وين تنصحوني اروح بعطله الربيع

[طموحي عالي]

السلام عليكم


كلكم
فردا فردا


مابي اطول عليكم

بس حبيت اخذ رايكم
وين اسافر بالربيع يعني 3 اسابيع او اسبوعين

انا بالصيف ماسافرت وحدي زهقانه ابي اسافر سفره مرتبه وحلوه تغير نفسيتي لانها صايره تحت الزيرو :weeping:

عاد ابي بلاد حلوة وتكلفتها معقوله وعائليه غير دبي تراني ماحبها ابد >>>سوري اهل دبي بس بصراحه ماحس بتغيير اذا رحتها

وين تنصحوني

وبالمره انتوا وين ناويين تروحون...؟؟؟

ومشكورين :victory:

[غير البشر]

روحي ماليزيا << ماراح لها خخخخخ

بالنسبه لي انا ماعندي دوااام :( طول وقتي اجازه

فامتفرق متى اسافر ووين هههههههههههه

اذا مليت زطقت براسي والميزانيه اوكي رحت :nice:


ربي يحفضج وتستانسن في الاجازه :victory:

[عاشقة الطاووس]

ممممممممم


اذا فعلا فعلا نفسيتج زيرو وتبينها تتحول من الزيرو الى 180 درجة روحي زيلامسي وادعي لي


واذا تبين بلاد قريبة روحي الكويت يمدحونها في شهر 2

انا عن نفسي بروح دبي في عطلة الربيع ^_*

[غير البشر]

ممممممممم


اذا فعلا فعلا نفسيتج زيرو وتبينها تتحول من الزيرو الى 180 درجة روحي زيلامسي وادعي لي


واذا تبين بلاد قريبة روحي الكويت يمدحونها في شهر 2

انا عن نفسي بروح دبي في عطلة الربيع ^_*


صح كلامج بس الحين برد وااايد :(

من جذي مابغيت اقولها

والا بخليها اتروح اماكن روووعه

[مالي ومال الناس]

يمدحون شمال النعيريه :playball:

[طموحي عالي]

لا لا دول الخليج مستحيل ماحس بتغيير

الحين افكر بلندن

بس بعد بشوف ارائكم

[ضوى]

الكويت وايد حلوة بالربيع وعن تجربة صج صج تجنن

عن نفسي ان شاء الله متوجه لماليزيا وحاليا قاعدة ارتب خط الرحلة ، ومن التقارير اللي دخلت عليها تبين لي انها وايد حلوة خلال هالفترة مب زحمة وايد ومب حارة ورطوية زي الصيف ، ودج تجين معاي حياج الله وراح اعطيج مفصل الرحلة بحيث تكون رحلة مارح تنسينها بحياتج ها اشرايج :)

[بو الطيب]

يمدحون الشمال

[ذكي جدااا]

يمدحووووووووون الخبرررررررر والبحرين خذي شاليه بشاطء الهاف مون على الخبر وبعدهااا روحي البحرين والكويت ورجعي قطرررررر

[طموحي عالي]

اقولكم مابي دول لخليج

احسها نفس قطر

وبعدين انا بروح مع امي وابوي واخوي يعني عايله مايبون شاليه وجيه

والعطله طويله تقريبا شهر ابي احللها >>> انتي اللي يسمعج يقول قدمتي ع الاجازة ووافق عليها المدير

[تحداني]

.. طالما المده طويله ..
والميزانيه طيبه ولله الحمد ..


انا بقول لج الاماكن الي خاطري اروحها ..
اليابان ..
ايطاليا ..
اليونان ..
اسبانيا ..
آآآآآآآآآآآآآآآآه يا قلبي .. احب السفر وايد وايد وايد ..

ها ايش رايج ؟؟؟

واذا عزمتي ما عليج امر احذيني معاج ..
ومن نوصل .. انا ابطريق وانتوا ابطريق ..
ونتقابل في المطار .. :)


الله يسعدك يارب .. وينور طريقك ..

[تحداني]

الكويت وايد حلوة بالربيع وعن تجربة صج صج تجنن

عن نفسي ان شاء الله متوجه لماليزيا وحاليا قاعدة ارتب خط الرحلة ، ومن التقارير اللي دخلت عليها تبين لي انها وايد حلوة خلال هالفترة مب زحمة وايد ومب حارة ورطوية زي الصيف ، ودج تجين معاي حياج الله وراح اعطيج مفصل الرحلة بحيث تكون رحلة مارح تنسينها بحياتج ها اشرايج :)



.. انا بجي معاكم ..
ومن نوصل المطار على نفس الاتفاق الي اتفقته مع اختي تاجره ..

انا ابطريق وانتوا ابطريق .. عشان ما اتعابلوني ..
ونلتقي في المطار .. وبطمنكم علي بين فتره وفتره .. :)



سفره سعيده يارب

[ضوى]

.. انا بجي معاكم ..
ومن نوصل المطار على نفس الاتفاق الي اتفقته مع اختي تاجره ..

انا ابطريق وانتوا ابطريق .. عشان ما اتعابلوني ..
ونلتقي في المطار .. وبطمنكم علي بين فتره وفتره .. :)



سفره سعيده يارب


غاليتي تحداني

مب ضوى اللي تخليج بروحج افا والله ، من صجي والله تبين تصاحبينا في السفر حياج الله مهب زايدة شئ علينا انتي باخليج مع بنتي اشرايج :)

[مضاربه]

اذا تحبين التسوق روحي هونغ كونغ تراها بلد راقيه ونظيفه

[الغفير]

انصحج نصيحه اخويه ,,,, ؟

روحي كوريا الجنوبيه و بتدعين لي

ارقى و انظف ناس

شوفي الطبيعه و طيبة اهلها

شي لا ينوصف والله
بس ترى بعيده شوي ,,, حول 15 ساعه في الجو

[تحداني]

غاليتي تحداني

مب ضوى اللي تخليج بروحج افا والله ، من صجي والله تبين تصاحبينا في السفر حياج الله مهب زايدة شئ علينا انتي باخليج مع بنتي اشرايج :)



.. مع بنتج أوكي .. :)

.. عذرا لصاحبه الموضوع ..

[ضوى]

.. مع بنتج أوكي .. :)

.. عذرا لصاحبه الموضوع ..

في عيوني احطج والله بنتي في عين وانتي في العين الثانية :)

تاجرة مبتدئة

اول مايخلص البرنامج اللي اجهزه باطرشه لج ومن عيوني واذا حبيتي ترافقينا حياج الله :)

[شيط ويط]

اذا تبين رايي روحي (عدن) جوها هالايام ما يتفوت :shy:

وفيها اماكن روعه تزورينها .. الصهاريج واسواق شعبيه وجولدمور وخورمكسر وكريتر والقلوعه والمعلا وفيها مول عدن نفس المول اللي اهنيه ومطاعم شعبيه على كيف كيفج وغير كذا رخيصه ماتصرفون واجد :telephone:

[simsim1963]

ايطاليا أو مالطا

[الاعــلامية]

/

والله انصحج وبقوووة بــ لندن

احلى واروع بلاد

وهالفترة بتكون ممتازة

اجازة سعيدة مقدما

//

[المضعد]

روحي تايلند ...رخيصه وعائليه ...زوري الجزر الي فيها
الله يوفق لج ويسعدج

[شجرة الدر]

روحي اسبانيا والله لويحصلي رحتلها ،،


اما احنا انشاءالله معزمين الرياض ،،

[خذاني الشوق]

دام امج وابوج معاج امشي معانا العمررررررررررررررره مافي احلى منها والمدينه تغييير حلووو وخاصه اذا نفسيتج زفت والله تتعدل من حلاتها يالله شرايج معانا :)

[طموحي عالي]

امممم

مادري للحين جاري التفكير

ماليزيا او لندن بس 60% ماليزيا


العمره ان شاء الله بروح لها وانا حاطتها في بالي

[ضوى]

امممم

مادري للحين جاري التفكير

ماليزيا او لندن بس 60% ماليزيا


العمره ان شاء الله بروح لها وانا حاطتها في بالي


يحليلج ياتاجرة مخططج نفس مخططي وانا ناوية اروح العمرة والمدينة بعد مارجع من ماليزيا ان شاء الله ياللا اشرايج تعزمين معاي ؟؟

[نفسي عزيزه]

ماليزيا حلوه بالشتا تكون دافيه وومطره ههههه

مانصحج بلندن مافيها شي عدل

[طموحي عالي]

ضوى ياقلبي

الظاهر بروح مع بعض

بس اليوم عرفت مصيبه ان اخوك اجازته عفست الدنيا

ضوى قلبي ردي على رسالتي الاخيره

[ضوى]

ضوى ياقلبي

الظاهر بروح مع بعض

بس اليوم عرفت مصيبه ان اخوك اجازته عفست الدنيا

ضوى قلبي ردي على رسالتي الاخيره


حياج الله :)

رديت على رسالتج ماوصلت ؟؟ المشكلة اني حذفت الرسايل :(

عن شنهو كانت ؟

انتظر الشخص اللي في ماليزيا يطرش لي البرنامج ان شاء الله بس تقريبا هو جاهز واحتمال ماعتمد عليه وباسوي كل شئ بنفسي يعني باحجز عن طري قالنت الفنادق والطيران الداخلي:)

[سمرلاند]

اوروبا الحين ما تصلح بتتعبين من بردها ,,

روحي لبنان

[ولد الشقب]

ماليزياااااااااااا



احلى وقت

[biz-qtr]

روحي ميونخ ..

فينيسا

باريس

لندن

زيلامسي

فينا

هاي كلهم تغيييير جووووو

رحله سعيده وان شاء الله تتغير النفسيه لفووووق الزيرووو :)

[ضوى]

اختي تاجرة تبين احط لج الجدول هنا او عالخاص؟

[الرويـس]

انا بعد ابي اشوف الجدول
شكلي بسافر(الدوحة) اغير جو
:(

[+qatari+]

بالتوفيق

ورحله سعيده


وانا اقول لبنان وايد حلوة فالربيع :)

[fa6ma]

حبيبتي لاا اتفكرين بـ اوربا خير شر

لانها بتكوون كأيبه من البرد والثلووج الي فيها صدقيني >>>>مجربه مأسااه

انا عن نفسي بروح دبي لان من زمااااااااان مارحت

وبالتوفيق وين مارحتي

[غير البشر]

روحي ميونخ ..

فينيسا

باريس

لندن

زيلامسي

فينا

هاي كلهم تغيييير جووووو

رحله سعيده وان شاء الله تتغير النفسيه لفووووق الزيرووو :)




كلهم رحت لهم العام وااايد حلووين والله

بس لندن السنه رحت لها

فينيسيا لاحد يسكن عند البحر

في فندق رهيببببب الي يبيه بقوله عنه رووعه الفندق

[شعنونة قطر]

الربيع يالبنان يادبي او جزر ماليزيا موريشوس بالي سيشل



اما اوروبا وتركيا



فلا انصح


لا انصح

لا انصح
الا ان كان تبين تعيشين دراما

[شعنونة قطر]

غير البشر شنو الفندق؟

[غير البشر]

غير البشر شنو الفندق؟



هلا ومرحبا اختي شعنونه

الفندق اسمه NH لاجونا

ميزته :

1- احسن فندق في فينيسيا تقريبا لان كل الفندق هناك عاديه جدا

2- عشر دقايق بالسياره وتقدرين تطلعين من الفندق بالمركب واتروحين صوب المراكب

لان الفنادق صوب المراكب ماتنفع ريحه الماي لانه وصخ وبعوض وزحمه وحشره

3- الجلوس في الفندق جو شاعري خاصه في المطعم الي جنب اليخوت داخل الفندق

4- الفندق تصميمه والغرف كلاسيكيه رووعه

5- جنب الفندق في جمعيه

يعني الزبده انصحكم فيه :nice:

وهذا الرابط

وشوفي الفيديو بالرابط


http://www.nh-hotels.com/nh/en/hotels/italy/venice-mestre/nh-laguna-palace.html

[ثاني]

انصحج في صلالة ومسقط

[y.o.y.o]

شوفي عندج تايلند او ماليزيا

يعني الاسعار هناك معقولة :omen2:

هالدول تعجبني من حيث بساطة السكان وترحيبهم ومعاملتهم مع السياح :)

وكل شي موجود هناك

وطبعا الاسعار في ماليزيا اغلى من تايلند

اما عن نفسي يمكن اروح امريكا حق الشباب او لبنان او الامارات :victory:


واتمنى لك اجازة سعيدة ان شاء الله :nice:

[meme1313]

انا منب رايحه اذا باروح للعمره ان شاء الله

لكل قلب اذا ما احب اسرار *** وكل حب لغير الله ينهار

[هواجس _q6r]

تـــــــــــايلند


عائليه
ورخيصه
وطبيعتهم حلوه
واسواقهم احلى

وجوهم يقولون هالفتره من 11 الين 4
حلو
ومب رطوبه وامطار نفس الصيف


صج صج رحله بتغيرين فيها جو

انا مركبه الحنننننننه على ريلي
ابي اررررررووووح
ان شاء الله يرضى !!

:)

[اسما]

جربي لبنان اختي كتير حلوة بالربيع

[طماطه]

انصحج وبقوووووووووه بماليززيا .. روووعه الصراحه في الربيع .. لان اوروبا بتكون باااارده وايد هالفتره وماتنفع

ضووى

حبيبتي بغيت الجدوول .. لاني ناوويه اروح ماليزيا للمره الثانيه .. ^_^

لان قبل بس قعدنا في كوالالمبور ..

[ضوى]

انصحج وبقوووووووووه بماليززيا .. روووعه الصراحه في الربيع .. لان اوروبا بتكون باااارده وايد هالفتره وماتنفع

ضووى

حبيبتي بغيت الجدوول .. لاني ناوويه اروح ماليزيا للمره الثانيه .. ^_^

لان قبل بس قعدنا في كوالالمبور ..

هلا اختي طماطة :)

شوفي الشيخة انا حجزت حاليا بس فندق في كوالالمبور اربع ايام بس اذا حسينا كل شئ قريب منا مارح نطلع على برع كواالالمبور خاصة انه كل شئ قريب ومعظم التقارير ينصحون بكوالالمبور وعدم التنقل كثيرا في المناطق والجزر

شوفي انا مخططة اول يوم في كوالالمبور راح نطلع بالباص السياحي ونمر على كل المناطق المحيطة بكوالا وبعدها نقرر متى نروح لهالمناطق السياحية لانه الباص بيمر على كل الاماكن السياحية في كوالا بالتحديد مثل حديقة البرجين ، وبرج كوالا والاكواريوم والتايك سكوير ... الخ
وجنتنج قررت اروحها على مدى يومين وبات فيها بس عفشي باخليه في الفندق في كوالا وباخذ شنطة صغيرة ، ان شفت العيال استانسوا بنقعد بعد يومين واذا ملوا ردينا كوالا ومنها طلعنا على صن لاجون بس مابنبات فيها لانها قريبة وايد حوالي 40 دقيقة من كوالا
بينانغ ولنكاوي ماتصلح ولا تنفع لنا لانها جزر ويبي لها طيارة وانا مالي خلق ويمكن هناك نقرر ننزلها والا لا
عندج ملاهي الهايلاند حلوة وتسوى ، وملاهي التايم سكوير ، حديقة الفراشات ، ومدينة افاموسا حلوة جنان جنان بنقضي فيها يوم كامل ان شاء الله ، وبنشوف بعد في كوالالمبور شنهي الفعاليات الاخرى مثل ركوب الباراشوت ، الحديقة اللي فيها النمر الابيض وخلافه
هذا جدولي باختصار شديد

[وحيد-الشوق]

ماليزيا صراحه تحفه << بس مارحتها :(

كفايه انها بلاد مسلمة وكل شيء فيها نظيف وحلو

اما دول الخليج مملة صراحه ماعاد فيها شيء حلو

[فرحة الكواري]

العمره :)

[طماطه]

ضوى

تسلمييين حبيبتي على الجدوول المختصر ^_^

[خبير أقتصادي]

هلا اختي طماطة :)

شوفي الشيخة انا حجزت حاليا بس فندق في كوالالمبور اربع ايام بس اذا حسينا كل شئ قريب منا مارح نطلع على برع كواالالمبور خاصة انه كل شئ قريب ومعظم التقارير ينصحون بكوالالمبور وعدم التنقل كثيرا في المناطق والجزر

شوفي انا مخططة اول يوم في كوالالمبور راح نطلع بالباص السياحي ونمر على كل المناطق المحيطة بكوالا وبعدها نقرر متى نروح لهالمناطق السياحية لانه الباص بيمر على كل الاماكن السياحية في كوالا بالتحديد مثل حديقة البرجين ، وبرج كوالا والاكواريوم والتايك سكوير ... الخ
وجنتنج قررت اروحها على مدى يومين وبات فيها بس عفشي باخليه في الفندق في كوالا وباخذ شنطة صغيرة ، ان شفت العيال استانسوا بنقعد بعد يومين واذا ملوا ردينا كوالا ومنها طلعنا على صن لاجون بس مابنبات فيها لانها قريبة وايد حوالي 40 دقيقة من كوالا
بينانغ ولنكاوي ماتصلح ولا تنفع لنا لانها جزر ويبي لها طيارة وانا مالي خلق ويمكن هناك نقرر ننزلها والا لا
عندج ملاهي الهايلاند حلوة وتسوى ، وملاهي التايم سكوير ، حديقة الفراشات ، ومدينة افاموسا حلوة جنان جنان بنقضي فيها يوم كامل ان شاء الله ، وبنشوف بعد في كوالالمبور شنهي الفعاليات الاخرى مثل ركوب الباراشوت ، الحديقة اللي فيها النمر الابيض وخلافه
هذا جدولي باختصار شديد


تسلمين يا ضوى بهالمعلومات عن الأماكن الهامة
وجدولي مع العايلة تقريب مختصر مثلك وما أبي أطلع من كوالالمبور

[مسباح عاج]

سوريا + لبنان

[شعنونة قطر]

انصحج وبقوووووووووه بماليززيا .. روووعه الصراحه في الربيع .. لان اوروبا بتكون باااارده وايد هالفتره وماتنفع

ضووى

حبيبتي بغيت الجدوول .. لاني ناوويه اروح ماليزيا للمره الثانيه .. ^_^

لان قبل بس قعدنا في كوالالمبور ..

انا بعد ابي :(
بس ماابي عشوائي ابي مرتب :(

[شعنونة قطر]

هلا ومرحبا اختي شعنونه

الفندق اسمه NH لاجونا

ميزته :

1- احسن فندق في فينيسيا تقريبا لان كل الفندق هناك عاديه جدا

2- عشر دقايق بالسياره وتقدرين تطلعين من الفندق بالمركب واتروحين صوب المراكب

لان الفنادق صوب المراكب ماتنفع ريحه الماي لانه وصخ وبعوض وزحمه وحشره

3- الجلوس في الفندق جو شاعري خاصه في المطعم الي جنب اليخوت داخل الفندق

4- الفندق تصميمه والغرف كلاسيكيه رووعه

5- جنب الفندق في جمعيه

يعني الزبده انصحكم فيه :nice:

وهذا الرابط

وشوفي الفيديو بالرابط


http://www.nh-hotels.com/nh/en/hotels/italy/venice-mestre/nh-laguna-palace.html



يعطيك الف عافيه غير البشر بدوره في بوكنق

انا اول مره اسمع فيه :rolleyes2:

بنجربه ان شاء الله بس طبعا مو هالسنه :nice:

عوافي غير البشرات :)

[ولـ قطر ـد]

انصحج بالصين .. بالمره تجاره وتسوق وترفيه وسياحه والي تبينه ... بس نصيحه خذي لج مترجم ترى نص البلاد ما يعرفون انجليزي هههههههه

[وارث العز]

روحي لبنان ......... واستمتعي

[طموحي عالي]

خلاص حجزت بروح تايلند ويمكن من تايلند اروح ماليزيا كم يوم وارجع تايلند

حجوزات مافيه وبعد طلعه الر وح والواسطات اشتغلت لقيت حجز

[saranay1]

تركيا
ممكن اتشوفين ردي بهذا الموضوع
http://www.qatarshares.com/vb/showthread.php?t=334824

[سنطره]

صج اللي يروح دولة خليجية ماراح يستانس لانكم مب حاسين بتغيير لكن في شهر 2 راح يكون الجو بارد والبحيرات جليد

[أبوهاشل]

تبين ازعاج وحركه ليل نهار خمسين مليون بالليل صاحين وخمسين مليون صاحين بالنهار تعالي لام الدنيا مصر العربيه

[مشاغب]

روحي العمره ونشالله ابينشرح صدرج

[qtrose]

روحي أورلاندو وميامي بولاية فلوريدا ،

أورلاندو فيها ديزني ، وحدائق اليونيفرسل

والسي ورلد . وجوهم الحين حلو على عكس

الصيف يكون حر .

آآآآخ ودي ألف الدنيا لف :weeping:!!!

[ع.م]

روحي إيطاليا ميلااااان..

تمشي في ساحة الدومو.. أحلى قهاوي وأحلللللى تسووق.. وأحلى جو.. والشعب الإيطالي حبوب..

أنا كنت في ميلان ن كم شهر في بداية البرد.. روووووعة..

[فارس قطر]

زيارة لمكة المكرمة لاجدال عليها وزيارة لدول الخليجية نفس العادت وتقاليد

اللهم هم ارخص منا في الاسعار

واشوف دول شرق اسيا في احترام لسياح

امادول العربية تحترم المادة الى معاك اكثر

اما دول اورو با فهي تصلح لقضاء شهر العسل والمناسبات الخاصة.

[فطومه999]

روحي فرنسا مووووووووووووت في الاشتاء انا مجربتها

[بوفهد 5555]

دبي او الامارات

[بوفهد 5555]

انا احين في تايلند مع الاهل الجو حلو وايد لكن ما امطار

[طموحي عالي]

ياناس انا في تايلند صار لي اسبوع وبقعد لين شهر 3 وانتوا للحين تقولون لي وين اسافر

[الخير كله]

يععععععععععععععععععععععععععععععععععععععععععععععععع عععععععععععععععععععععععععععععععععععععععععععععععععع عععععععععععععععععععععععععععععععععععععععععععععععععع ع يخي تايلاند من اقذر الدول بالعالم استغرب من اللي يمدحونها :omen2::omen2:
صج صج صج صج صج الناس اذواق:rolleyes2:

[بو خليفه 123]

:oops:

و تنتهي اجازة الربيع

و نبتدي بيوم عمل جديد :dance

هههه .. حبيت ارجعكم الى اجواء العمل فقط

تحياتي