للمره الثانيه إنقلاب شاحنه

[بيانو]

للمره الثانيه إنقلاب شاحنه فى نفس المكان

إشارات التويوتا

والطريق واقف خالص

اللى رايح أى مشوار ما يمر من هناك نصيحه أنا تميت واقف بالزحمه ساعه تقريباً

والله يستر من سواقين الشاحنات اللى كل فكره وهمه أنه يلحق الإشاره قبل لا تسكر عليه ويدخل بسرعه - ثم توازن السياره يهرب منه ولايقدر يسيطر عليه

[لولوتي]

للمره الثانيه فقط :rolleyes2:

صار منظر الشاحنات في هذي الحاله منظر متكرر في كل مكان،،،
والله المستعان

[رمــش الغلا]

الله ايعيينا على هالشاحنات

ومشكورين على التنبيه

[BURBERRY]

انا مريت على الحادث الساعه 5ونص المغرب .. نفس مكان الانقلاب الي كان في شهر 10 او 9

مادري شالمشكله في هالمكان النحس ..

و الزحمه ماتووووصف .. انا تميت ربع ساعه و عقبلها اختصرت المسافات ..

[مرتبش]

على فكرة
هذا مش ثاني انقلاب
اللي اذكرهم 2 قبل المذكورين.. فعلى الاقل 4 حوادث من نفس النوع وعلى نفس الاشارة.

شكثر مهندسين واستشاريين لازم يدرسون الموضوع عشان يخلصون انه في شي غلط؟

[Gentleman]

الانقلاب حدث أمامي في الساعة 3 ونصف العصر.

[simsim1963]

سرعه وتهور السائقين بمعنى الآخر السائق لا يعمل اعتبار لأرواح السائقين الآخرين بل من أجل الفلوس وجمع الاموال ممكن يقتل وييتم أسر لابارك الله فيهم .... ونطالب الداخليه والقضاء بتغليض العقوبه كالسجن لمدة لا تقل عن 5 سنوات لمن يتسبب في حادث مميت او حادث تسبب في اعاقه اي انسان ياريت يا حكومه تطبقين هذة العقوبه المناسبه لردع المتهورين

[أم هشام]

والله مريت من المكان اليوم انا وزوجي والمكاااااااان مسكر بالكامل من عند اشارا المول والسينما والمطار والتويوتا المربع مسكر بالكامل
وطبعا سكر المحل الي كنا طالعين عليه واحنا محشورين بالزحمة

[سهم مضطرب]

الله يحفظ عيالنا وسائر المسلمين يارب من هالسائقين المتهورين

[بنت العصـيمي]

سائقي الشاحنات يحسبون نفسهم يسوقون سيكل

يمر من حذاك ولا جنه محمل وراه مصيبة الله يغربلهم ويبعدهم عنا

لا ولا دوار المايل يا كافي الشر تجيك الشاحنه خاده من فوق جنها مصتقصدتك

ايش هالمصايب

[بوغزلان28]

الله يحفضنا

[غزلان]

انا انحشرت بالزحمه ساعتين الشارع واقف ماتحرك:rolleyes2:
لو ماكان الموعد مهم ماطلعت والسايق الله يهديه يدور اسهل الطرق ماجا على باله القنبله الى تنتظرنا تعذبنا لين وصلت

[بيانو]

الله يستر علينا جميعاً


والكل يأخذ الحظر لا أحد يمشى ببالسياره بجانب أو خلف الشاحنات وخصوصاً بالدوارات او بالإشارات

[بنت ابوها 19]

مش للمره الثانيه
قول للمره الثانيه بالدوحه
لكن ياكثر قلباتهم برع قطر ..

[المرحب]

للمره الثانيه إنقلاب شاحنه فى نفس المكان

إشارات التويوتا

من قال انهــــــــا المــره الثــانيـــــــــــــــه


؟؟؟؟؟؟؟؟؟؟؟؟؟؟؟؟؟؟؟؟؟؟؟

[كازانوفا]

بالفعل عندهم اهمااااال شديد ولا هم شايلين هم النااس اللى حواليهم ولا فكر مجرد تفكير ان ايش ذنب هالناس لو الله لا يقدر وقعت البضاعه اللى معها على الناااس والا لما يوقف قدام رب العالمين ويسال
قمة في الاهمال والتخلف
ما عرف ادعي عليهم والا ادعيلهم