((((()(( شــــــــــبـــــــاب ليش يقولون ان الكروزر اليديد القير عادي مب شي ))))))@

[My Trip2]

السلام عليكم



شخباركم شباب



ابي اعرف ليش العالم ليش ماتمدح القير عادي الكروزر اليديد ابي من واحد امجرب





ابي من الي جربو القير عادي يكتب الي صارله من القير


اخوكم \ my trip2

,,,,,,,,,,,,,,,,,,,,,,,,,,,,,,

[هذلان]

السلام عليكم

شوف طال عمرك انا مجرب ولكن ماعندي هالسياره استخدمت موتر واحد من الربع ستاندر ٢٠٠٩ جير عادي .

هو اوكيه مافيه مشاكل الا شغله وحده ممكن هي الي الناس تذم الجير عادي بسببها .

فيه قطعه او كتمه بسيطه بين النور و انت تبدل في حال كنت دايس للموتر .
تظايق جدا اذا كنت في رمله .. يعني تكون حاكر الموتر في واحد او ثنين و تبي تبدل بسرعه عشان الموتر مايغرز مثلا او يخثر ،، مع التبديله للنمره الي وراها تحس فيه قفله مزعجه شوي .
لها حلين الاول انك تبدل و ماتشل رجلك عن الريس وهالشي يضر الموتر و الجير مع الوقت .
والحل الثاني يقال انه فيه كراج في الكويت يسوي شغله بسيطه في جير الموتر و يروح منه هالشي (شغل كهربا) لانه القفله هذي مقصوده من الشركه عشان نايتظرر جير الموتر .


هذا الي عندي و العلم عند الله .
انصحك بالتماتيك لانه عزمه زين في القومه و اريح لك في الخط

[سبع الليل]

شوف اخوي انا كان عندي قير عادي جيكس صراحه يخثر فرمله وعندي فكسار اتماتيك اوكيييييييييي فرمله 2009 بس القير العادي هذا عيب من المصنع وناس يفضلون لاتماتيك احسن من العادي فرمله هذا فلموديل الجديد

[الـقـاسـي]

انا سقت موتر واحد من الربع فالرمله وكان هالشي عيبه تحسه يقفل لما تبدل له غير عن التماتيك رحنا النقيان بموترين واحد قير عادي والثاني تماتيك وكلهم جي اكسات 2008 وكان التماتيك اقوى من العادي بواجد فالرمله غير هذا العادي يقهرك بصراحة ..
بعدين شلك بالعادي التماتيك صار توب ترونيك قير عادي وتماتيك بنفس الوقت

[فلفل حار]

ماقصرو معاكـ الشباب ...
وهذا آلي نسمعه ونشوفه ...

:)

[شعشوع]

الغالي انا مظهر موتري من اسبوعين تقريبا

جي اكس جير عادي .. وكنت كاتب موضوع بعد نفسك ابي العيوب وليش الناس ماتمدحه

احين الموتر ماشسي 2400 كيلو .. امس راد فيه من البحرين ..
وانا ورفيجي اللي مخاويني ع الخط كنا نقول .. ليش وشفيه لجل العالم تذمه ؟

يعني مستغرب ليش هالكثر الناس تذم العادي اليديد .. سواقته اريح من القديم
مابالغ لو اقولك جيره مثل الفكسار الجير العادي القديم .. نطلع من الدوار والجير في ثالث وماشاء الله مايخثر ..

انا ماجربته ف الرمله للامانه .. بس من الردود اللي فوقي يقولون مب شي ..
لكن انت مابتم عايش وسط الرمله

وانا خذت جير عادي لاني واحد ماعرف اسوق تماتيك للفورويل ..

بخصوص الكتمه .. نعم مزعجه الكتمه مابين النمر والدفع الرباعي بعد مزعج وودك لو تسوق مثل الجيات الـ 2005 ونازل لكن شتسوي

المهم بخصوص فصله الكتمه .. سمعت اذا ركبت عليه يوني جب وبرمجته تروح الكتمه مع برمجه خاصه .. وانا ناوي ان شاء الله اشد عليه يوني جب لجل افصل الكتمه

ربي يوفقك يارب

[بومحمد المطاوعه]

سواقه اليديد احسن من سواقه الكروزرات القديمه

واريح الصراحه

انا عندي gxr 2008 اول دفعه قير تماتيك الحمدلله مافيه شي الموتر

ماشاءالله عليه والعالم قالت انه الدفعه الاولى ابو المشاكل

انا اشوف مافي شي مع انه عمي طلع موتره وياي

بس اهو 8 سلندر وانا 6 سلندر

وماشاءالله عليهم

اما القير العادي اذا كانت سواقتك نفس سواقت العاقلين اخذ لك

اما اذا تبي تشبك له وسواقه سباق لاتاخذ اليديد قير عادي

يعني اذا تبيه تمشايه وسواقه عادي تقدر تمشي نفسك وترى وايد وايد مريح انا سايق واحد

جي اكس 2009 قير عادي

عسل والله بس صح كلام الشباب انه يخثر وهالسوالف بس يمشي ماعليه كلام

والحين ياخوي كل مكان زحمه انا انصحك قير تماتيك ترى قوي

ويشيل نفسه وحلو

يمكن نص شباب قطر كلهم تماتيك الحين اقتنعو بالواقع قبل لا هههههه

اذا عندك تماتيك العالم تعييب وتقول بال اشدعوه تماتيك اما الحين عادي

وتحياتي لك

[G0LD]

أنا عندي قير عادي ماشاء الله عليه ماعليه كلام

وجربته في الرمله بعد تمام لكن إذا بتظرب طعس وطبعا أثناء التبديل شوي يخثر بس بعدها يجر الموتر

يعني عزمه تمام والقير أوتوماتيك بعد ماعليه كلام

والله يوفقك

[My Trip2]

يزاكم الف خير انا موتري فيكسار التشكيله القديمه ومرتاح وياه بس قبل كم يوم سقة جير عادي استاندر 2008 قلة انسد الناس الي جربوه



(((( خبركم الواحد يشتاق حق القير العادي ))))


على العموم تسلمون وماتقصر



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,

[هذلان]

نسيت اظيف معلومه ... الموتر مايقوم في ٢
لازم واحد

[musel999]

انا مطلع موتري من الوكاله جير عادي 2008 واللحين ماشي فوق السبعين الف
مشاكله طويل العمر انه في الخط الضغط بيكون عالي يعني 160 بالاتوماتيك بحدود الثلاثه بينما بالعادي اكثر من ثلاثه ونص وهذي فرقيه كبيره بصرف البترول
بعدين يوم تعطيه من ثاني ثالث يخثر مره وحده كنك معطيه بالقديم من ثاني رابع
ام في الرمله انا مالي خبره كبيره بس على كلام اللى جربو الدبل الكبير بالعادي احسن بكثير من الاتوماتيك
يعني انصحك بالاتوماتيك لانه حتى اهل السباق يقولون انه الاتوماتيك يطوف
ولو تحسبه يعني اذا من ثاني ثالث راح يخثر وبخامس 160 الضغط 3 ونص وزود شوي
يعني الاتوماتيك احسن وانصحك فيه
بس في المدينه مريح مشكلته انه كلشه ثقيل بعد هذي هي بس


ويعطيك العافيه

[بومحمد المطاوعه]

نسيت اظيف معلومه ... الموتر مايقوم في ٢
لازم واحد


مرحبا اخوي

تدري انا سقت عند رفيجي

موديل 2009 قير عادي

جي اكس

يقوم في 2 عادي مافي اي مشكله

والموتر عند دريول مب استخدام شاب قطري

ويعطيك العافيه

[الفضي]

يقوولون الناس (الله أعلم)
أن صناعة القير الجديد بالتويوتا صناعة هندية والله اعلم هذا على ذمة الراوي

[Alpinestars]

السلام عليكم

والله انا نفس الشي كان في خاطري اخذ استاندر جير عادي بس محد مدحه لي كلش

والكل مدح التماتيك وتوكلت على الله وخذت التماتيك صراحه مافيه اي عيب في المدينه وفي الرمله 100%

وبخصوص العادي 2008 ماجربته

بالتوفيق اخوي

[قطر77]

اخوي ريح نفسك وخلك على التماتيك ابرك واحسن اعرف شباب وايد متحسفين امه مواترهم قير عادي

[بوعبد الله]

الله يعيين

[SuSu83]

السلام عليكم

شباب استفسار عالسريع وياريت تفيدونا بخصوص هالشي

أبي تزويد للكروزر في اكس ار الجديد ... اي شي يزيد عزم الموتر بدون خرابات .. بس يعطيه شوية عزم

طبعا عارفين مانبي مشاكل مع المرور والترخيص ...

ياريت أصحاب الخبره يفيدوني ... وتسلمون ...

[SuSu83]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟