آخر نكته : الاسلامية تبي تسوي (إي تريد) و (كول سينتر)!!!!!

[سعادة الوزير]

السلام عليكم ورحمة الله

انا ما استهزأ بهم. بس فعلاً شر البلية مايضحك!!

هالشركة انا معاهم من اول مافتحوا لين قبل حوالي 6 شهور، يعني اعرفهم عدل، واقدر اقول لكم انه هالشركة مع مكاتبها مع موظفيها (مع احترامي لهم) مع مديرها مايسوون عندي نص ريال.

لا والحين تارسين الجرايد اعلانات عن الإي تريد وعن الكول سنتر، ويدعون الناس انها تسجل معاهم وحاطين شروط فتح الحساب (يعني انه من صجهم :d ) وآخر الاعلان كاتبين بخط صغير : ستعمل الخدمة بعد موافقة السوق!!! عيل ليش حاطين اعلانات وشايلين الدنيا فوق راسكم!!! اصبروا لين تاخذون الموافقه، على الاقل عشان تكون عندكم شوية مصداقية!!

انا على أيام ماكنت عندهم كنت اكتب امر بيع او شرا على الكاونتر واخذ نسخة الامر وتكون مختومه وموقعه من الموظف، وفوق هذا كله مرتين صارت معاي انهم ماينفذون الامر وينكرون اني سلمته لهم لين ماعطيهم النسخة الي تثبت، وبكل برود يقول لي اوكي مافي مشكله بكره احط لك الامر!!! .. بعد هذا كله يبون ياخذون اوامر الناس بالتليفون والانترنت ويبون الناس تثق فيهم؟؟ والله لو الموظف الي على التلفون يحلف لي على المصحف وبأغلظ الأيمان انه بينفذ الامر بعد ماصدقته!!

طبعا غير سالفة ان الموظفين سافهين الناس على الكاونتر وهات يا استلام تلفونات من ربعهم وهات يا نصايح وهات يا سوالف وانت والله العظيم مثل الطرار قاعد تطالعهم وتبي حد منهم يعطيك ويه. اصلا الموظفين ماينشره عليهم، اذا مديرهم بكبره مب سائل في عملائه!!

والله العظيم يا جماعه اني اكتب هالرد ولين الحين في قلبي حره عليهم!! ولا ارضى على اي حد منكم انه يصدق كلامهم ويمشي ورى هالناس!!


بتقولون عيل ليش صابر على هالشركة طول هالسنين؟؟ لانها وبكل بساطة إسلامية!! ، بس انا تخليت عن مبادئي ورحت المجموعة.

والسموحة منكم.

[M O 7 A M M E D]

يعطيك العافية اخوي ....

شكلك شايل عليهم حيل هدي اعصابك ياخوي وايد ناس جذي تشتغل من دون ضمير خليها على الله

واحسن شي سويته انك رحت المجموعة ...

[PoBox]

بتقولون عيل ليش صابر على هالشركة طول هالسنين؟؟ لانها وبكل بساطة إسلامية!! ، بس انا تخليت عن مبادئي ورحت المجموعة.

والسموحة منكم.


اخوي الحبيب ..
جميل ان الواحد يبقى صامد على الشر( فقط من اجل دينه )
وتعجبني بهذا ..

لكن ان تنقل للمجموعة وتخلي حسابك في بنك الدوحة الربوي
الصراحة زعلتني ..

على الاقل روح دلالة الاسلامية يكون حسابك في المصرف

انا الصراحة كنت في الاسلامية ورحت المجموعة (مثل حالتك )
والحين جيت دلالة الاسلامية

الصراحة المجموعة ودلالة الاسلامية ..نفس الخدمة واحترام وآخر حلاوة
..واحلى ما في دلالة الاسلامية رد التلفون بسرعة

بس المجموعة قامت تخيس النفس ..
وصار لي بعض التعاملات مع بنك الدوحة لما ابي اودع او اسحب ..
فحسيت نفسي قربت من الربا .. والحمد لله ربك نبهني وهداني

بس العتب شوي على دلالة لانها جديدة ..(( اكيد ان هذا لا يبرر الاخطاء) )
لكن صدقني نفس الخدمة ..

واقتراح ثاني ..
جرب دلالة الاسلامية وشوف الخدمة
والله اعلم ..

ويعلم الله ليس طعنا في المجموعة او غيرها ..
لكن الصراحة ابيك تقرب من الجنة وتباعد عن غيرها

[bnb]

سبب ترك الشركة الإسلامية هم الموظفين العاجزين عن قيام إعمالهم وعدم وجود الرقيب الأمين
الموظفين في هذه الشركة الإسلامية أعطوا انطباع سيء للشركات الإسلامية
والحقيقة العيب في الموظفين أنفسهم لعدم وجود الضمير والأمانة

[الوسط]

كلام الاخ صحيح بخصوص الشركة
متعبين جداً وما اعتقد يتطورون مثل غيرهم

[سعادة الوزير]

كلامك عين الصواب اخوي bnb

واما كلامك اخوي PoBoxing فهو درر

بس لاتلومني ياخوي ، انا الي شفته منهم مب شويه، وتبي الصراحه، كرهوني في شي اسمه خدمة اسلاميه. وانا ما اطعن في الخدمات الاسلامية بحد ذاتها والعياذ بالله، بس لما تلاقي ناس كل الي بينهم وبين الاسلام هو شعار وبس، اما تعاملهم فهو والله بعيد كل البعد عن اي شي يمت بصلة للإسلام لا من قريب ولا بعيد.

طبعا مب هم وبس، وحتى البنوك الي للأسف تطلق على نفسها انها اسلامية!، وهي في قمة التخلف.

[نظم^معلومات]

متابعه فقط


الله يعينكم ====>> ومازالت مشكله دلاله الاسلاميه خدمه الانترنت موقوووفه معاي بننتظر وان شاء الله كل خير

[دنيا الاسهم]

سعادة الوزير
اؤيدك على الكلام اللي ذكرتة عن الاسلامية لان اللي حصل معاك منهم انا بعد عانيت وحصلت لي مشاكل وتحط المحسوبية فوق كل اعتبار يعني كل اللي فيها يشترون حق اهلهم ومعارفهم وقدامي شفت منهم اشياء ومخالفات كثيرة بس الكل يشوف ويسكت :con2:
كثيرة منهم ومن اهمالهم لدرجة انهم يسجلون لي امر شراء في شركة وانا طلبت شركة ثانية
حقيقة شركة تعبانة لان الناس اللي يشتغلون فيها ما يشجعون وصراخ على الناس كان الواحد يشحت منهم
بس الحمداللة فارقتهم ورحت شركة ثانية احسن منهم بالف مرة

[جوكر البورصة]

:con2: :con2: :con2: :con2: :con2:

[راعي المواجيب]

اخوي الحبيب ..
جميل ان الواحد يبقى صامد على الشر( فقط من اجل دينه )
وتعجبني بهذا ..

لكن ان تنقل للمجموعة وتخلي حسابك في بنك الدوحة الربوي
الصراحة زعلتني ..

على الاقل روح دلالة الاسلامية يكون حسابك في المصرف

انا الصراحة كنت في الاسلامية ورحت المجموعة (مثل حالتك )
والحين جيت دلالة الاسلامية

الصراحة المجموعة ودلالة الاسلامية ..نفس الخدمة واحترام وآخر حلاوة
..واحلى ما في دلالة الاسلامية رد التلفون بسرعة

بس المجموعة قامت تخيس النفس ..
وصار لي بعض التعاملات مع بنك الدوحة لما ابي اودع او اسحب ..
فحسيت نفسي قربت من الربا .. والحمد لله ربك نبهني وهداني

بس العتب شوي على دلالة لانها جديدة ..(( اكيد ان هذا لا يبرر الاخطاء) )
لكن صدقني نفس الخدمة ..

واقتراح ثاني ..
جرب دلالة الاسلامية وشوف الخدمة
والله اعلم ..

ويعلم الله ليس طعنا في المجموعة او غيرها ..
لكن الصراحة ابيك تقرب من الجنة وتباعد عن غيرها

نصيحة من ذهب


.. أنا شخصيا استخدم الإنترنت للبيع والشراء .. شئ ممتاز بس ينقصه أمر تعديل السعر ..

دلالة الإسلامية وحسابك بالمصرف .. بدون ماتتخلى عن مبادئك

[شسالفة]

بس انا تخليت عن مبادئي ورحت المجموعة.

والسموحة منكم.

استغفر الله

يا اخوي اتق الله....

الحسن البصري قال مرة : - بما معنى- إن موسى عليه السلام ماسمع كلام الخضر عليه السلام و قاله هذا فراق بيني و بينك

فما تخافون من الله يقولكم هالكلمة...........

اذا تخليت عن مبادءك لا تعلنها بكل فخر
و لاتصير مجاهر بالمعصية

و عسى الله يهديك و يصلحك

واتمنى منك او من الإدارة تعديل الموضوع من غير هالكلمتين اللي يعورون القلب
وعدها نصيحة من أخت لك

[حمد خالد]

مشكورين ياجماعه على الافاده