأغنية والشعر موجودين

في الأخير هونت .. ما بغيت شي

الله الغني

ما أدري ليش أحس أن كيوتل متعمدين .. يمللون المتصل ..

[بدون]

بعد مايردون عليك يتبخر اللى تبى تقولة:tease:

[المستقل]

الشعر إلي حاطينه مش قصدهم أسمع الشعر بعد مايخلص الشاعر راح رد عليك!

القصد أنت منتضر دورك منتضر وبدل مايحطون لك موسيغى أجنبيه حطوا شاعر وقصيده وطنيه في وقت أحتفالات وطنيه



ولكن لو الإنتقاد كان في موضوع محد يرد أو يتأخرون جداً..هنا الكلام

شكراً

[Qtr Denver]

ان شاء الله مايشيلون الشعر

كلمااته واااااايد حلووه

[E L L E]

المشكله انتظر لين ماتخلص الاغنيه كاااااامله يلووعون الكبد واخرتها ماحد يررررررد

[abdulla999]

اخوي وين المشكلة ناس ويحتفلون
على الاقل احسن من فودافون

[BusinessGirl]

ههههههههههههههههههههااااااااي ...

اما كيوتل ..عليهم حركاااااات

لين الحين عندهم يوم وطني

[الجوكر90]

الشعر إلي حاطينه مش قصدهم أسمع الشعر بعد مايخلص الشاعر راح رد عليك!

القصد أنت منتضر دورك منتضر وبدل مايحطون لك موسيغى أجنبيه حطوا شاعر وقصيده وطنيه في وقت أحتفالات وطنيه



ولكن لو الإنتقاد كان في موضوع محد يرد أو يتأخرون جداً..هنا الكلام

شكراً

صادق اخوي
مايدش فعينهم شي
حطوا اغنيه انتقدوا
حطوا شعر ماعجبهم
ماحطوا شي ازعلوا

عيل لو اتصلتوا فودا فون اغاني اجنبيه اكيد بتقولون عادي شركه اجنبه لانها فودا فون بس كيوتل لازم ع كل شي ندقق

بالتوفيق ان شاء الله

[بيرق_المجد]

بصراحه شعر حمدان المري في يوم الوطني احسن من دقه اجنبيه

[~ نســـايم ~]

المفروض يراعون ان مب كل المتصلين يحبون يسمعون اغاني وخصوصا اللي مقاطع الاغاني نهائيا فليش يكسبونا سيئات احنا ما نبيها :) ,,

يا ليت يدققون في هالامر و يحاولون يحطون مقاطع دعاء لو قران افضل منها ما يكسبون اثم ومنها ياخذون اجر وسبحان الله يمكن في ناس تهتدي :) ,,

و الف تحية الى كيوتل <<<دائما مع الانتاج المحلي :nice:

[MoTeC]

بس مجرد سؤال
لما كانو حاطين موسيقى محد عاجبته الموسيقى
ويوم حطو الشعر محد عاجبه الشعر
ولو يخلون لكم المكالمات ببلاش ويوم تفكر مجرد تفكير في اسم مطعم او محل يجيك مسج شرط محد بيعجبه ليش؟!
لأن لايعجبكم العجب ولا الصيام في رجب
للعلم الاغلبيه يشكرونا على هالشعر واللي مايعرفون من هذا يسالون من
لكن انتو [اقصد البعض مش الكل] كالعاده لايعجبكم العجب ولا الصيام في رجب
ايه صح نسيت فودافون احسن من كيوتل وكيوتل حراميه ونصابين و90% من الموظفين نايمين على بدالاتهم
وفودافون احسن وارقى شركه في العالم<< هذا الكلام اللي يريح البعض
اي صح في نقطه ماتبي تسمع الشعر الله لايهينك اختار اللغه الانجليزيه واسمع الموسيقى :)
...

[البنـدري]

المفروض يراعون ان مب كل المتصلين يحبون يسمعون اغاني وخصوصا اللي مقاطع الاغاني نهائيا فليش يكسبونا سيئات احنا ما نبيها :) ,,

يا ليت يدققون في هالامر و يحاولون يحطون مقاطع دعاء لو قران افضل منها ما يكسبون اثم ومنها ياخذون اجر وسبحان الله يمكن في ناس تهتدي :) ,,

و الف تحية الى كيوتل <<<دائما مع الانتاج المحلي :nice:


بعض المشايخ حرم وضع القرآن في الانتظار :)


وذلك لانه قد يقطع المعنى العام للآيه :)

[م. عبدالعزيز]

على الاقل هذا شعر .. تحس انك تتصل لشركه تهتم بالانتماء الوطني.. واتمنى كيوتل تخليه احسن من الموسيقى القديمة ..

ملاحظه/ بالسعوديه عندهم الانتظار بدون موسيقى.. مجرد نبضات ( طيط طيط ) ..الخ

[fhd4]

اذا زعلانين من الشعر اضغطوا 2 للغة الانجليزية ... ماراح تسمعون الشعر ....

[~ نســـايم ~]

بعض المشايخ حرم وضع القرآن في الانتظار :)


وذلك لانه قد يقطع المعنى العام للآيه :)



اختي العزيزه فضلا وليس امرا اقرئي في ردي فقد قلت اما قران او دعاء الاهم من هذا كله ان لا يضعوا لنا الموسيقى والاغاني فهذا هو المغزى من كلامي :) ,,


الغريب انك لم تنكري وضع الاغاني في الانتظار اختي الغاليه ,,

[CH Engineer]

انا فالعيد وبعد العيد بايام كنت اعاني لين يردون علي بس الحين الحمد لله يردون بسرعه

[CH Engineer]

بس مجرد سؤال
لما كانو حاطين موسيقى محد عاجبته الموسيقى
ويوم حطو الشعر محد عاجبه الشعر
ولو يخلون لكم المكالمات ببلاش ويوم تفكر مجرد تفكير في اسم مطعم او محل يجيك مسج شرط محد بيعجبه ليش؟!
لأن لايعجبكم العجب ولا الصيام في رجب
للعلم الاغلبيه يشكرونا على هالشعر واللي مايعرفون من هذا يسالون من
لكن انتو [اقصد البعض مش الكل] كالعاده لايعجبكم العجب ولا الصيام في رجب
ايه صح نسيت فودافون احسن من كيوتل وكيوتل حراميه ونصابين و90% من الموظفين نايمين على بدالاتهم
وفودافون احسن وارقى شركه في العالم<< هذا الكلام اللي يريح البعض
اي صح في نقطه ماتبي تسمع الشعر الله لايهينك اختار اللغه الانجليزيه واسمع الموسيقى :)
...

اي نعم كيوتل نصابين وانا علي فاتوره على رقم بعته من 4 سنين والحين مب باسمي بس مب فاضي اراجعهم بتخرج وبراجعهم :secret:

[مستثمر مبتدئ]

اللي ايدوني اشكرهم واللي انتقد اقول له اووكي خلهم يحتفلون بس على الاقل الشعر يخلونه بدون الاغنية اللي مقطعه ومادري من وين مسجلينها يعني الكوالتي تعبان وشكرا

[انا حره]

اوك يحطون شعر يحطون الي يبون بس يردوون بسرعه صراحه تمللت البارحه واخر شي عطاني الرقم غلط ولا جاني مسج شهالخدمه

[مخاوي اليل]

ان شاء الله مايشيلون الشعر

كلمااته واااااايد حلووه

صدقت .. وانا اتمنى ذلك وياليت اذا حد يعرف اسم الشاعر يذكره لنا
وشكرا

[ابو عادل]

ماعليه يحطون الشعر بس ليش جذي مسجلين المقطع وفي احد قاعد يضغط الازرة هههههههههه

حتى تبي تندمج مع المقطع ماتقدر كل شوي طيط طيط :nice:

يعني تبون تسون شي حلو سووه عدل ولا لا تسوونه :tease:

[بنت ابوها 19]

خل يردون بالاول


عقب خل يغيرون الاغنيه

حتى لو يحطون صوت متفجرات احنا راضين بس دخيلهم خلهم يردون ..