زيادة الطول

[سهوم المنايا]

السلام عليكم



من فيكم جرب حبوب Growth max حقت زيادة الطول


هل لها اثار جانبية

انا حصلت لها عنوان في وسيط جريدة الراية وشريت الحبوب لكن ماقدرت استعملها


اتمنى الافادة ممن لديه العلم الوافي

[alrheeb2020]

ان شاء الله الاخوان بيفيدونك

[تحداني]

.. تم التطرق لهذا الدواء .. في احد المواضيع ..
وتم مناقشته بزوايا عديده ..

ان وجدته عن طريق خاصيه البحث ..
سأضعه لك ..


وان لم اجده سأسل خبيرتنا في الصحه .. الغاليه " ضوى " وسترد عليك مشكوره ان شاء الله

[هدهد سليمان]

الشيخ ما عليك امر خذ الاسم وحطه في قوقل وعقب شوف المخاطر اللي يسببها .. ترى خطير هلعلاج على ما قالوا !
والأفضل ان تسأل طبيب عن ذلك

[aspirin]

مافهمت :rolleyes2: زيادة طول شنهو بالضبط :telephone:

[سهوم المنايا]

مشكورين اخواني على المساعدة


اخوي هدهد حطيتها في قوقل وما طلع الا على المواقع السعودية وان الصحه عندهم مانعته من الدخول الى السعودية

بس انا لما شريته من الصيدليه قالوا لي مصرح من قبل وزارة الصحه


اخوي اسبرين هذا يزيد الطول يعني طولك 165 يزيده الى 171

بس مدري عن مفعوله ولا ادري عن اعراضه

[هدهد سليمان]

مافهمت :rolleyes2: زيادة طول شنهو بالضبط :telephone:
البنطلون لان القميص واسع عليه :nice:

بعد الطول الهيئه !!

[سيزن]

مافهمت :rolleyes2: زيادة طول شنهو بالضبط :telephone:

زيادة طول الشعر :p

[شعنونة قطر]

قطعتوا اسبرين هههههههههههههههههههههههههههههههههههههههههههههههههه هههههههههههه



ياليت اقدر افيدك اخوي بس اذا جربته خبرنا لاضير في انا نطول زيااده هههاااااي

[بـن عدوان]

ما أحبذ انك تستعمل هالأدوية يآآخوي

لانه مستحيل تكون بدون آثار جانبية، وهالآثار تطلع لك بعد فترة من الزمن.

لما تاخذها يمكن بتحس بالفرق وبتستانس لانه سوت فرق، بس المشكلة آثارها الجانبية تطلع بعد فترة من الزمن، عادي ريل طويلة وريل قصيرة هههههههههه

[شعنونة قطر]

^

^

اعوذ بالله

اخوي توني قريت عنها

يقولون تسبب تضخم في عضلات القلب


ويمكن يداهمك الموت المفاجئ

الله يستر عليك بس

[الجوكر90]

السلام عليكم
انا عندي لك نصيحه
انا كنت قزم من قلب
يعني الي يشوف ويهي ايام الاعداديه يقول هاي عمره 19 وانا عمري الصجي 15 بس الي يشوف جسمي يقول وشو انت ماتاكل
لان كنت قزم وضعيف بس قلت خل اتعلق عاد رحت وشريت لي حديده تعلقها ع الباب وعلقتها وكل يوم كنت اتعلق والحمدلله صج اني مب طويل وايد بس احسن من قبل بوايد

فتتعلق احسن من الادويه

وبالتوفيق ان شاء الله

[ANONYMOUS]

اذا مازلت تحت الـ 21 سنه

داوم على لعب كرة السله

رياضه ولا لها مضاعفات ولا اثار جانبيه

[bo_hamad]

أنصحك أبتعد عن الادوية وخلك على صحتك أفضل لك ولله الحمد

[ودي أكون]

انا اقول اتوزع الاعضاء نصهم اتخليهم يجرونك من ايدينك ونصهم من ريولك .. صدقتني بتصول فوق الطول اللي تتمناه:tease:

ياحظنا احنا عندنا الكعب :shy:

[الخارجية]

الناس عنهم حب الفضول لازم اتجرب .. ولازم اتشوف الضحايه قدامك ميتين علشان تعتبر بس أخوي لا تكون أنت العبرة تحمل احنا نبغيك في المنتدى

[Al-Kuwari]

^
^



بس اخوي ما انصحك بهالادويه دايماً يكون لها مضار وتكون سلبيه اكثر من كونها ايجابيه

ترى لو منت بطويل مب عيب ولا بحرام وهالشكل خلقك ربك والحمدلله على كل حال

[براتزية برازيلية]

الحبوب مالها اثار جانبية لأنها مكملات غذائية فيها بروتينات تحفز المخ على افراز هرمونات النمو و ممارسي كمال الاجسام يستخدمونها و المادة تحديداً هي أرجنين و الحبوب مو ضارة بس مو بالضروري فعالة من غير ممارسة الرياضة

[ابوعلي]

اخوي ما انصحك باخذ حبوب لزيادة الطول لأن بالتاكيد لها اضرار على الجسم


وسبق اني قريت عن بعض النصايح والتمارين لزيادة الطول مثل ::

(1) خصّص لنفسك ساعة واحدة للسباحة كل يوم. هذا نشاط مفيد جدا لنمو العظام لأن بممارسة السباحة فإن الضغط الواقع على المفاصل و الناتج عن الجاذبية الأرضية تخف بشكل كبير. بتخفيف الضغط عن العظام فإن العظام تطول بحريّة أكبر. يثبت صحة هذا النظرية دراسة ظاهرة طول قامة السباحون العالميون الذين عادة يزيد طولهم عن المترين. إذا أحببتم فأدخلوا على جوجل google و ابحثوا في سيَر بعض السبّاحين العالممين لتطمئن قلوبكم.


(2) إلزم رياضات القفز (كرة السلة، كرة الطائرة) ففي القفز - أثر كبير على زيادة نمو العظام. لكن لا تجهد نفسك و إنما عليك بالقليل الدائم (20 دقيقة يوميا).

(3) تتعلق بعمود افقي يساعد على شدّ العمود الفقري. صفة ذلك أن تمسك بالعمود مثبت بارتفاع مترين و فقط تتعلق و تتحمل وزن جسدك المتدلي. هذا مفيد إلى نسبة معينة فالبعض قالوا أنه يزيد طول قامة الشخص (2 و نصف سم) كل ثلاث أشهر. العيب فيه أن عضلات الذراعين تصبح بعد فترة صلبة قوية. لكن الآن يمكن أن نحصل على نفس النتيجة باستعمال جهاز الميسونا.

(4) النوم ساعات كافية ليلا أي ما يعادل 7 ساعات.

(5) لا تقصّر في شرب الكمية الطبيعية من الماء و هي لترين يوميا.

[ضوى]

.. تم التطرق لهذا الدواء .. في احد المواضيع ..
وتم مناقشته بزوايا عديده ..

ان وجدته عن طريق خاصيه البحث ..
سأضعه لك ..


وان لم اجده سأسل خبيرتنا في الصحه .. الغاليه " ضوى " وسترد عليك مشكوره ان شاء الله






شكرا لثقتك بي غاليتي :)

المستحضر مسجل بوزارة الصحة وهو عبارة عن مقويات وفيتامينات ، وتم تحليله ولا توجد له اضرار جانبية ، ولا يمكن الجزم بانه يطيل القامة الا باختبارات سريرية ، لذلك فهو مستحضر تكميلي فقط ، وانا انصح بالابتعاد عن مثل هذه المستحضرات والاعتماد في التغذية على المصادر الطبيعة فقط الا في حالة وجود سبب مرضي يستدعي اخذ فيتامينات ومقويات

[سهوم المنايا]

شكرا لثقتك بي غاليتي :)

المستحضر مسجل بوزارة الصحة وهو عبارة عن مقويات وفيتامينات ، وتم تحليله ولا توجد له اضرار جانبية ، ولا يمكن الجزم بانه يطيل القامة الا باختبارات سريرية ، لذلك فهو مستحضر تكميلي فقط ، وانا انصح بالابتعاد عن مثل هذه المستحضرات والاعتماد في التغذية على المصادر الطبيعة فقط الا في حالة وجود سبب مرضي يستدعي اخذ فيتامينات ومقويات

هلا بك اختي ضوى

اهم شي انه مايضر بصحة الانسان يعني ان لقحت والا ماضرها الجمل

بعدين بس عندي سؤال شلون عرفتي انه تم تحليله في وزارة الصحه

تحياتي خيتي

[CH Engineer]

اخـوي حاسب تاخذها
الحبوب ضــاره
اذا سألت الي يبيعها انسان ماعنده شهاده فالطب ولا يعرف شي واذا جيت كلمته يقولك مكملات غذائيه تحفز المخ والخ.
لو قلت ايش هالمكمل الغذائي تبلعم لو قلت له ايش يحفز تبلعم بس يبي يبيع ويألف لانه يبيعها بضعف السعر عليك.
تفكيره الاول هو الربح المادي..
اما الحبوب يقولون انها لها مضاعفات مع الوقت كتضخم عضلات القلب مما يؤدي الى الوفاة عاد مايندرى متى بعد 5 سنوات بعد 10 سنوات ؟؟

بعدين لو نفكر شوي حبوب مثل هذي لو مايترتب عليها مضاعفات خطيره كان شفناها تنباع بكل مكان وشهرتها بكل مكان وكل واحد ماعجبه طوله ياخذ كم حبه يزيد كم سنتي
بس للاسف يبيعونها من تحت لتحت لانها ضـــاره ضـــاره

والسلام عليكم ورحمة الله وبركاته

[ضوى]

هلا بك اختي ضوى

اهم شي انه مايضر بصحة الانسان يعني ان لقحت والا ماضرها الجمل

بعدين بس عندي سؤال شلون عرفتي انه تم تحليله في وزارة الصحه

تحياتي خيتي

لاني اشتغل بالصحة وهذا بالذات مجال عملي :)

[المقهوره]

حطيت الاسم في قوقل وطلع لي هالكلام


الرياض: أصدر الدكتور منصور بن ناصر الحواسي وكيل وزارة الصحة للشئون التنفيذية تعميماً لكافة مديريات الشئون الصحية بمناطق ومحافظات المملكة بمنع تداول واستخدام مستحضر يسمى growth-max .

وذكرت جريدة "الجزيرة " أن المستحضر يستخدم لعلاج قصر القامة ويساعد على زيادة الطول بما يقارب 6 سم خلال ستة أشهر وسحبه من السوق المحلي لعدم تسجليه لدى الوزارة ولا يعرف مدى مأمونيته وفعاليته وسلامته عند الاستخدام .

كما وجه الحواسي المختصين حيال منع تداول وسحب المستحضر بجميع تشغيلاته من السوق المحلي وإكمال الإجراءات الإدارية المتبعة نظاماً حيال المخالفين .

[ذكي جدااا]

قال الله تعالى (لقد خلقنا الانسان في احسن تقويم ) الحمدلله رب العالمين

[شموخ وبس]

نصيحه ياقلبو لاتاخذينها :nono:
واذا بيطول يطول صوب العمود الفقري مو من تحت(السيقان) وهاي اللي نبيه
والشي الوحيد اللي تضمنينه عشان يطولج اهو عملية زراعة العظام :eek5: وهاي العمليه من كثر مااهيا مؤلمة حتى حق عدوتج ماتتمنيلها ذي الشي :( ارضي بطولج ياحبيبتي كلنا مثلج خخخخخ:nice: