من باب اخذ الحيطه والحذر

[كروشيه]

لقد تعرضت مؤخرا لموقف صدمني من محل بيع الهواتف النقاله في الكارفور فرع السيتي سنتر ، حيث قمت بشراء هاتف نوكيا وسعر البيع طبعا هناك على اساس ان الهاتف جديد ، لانه ما عندهم مستعمل ابدا ، ولكن الصدمه بعد شرائي للهاتف باربع أيام اكتشفت في بطاقة الذاكرة الخاصة بالهاتف صور لرجال صورت بتاريخ شهر فبراير عام 2009 ، مما يعني شئ من اثنين اما الهاتف مستعمل او بطاقة الذاكره مستعلمه ، وانا اليوم ناويه ارجعه لهم واسترجع افلوسي كلها ، بس حبيت انصحكم للحذر

[بنت العصـيمي]

سبحان الله

اشوف هالايام زايده سالفة النصب والاحتيال

الله يعينا عليهم والله

[@north_star@]

قطيه بوجه اللى شريتيه منه لانه وجود الصوره فى التلفون قبل التاريخ اللى انتى شريتي التلفون فيه اكبر دليل انه مستخدم من قبل

[شبح الصمت]

أختي دققي فالصور يمكن مب مستعمل يمكن واحد من الزباين خذه وقعد يجرب تصوير كمرته .. هذا احتمال وشوف الصور هل اهي في كارفور .. لأنه بعض الظن أثم .. وتراني ما ادافع بس مابيج تتسرعين ويحرجونج ولأنه من حقج تغيرينه
اللهم استر علينا فوق الارض وتحت الارض ويوم العرض

[كروشيه]

أختي دققي فالصور يمكن مب مستعمل يمكن واحد من الزباين خذه وقعد يجرب تصوير كمرته .. هذا احتمال وشوف الصور هل اهي في كارفور .. لأنه بعض الظن أثم .. وتراني ما ادافع بس مابيج تتسرعين ويحرجونج ولأنه من حقج تغيرينه
اللهم استر علينا فوق الارض وتحت الارض ويوم العرض

طبعا انا انتبهت لهذا الموضوع الصورة الاولى لواحد جالس في بيته وفاتح اللاب توب ماله والثانية لشخص ثاني في محل ملابس ، شاكره مروركم الكريم

[كازانوفا]

اوووف لهدرجه
على فكره كثرة الشكاوي على كارفور بكل اقسامه لانه ما عاد في اهتمام بالمسؤوليه والدنيا عندهم سايبه
ومشكوره عالتنبيه

[العلم الوكاد]

الاحسن اذا تبين تطورين الموضوع

اخذي الجوال والفاتورة وسيدة على ادارة حماية المستهلك

لان هذا يعتبر غش تجاري

واللي رجع التلفون اكيد لان التلفون فيه شي