:::تعلم الانجليزيه بدون معلم...وبلاش بعد:::احم

[The Master]

احم احم ثم احم

يالله حيهم بال guys و ال girls
يابالفيت عنقريزي...احم

سبب طرح هالموضوع...كثير منا يبغي يتعلم انجليزي لاسباب كثيره...
فا في موضوعي هذا راح اطرح بعض الافكار والحركات اللي ان شاء الله راح تفيد القارئ في تطور مستواه...

طبعا اهم شي واهم حاجه.... "الرغبه في تعلم اللغه وحب اللغه"....

بدون هالشي راح اتعب نفسك عالفاضي....ويضيع مجهودك...ووقتك...

نبدأ ب الاسباب في تعلم اللغه...

خلنا نعرف ليه تبغي تتعلم انجليزي؟؟؟
وش هي اهدافك من تعلم اللغه الانجليزيه؟؟
وايش هو المستوى المطلوب اللي راح يكفيك تعلمه؟؟

اسباب كثيره...
منها التوفل...لدخول الجامعه...
منها الشغل...للتوظيف وتطور المستوى في العمل...
منها مواكبة الناس والتطور...
منها عشان يشوف فلم انجليزي بدون ترجمه...احم...


اولا راح اذكر الطرق والوسائل بشكل عام وبعدها بالتخصيص...

متابعه الافلام والمسلسلات الاجنبيه بالترجمه الانجليزيه...كيف؟؟
انك تأجر لك ديفيدي...وبدال ماتحط الترجمه عربي....حط انجليزي...
راح تستفيد كيف نطق الكلمه...
كيف تهجئة الكلمه...وشكل الحروف وخفظ شكل الكلمه...
كيف تلفظ في الجمله ومكانها...
تعلم اللغه العاميه ومفرداتها ووين تنحط في الجمله...ومتى...وليه...
تكوين نغمه صوتيه للكلمه عند سماعها وحفظ متي يكون تواجدها في الجمله...وسهولة توقع الكلمه قبل سماعها...
وايضا التعود على الاستماع...وتكوين اذن مستمعه جيده للغه الانجليزيه...فا هذي تفيد كثير...
لان لما تقرا الكلام اللي ينقال يفيد...ويسهل عليك الكثير...وايضا يمتعك في المشاهده...وفهم الفلم اكثر من الترجمه العربيه....

قرائه الكتب...والافضل الجرائد المحليه...خاصه اللي انت تعرف وش اخبارها...وبدون مترجم...وان لقيت كم كلمه صعبه كمل الجمله ولا توقف...
راح تساعدك على فهم الكلمات الصعبه...فا بمتابعتك راح يتكون عندك تخيل لمعنى الكلمه...ولما تكمل راح تفهم القصد من الجمله...ان عرف المعنى الحرفي للكلمه فا هذا شي طيب وان ماعرفت مش مشكله...اهم شي تتعلم كيف تصيد المعنى بدون لا تعرف معني الكلمات الصعبه في الجمله...

وهم بعد اذا لقيت كلمه صعبه...حاول تناقشها مع اي حد حولك...واسألهم...اذا اعرفوا كان بها...وان لا دور معناها بالمترجم او غيره...
الفايده انك لما تناقشها وتسال راح تتثبت في بالك...ولما تشوفها مره ثانيه بتتذكر انها مرت عليك وتتذكر انك سالت عنها...فا تترسخ في البال...
هالطريقه ابرك من كلمه تقراها لحالك وتدورها بالترجمان...

وكذلك دايما حاول تكتب معاني الكلمات...فوق الكلمه...عشان ماتنساها...
وتدور مره ثانيه...

لما تكتب انشاء خاصه في التركيز على القواعد...
حاول دايما تكون لك اذن لها كود يميز الصح من الغلط بدون لا تكون شاطر في القواعد...كيف؟؟؟

يعني لما تكتب جمله...رددها في بالسر او بصوت...شوفها تركب ولا ماتركب...يعني هل وضعيه الكلمات ومكانها صح ولا غلط...
هالشي شوي صعب...لكن بتكون عندك القدره بالممارسه...
مشاهدة الافلام...واهم شي المسلسلات فا هي تساعد كثير...
وايضا القرائه...لكتب القواعد....
وايضا الكتابه تساعد...
بس يبغي لها وقت...احم

في الانشاء...او التعبير...

امسك القلم...خاصه الرصاص...وجيب دفتر ابيض...
اختار اي موضوع...اي شي...مب شرط مترابط...ادخل في موضوع واطلع في موضوع ثاني...خذ راحتك...اهم شي تكتب...

هذا راح يساعدك على الخيال...وتنمية الكتابه باللغه الانجليزيه...
وبعدها لازم اتطور شوي...وتختار موضوع...واكتب فيه...وحاول انك ماتطلع بره الموضوع ب اشيا جانبيه...
دايما حدد الموضوع والهدف منه...والنقاط اللي تبغي تذكرها...والتسلسل...
وكذا بتكون في السليم....احم

النطق والكلام...
جيب واحد من الربع...يعز عليك...عشان مايستلمك...احم
قول له...باكلمك بالانجليزي...اختار موضوع تشوف نفسك فاهم فيه...وسولف...
وشوي شوي...اللي يشتغلون في المحلات...حاول تسولف معهم...افتح اي موضوع...
كذا عشان يروح عنك الحيا والخوف وتتشجع...وايضا تطور من نفسك واسلوبك...
ومافيها شي اذا غلطت او تأتأت...الامور سهالات...محد بيلومك...وان استلموك شتسوي عقول...وعادي...وبالنسبه للاجانب يدرون ان لغتك الاساسيه مش الانجليزيه فا بيساعدونك...ولازم تعرف ان هم كذلك يغلطون...فا عادي...
واذا ما افهموا عليك....عيد الجمله او الكلمه...مره اثنين ثلاث...سهالات...
واذا تسوي اشاره بيدك عشان يفهمون هذا لا يمنع....
واذا اتغير في نطق الكلمه عشان يفهمون بعد هذا لا يمنع...
الامور ابسط من ما تتصور...


هذا بشكل عام....
وبشكل تخصص...

للتوفل او الامتحانات القبول...

يبغي له (practice) بشكل متواصل ودايم وتسوي (mock exams) يوميا ل 3 ساعات
عشان تتعلم نظام وطريقه الامتحان...
وهذا بيسهل عليك كثير...
صدق تعب وملل...لكن شي مطلوب...ولازم تسويه...
وهالطريقه من افضل الاساليب للنجاح...ولازم يكون عندك تكنيك انت اتألفه ويكون يصلح لك...للاجوبه وفي طريقة الاجابه على الاسأله...
في الاستماع او القواعد او الكتابه والقراءه...
ومارح تقدر تسويه الا بالممارسه والتعب...مافي شي بلاش....


للي يبغون في مجال عملهم...

حاول تستخدم الكلمات في مجال عملك وتتعلمها...وتفهمها...
وطبعا دائما العائق هو في الكلام او القاء كلمه...

جيب لك ناس او شخص في مجال عملك يعزون عليك...
واختار موضوع في مجال عملك...كا مشروع مثلا...او اي شي انت ملم فيه...وفاهمه...
وخلهم قاعدين...في القاعه مثلا...وانت وقف...وقول الكلام او الموضوع اللي تبغي تقوله...قدامهم...طبعا بالانجليزي...
وحاول تخليه رسمي...بالاسأله وتخليهم يذكرون نقاط...او انت اسألهم...
وشوي شوي راح تجيك الجرأه...وبيكون عندك شي عادي...ان شاء الله...


طبعا هذا ماراح يكون الا بالتعليم....في المعاهد او المدارس او غيره...
واللي ذكرتها اشيا تقدرون تسوونها في حياتكم اليوميه...

اممممممممم
اتمنى اني غطيت الموضوع بشكل عام...
وانكم استفدتوا منه...

هذا طبعا بحث انا عملته...
من سنين غربه...ومن الناس اللي حولي...استفدت منهم وافدتهم...
فا قلت ليه ما اشارك بهالافكار....ان افادتكم كان بها...وان لا ما ضرتكم....
وتبقى افكاري...احم

ومن عنده افكار او اشيا هو يشوفها تنفع في تعلم وتطوير اللغه الانجليزيه فليذكرها في الموضوع...ولا هان...
وراح تثريه...ويكون مرجع للكل ان شاء الله....ويعم الاجر للجميع...

ويامرحبا بكم...

[~ نســـايم ~]

جزاك الله خيرا اخي الكريم ماستر و موضوع متعوب عليه وجهد ممتاز و مفيد للجميع وايضا فرصة لمن لديه اي استفسار او اضافات ان يتحف الجميع بها ويفيدهم


عن نفسي كان لدي ضعف منذ زمن طويل في هذه اللغه على الرغم من درجاتي العاليه فيها لكن لم اكن ارى انني استفدت كثيرا فتكلمت مع احدى المتمرسات فنصحتني بنصيحتين افادتني كثيرا الى ان اصبحت بمستوى رائع لم اتوقعه واتكلم بطلاقة ,,


الاولى : ان افتح القاموس واتعلم 10 كلمات على الاقل يوميا وكنت اتعلم اكثر من 10 ,,


الثانيه : ان اصادق من الفتيات من يتكلمن باللغه الانجليزيه و اتكلم معهم بين الفينة والاخرى والحمدلله صادقت فتيات صالحات ولكن لم يكن يستطعن التكلم بالعربية فلا يعرفن الا الانجليزيه ولغتهن الاصلية فلذا يتكلمن بالانجليزيه مما جعل اللغه عندي ممتازه ,,


اما الشيء الذي اتبعته لوحدي من ناحية الكتابة فقد كنت احاول ان اقرأ في بعض المجلات الاجنبيه و ايضا في بعض المواقع و اجرب بنفسي الكتابة الى ان نجحت في هذا الامر بفضل الله سبحانه وتعالى فله الشكر وله الحمد ,,


اسمح لي اخي الكريم على الاطالة واتمنى انني استطعت الافاده ولو قليلا


والسلام عليكم ورحمة الله وبركاته

[(الفيصل)]

المناخ والبيئة مهمه ياسيدي ماستر
فضلاً على الارادة التي تفضلت بها
اذن
ارادة + تعلم+ ممارسة ومناخ= بلبل عنجريزي:)

[The Master]

جزاك الله خيرا اخي الكريم ماستر و موضوع متعوب عليه وجهد ممتاز و مفيد للجميع وايضا فرصة لمن لديه اي استفسار او اضافات ان يتحف الجميع بها ويفيدهم


عن نفسي كان لدي ضعف منذ زمن طويل في هذه اللغه على الرغم من درجاتي العاليه فيها لكن لم اكن ارى انني استفدت كثيرا فتكلمت مع احدى المتمرسات فنصحتني بنصيحتين افادتني كثيرا الى ان اصبحت بمستوى رائع لم اتوقعه واتكلم بطلاقة ,,


الاولى : ان افتح القاموس واتعلم 10 كلمات على الاقل يوميا وكنت اتعلم اكثر من 10 ,,


الثانيه : ان اصادق من الفتيات من يتكلمن باللغه الانجليزيه و اتكلم معهم بين الفينة والاخرى والحمدلله صادقت فتيات صالحات ولكن لم يكن يستطعن التكلم بالعربية فلا يعرفن الا الانجليزيه ولغتهن الاصلية فلذا يتكلمن بالانجليزيه مما جعل اللغه عندي ممتازه ,,


اما الشيء الذي اتبعته لوحدي من ناحية الكتابة فقد كنت احاول ان اقرأ في بعض المجلات الاجنبيه و ايضا في بعض المواقع و اجرب بنفسي الكتابة الى ان نجحت في هذا الامر بفضل الله سبحانه وتعالى فله الشكر وله الحمد ,,


اسمح لي اخي الكريم على الاطالة واتمنى انني استطعت الافاده ولو قليلا


والسلام عليكم ورحمة الله وبركاته

هلا ومرحب اختي نسايم
تشكرين على هالاضافه الطيبه والمفيده...

ويجزاك خير يارب...

بالنسبه للقاموس فكره طيبه...تفيد انها تنمي الخلفيه عندك...واشوف انك تختار كلمات او قاموس ان وجد في مجال حياتك اليوميه فا تقدر تستخدمها دايما ومنها انك ماتنساها...

وعن مصادقه الفتيات...هذا شي طيب...بذلك انت تكونين البيئه حواليك فا تساعدك...طبعا ان وجد...

والقراءه مفيده جدا...والحمدلله انها ساعدتك كثير...

ماطولتي ابد اختي...الا مشاركتك كانت طيبه ومثريه...والمكان مكانك اختي...

وعليكم السلام ورحمة الله وبركاته...

ويامرحبا بك
ولاهنتي على التواجد المثري...

[سداوي&مدريدي]

Hi

:telephone:

[شعنونة قطر]

ماشاء الله عليكم


انا لغتي حلوه مايحتاج

[شـعـشـبـونـه]

احححححححححححححححححححححم

:victory:

[بوعلي 78]

يعطيك العافيه يامستر احم احم
بس اذا ممكن اني اضيف شي

وهو قرائة الصحف باللغه العنقريزيه بشكل يومي تفيد جدا في تعلم قواعد اللغه والكلمات الجديده

لأن في الصحف موجوده الافعال بكل حالاتها وهي الماضي والحاضر والمستقبل والماضي المستمر و إلخ
فهذي تقوي قواعد اللغه بشكل ممتاز جدا اذا كانت القراءه تكون بتمعن وفهم وتحليل الجمل والفتره الزمنيه إلي تتكلم عنها كل جمله.

السموحه يااحم احم

[The Master]

Hi

:telephone:

"Hiiiiiiiiii"en

:telephone:
:secret:

[The Master]

ماشاء الله عليكم


انا لغتي حلوه مايحتاج

احم.....
اهم شي الثقه...احم

يبغيلج امتحان تحديد مستوى...احم

كان ودنا تطرحين الاسباب اللي خلت لغتج حلوه....وتفيدين ونستفيد...

يامرحبا بك

[The Master]

احححححححححححححححححححححم

:victory:

احمييييييييييييييييييييييييييين

:shy:

[Marshmallow]

فعلا كلامك 1000% صححححححح

لاني انا معظم اللي قلت كنت اطبقه

وحزات لما اكون مشغوله او ارتب مثلااا اشغل على اي شي بالانجليزي

حتى لو ماكون منتبهه معاه بس اذني تاخذ على اللغه

وعندي اضافه اذا تسمح بعد انا اسويها وانصح الكل بها

وهو انك تحول تلفونك وسستم الكمبيوتر عندك بالانجليزي

جربوها وبتجوفون بنفسك

واسفه ع الاطاله
بس مابغيت ابخل عليكم بهالنصيحه

تحياتي

[The Master]

فعلا كلامك 1000% صححححححح

لاني انا معظم اللي قلت كنت اطبقه

وحزات لما اكون مشغوله او ارتب مثلااا اشغل على اي شي بالانجليزي

حتى لو ماكون منتبهه معاه بس اذني تاخذ على اللغه

وعندي اضافه اذا تسمح بعد انا اسويها وانصح الكل بها

وهو انك تحول تلفونك وسستم الكمبيوتر عندك بالانجليزي

جربوها وبتجوفون بنفسك

واسفه ع الاطاله
بس مابغيت ابخل عليكم بهالنصيحه

تحياتي

هلا ومرحب اختي Marshmallow
تشكرين على التواجد الجميل...والاضافه الطيبه...
وشي طيب ان نشوف من عيال بلادنا من هم عندهم اللغه وبتمرس...شي ينحسب لهم...
فا بالتوفيق وكيب موفينق فورورد...

وعن تشغيل شي بالانجليزي..اشوفها حركه جديده ويبغي لها تجربه...احم...وهذا لا يمنع...

وتحويل التلفون للانجليزي فا هذا شي لازم دوما...وفي كل الالكترونيات...تنفعك من ناحية تطوير الكلمات عندك...واضافة المعاني الجديدة...

يامرحبا بك
ولاهنتي على الاضافه الطيبه...وان شاء الله تكون مثريه للجميع ومفيده...

[لولوتي]

ما شاء الله موضوع مفيد جدا

لك الف شكر :)


وشاع منفاشك :nice:

[قدام]

خاطري اتكلم انقليزي .................... بس تعبت

[الصريحه]

شكراااااااااااااااااااا

[سهم مديون]

نصائح ولا أروع ..

ان شاء الله الجميع يستفيد منها ..

يعطيك العافية ..:nice:

[نورالهدى]

نصائح طيبه
وإن شاء الله يستفيد الجميع

[القناعة كنز]

الله يجزيك خير على هالموضوع وان شالله الكل يستفيد منه

هذي ملفات فديو من موقع اليوتيوب تعلمك شاتقول بالانجليزي في مواقف
مثلا لما تعرف نفسك على حد :

http://www.************/watch?v=nTSl4DuwJVk&feature=PlayList&p=F70184BC703BFBCA&playnext=1&playnext_from=PL&index=28

وهني لما تتكلم عن الوقت :
http://www.************/watch?v=qI1yQQ8Ppa4&feature=PlayList&p=F70184BC703BFBCA&index=29

وهني تطلب من مطعم :
http://www.************/watch?v=qAhAX0UcOm0

وهني لين بتسافر :
http://www.************/watch?v=XKuZ4gxxwDk&feature=related


في غيرها وايد بالموقع ان شالله تستفيدون منها

[الجووري]

يعطيك العافيه ع المجهود المتعوب عليه واسمح لي ع الاضاااافه واتمنى تفيد الغير

بعض الناااس يستحي انه يتكلم بالانجليزي خوفا من الوقوع في الخطا وهذا اكبر خطأ اللغه ممارسه وان كانت بدايتهاا خطا لان الواحد يتعلم من اخطأه وتعلم قواااعد اللغه لانه هي نصف اللغه ومااااافي شي اسمه مستحيييل
واشكرك على هالموضوع المميز لاهنت

[The Master]

ما شاء الله موضوع مفيد جدا

لك الف شكر :)


وشاع منفاشك :nice:

هلا ومرحب خيتو لولوتي...

نورتي خيتو...وشرفتي...
اهم شي الفايده...احم
العفو ماسوينا شي...اهم شي تستفيدون...

وشاع منفاشك...احم
قعدت يوم كامل احاول افهم وش المعنى ماقدرت...
ماعرفت الا امس...لما ولد اختي قراه وقال لي يعني عاش من شافك...قلت له اشدخل...قال لي وش عرفك...يالمفهي...احم

عاشك ايامك...احم...

يامرحبا بك
ولاهنتي على المرور الجميل...احم

[عازف الاورج]

مشكورررر وجزاك الله خير

[The Master]

خاطري اتكلم انقليزي .................... بس تعبت

هلا ومرحب saeed

اللغه ياخوي يبغي لها تعب...ماتجي مني والطريق...
ناس تغترب...ناس تبتعد...ناس ترافق...ناس عيونها تروح...كله عشان اللغه...احم

فا شد حيلك ياخوي...وخل عندك الاصرار والعزيمه...(احم)

وموفق ياخوي...

ويامرحبا بك
ولاهنت على الطله...

[The Master]

شكراااااااااااااااااااا

عفواااااااااااا

احم

[The Master]

نصائح ولا أروع ..

ان شاء الله الجميع يستفيد منها ..

يعطيك العافية ..:nice:

هلا ومرحب اخوي سهم مديون (الله يفك كربتك...احم)

الاروع في مرورك اخوي...
ان شاء الله...

ويعافيك يارب...

ويامرحبا بك
ولاهنت علـي المرور

[The Master]

نصائح طيبه
وإن شاء الله يستفيد الجميع

هلا ومرحب نور الهدى...

تشكرين على المرور الطيب...
ان شاء الله...

يامرحبا بك
ولاهنتي على المرور

[The Master]

الله يجزيك خير على هالموضوع وان شالله الكل يستفيد منه

هذي ملفات فديو من موقع اليوتيوب تعلمك شاتقول بالانجليزي في مواقف
مثلا لما تعرف نفسك على حد :

http://www.************/watch?v=ntsl4duwjvk&feature=playlist&p=f70184bc703bfbca&playnext=1&playnext_from=pl&index=28

وهني لما تتكلم عن الوقت :
http://www.************/watch?v=qi1yqq8ppa4&feature=playlist&p=f70184bc703bfbca&index=29

وهني تطلب من مطعم :
http://www.************/watch?v=qahax0ucom0

وهني لين بتسافر :
http://www.************/watch?v=xkuz4gxxwdk&feature=related


في غيرها وايد بالموقع ان شالله تستفيدون منها

هلا ومرحب اخوي القناعه كنز...

ويجزاك خير يارب...ولك بالمثل...

تشكر على هالفيديوهات الطيبه...اهم شي اللي بيرورحون السينما...احم

ويامرحبا بك
ولاهنت على الاضافه الجميله...

[The Master]

يعطيك العافيه ع المجهود المتعوب عليه واسمح لي ع الاضاااافه واتمنى تفيد الغير

بعض الناااس يستحي انه يتكلم بالانجليزي خوفا من الوقوع في الخطا وهذا اكبر خطأ اللغه ممارسه وان كانت بدايتهاا خطا لان الواحد يتعلم من اخطأه وتعلم قواااعد اللغه لانه هي نصف اللغه ومااااافي شي اسمه مستحيييل
واشكرك على هالموضوع المميز لاهنت

هلا ومرحب اختي الجووري
ويعافيك يارب...وتستاهلون كل خير...اهم شي الفايده خيتو...والدعاء الطيب...

افا عليك...الموضوع موضوعك...واخذي راحتك...
اضافه طيبه...تشكرين عليها...وان شاء الله الفايده تعم الجميع...

اكيد المستحيل مش موجود في عالم الابداع...احم...ارحم حالك بس...

والعفو اختي...ولا انتي...

ويامرحبا بك...

[The Master]

مشكورررر وجزاك الله خير

العفوووووو

ويجزاك يارب...

يامرحبا الساع...احم

[alqtri]

والله صادق يالماستر انا ما اقولك اللغه عندي توب التوب لا يعني لاباس فيها

2003 درست في لندن 7 شهور كنت اسمع اغاني انجليزيه ما افهم عليهم وش كنت اسوي

كنت افتح النت واطلع كلمات الاغنيه واتبع مع الاغنيه من الاول ولين الاخير وانا اشوف الكلمات

علشان الاكسنت شوي سريع للي يغنون وماينفهم بسرعه وعلى هالحال لين يومك هذا

ما اسمع الاغنيه الانجليزيه علشان طربها او شي لا بس علشان الكلمات وفهم الاكسنت السريع مع الاغاني

بس الكتابه عندي تعبانه شوي اكتب بس الاسبلنق تعبان كلش عادي اكتب كلمه تطلع (( سيزر سلط )) :d

القواعد مالي خبره فيها بس لما اتكلم يعني احسن من اني اكتب لان الانجليزي فيه 3 او 4 كلمات لما تحط وحده منهم في جمله تعطيك نفس المعنى

وبعضهم تلاقيه عارف كلمه من هالـ3 او 4 كلمات ويعطونه جمله فيها نفس المعنى مايعرف الكلمه الا لين يترجمها

فكانو يعلمونا الكلمات المتشابهه وايد اخبر والحمد لله الحين زينه اللغه عندي يعني افهم على الشخص واوصل المعلومه مثل ما ابي للطرف الثاني

تسلم لي على هالموضوع المميز

[دلوعه امها]

ابي اتعلم :(

[The Master]

والله صادق يالماستر انا ما اقولك اللغه عندي توب التوب لا يعني لاباس فيها

2003 درست في لندن 7 شهور كنت اسمع اغاني انجليزيه ما افهم عليهم وش كنت اسوي

كنت افتح النت واطلع كلمات الاغنيه واتبع مع الاغنيه من الاول ولين الاخير وانا اشوف الكلمات

علشان الاكسنت شوي سريع للي يغنون وماينفهم بسرعه وعلى هالحال لين يومك هذا

ما اسمع الاغنيه الانجليزيه علشان طربها او شي لا بس علشان الكلمات وفهم الاكسنت السريع مع الاغاني

بس الكتابه عندي تعبانه شوي اكتب بس الاسبلنق تعبان كلش عادي اكتب كلمه تطلع (( سيزر سلط )) :d

القواعد مالي خبره فيها بس لما اتكلم يعني احسن من اني اكتب لان الانجليزي فيه 3 او 4 كلمات لما تحط وحده منهم في جمله تعطيك نفس المعنى

وبعضهم تلاقيه عارف كلمه من هالـ3 او 4 كلمات ويعطونه جمله فيها نفس المعنى مايعرف الكلمه الا لين يترجمها

فكانو يعلمونا الكلمات المتشابهه وايد اخبر والحمد لله الحين زينه اللغه عندي يعني افهم على الشخص واوصل المعلومه مثل ما ابي للطرف الثاني

تسلم لي على هالموضوع المميز

هلا ومرحب اخوي القطري...

اييييييه ذكرتني بما مضى...(اشفييييه..احم)
ايام لما كنت في امريكا...رايحين لغه...بيوم كان عندنا امتحان...
الربع يسأالون وين علوي...اووه هذا هو هناك...ماسك اوراق...قاعد يحفظ الم...ي... احم...بس تعال...حاط سماعات...اشدخل؟؟...اممم...خلنا نسأله...علوي وش قاعد تسوي؟؟؟...هلا هلا (طبعا البراطم على قدام...والعيون مشنصه...مفهي حده..احم)...قاعد اسمع كلمات الاغاني...سمعت كلمه وبغيت اعرف معناها...يعني تعرف باقي الكلمات؟؟...لا لا بس كلمه منرفزتني الا اعرفها....احم...مالت بس...طيب والامتحان؟؟؟...عادي اقعد والف...احم...لا بالله فلحنا...

فا لما ذكرت سالفتك تذكرت هالسالفه...سنة 2000...احم

اما بالنسبه للسبيلينق...عندك وعندي خير...احم...
بس الاهم...تحفظ شكل الكلمه...كا بدايه...وتحاول تقرا كثير...
ولما تكتب حاول تحس بالكلمه...(اشدخل؟؟)...اقصد لما تكتب حاول تهجي الكلمه...وراح تمشي معاك...مب شرط الكلمه كلها صح...بس بشكل عام تنقرا صح...مب سيزر سلط...احم...

وعن الكلمات المتشابه...صحيح...وهذا ينفع...

تشكر خيو على الاثراء الجميل صراحه...وعلى المشاركه الطيبه...

ويامرحبا بك
ولاهنت على التواجد المثري...

[The Master]

للرفع وللفائده...نعم نعم

[qatar-2022]

يعطيك العافية اخوي ماستر على الموضوع المميز والجيد في الطرح.
انا احب اللغة واتعب على نفسي في تعلمها من خلال قراءة القصص الانكليزية والجريدة والافلام الجنبية.
واطمح للمزيد في اتقان اللغة بشكل ممتاز أن شاء الله.

[OTOsan]

بعيدا عن الانجليزي ..وتعليم الانجليزي ..


انت عليان ماغيره ..؟؟ :)

انا مشبه عالاحم مالتك :)

[The Master]

ابي اتعلم :(

من بغى العلى سهر الليالي...نعم نعم...احم

ركزي على الدروس وبيكون فالك العنقلزه...احم....وبالتوفيق...
اهم شي الاراده...والرغبه...

[نبـــــراس]

ننتظر الدروس ابي اتعلم

[شموخ وبس]

هاي اخوي ماستر ياليت تعطينا دروس او مواقع في الرايتينج احم اذا ممكن

[The Master]

يعطيك العافية اخوي ماستر على الموضوع المميز والجيد في الطرح.
انا احب اللغة واتعب على نفسي في تعلمها من خلال قراءة القصص الانكليزية والجريدة والافلام الجنبية.
واطمح للمزيد في اتقان اللغة بشكل ممتاز أن شاء الله.

هلا ومرحب qatar-2022
ويعافيك يارب...
تشكر على الاطراء خيو...

هذا المطلوب...جهد ينبذل...عشان تطلع بنتيجه...
مش قاعد تشرب لي كرك...وتقول ابغي اتعلم...احم

فالك التوفيق يارب...وتستاهل خير...وعسى تكون في طاعه الله ورسوله خيو...

وكيب موفينق فورورد...

ويامرحبا بك
ولاهنت...

[The Master]

بعيدا عن الانجليزي ..وتعليم الانجليزي ..


انت عليان ماغيره ..؟؟ :)

انا مشبه عالاحم مالتك :)

احم...

يامرحبا ب الاب الروحي...احم...

هالله هالله...وصلت...

شكلك غبت فترة طويله...الحمدلله على السلامه...ويامرحبا بك..."o genki desu ka" بالياباني...احم

بس وش رايك في النيو لوك...احم...

Konichiwa....

[البنـدري]

مرحبا بابا ماجستير << غيرت اللقب من السيد


يعطيك العافيه ع الموضوع

[The Master]

ننتظر الدروس ابي اتعلم

ابشر...يبغي لها عصر مخ...احم

قزرها على الموجود...لين ما انزل شي جديد...احم

[anything99]

متابعه الافلام والمسلسلات الاجنبيه بالترجمه الانجليزيه...كيف؟؟


ضد فكرة مشاهدة الافلام الاجنبية مجملا وتفصيلا ..

انصح بسماع محاضرات الشيخ yusuf estes اللهجة الامريكية من تكساس .. وبنفس الوقت تتعلم مفردات الاسلام الانجليزية وبامكانك الدعوة الى الله في وقت تعارفك على الناس ..

[بوعلي 78]

they say; if you can speak 2 languages or more, your brain can think faster than someone who speaks only 1 language.
which means as much languages you can speak your brain will be faster.

however, i believe that English as a language is the easiest than all other languages in the world, because its used more than the others (languages) and you can practice it everywhere. And it is less complicated than the others.

as i said before, reading the newspaper every day will help you in the grammar and vocabularies, watch movies without translation. and to improve your spelling write what you read.

it just needs some practicing


thanks THE MASTER for the interesting topic

:nice:

[The Master]

هاي اخوي ماستر ياليت تعطينا دروس او مواقع في الرايتينج احم اذا ممكن

هلا ومرحب شموخ وبس...

ابشر...ماطلبت شي...

في المستقبل القريب ان شاء الله...

ويامرحبا بك
لاهنت

[The Master]

مرحبا بابا ماجستير << غيرت اللقب من السيد


يعطيك العافيه ع الموضوع

هلا ومرحب خيتو المرسى...احم

بابا ماجستير؟؟؟ بخصوص يعني...:waiting: احم

ويعافيك يارب...يالله تدربي على اللي وضحته...وان شاء الله تعدين التوفل..احم

ويامرحبا بك
لاهنتي...على هالطله

[البنـدري]

هلا ومرحب خيتو المرسى...احم

بابا ماجستير؟؟؟ بخصوص يعني...:waiting: احم

ويعافيك يارب...يالله تدربي على اللي وضحته...وان شاء الله تعدين التوفل..احم

ويامرحبا بك
لاهنتي...على هالطله




عديت الـ ielts وتقولي تعدين التوفل :anger1:

لاهنت ع التوضيحات وكثر الله خيرك :omen2:

[السليطي]

افكار حلوه من الجميع

[Mr.1]

موضوع قمـه في الروعـه
نصايح مفيدة للغايـه
تسلم اناملك the master
الصراحه ابدعت ..,

[The Master]

ضد فكرة مشاهدة الافلام الاجنبية مجملا وتفصيلا ..

انصح بسماع محاضرات الشيخ yusuf estes اللهجة الامريكية من تكساس .. وبنفس الوقت تتعلم مفردات الاسلام الانجليزية وبامكانك الدعوة الى الله في وقت تعارفك على الناس ..

هلا ومرحب خيو anything99

افا عليك ضد ضد...ولا تزعل...
لكن شوف كيف طلعت بشي ثاني مفيد...فا هذي فكره تنحسب لك...

ربك سبحانه قال..."ومن يتق الله يجعل له مخرجا...ويرزقه من حيث لا يحتسب"...

فا احسنت اخوي...وبارك الله فيك...وبصراحه اعجبتني افكارك...حبتييييين ياولد...احم....والله يجازيك خير...ويعطيك على قد نيتك يارب...

وموفق خير يارب...

يامرحبا بك
ولاهنت على اثراء الموضوع بالافكار النيره والمفيده...والاختياريه للي يبغي الفايده مع الاجر...

[The Master]

they say; if you can speak 2 languages or more, your brain can think faster than someone who speaks only 1 language.
Which means as much languages you can speak your brain will be faster.

However, i believe that english as a language is the easiest than all other languages in the world, because its used more than the others (languages) and you can practice it everywhere. And it is less complicated than the others.

As i said before, reading the newspaper every day will help you in the grammar and vocabularies, watch movies without translation. And to improve your spelling write what you read.

it just needs some practicing


thanks the master for the interesting topic

:nice:

اوش اوش...ياعيني على اللغه...احم
كان ودي ارد عليك بالانجليزي بس العالم بتتعب مع الديكشينري ولا قوقل للترجمه...احم

اتفق معاك في تعدد اللغات..يفيد وينفع...وايضا من الدلالات على الذكاء...احم
الحمدلله بالنسبه لي تعلمت 3 لغات بالاضافه الى العربيه...احم...
وكذلك سرعه البديهه...احم

وان شاء الله الناس تقرا الجرايد وتتعلم...وتستفيد...وتتطور...

يامرحبا بك...والعفو...ماسوينا شي خيو....انتوا اللي اثرتوا الموضوع ب خبراتكم ومعلوماتكم الطيبه...

لاهنت على التواجد الجميل...

[The Master]

عديت الـ ielts وتقولي تعدين التوفل :anger1:

لاهنت ع التوضيحات وكثر الله خيرك :omen2:

احم...لا يحوشك...
بالمبارك...تستاهلين...وعقبال التوفل...احم...

ولا انتي...اهم شي خيرك...احم...كنك تقولين اي خير ان شاء الله...احم

يامرحبا بك
نورتي

[The Master]

افكار حلوه من الجميع

يا مرحبا بك

[The Master]

موضوع قمـه في الروعـه
نصايح مفيدة للغايـه
تسلم اناملك the master
الصراحه ابدعت ..,

هلا ومرحب اخوي Mr.1

تشكر على الاطراء والكلام الجميل...
الروعه في تواجدك خيو...
اتمنى انها تفيدكم...وتنفعكم...
ومن قال سالم خيو...
الابداع بتواصلك...وكلامك الطيب...

يامرحبا بك
ولاهنت على المرور خيو...

[موضي قطر]

موضوعك ممتاز وأيضاً طرحك خاصة للذين يريدون اتقان الانجليزية

[(حوريه)]

بجد نصائح من ذهب

انا ضعيفة في الكتابة ولكن في المحادثه اتحدث بطلاقة

هل لديك نصائح خاصه

شكرا جزيلا على هذا الموضوع القيم

[The Master]

موضوعك ممتاز وأيضاً طرحك خاصة للذين يريدون اتقان الانجليزية

هلا ومرحب اختي موضي قطر...

تشكرين على المرور والكلام الطيب...
عسانا افدنا وكذلك منكم نستفيد...

يامرحبا بك
ولاهنتي على المرور اختي

[(بوعوف)]

شكرا على الطرح المــــــفيد ...يعطيك الف عافية

[The Master]

بجد نصائح من ذهب

انا ضعيفة في الكتابة ولكن في المحادثه اتحدث بطلاقة

هل لديك نصائح خاصه

شكرا جزيلا على هذا الموضوع القيم

هلا ومرحب اختي حوريه
معليش على التاخر في الرد...انشغلت مع الجامعه...وبعض الامور الجانبيه...احم

تشكرين على المرور....
وبالنسبه للكتابه...انا ذكرت بعض النصايح فوق...لكن ان بغتي زود...حاضرين لك...

لكن حبيت اعرف وين الضعف...في الكتابه كا موضوع وسرد....او كا كلمات...
ياريت تذكرين...وابشري باللي اقدر عليه...

والعفو...
ويامرحبا بك
ولاهنتي على الكلام الطيب...

[The Master]

شكرا على الطرح المــــــفيد ...يعطيك الف عافية

هلا ومرحب بوعوف...

العفو...ويعافيك يارب...

ويامرحبا بك
لاهنت على المرور

[عين قطر]

thanks

[بنت المزن]

االسلام عليكم....

شكرا على الموضوع المفيد والمنتج....
لكن معليش باطلع من نقطة التعلم إلى نقطة ثانية....
اكتساب لكنة معينة.. الحين ولله الحمد لغتي فوق الممتازة كتابة ومحادثة... لكني رفضت اتحدث بلهجة معينة سواء امريكية او بريطانية.... لظني انني مهما حاولت لن اتقن اللكنة وانا قاعدة في قطر ما أطلع منها... فليش اتكلم بلكنة مكسورة.... شفت انه الافضل لي ان الغي اي لكنة تدل على لغتي العربية مثل تفخيم الراء والللام واصبحت اتقن وضع stress في الكلمة...وغير استخدام تعابير native speakers.
مع المخالطة عجبتني لهجة جنوب افريقيا جدا جدا... ولهجة اهل استراليا....
هذي بس خاطرة في بالي... ومشكور مرة ثانية على الموضوع..

[The Master]

thanks

Welcome bro
ehm

[The Master]

االسلام عليكم....

شكرا على الموضوع المفيد والمنتج....
لكن معليش باطلع من نقطة التعلم إلى نقطة ثانية....
اكتساب لكنة معينة.. الحين ولله الحمد لغتي فوق الممتازة كتابة ومحادثة... لكني رفضت اتحدث بلهجة معينة سواء امريكية او بريطانية.... لظني انني مهما حاولت لن اتقن اللكنة وانا قاعدة في قطر ما أطلع منها... فليش اتكلم بلكنة مكسورة.... شفت انه الافضل لي ان الغي اي لكنة تدل على لغتي العربية مثل تفخيم الراء والللام واصبحت اتقن وضع stress في الكلمة...وغير استخدام تعابير native speakers.
مع المخالطة عجبتني لهجة جنوب افريقيا جدا جدا... ولهجة اهل استراليا....
هذي بس خاطرة في بالي... ومشكور مرة ثانية على الموضوع..

هلا ومرحب اختي بنت المزن...
وعليكم السلام...

اشكر لك تواجدك الجميل...
وعن اللكنه...امممم....بتجي بشكل عفوي...على حسب حنا وش نتابع...او وش نشوف...من افلام ومسلسلات وغيره...
بس اغلب اللكنات تكون الامريكيه...وذلك بسبب انتشار الميديا الامريكي...يعني الاعلام...من قنوات تلفزيونيه وافلام سينما واغاني...كلها تؤثر...

تعجبك لكنة الاستراليين...
اوي اوي....قو داي...اوزي...
اشوفها مكس بين الامريكيه والبريطانيه...

تشكرين على النصيحه والفايده اختي...ان شاء الله تفيد...

ويامرحبا بك
ولاهنتي علي التواجد...

[The Master]

للرفع لتعم الفايده...للي ماقراها...

[قدام]

كل يوم اقرا كتب تعلم اللغه .. بس الفايده بطيئه جدااا ..................والدوام محد اجنبي كلهم عرب
ارجو طرح تجارب او ما هي الادواات او اللي بيسافر يتعلم لغه كم شهر يكفيه و اي دوله افضل و ارخص
شكرااا

[عباري قطر]

لو مأسسينا من واحنا صغار كان ماتعنينا =\

يعطيك العافيه =)

[The Master]

كل يوم اقرا كتب تعلم اللغه .. بس الفايده بطيئه جدااا ..................والدوام محد اجنبي كلهم عرب
ارجو طرح تجارب او ما هي الادواات او اللي بيسافر يتعلم لغه كم شهر يكفيه و اي دوله افضل و ارخص
شكرااا

هلا ومرحب اخوي سعيد...

تامر امر اخوي...ماطلبت شي...
بس ماراح تستفيد كثير وانت تقرا كتب...الفايده تكون بالممارسه...

جرب تكلم العرب اللي معاك بالانجليزي...فهمهم انك تبغي تطور من لغتك...وان شاء الله يتعاونون معاك...
ارجع اقرا اللي انا كتبته...وراح تلقى وسائل تساعدك على تطوير اللغه...

اما اذا لك خاطر تسافر بره...
امممم
عندك استراليا...مافيها عرب كثير...
عندك بريطانيا...العرب اكثر من الانجليز...احم
عندك امريكا...بس اختار المعاهد اللي مافيها عرب...عشان تستفيد اكثر...

الفتره...اشوف شهرين ترتيب...لكن في النهايه يعتمد عليك انت ما شخص...ومستوى عقلك...ورغبتك في التعلم...واهدافك من التعليم...

وموفق ان شاء الله...
وان بغيت اي شي انا حاضر...

يامرحبا بك

[القائــد]

بجد نصائح من ذهب

انا ضعيفة في الكتابة ولكن في المحادثه اتحدث بطلاقة

هل لديك نصائح خاصه

شكرا جزيلا على هذا الموضوع القيم

تقرأي كل يوم قصص وأفضل شي تبدأي بالقصص القصيرة واكتبي منها يوميا لا يقل عن 20 سطر لان الكتابة تحفظك الكلمات

[القائــد]

مرحبا بك يعطيك العافيه على الموضوع

القراءة مفيدة عشان تحفظ كل يوم كلمات جديدة
والحديث مهم أيضا عشان تطبق اللي تعلمته واهم شي انك ما تستحي من الغلط اغلط مره مرتين شوي شوي تتعلم، الواحد يصاحب له فلبيني او اي شخص يتكلم معه يوميا ساعه واحدة
وبعدين البايعين كلهم اجانب في كل مكان الأفضل حديث معهم بالانجليزي
وقرأءة الجرايد ومشاهدة قنوات اخباريه الانجليزية مثل الجزيرة الانجليزية تتعود على الكلمات الاخباريه والأقتصاديه والرياضية
يوميا ساعه على الأقل أفضل من شخض يسمع له أغاني بعدين عندك قنوات اخباريه كثيرة

وبرفق لكم ملف فيه : ( قواعد اللغة الانجليزية ، اهم 500 كلمة في اللغه الانجليزية ، وقواعد النطق في اللغة الانجليزية )

وقواعد النطق في اللغة الانجليزية حجمه 3 ام بي مع برنامج winrar بدون هالبرنامج حجمه 8 ام بي ما عرفت انزله ممكن حد يفيدني

ولا تنسونا من دعواتكم

[The Master]

اوووه...ماشاء الله عليك اخوي القايد...
توني اشوف ردودك...
خلني اشيك على الملفات وبعدها ارد عليك...اسمح لي تفهي من قلب...

[The Master]

للرفع....
وزياده المعرفه...والاثراء...

[(الفيصل)]

أضيف شيء جديد لتعلم اللغة
متابعة افلام الكرتون الانجليزية (بإمعان) والتدقيق بالحوار
:nice: