صالون حناء

[قطريه فديتني]

السلااااااااام عليكم

ابي افتح صالون خاص بالحناء بس ماعرف من وين ابدأ

ممكن احد عنده خلفيه يساعدني شنو لازم اسوي اول شي من البداااااااايه للنهايه محتاجه حد يعلمني الخطوات

وشلون اجيب عاملات ؟ وشلون اعرف اذا عندهم خبره صج ولا يقصون علي؟

وكم يكلف فتح صالون حناء برايكم ولا اللي عندهم تجارب صالونات؟

وين المناطق اللي تنصحوني فيها ؟

ساعدوووني بليزززز

[قطريه طموحه]

موفقه اختي لون اعرف مابخلت عليج

[البدع]

قطرية ..

إذا انتي موظفة .. فنصيحة لوجه الله .. ابتدعي عن وجع الراس وصداع ماله اول ولا آخر .. وخلك مع التجارة الالكترونية او بالتليفون (مثل البورصة)

بهدله مع البلدية والعمال والسكن والمحل .. والبضاعة .. والي يبوق .. والي يشرد .. الخ

بس اذا انتي مصرة .. فهاك الطريقة

1. لازم تستأجرين محل

2. تاخذين عقد ايجار وتروحين وزارة المالية وتسوين سجل تجاري.

3. تراجعين البلدية

4. تقدمين على تاشيرات

5. تحطين طلب اعلان في الوسيط او من خلال معرفة وتجيبينهم من برع

وغيره

واذا في اي سؤال ثاني فانا حاضر

والله يوفقك

[الخير كله]

قطرية ..

إذا انتي موظفة .. فنصيحة لوجه الله .. ابتدعي عن وجع الراس وصداع ماله اول ولا آخر .. وخلك مع التجارة الالكترونية او بالتليفون (مثل البورصة)

بهدله مع البلدية والعمال والسكن والمحل .. والبضاعة .. والي يبوق .. والي يشرد .. الخ

بس اذا انتي مصرة .. فهاك الطريقة

1. لازم تستأجرين محل

2. تاخذين عقد ايجار وتروحين وزارة المالية وتسوين سجل تجاري.

3. تراجعين البلدية

4. تقدمين على تاشيرات

5. تحطين طلب اعلان في الوسيط او من خلال معرفة وتجيبينهم من برع

وغيره

واذا في اي سؤال ثاني فانا حاضر

والله يوفقك

احلى تجاره المبيعات .......... والعقارات:)
مدخول وما به عوار راس
وانت صدقت بكلامك ...ووزارة العمل والبلديه لا شافو القطري هووسو عليه وشجعو الاجنبي يركب على راسه ....مهب الكل لكن البعض فيه حقد وحسد جعل ربي يفك العباد منهم ...:omen2:

[البدع]

احلى تجاره المبيعات .......... والعقارات:)
مدخول وما به عوار راس
وانت صدقت بكلامك ...ووزارة العمل والبلديه لا شافو القطري هووسو عليه وشجعو الاجنبي يركب على راسه ....مهب الكل لكن البعض فيه حقد وحسد جعل ربي يفك العباد منهم ...:omen2:

ياهلا

انا معاك في العقارات (اكثر شيء ربحني ولله الحمد والمنه)

بس وش قصدك بالمبيعات

وبالنسبة للبلدية .. مشاكلهم كثيرة .. مرة اطعمة ..مرة اعلان .. مرة ماي مكيف .. بسوالحق ينقال ... اذا رحت لهم يتساهلون معاي .. الا مرة طلع لي فيها واحد نذل

الباقي .. ارجل منهم ماشفت

وياليت المحل يطلع ربح ... صداع راس على الفاضي

الصراحة .. الي ماعنده وكالة او تجارة نادرة (بالعربي .. تجارة مو موجودة بقطر) فلايفتح محل

وبالتوفيق للجميع

[اسم جديد]

السلام عليكم
انا كندوب تخليص معاملات رخص بلدية اذا تبين فيلا للصالون اي مكان مش مشكلة للصالون اذهبي اي صالون شوفي اغراضهم كراسي اغراض للصالون اسئلي كم قيمة ادوات والخ ..... سوف تعرفين شلون تبديين صالون او عقارات فلل سكن شوفي كم ايجار الفيلا وعطي اعلان في كل الميرة اعلان عندج سكن للعائلات وعطي رقمج في الاعلان ناس يتصلون فيج اذا احتجتي مساعدة هذا ايميلي ibrahimmazamir@yahoo.com هذا رقمي خمسة خمسة سبعة صفر واحد سته ثمانيه انا مندوب رخص بلدية الدوحة بس او عندج مكان في البيت ملحق باسئل في البلدية ممكن موافقة ان شاء الله ىقبل بداية الشغل صلي صلاة الاستخارة بالتوفيق ان شاء الله .

[ستوب1]

هلا اختي قطرية فديتني .. انا بعد افكر فهالمشروع الصراحة ما اشوف فيه وجع راس
ليش من اي ناحية اخوي البدع ؟؟
انا افكر في بس صالون للحنا فقط يعني ما يحتاج ذيك المعدات .. اللهم احاتي الاجارات وتعرفون الحين شلون الاسعار انا حتى ما ابغي فيلا حتى لو بيت ارضي
يعني يلزمني مكان و حنايات بس و الا شرايكم

وطبعا الواحد ما يستغني عن مشورة الغير واللي عندهم خبرة

[البدع]

ستوب 1

اذا يتدخل يف المشروع ... فالله يوفق ان شاء الله

بس رايي المتواضع هو كالتالي:

1. لاتدخل مشروع فيه منافسيين كثير .. ( لانك راح تخسر بشكل أكبر ومشروعك عمره قصير)

2. ادخل بفكرة جديدة بالسوق او بوكالة معروفة (اذا كنت تفكر بالربح او مشروع عمره طويل جدا)

3. اذا كنت موظف .. فتعرضك للفشل أكبر

4. الدولة بدات تضغط على التجار وبدات ترفع اسعار السجل التجاري والبلدية والاعلان وغيره

واذا عندك اي سؤال فتفضل ... فراح ارد عليك من ناحية خبرتي

والله يوفقك

[ستوب1]

لحين ما عرفت ليش اذا كنت موظف بخسر؟؟

عالعموم بدخل على موضوع جديد بعنوان (بداية السلم) عشان مناقشاتنا تكون على الموضوع نفسه لاني فعلا محتاجة مشورتكم كلكم
سوري قطرية فديتني دخلنا على موضوعج عرض

[البدع]

ياهلا اخوي

الموظف تلاقيه مشغول في الدوام بالنهار .. وصعب يتابع اعمال المحل

اذكر مرة جسلت مع مدير مشغل .. وجالس يشتكي من ان العمال يسرقونه

فقلت في قلبي ... اذا هم يسرقونك وانت معاهم في المحل

فكيف الي تارك حلاله ويشتغل موظف

اضف الصداع الي بيجيك .. مرة بلدية

مرة شرطة ومشاكل واحد مادفع

مرة سكن عمال

مرة تسفير عامل

الخ

صداع وتعب مزمن

ولهذا انصح اي شخص انه يكون اما تاجر او موظف فقط

والموظف انصحه بالبورصة او وديعة بنك او صفقات

او (يأجر) سجل تجاري بنسبة ثابته

او (ياجر) اي شيء بنسبة ثابته

وبالتوفيق

[reem-qtr]

السلام عليكم أختي اذا لحين تبين محل للحنة واصليني عالخاص

[مررايم]

طيب يااخواني واخواتي اشرحوا لنا كيف تجارة العقارات والاراضي وكم لازم بدايه المشرووع وجزاكم الله خيررر افيدونا الله يرزقكم ويبارك لكم في حلالكم

[jassimqtr]

بعطيج نصيحه .... لاتكترثين لكلام الناس ولا تستعيلين فالبداء
بس لاتزم تكونين على بينه وملمه في كل الامور وقبل ما تبلشين فالنشاط لازم تسوين دراااااااااااااسه كامله او شبه كامله للمشروع
ادرسي الموضوع عدل وزوري مراكز تجميل وشوفي اشلون يديرونها وكم رواتب العاملات ومن ومن الاخره عقب فكري انج تفتحين صالون هذي اول خطوه
واذا تبين تستفسرين عن اشياء انا حاظر ولا تخافين من كلام الناس انتي بس ادرسي النشاط عدل من جميع النواحي بس لا تستعيلين وخلي الموضوع ياخذ وقته
وانا بساعدج فيها

[احلى دنيا]

السلام عليكم

قبل لا تطلعين السجل ابحثي عن العقار .. السجل في يوم يخلص .. بس العقار صار لي شهور و السجل عندي ... عقار مالقيت ..


بالتوفيق

[رصاصه]

بكم اقدر اطلع سجل تجاري؟؟؟

[سعودي.. ولكن]

انصحك تشوفي محلات نفس النشاط وتفهمي الشغلة بالظبط قبل تتهورين وتخسرين

وفقك الله لكل خير

[بنوته]

السلام عليكم ورحمة الله وبركاته

حبوبه الصالون عوار راس ولو بتفتحين لازم تكونين متواجده معاهم ...وترى الحنه مواسم بتشوفين الزباين ببس في الاعياد وباقي السنه الله يعينج لان الناس ماتروح الا للحنايات المشهوره عندنا للاعراس ...لوتبين نصيحتي جيبي لج هنديتين يعرفون للحنه ويسون سشوار وسوي غرفه خارجيه بالبيت تكون شوي كبيره حطي فيها مناظر كبيره وكراسي لسشوار خليها كانها صالون مصغر...وسوي كروت ووزعيها على الفريج وخلي اسعارج اقل من اسعار الصالون ..

الله يوفقج