مرحبا

[chillis]

لو سمحتوا انا اسال عن دكتور نفسي او مرشد اجتماعي نفسي جيد مابيه مصري :( وابيه شاطر وايد ما يعالج بالادويه

[البنـدري]

وأنا بعد أبي :(

[ثرية]

هنادي جابر في عياده الدوحه
دكتوره موزه المالكي
وسمعت عن مركز الراشد

[Me&OnLy]

انا سمعت ويمدحون دكتوره هنادي في مستشفى الدوحه تقبلي مروري

[عضو قديم]

لا اتعبون نفسكم
في الدوحة مافيه كلش كلش
اللي في عيادة الدوحة هنادي والدكتور يسري همهم مخباك وبس
تعبت وانا ادور ما لقيت
تبي روح دبي بترتاح

[ضوى]

الاخت تشيليز

فيه طبيبة هندية شااااااااطرة ( طبعا خاص ) اسمها مادهوري بس اشلون لغتك الانجليزية ؟؟؟

[الوجبه]

اختي عليج بالقران اتركي عنج الدكاتره .. كتاب الله احسن علاج نفسي

[chillis]

صدقت بس بعد مرات تحتاج للدكاتره ولا كان ربك ما خلقهم ساعات تحتاجهم لتزيد ثقة بنفسك او تبعد عنك الكابه او ماشابهه ذلك

[الوجبه]

مافيج الا العافيه .. خذي لج لفتين ركض على البيت بتروح عنج :)

[BusinessGirl]

انصحكم

بمركز الاستشارات العائليه ...

وهذا رقمهم

4327777

واطلبوا منهم الاخصائيه (ابتسام ) وايد وايد زينه

هاذي انا راجعتها اكثر من مره
بس ان شاء الله

يمكن في المركز بعد في اخصائين مثلها

روحو له وشوفوا

:)

[chillis]

حبيبيتي بس قالوا لي مركز الاستشارات ممكن يفضحون انا سمعت عن مركز راشد مادري احد سمع عنه ولا لا


ههههه الوجبه تعبت وانا اركض على الكورنيش ما في فايده وبعدين مهب شرط كل من راح للنفساني يكون معقد او فيه شي

[بلوتنيوم]

الاغلبية يبلعونك حبوب
ومافي فايدة:rolleyes2:

[BusinessGirl]

هلا اختي

هم ما يفضحووون بس راح ياخذون بياناتج

بس توكلي على الله

ترى اوقات الاستشارات النفسيه والعلاجيه وايد اتفيد

>> اسال مجرب

[تحداني]

..:) ...
مرحبتين

ممكن انعرف اختي ايش المشاعر والاحاسيس الي تنتابك ..
وحللتي من خلالها انك تحتاجين طبيب نفسي يكون لك عون ...؟

ان كان في سؤالي نوع من الفضول اعتذر عن ذلك ..




الله يريح بالك .. ويجملك برضى الرحمن

[شيط ويط]

(أنا) موجود :shy:

لحد يصدق بس لي محاولات :secret: .. عندي 3 من ربعي عالجتهم .. ماعدا واحد (غسلت) يدي منه استعصى علي علاجه .. :p

:tease:

[eXpert*]

ألا بذكر الله تطمئن القلوب




- التقرب من الله عزّ وجل أفضل السبل للتخلص من الأمراض النفسية و الوسواس.
- من يسلك درب الأطباء النفسيين لن يستطيع أن يتوقف عن مراجعتهم .
- لا تتعاطين أي عقاقير يتم وصفها لِك من قبل الأطباء النفسيين ،، والسبب أغلب الحالات أنتهت اما بأنفصام في الشخصية أو أختلال في قدرات العقل.
- يجب عليكِ أن تتأكديّ هل أنتي فعلاً بـ حاجة لـ طبيب نفسيّ !؟ لـ ربما الأفضل لك أن تجربيّ حلول بديلة وتدعي الطب النفسي ّ آخر الحلول ، أحياناً الجلوس لـ فترات طويلة وحيداً تؤدي لـ هواجس و أفكار أنتي في غنى عنها .

شافاك الله وعافاك

[عضو قديم]

الاخت تشيليز

فيه طبيبة هندية شااااااااطرة ( طبعا خاص ) اسمها مادهوري بس اشلون لغتك الانجليزية ؟؟؟

حتى هذي ما تنفع
ما فهمتني ولا انا فهمت لها وحتى المترجمة اللي معاها ما تعرف اترجم عدل
وعلى فكر مكان عيادتها خلف السوق اللي فيه محل الانسة القطرية بن عمران

[ضوى]

حبيبيتي بس قالوا لي مركز الاستشارات ممكن يفضحون انا سمعت عن مركز راشد مادري احد سمع عنه ولا لا


ههههه الوجبه تعبت وانا اركض على الكورنيش ما في فايده وبعدين مهب شرط كل من راح للنفساني يكون معقد او فيه شي

ايه اختي مركز الراشد موقعهم جنب البتيل اللي بطريق سلوى ، بس ماحسيتهم ذاك الزود

[مايمدح السوق]

(أنا) موجود :shy:

لحد يصدق بس لي محاولات :secret: .. عندي 3 من ربعي عالجتهم .. ماعدا واحد (غسلت) يدي منه استعصى علي علاجه .. :p

:tease:

هههههههههههههههههههههههههههه من شاف الصورة الشخصية عرف نوع العلاج اكيد السحر الاسود اما الى غسلت يدك منه فاخر العلاج العزل والرميلة والجمس الاسود :)

[chillis]

سلام انا صادفتني ظروف خلتني ما اثق بنقسي ولا بغيري يعني ما عندي ثقه بنفسي كلش علشان جذي ابي دكتور بس بدون ادويه

[البنـدري]

هههههههههههههههههههههههههههه من شاف الصورة الشخصية عرف نوع العلاج اكيد السحر الاسود اما الى غسلت يدك منه فاخر العلاج العزل والرميلة والجمس الاسود :)


نفس الرد تقريبا :shy:

توني منتبهه :omen2:

[شجرة الدر]

اختي الاستشارات العائلية ومركز الراشد مايعتمدون في علاجهم ع الادويه يعتمدون اكثر شي ع الجلسات ،،

اذا انتي حاسه انج محتاجه روحي مافيها شي والزمي الاستغفار ترى مايضيق صدورنا الا ذنوبنا ،،

الله يغفر لنا ويشرح صدورنا جميعاً ،،

[بوعلي2]

قومي الصبح وسبحي وعيني من الله خير وتربعي وفتحي كتاب الله واتلي سورة يس بخشوع قوي جدا

وانفثي بماء زمزم من سوق واقف

وسورة البقره وانفثي بالماء

عموما القران شفاء للامراض الروحيه والعضويه للي يؤمن فيه بصدق بدون تشكك او الاتكال على غير الله وراح يفيدج صدقيني

موضوع عدم الثقه هذا يبيلج تكونيين صداقه وتحسين ان الدنيا فيها خير ومش الكل مايستحقون الثقه ولكن وجب البحث عن صديق خلوق ويخاف الله وهم موجودين ولكن تفائلي بالخير وامضي بحياتج قدما واستغفري ربج وابتعدي عن الاغاني وكل شي يسد نفسج او يذكرج بالماضي وراح تنالين مرادج

والزمن والعمر لهم دور اذا في شي كان مضايقج وسبب لج هالازمه فعطي العمر حقه وانطلقي بالحياه من جديد لعل وعسى رب العالمين يحدث بعد ذلك امرا


وشكرا

[شجرة الدر]

قومي الصبح وسبحي وعيني من الله خير وتربعي وفتحي كتاب الله واتلي سورة يس بخشوع قوي جدا

وانفثي بماء زمزم من سوق واقف

وسورة البقره وانفثي بالماء

عموما القران شفاء للامراض الروحيه والعضويه للي يؤمن فيه بصدق بدون تشكك او الاتكال على غير الله وراح يفيدج صدقيني

موضوع عدم الثقه هذا يبيلج تكونيين صداقه وتحسين ان الدنيا فيها خير ومش الكل مايستحقون الثقه ولكن وجب البحث عن صديق خلوق ويخاف الله وهم موجودين ولكن تفائلي بالخير وامضي بحياتج قدما واستغفري ربج وابتعدي عن الاغاني وكل شي يسد نفسج او يذكرج بالماضي وراح تنالين مرادج

والزمن والعمر لهم دور اذا في شي كان مضايقج وسبب لج هالازمه فعطي العمر حقه وانطلقي بالحياه من جديد لعل وعسى رب العالمين يحدث بعد ذلك امرا


وشكرا




اشعنده بوعلي الدريع ،،

والله ماشاء الله عليك درر،،

في ميزان حسناتك انشاء الله،،

[بوعلي2]

اشعنده بوعلي الدريع ،،

والله ماشاء الله عليك درر،،

في ميزان حسناتك انشاء الله،،


ههههههههههههههههههههههههههههه

شسوييييييين هني روحي موضوع المائده وخليني انصح يمكن احصل اجر بدال هالمطاعم الي اصورها وتعور بطونكم :tease:

بصراحه انا مريت بحالات جذي وحبيت اساعدهم :weeping:

كتاب الله تلاوه وسماع والاستغفار يريحون القلب ويخلون الواحد نشط ذهنيا وفكريا والخ

واذا شفيت الروح شفي الجسد من كل شي بأذن الله



واتمنى لكم جميعا الصحه والعافيه

والله يشفينا ياشجرة الدر من معدتنا :weeping:


امين

[شجرة الدر]

ههههههههههههههههههههههههههههه

شسوييييييين هني روحي موضوع المائده وخليني انصح يمكن احصل اجر بدال هالمطاعم الي اصورها وتعور بطونكم :tease:

بصراحه انا مريت بحالات جذي وحبيت اساعدهم :weeping:

كتاب الله تلاوه وسماع والاستغفار يريحون القلب ويخلون الواحد نشط ذهنيا وفكريا والخ

واذا شفيت الروح شفي الجسد من كل شي بأذن الله



واتمنى لكم جميعا الصحه والعافيه

والله يشفينا ياشجرة الدر من معدتنا :weeping:


امين



آمييين ،،

بالعكس بوعلي انا فرحت لما قريت ردك عرفت ان شبابنا فيهم وازع ديني ،،

ويعرفون قيمة ذكر الله على النفس ،،

ترى كلنا تمر علينا هالحاله والله يلطف فينا ،،

(الابذكر الله تطمئن القلوب )،،

[Mozanee]

شفتي اشلون ترى بوعلي خطير بس ماجاته فرصه يطلع ابداعاته ،،

بصراحة أتقبل شخصيته في كل الاحوال,,, يحليله

أطلعت المواهب

[بوعلي2]

آمييين ،،

بالعكس بوعلي انا فرحت لما قريت ردك عرفت ان شبابنا فيهم وازع ديني ،،

ويعرفون قيمة ذكر الله على النفس ،،

ترى كلنا تمر علينا هالحاله والله يلطف فينا ،،

(الابذكر الله تطمئن القلوب )،،


شكرا لكلامج الطيب شكرااااااااااااااااااااا

[بوعلي2]

بصراحة أتقبل شخصيته في كل الاحوال,,, يحليله

أطلعت المواهب





يعطييييييييييييييييييييييييييييج العافيه :victory:

[بنت ذياب]

انصحكم

بمركز الاستشارات العائليه ...

وهذا رقمهم

4327777

واطلبوا منهم الاخصائيه (ابتسام ) وايد وايد زينه

هاذي انا راجعتها اكثر من مره
بس ان شاء الله

يمكن في المركز بعد في اخصائين مثلها

روحو له وشوفوا

:)

ابتسام اللبنانيه ؟؟

مادري الهام .. المهم وحده لبنانيه عجييييبه ..

انا مجربتها.. خذت عندها موعد بس جذي.. وقعدت اسولف واملغ عليها ..

رحت اقولها : شرايج في شخصيتي ؟؟ يبيلي تغيير ؟؟

حلو الانسان يطور من نفسه :omen2:

د.هدى السبيعي زينة.. بس مشكلتتها بزي وايد ومواعيدها غلط

وعندج بعد " جواهر المانع" .. طيووبة

كلهم موجودين بالاستشارات

اذا بغيتي اي استفسار لا تستحين .. :omen2:

ماتشوفين شر حياتي ..

[شعنونة قطر]

ماتشوفين شر حبيبتي ان شاء الله يفيدونج الاعضاء