اثناء الدوام..لبس الملابس <<الجينز>> ممنوع و حرام...كلام >>امريكان<<

[عابر سبيل]

موب من عندي هالكلام...

تحية لكل من دخل ابداها بالسلام...

باختصار...فيه شي اسمه عالم المهنية..
او عندهم ايقولون Professional

و في شي اسمه "عُرْف عااام"
عند كل المجتمعات الانسانية!

اخوانا في البشرية اللي اسمهم
"امريكان"
عندهم قانون ملزم و ما هو مكتوب باي
دستور و لا في عقود التوظيف ..

ببساطه..هالعُرف ايقول
ان الموظف اثناء الدوام ممنوع عليه
انه يلبس ملابس "جينز"
او ازياء تُعتبر عُرفيا
غير رسمية..

و بهالسبب...
اختلقوا عندهم شي اسمه
Casual Friday

يُسمح فيه للموظف بمزيد من الحرية
في اللبس اثناء اخر ايام الاسبوع بالدوام
بشرط بعد..انه ما يلبس الا
business casual


لمعرفة المزيد عنه..
اخترت- على عجل -
هالرابطين...اولهم من ويكيبيديا:



Casual Friday (also known as Dress-down Friday, or simply Casual day) is an American and Canadian custom which has spread to other parts of the world, wherein some offices celebrate a semi-reprieve from the constrictions of a formal dress code. Whereas, during the rest of the week, business shirts, suits, ties, trousers, and dress shoes are the norm, on Casual Friday workers are allowed to wear more casual dress. Some companies allow jeans, T-shirts, hoodies, and sneakers but others require business casual or smart casual dress. Some offices have a themed dress down day, or encourage people to wear very casual clothes. On this day, even managers are allowed to dress down.
http://en.wikipedia.org/wiki/Casual_Friday

و هاكم للتاكيد الرابط هالكلام:



On casual Fridays, employees may wear clothing which is classified as “business casual,” meaning that it still adheres to certain standards. Clothing must be clean and in good repair, with no stains or discolorations. Men are generally allowed to wear slacks and blazers, and in some offices they may be allowed to wear button down shirts or polo shirts, with or without a tie. Women tend to wear neat skirts or dresses; slacks are common and generally perfectly acceptable, except in very conservative workplaces.
As a general rule, extremely casual clothing like jeans, shorts, t-shirts, tank tops, and so forth is discouraged on casual Fridays. Employees are still expected to make an effort to look professional, out of respect to their offices and their clients. Since some clients prefer a more formal look, some employees like to keep dressy coats and ties in their offices on casual Fridays, in case they need to dress up for a client.
http://www.wisegeek.com/what-are-casual-fridays.htm

****

قبل لااا اختم...


هالشي..تذكرته و انا امشي كثيرا هالايم
لتخلييييص معاملاتي عند
بعض
المحترمين
و المحترمات
اللي وظايفهم تتطلب التعامل
و الظهور عالملأ
و في كل مكان عام...

هااااالني ما شفته في الاروقة
و من بين الزحام..
بداية من مستشفى حمد العام
مرورا ببعض ادارات و وزارات
لا يفي ان اذكرها لكم في مثل هالمنتدى العااام..
معروووفة للقاصي و الداني
من بني العربان...
حتى هي واااضحة للعميااان


الحقيقة..ان كثير من بيننا هم
"كالأنعام"
حتى ما يعرفون ايقلدون
بشكل صحيييييح

تعاليم
ابناء العم
" ساااام"


Gooodby
أو شالوم...بالعبري!!

بالعربي
سلاااااااام

[مطيع الله]

كلام مفيد
وحياك الله في نادي النقد الاجتماعي الهادف

كاتب قدير ومميز

[هتـان قطر]

يعطيك العافية اخوي عابر سبيل على الموضوع

بالنسبة للموظفات القطريات اعتقد حتى لو يلبسون جينز بتكون عليهم عبايات

لذلك بتعتبر العباية هي الزي الرسمي ,, وياليت ينزل قرار بجعل العباية

سااااده بدون اي اضافات وزركشات ولمعات,,غير ذلك المعاش كله

بيروح على هالعبايات ..

اما الموظفين القطريين المدنيين بيكون لبسهم هو نفسه زي تقليدي رسمي

ثوب وغترة وعقال ,, ما فيه أي مشكله

وموظفين الشرطة والجيش لبسهم موحد ,,

الخلاصة ,, اعتقد الدراسة خاصة بالاجانب وبديار العم سام

ويعطيك العافية مرة أخرى

[Mozanee]

اللبس الرسمي هو الحل للموظفين والموظفات حتى ما تصير تجاوزات

وانا سمعت من وحدة زميلة معانا تقول ان أمريكي يشتكي

من ملابس وحدة عربية مقيمة تشتغل في مؤسسة كان يقول ياليت

تكلمونها تخفف من العري ,,,

احنا ملابسنا كلها من بلاد العم ساام بس ما نكون نسخة منهم ومهما سوينا ما راح نصير مثلهم

احنا شرقين في شكلنا وطبايعنا,,, يعني نخدع من !! هم اذا البسوا هالستايل يناسبهم ويناسب

بشرتهم ولونهم وشخصياتهم

واحنا يناسبنا الوقار أكثر من الكاجول حتى المراهقين ما يناسبهم يبين التقليد المصطنع ,,,

عموما هو موضوع يدخل فيه الذوق والميول والثقافة ومدى تأثر الناس بغيرهم ,,,

واخيرا احب اشكرك على الموضوع المميز ودوم عهدنا فيك متميز

[عابر سبيل]

كلام مفيد
وحياك الله في نادي النقد الاجتماعي الهادف

كاتب قدير ومميز


العزيز الغالي /مطيع الله
حقيقة ماني عارف ارد عليك
هنا و لا "هناك"..
ارحم الله والديك ..
اخجلتني بكرمك يا نسل الطيبين...
و قواك الله!.

نتمنى ان الله يعين
لكي نحقق دقة في الإصابات!.

لو تكلمنا بشي اخر قالوا رجعي
و متخلف و يمكن حد ايقول
"قطوه بره"

جبنا العلم من اخر الدنيا
من الديرة اللي
يطرب لذكرهم
بعض ربعنا اللي يمكن
اسم الواحد فيهم
"عبدالله"


ما تذكرك هالمعلومة
بالغراب اللي بغا يقلد مشية
الصقر و حاول كمن مرة...

اشصار فيه بالاخير..

تذكرها و انا اخوك
يا/ مطيع الله؟.

[عابر سبيل]

يعطيك العافية اخوي عابر سبيل على الموضوع

بالنسبة للموظفات القطريات اعتقد حتى لو يلبسون جينز بتكون عليهم عبايات

لذلك بتعتبر العباية هي الزي الرسمي ,, وياليت ينزل قرار بجعل العباية

سااااده بدون اي اضافات وزركشات ولمعات,,غير ذلك المعاش كله

بيروح على هالعبايات ..

اما الموظفين القطريين المدنيين بيكون لبسهم هو نفسه زي تقليدي رسمي

ثوب وغترة وعقال ,, ما فيه أي مشكله

وموظفين الشرطة والجيش لبسهم موحد ,,

الخلاصة ,, اعتقد الدراسة خاصة بالاجانب وبديار العم سام

ويعطيك العافية مرة أخرى


يا سيدتي/الهتان...

انا كنت مثلج اعتقد ان العباية
هي اللي تغطي ما امر بستره..الله!

لكن..وين ذيك العبي اللي تعتقدين
انها بالفعل هي اللبس الرسمي!

عباية الفراشة و لا عباية
" قشر البصل"

اللي لا تغطي و لا تستر

و لا الي و لا و لا ..
شاقول و شاخلي!

اقول..انتي بما يصوره لج عقلج
و فكرج و حُسن تربيتج..

فما الوومج..ان كان كلامج
شوي مبتعد عن "الواقعية"!

كرما لا امرا..
لو ابتليتي
انج لأحد هالاماكن
تراجعين..
خلي اعتقادج مبني
على ما تشوفينه
بالعين...

من بعدها بتعرفين
ان كان عبايات هالايام
تصلح تكون
Profficional dress
و لا هي
"سبهلله"
و تهريج
من تصميم
راجو و كومار
و لا جورج ارماني
او يمكن واحد "بتاني"!


اللي
اتخليج اتقولين..
من فوق
استغفر الله..
و من تحت
هم بعد استغفر الله:omg:

[عابر سبيل]

اللبس الرسمي هو الحل للموظفين والموظفات حتى ما تصير تجاوزات

وانا سمعت من وحدة زميلة معانا تقول ان أمريكي يشتكي

من ملابس وحدة عربية مقيمة تشتغل في مؤسسة كان يقول ياليت

تكلمونها تخفف من العري ,,,

احنا ملابسنا كلها من بلاد العم ساام بس ما نكون نسخة منهم ومهما سوينا ما راح نصير مثلهم

احنا شرقين في شكلنا وطبايعنا,,, يعني نخدع من !! هم اذا البسوا هالستايل يناسبهم ويناسب

بشرتهم ولونهم وشخصياتهم

واحنا يناسبنا الوقار أكثر من الكاجول حتى المراهقين ما يناسبهم يبين التقليد المصطنع ,,,

عموما هو موضوع يدخل فيه الذوق والميول والثقافة ومدى تأثر الناس بغيرهم ,,,

واخيرا احب اشكرك على الموضوع المميز ودوم عهدنا فيك متميز



هلا بج يا سيدتي الكريمة/ موزاني..

ما على كلامج و شرحج الوافي زود..

بس انبه ان المقصود ما هو تحريم شي
ما حرمه الله..

ما قصدت بالكلام ان محد يلبس مثل الامريكان
او من بلادهم او شي من هالقبيل!

و ما قصدنا ان نحجر على الذوق و خنق
الناس..
ابدا..حشا و الله!

القصد..ان امااكن العمل
في "عُرفهم"
هي مكان محترم و الموظف
او الموظفه..
يجب عليه
ان يكون
محترم و رصين..
احتراما لمنصبه
و مكان عمله و من يقوم بمراجعته..
في كل شي
و اولها في مظهره
و لبسه!

تشوفين يا اخت/موزاني..
التسيّب اللي حاصل جدام الكل..
حتى في الاحتفالات او الافتتاحات
الرسمية!!

عبي مثل ما تقولين
انتي و اختج الهتان..
مزركشه..
و اشكره اليد وسيييييييييعه
و "امخربشه"
تلفت انتباهج اولا بالزينه..
و بعدين بانها لما ترفع الوحده يدها
ما في شي تحت العبايه..
Short sleeve
:weeping:

***
لكي لا نبتعد كثيييرا

القصد ان البعض
قام ايخيط و ايبيط
و يلبس هالجينز
ليس بشكل مخالف لنا احنا يالقطريين
( و احنا اشدخلنا كلن يلبس على هواه)

المصيييبة انهم بلما
يلبسونها في العمل
ايكونووون مخالفييين
للامريكاااان

حتى لو مغطينها بالعبي
اللي "تصف و تشف"
كل شي تحتها

منهو احين الرجعي
و المتخلف و الغلطان..
انا
و لا
وضحى بنت عجلان:eek5:

[هتـان قطر]

يا سيدتي/الهتان...

انا كنت مثلج اعتقد ان العباية
هي اللي تغطي ما امر بستره..الله!

لكن..وين ذيك العبي اللي تعتقدين
انها بالفعل هي اللبس الرسمي!

عباية الفراشة و لا عباية
" قشر البصل"

اللي لا تغطي و لا تستر

و لا الي و لا و لا ..
شاقول و شاخلي!

اقول..انتي بما يصوره لج عقلج
و فكرج و حُسن تربيتج..

فما الوومج..ان كان كلامج
شوي مبتعد عن "الواقعية"!

كرما لا امرا..
لو ابتليتي
انج لأحد هالاماكن
تراجعين..
خلي اعتقادج مبني
على ما تشوفينه
بالعين...

من بعدها بتعرفين
ان كان عبايات هالايام
تصلح تكون
profficional dress
و لا هي
"سبهلله"
و تهريج
من تصميم
راجو و كومار
و لا جورج ارماني
او يمكن واحد "بتاني"!


اللي
اتخليج اتقولين..
من فوق
استغفر الله..
و من تحت
هم بعد استغفر الله:omg:


ايوالله استغفر الله من قبل ومن بعد

الله يستر حالنا وحالهم,,ما تشوف انه المفروض

كل وزارة وكل مؤسسة توحد زيها الرسمي

علشان الكل يشتغل وهو مرتاح,,لا ضرر ولا ضرار

الموظفات بيلتزمون بالزي ولا راح يبالغون وبيخففون من

النظرات اللي تتفرسهم من فوق لتحت من الموظفين ومن المراجعين,,

والاطراف الاخرى بيهتمون بشغلهم وبمراجعاتهم ..

[Mozanee]

من فوق
استغفر الله..
و من تحت
هم بعد استغفر الله :omg:





شكلها ماركة هالايام واللي تردده السنتا كل ماشفنا هالملابس

بصراحة أنا أحب أقرى ردودك على الاعضاء لأني

أستفيد وايد لأني ما اطلع دايما فمنكم نستفيد ,,,

[Mozanee]

هلا بج يا سيدتي الكريمة/ موزاني..

ما على كلامج و شرحج الوافي زود..

بس انبه ان المقصود ما هو تحريم شي
ما حرمه الله..

ما قصدت بالكلام ان محد يلبس مثل الامريكان
او من بلادهم او شي من هالقبيل!

و ما قصدنا ان نحجر على الذوق و خنق
الناس..
ابدا..حشا و الله!

القصد..ان امااكن العمل
في "عُرفهم"
هي مكان محترم و الموظف
او الموظفه..
يجب عليه
ان يكون
محترم و رصين..
احتراما لمنصبه
و مكان عمله و من يقوم بمراجعته..
في كل شي
و اولها في مظهره
و لبسه!

تشوفين يا اخت/موزاني..
التسيّب اللي حاصل جدام الكل..
حتى في الاحتفالات او الافتتاحات
الرسمية!!

عبي مثل ما تقولين
انتي و اختج الهتان..
مزركشه..
و اشكره اليد وسيييييييييعه
و "امخربشه"
تلفت انتباهج اولا بالزينه..
و بعدين بانها لما ترفع الوحده يدها
ما في شي تحت العبايه..
Short sleeve
:weeping:

***
لكي لا نبتعد كثيييرا

القصد ان البعض
قام ايخيط و ايبيط
و يلبس هالجينز
ليس بشكل مخالف لنا احنا يالقطريين
( و احنا اشدخلنا كلن يلبس على هواه)

المصيييبة انهم بلما
يلبسونها في العمل
ايكونووون مخالفييين
للامريكاااان

حتى لو مغطينها بالعبي
اللي "تصف و تشف"
كل شي تحتها

منهو احين الرجعي
و المتخلف و الغلطان..
انا
و لا
وضحى بنت عجلان:eek5:

محشومة عنهم وضحى ,, :)

أخوي عابر سبيل أنا فهمت مقصدك من الموضوع هو التقليد ولبس الكاجوال في العمل

وانا شوي توسعت لأني احب اضيف شئ

وأكيد هو مب حرام ولا انت حرمت هالبس لكن القصد ان الناس تفهم ان لكل مكان وكل مناسبة

له الملابس اللي تناسبه حتى مرة رحنا خطوبة وحدة لابسه جينز

يعني صاروا الناس يبون يتمردون وبس

[ام السعف]

اخي عابر دعنا في البداية نتحدث عن امر رسمي وآخر رسمي .

بخصوص الجنيز لم يكن يوما من الأزياء الرسمية ، و أول ما ظهر على يد عامل فقير اراد من خلاله اكتشاف قماش بديل للقماش المستخدم يوفر على عمال المناجم و المصانع الكثير من المال ، فأول من تهافت عليه لجودته و متناته هم العمال وليسوا الموظفين ، و اشتهروا به رعاة البقر في امريكا ، ومن ثم قفز الجينز حتى تصدر المبيعات واصبح المصممين العالميين يتهافتون الى ادخال لمساتهم عليه .

فمن هنا يمكننا اعتبار الجينز مثله مثل بيجاما النوم او بدلة الرياضة او الجلابية او الفانيلة والوزار ، فليس كل ما اسمه بنطلون فهو صالح للزي الرسمي في الأعراف الغربية .
( هناك بنك في قطر يوم الخميس يسمح لموظفيه بمخالفة الزي الرسمي ).

نأتي الى المحور الرئيسي لموضوعك اخي عابر ، اعتقد كلامك المقصود به الزي الرسمي للسيدات ، السيدات في أوروبا يتفنن في ابراز اجسداهن من خلال الزي الرسمي ، فمنهن من تلبس التنورة القصيرة كزي رسمي و منهن من تلبسه كزي يبرز ويفصل و يلفت الأنظار .

وعلى نفس المنوال فلو عدنا لقطر و تم تخصيص زي موحد للسيدات العاملات ، فمن سيتفرغ لمحاسبة السيدة التي تفننت في ابراز جسدها بعدما طبقت التزامها بالزي ؟

فالكثير من الدوائر الحكومية ليس لديها زي رسمي للموظفات ، فمن لبست العباءة فهذا يعود لتمسكها بهذه العباء عن طريق التزامها بالدين او التزامها بالعرف ، فما يحصل بخصوص العبايات هنا يحدث لدى عند نساء الغرب عن طريق القمصان الرسمية الضيقة والتنانير القصيرة فإن لم تكن قصيرة فهي طويلة وبها شق طولي نسيَ الخياط خيطاته .

[عابر سبيل]

اي والله استغفر الله من قبل ومن بعد

الله يستر حالنا وحالهم,,ما تشوف انه المفروض

كل وزارة وكل مؤسسة توحد زيها الرسمي

علشان الكل يشتغل وهو مرتاح,,لا ضرر ولا ضرار

الموظفات بيلتزمون بالزي ولا راح يبالغون وبيخففون من

النظرات اللي تتفرسهم من فوق لتحت من الموظفين ومن المراجعين,,

والاطراف الاخرى بيهتمون بشغلهم وبمراجعاتهم ..




استغفري ربج يالهتان...
تبينهم ايسوون هالشي

تبينهم مثلا اينادوون بالحفاظ
ع التراث في كل شي..
تبينا نصير مثل سوق واقف
تراث تراث في كل شي حتى لبسنا!..


و بعدين يزعل عليهم
"الامريكان"
و لا يمكن اتثور ثائرة
" بابا الفاتيكان"

لا لا...انتي وراج شي
بيودينا في داهية..

كلاامج خطييير
و فيه شده..

و على حرية الناس
و التعبير..
عندج
كثييير من التحجييير!

اقول لج...
اول خليييينا
نقلد صح
هالامريكان!

ما بنقول حق حد
لبسوا لبس امهات
"زمان"

عبي عالراس
و غشوة ولا برقع
و لا بطوله..
و لا دراريع "مزممه"
مدري "معفسه"

انقوووول..

رجاااءا اتبعوا
التعليمات و الارشادات
بالشكل الصحيح!

فــُل
" ميك اب"
حق سهرات
و عساها تكون دوم افراح
و ليالي ملاح

في الدوام..
"لتل"
كريم اساس
عشان ما يحي
عليكن
"اخساس"
(مقتبس ما اعلاه من بلاد العم سام)

و انقول...
في العمل..
لبس وافي و ساتر و باحتشااام!

بنطلون جنز و لو تحت العباية
شبه "المسكره"
يُعتبر مخالف
للعرف و الذوق العام
و كل النظام!

(ايضا هذا من دساتير ابناء الامريكان)

غير هذا..
انا ما لي خص...
انتي تبينهم يلبسون
بدون "زركشه و لا لماعي"
و لا عبايات امهات
آلاف الريالات
و لا تجيب الوحده
شناط يد..
امهات
عشرات الاف الريالات

هذا انتي و بصرج مع خويتاج
و بنات جنسج

لا تشربكيني معهن

انا انسااان تقدمي
موب مثلج رجعي!

اتبع ما اختاره
لي هل "واشنطن ديسي"
مو هل "داوننج استريت"
و لا ربع الذوق "الباريسي"!

[روح الاطلس]

نعم أخي الفاضل .. للأسف هذه الظاهره منتشرة جداً في أماكن العمل وبخاصة من ( السنيورات السكرتيرات ) .. استغرب كيف يتم السماح لهن بارتداء مثل تلك الملابس الكاجوال في مكان رسمي .. يفترض ان يكون الهندام رسمي وجدي .. بحيث يعطي انطباع بأهمية وجدية العمل ..

وياليت الجينز الان ( بنطلون كما هو متعارف عليه ) بل الأدهي الان انه بعد ان يتم تصنيع هذه البنطلونات يتم وضعها في مكان مغلق وادخال فئران جائعة تقوم بقرضها من كل جانب .. ثم تباع في الأسواق ( موضة يا عم الحاج ) :)

[بنت قطر202]

والله العظيم ان لاعت جبدي وزهقت من مواضيعك الي عن الحريم

يعني مافي شيء غيرهم؟؟

اسمحلي ياصاحب الموضوع بس ترى انتو يالشباب زهقتونا من مواضيعكم الي عن الحريم خلاص عااااااااااااااااااااااااااااد دورو لكم موضوع مفيد وحطوه .. في المنتديات الثانيه مايتكلمون نفسكم عندهم مواضيع هادفه وللاسف المواضيع الي تحطونها ماتسبب الا الهواش وعوار الراس

[مرتبش]

عندهم حتى في الاماكن العامة كالمطاعم.. لازم لبس لائق الا المطاعم الشعبية

وهني عندنا القانون بس مستخدمينه غلط! مثلا ممنوع لبس النقاب في البنك او او او.
وممنوع تتكلم اذا اجانب لابسين من دون هدوم في الكورنيش
وممنوع تتنفس اذا اجانب لابسين ملابس نوم في المجمعات.

شف شلون كل شي مقلوب عندنا

[Mozanee]

والله العظيم ان لاعت جبدي وزهقت من مواضيعك الي عن الحريم

يعني مافي شيء غيرهم؟؟

اسمحلي ياصاحب الموضوع بس ترى انتو يالشباب زهقتونا من مواضيعكم الي عن الحريم خلاص عااااااااااااااااااااااااااااد دورو لكم موضوع مفيد وحطوه .. في المنتديات الثانيه مايتكلمون نفسكم عندهم مواضيع هادفه وللاسف المواضيع الي تحطونها ماتسبب الا الهواش وعوار الراس

اسمحي لي اختي عابر سبيل يتكلم عن الشباب من الجنسين اللي يقلدون الغرب

ويلبسون الجينز في العمل في الوقت اللي الامريكان يمنعون هالشي

ان شاء الله اوصلت المعلومة ,, :)

[ضوى]

الحمد لله بداومنا الزي الرسمي العباية فقط لاغير ومب اي عباية ولله الحمد الله يديم علينا نعمة الستر والحياء اللي في بنات ادارتي اللهم امييييييييييييييييييييييييييييييين

[بـــــــنت النوخـّــــذه]

صراحه الشي المخزي اذا جينا انحاسب الاجانب و اساسا بعض اهل الديره مهب ملتزمين باللبس واحترام الذوق العام 00

عموما انا في دوامي من جاليات عربيه واجنبيات ساعات يمرون مكتبي ومكتبي خاص يعني مهب مختلط لكن لما تدخل واهي اتلف طالعه اقول يالله حسن الخاتمه اشلون اقدرت تمشي جدام هالشباب بهذا المنظر البنطلون ضييييييييييييييييييق والجسم الله لايوريك شهالثقه مادري صراحه 00 الواحد يقول الحمد الله والله يعافينا مما ابتلي به غيرنا وتطلع الاجنبيه وادش قطريه وهات ياعماره فوق راسها عاد انت وحظك كم طابق حاطه فوق راسها والموضه الي طالعين بها يفجون العباه عشان البنطلون يبين ترى سهالات ياجماعه كلن يقدر يلبس بنطلون بس في بيوتكم مشكله البعض يحسب التقدم والتطور بالبنطلون هههههههههه :nice:0000

يعني ملخص كلامي اخوي قبل لانحاسب الغرب او الاجانب او المغتربين في بلادنا خل بالاول هل الديره يمثلون بلادهم بالزي المحتشم خير تمثيل 00000

ومن ناحيه نقطه قرار يوحد اللبس صدقني ماراح يودي ولا يجيب هالقرار لان الي ماعندها مبدأ واحترام الذوق العام لو لبسوها خيشه بصل بتظل كما هي لاتحترم القيم ولا الذوق العام 0000000
ولكن انا مع ان ينحط بكل طابق وبكل قسم لافتات ونصائح بالالتزام بالزي المحتشم و باحترام الذوق العام (باللغه العربيه والانجليزيه )يعني اتكون النغزه غير مباشره 00000

والله يستر على الكل 00000000

[ابن الذيب]

العباية هالأيام صارت جاكيت .. ويمكن الجاكيت يستر أكثر ..

أما سالفة الجينز فهي تطول , و لو حابين تضيفون "الـسكيني جينز " Skinny Jeans

P.S
فـي الـQNB العبايات موحده , من كم يوم كنت عندهم ولاحظت هالشي ..
ههههه بس الشيلة تختلف من وحده للثانيه ..

[عابر سبيل]

اخي عابر دعنا في البداية نتحدث عن امر رسمي وآخر رسمي .

بخصوص الجنيز لم يكن يوما من الأزياء الرسمية ، و أول ما ظهر على يد عامل فقير اراد من خلاله اكتشاف قماش بديل للقماش المستخدم يوفر على عمال المناجم و المصانع الكثير من المال ، فأول من تهافت عليه لجودته و متناته هم العمال وليسوا الموظفين ، و اشتهروا به رعاة البقر في امريكا ، ومن ثم قفز الجينز حتى تصدر المبيعات واصبح المصممين العالميين يتهافتون الى ادخال لمساتهم عليه .

فمن هنا يمكننا اعتبار الجينز مثله مثل بيجاما النوم او بدلة الرياضة او الجلابية او الفانيلة والوزار ، فليس كل ما اسمه بنطلون فهو صالح للزي الرسمي في الأعراف الغربية .
( هناك بنك في قطر يوم الخميس يسمح لموظفيه بمخالفة الزي الرسمي ).

نأتي الى المحور الرئيسي لموضوعك اخي عابر ، اعتقد كلامك المقصود به الزي الرسمي للسيدات ، السيدات في أوروبا يتفنن في ابراز اجسداهن من خلال الزي الرسمي ، فمنهن من تلبس التنورة القصيرة كزي رسمي و منهن من تلبسه كزي يبرز ويفصل و يلفت الأنظار .

وعلى نفس المنوال فلو عدنا لقطر و تم تخصيص زي موحد للسيدات العاملات ، فمن سيتفرغ لمحاسبة السيدة التي تفننت في ابراز جسدها بعدما طبقت التزامها بالزي ؟

فالكثير من الدوائر الحكومية ليس لديها زي رسمي للموظفات ، فمن لبست العباءة فهذا يعود لتمسكها بهذه العباء عن طريق التزامها بالدين او التزامها بالعرف ، فما يحصل بخصوص العبايات هنا يحدث لدى عند نساء الغرب عن طريق القمصان الرسمية الضيقة والتنانير القصيرة فإن لم تكن قصيرة فهي طويلة وبها شق طولي نسيَ الخياط خيطاته .


هلا و مرحبا يا/ ام السعف

كالعادة...ما تخلين شي الا و تشخليينه
حتى ينذهل الكاتب من دقة اصاباتج
و جلبج للمحاور المختزلة بين ثنايا السطور و الافكار.

بداية..شاااكر لج جدا حرصج على التاصيل
للمسالة بخصوص ملابس "الجينز" و اعطائنا
هالنبذة المختصرة لتاريخها و تطورها.

ان كنت باضيف شي اخير على كلامج في هالمجال..
هو ان اللي وسع انتشار هالملابس هو اقبال
الشباب او الـ" Teen agers" عليها..
و الادهى من ذلك..ان المتشببين/المُتَصابين
(من الجنسين) قد تبعوا الشباب و الشابات...
و قاموا هم ايضا في التوسع
باستخدام هالملابس
لأضفاء حيوية و شبابية دااائمة
تخفي القدم في اعمارهم و اعمارهن!!!.
هكذا تتحدث الروايات التأريخية للموضوع!.

***
نرجع معج للمحور الرئيسي...
و انتي تتكلمين بواقعية..ان المَعني -ممما ترائى لج-
من طرحي...
هم "النسوان"!

من هالشكل..
قد اشتط البعض و اخذهم الغيظ!.

اقول لج يا بنت الناس...
انا فكري و اعتقاادي دااائما انه
مهما عملت النسوان و لا حتى البزران..
و لا حتى السفها من عطران الشوارب...
سواء فيما نطرحه هنا او اي شيء آخر..

انا اعتقد و اجزم ان المسؤووول الاول
عن كل خلل او زلل يصدر من هذا او تلك..
فالمسؤول الاول عنه هو
الرجل
في أي بيت..
اب ..اخ...زوج او حتى الابناء!!!..
و ان عُدموا فتأتي بقية الاقارب ..
من عمومه او اخوال..او الجدّين!.

فالرجل..لم يطلق عليه ذلك فقط ليتأمر و يأكل و ينام..
انما
لكي يقود المسالة ويمسك بالزمااام!.
و هو ..شاء ام ابى
ورااءه حساب
بالدقة و التمام

و لا اريد الاستطالة اكثر حتى لا تتفلت المسألة!.
***
ارجع...
ما قلنا احنا اصلا ان المطلوب هو التقليد..
لا للامريكان و لا للاوروبيين..
و لا حتى للبس الساري مثل "الهنديات"..
رغم انه "وُجدت" بوادر له من حيث ندري و لا ندري..
عن طريق ما يسمونه بالـ " بوديات" اللي تلبسها عندنا
عالملأ -لين الحين- بس بنات الاجنبيات!.

لما جبت طاري التقليد للامريكان...
لاني اكلم و اخاطب من قااام و يقوووم بالتقليييد...
و لست انا منظرا له و لا داعيا لتوسيعه!.

المسألة..فيها لفتات قد تفهمينها
لو قرأتي الاسترسالات الاخرى
في باقي الردود...

التضارب عندنا في الفكر و التوجه الاجتماعي /الشعبي
ما له والي و لا تحده احدوووود!.

من صوب...بهرجه و دعوات و احياء
للبالي و القديم من الموروثات..
بمسميات لبعض البنايات و الشوارع و المناطق..
او بالدعوة لاحياء " العرضات" في بعض ما هو
ظاهرٌٌ اعلاميامن الاحتفالات..

لكن..من صوب اخر...مياعة و تقليد للغرب و بدفع
"اعلاااامي" من العوام او بعض من لهم صفة رسمية
من الاخوة و الخوات!.


فما اعتقد ان الخيال عندنا يقودنا ان تتفوق عندنا البنات
على الكويتيات و لا البحرينيات(مع الاعتذار) اللي سمعنا
عنهن في ايام التحرر قبلنا في اواخر الستينات و بداية السبعينات
انتهاءا بمنتصف الثمانينات!
*
*
،،
فمن هنا..
ان وُجد عندنا خياط ينسى
ان يسكر بعض "الفتحات"
في تنورة او حدى هالبنطلونات!!

ما فيه مشكله..نستخدم القانون الامريكي..
اللي على قولة " احمد يكيكي"
ايقول ان كل شي
-عندهم-
يعطي الحق لمن هن مثلج
يا وكيلة "السيدات"...

البيت و حتى العصمه!!...

فأكيد
لو ان اي حرمة
اشتكت على الخياط انه ما احترم
التقالييد و العادات..
و تعمد
- من غير قصد منها-
انه يكشف المستور و يبرز العورات...

القاضي على طول..
بيحكم لها ..
و بيغرّم هالخياط..
كمن جلدة :omg:
والآلاف من الريالات!


و ازييدج من الشعر بيت!!

و احنا الرياييل في الاخير..
اول من بيدفع تكاليف هالـ"ديّات"..
حسابا مريييرا على تقصيرنا الاصلي
في تحمل ما الله كلفنا به من مسؤوليات
تجاه من هم تحت مسؤوليتنا
من بنيين و بنات!.

أفي البيت..
ام في بعض الادارااات!

[شموخ وبس]

عاد اهني الحريم مايعرفون يلبسون يروحون الشغل جنهم رايحين عرس :nice: تعلموا من الاجانب اتيكيت صج انهم وصخين بس وقت الجد جد وقت اللعب لعب وقت 0000
0000
ماينلامون كفار :tease:

[سهم صعب]

ليش مايقدرون يسون قانون توحيد الزي امبلا يقدرون نفس مااحد الاخوان قال
فعلا بنك الqnb موحد الزي العبايه ساده مافيه الاخطين على الكم من شعااارالبنك وبس
اعتقد هالقانون بيريح عيون الناس من المناظر المحرجه اللي كل يوم نشوفها في الدوام
:shy::shy::shy::shy:

[بنت قطر202]

ليش مايقدرون يسون قانون توحيد الزي امبلا يقدرون نفس مااحد الاخوان قال
فعلا بنك الqnb موحد الزي العبايه ساده مافيه الاخطين على الكم من شعااارالبنك وبس
اعتقد هالقانون بيريح عيون الناس من المناظر المحرجه اللي كل يوم نشوفها في الدوام
:shy::shy::shy::shy:

لا مب حلوه يوحدون الزي للحريم يعني الحين لو وحده خلصت دوامها وراحت السوق كل الناس بتعرف وين تشتغل وين قاعدين أحنـــــــــــــــا ،،

وحتى الشباب الي متعود يلبس جينز هو وبكيفه يعني بينجبر يلبس ثوب ؟؟ لييييييييييييييييش عشان المنظر يعني؟؟

[عابر سبيل]

نعم أخي الفاضل .. للأسف هذه الظاهره منتشرة جداً في أماكن العمل وبخاصة من ( السنيورات السكرتيرات ) .. استغرب كيف يتم السماح لهن بارتداء مثل تلك الملابس الكاجوال في مكان رسمي .. يفترض ان يكون الهندام رسمي وجدي .. بحيث يعطي انطباع بأهمية وجدية العمل ..

وياليت الجينز الان ( بنطلون كما هو متعارف عليه ) بل الأدهي الان انه بعد ان يتم تصنيع هذه البنطلونات يتم وضعها في مكان مغلق وادخال فئران جائعة تقوم بقرضها من كل جانب .. ثم تباع في الأسواق ( موضة يا عم الحاج ) :)


اختي روح الاطلس..
سالفة الفيران سالفه..
خلينا بس نخلص من سالفة
العدل...بعدين نروح حق
"المقظظ" او "المشقق"!

***

انتي تستغربين من سمح لهن!
اجنبيات و لا حتا "محليات"!

الغرااابة لو تدققين في اصل الطرح..
ان هالشي عند الغربيين مقنن
بقانون غير مكتوووب
اسمه العرف العااام...

يعني..المسالة ما يبيلها
ان حد من المسؤولين..
سواء في البيوت او الادارات..
ينتظر شي مكتوب..
قانون او دستورا..
عشان يبدا يتحرك...
و يمنع هاللبس
او الدوام بهالاسلوب
و المياعة!

اذا هم (الغربيين)..
و هم اخلاقهم
( صفر ع الشمال)
مما ندعيه نحن من اخلاق و
موروثات و عادات
و تعاليم دين...

و عندهم مثل ما نشوف...
عُرف عام و مهنية و تعاليم
للبس في الخارج بين الاوادم
اثناء الدوام..

ايش اللي يمنع كل واحد منا..
مسؤولين او مقربين من المسؤولين
اننا نطبق ما عهدناه في بيوتنا و اللي تربينا
عليه بايدي امهاتنا و ابهاتنا
و نلزم فيه كل من يأتي للدوام.

اقول لج قصص عندنا في عملنا...
و ابدا بقصص عن الشباب
(عشان ما ينزعل علينا)

مدير في احد الادارات...
شاف الشباب عنده ايجون للمسجد
وقت صلاة الظهر..و هم لابسين- الله ايعزكم-
نعل (نايلون/ بلاستك) حقة الوضوء..
و بدون اغترهم و عقلهم..بعني حسّر...
و بعضهم مقرفض الياقة لين نص الساعد..

حقيقة زجرهم..بشكل (ودي)
و قال هالشي غلط و موب Professional
و هو يسيء للصورة العامة عن الموظفين
و الادارة و يشوه صورتنا احنا القطريين!.

و ببساطه..منعهم..و هم شباب اقطريين..
انهم يطلعون من المكاتب و يمشون في الممرات
حتى لو رايحين للمسجد الا و هم مهندمين..
يعني لابسين اغترهم و عقلهم
و لابسين الاحذية/ النعل "السنعه"!

و مدير اخر..
اول ما صار عندنا توظيف للقطريات
في السكرتارية...جات من ضمنهم وحده
خربتهم و شجعتهم لحذف العباية
و عطور و ميك اب و هالسوالف!

و هالشي عندنا ما كان موجود قبلهم
و الحمد لله و لا عقبهم!!

المهم
ما سكت عنهم المدير..و الزمهم انهم
ابدا ما يداومون بدون العباية..
مع ان عندنا سكرتيرات اجنبيات
بس ايجون لابسين لبس رسمي
ولو انهم حاسرات و من غير عبايات!.

ما فيه..من اول شي و الحديييد حامي..
موب التسااهل لين نوصل لما لا يحمد عقباه
***

القصد..ان المسألة ما يبيلها ان ننتظر الحكومة
او وزارة العمل او او او..انهم يضعون
هالشي...احنا..نطبق المعايير الاجتماعية
و الاعراف اللي ماشيين عليها بهالبلد..
و التطبيق على المواطنين و من ياتي للعمل
عندنا..
موب انا نفتح لهم الابواب
انهم ياخذون خيرنا..
و يرمون علينا شرهم و اطباعهم
السيئة و ايحولون مجتمعنا
الى مسخ..
لا احنا اقطريين ..
و لا مثل الامريكان
و الا حتى الفلبينيين و لا الهنود..
و يمكن بعد بنقتبس عادات بعض
"البتان"!.

[sapphire]

:nice: هذا والله كلامـ(ن) زين

[عابر سبيل]

والله العظيم ان لاعت جبدي وزهقت من مواضيعك:omg: الي عن الحريم

يعني مافي شيء غيرهم؟؟

اسمحلي ياصاحب الموضوع بس ترى انتو يالشباب زهقتونا من مواضيعكم الي عن الحريم خلاص عااااااااااااااااااااااااااااد دورو لكم موضوع مفيد وحطوه .. في المنتديات الثانيه مايتكلمون نفسكم عندهم مواضيع هادفه وللاسف المواضيع الي تحطونها ماتسبب الا الهواش وعوار الراس


قبل كل شي انتي حتى ما رديتي
السلام اللي باول الموضوع..
بعد انقول لج السلام عليج سيده/ بنت قطر!

شتبيني ارد عليج!

لو تشوفين الموضوع من اوله لين اخره
ترا اي حد غيري ممكن ايقول
ما فيه الا ردج هذا اللي قد يسبب هوشات
و اشكالات..و ايخرب كل السالفه!!!؟؟؟.

وين مواضيعي المتلتلة عن الحريم؟؟
مدري انتي محترة علي انا شخصيا
و لا على كل الرياييل و الشباب!.

سيدتي..
اذا انج تشوفوين هالموضوع موب هادف..
ممكن ..كرما..اتصححين اي شي فيه خطأ او
سطحي ..و اتجيبين لنا العلم من اخره
و تقودينا نحو الاسمى و الارقى من الاهداف
اللي جلعت جبدج تلوع لهالحد!.

بيظل لج احترام و تقدير للزمالة بهالمنتدى
مثلج مثل الكل..بس حقيقة..هل يحق لي
اختنا..ان اقول لج..على رسلج و بليا اندفاع
عمياني!!.

اقري و تمهلي و افهمي كل الكلام
قبل استخدام الفاظ بهالاسلوب اللي حقيقة
اشوفه ليس من مستوى هالمنتدى
و يمكن انتي متعوده عليه في منتدياتج الاخرى!.

[ANONYMOUS]

المفروض في ادارات الموارد البشريه في شي يسمى الـ dress code policy

ومطبق في بعض الاماكن

ع الاقل تعميم ولو جبر خاطر :p

[ام السعف]

المفروض في ادارات الموارد البشريه في شي يسمى الـ dress code policy

ومطبق في بعض الاماكن

ع الاقل تعميم ولو جبر خاطر :p

وشنهي فايدة التعميم يا صاحب الابتسامة البريئة مالم ينفذ ، فاخونا عابر سبيل يبحث عن التغيير .

[ANONYMOUS]

وشنهي فايدة التعميم يا صاحب الابتسامة البريئة مالم ينفذ ، فاخونا عابر سبيل يبحث عن التغيير .

القانون يوضع لينفذ

واذا ماتنفذ فهناك خلل في الاداره

كل واحد يسنع ادارته

:p

[عابر سبيل]

عندهم حتى في الاماكن العامة كالمطاعم.. لازم لبس لائق الا المطاعم الشعبية

وهني عندنا القانون بس مستخدمينه غلط! مثلا ممنوع لبس النقاب في البنك او او او.
وممنوع تتكلم اذا اجانب لابسين من دون هدوم في الكورنيش
وممنوع تتنفس اذا اجانب لابسين ملابس نوم في المجمعات.

شف شلون كل شي مقلوب عندنا


[CENTER]ربشتنا معاك يا خوي المرتبش!
من صدقك ممنوع النقاب بالبنوك!!!


انت تقول كل هالـ"ـمشاهد" ..
عن اي ابلاد..
و لا تتكلم عن قطر..

من صدقي..
ترا مثل ما قالت/ الاخت موزاني
في احد ردودها..

انا يا خوك قليل الخروج..
و هذا بس لما احتديت هالايام اراجع
بين "قومسيون"
حق خدامه
و جوازات
و مستشفى حمد
بين اطبا و طبيبات
و ممرضين و نرسات!

اخاف انت شايف فلم حق/ عدل امام
و اربشك زود!..لابسين..من غير!!.


ياخوك احنا انصعقنا من اللي لابسين..
و اشلون بعد غيرهم!!

تخلي الواحد ايفكر يدفن نفسه في درج
المكتب موب ع الكرسي..
عشان ايصير و بشكل اختياااري

http://farm3.static.flickr.com/2432/3620025994_1863403669.jpg

[biz-qtr]

اول شي عليكم السلام والرحمه

وثاني شي ... هالمنتدي يدور الراس


حزات ينتقد الغرب وكان كل اللي يسونه حرام وغلط وضد العادات والتقاليد .. وحزات يحث ع تقليدهم ف لبس Casual + formal

احنا فالخليج .. عندنا العبايه تصير Formal وتصير casual وتصير wedding عبايه :) ... واذا البنت ما تقدر تميز بين عبايه دوام وعبايه سوق وعبايه عرس مب معناته ان الكل انعدم عنده الذوق من هالناحيه ..

وبالنسبه للغرب .. نشوف اللبس الرسمي عندهم قصير ويبين مفاتن الجسم ... فهاي اللي تدعونا نصير نفسهم ف لبس الformal ؟!!!!!!!!!


اشكرك اخوي ع الطرح الحلو عجبني ... ولكن فكره الموضوع ما عجبتني اسمحلي ...

[دلوليانوز]

اللبس الرسمي هو الحل للموظفين والموظفات حتى ما تصير تجاوزات

وانا سمعت من وحدة زميلة معانا تقول ان أمريكي يشتكي

من ملابس وحدة عربية مقيمة تشتغل في مؤسسة كان يقول ياليت

تكلمونها تخفف من العري ,,,

احنا ملابسنا كلها من بلاد العم ساام بس ما نكون نسخة منهم ومهما سوينا ما راح نصير مثلهم

احنا شرقين في شكلنا وطبايعنا,,, يعني نخدع من !! هم اذا البسوا هالستايل يناسبهم ويناسب

بشرتهم ولونهم وشخصياتهم

واحنا يناسبنا الوقار أكثر من الكاجول حتى المراهقين ما يناسبهم يبين التقليد المصطنع ,,,

عموما هو موضوع يدخل فيه الذوق والميول والثقافة ومدى تأثر الناس بغيرهم ,,,

واخيرا احب اشكرك على الموضوع المميز ودوم عهدنا فيك متميز


اكيد لبنانيه.. طلع منتهي الامريكي..شكله بروحه عزابي
الله يصبره ويصبرنا

[رهج السنابك]

[center]ربشتنا معاك يا خوي المرتبش!
من صدقك ممنوع النقاب بالبنوك!!!


انت تقول كل هالـ"ـمشاهد" ..
عن اي ابلاد..
و لا تتكلم عن قطر..

من صدقي..
ترا مثل ما قالت/ الاخت موزاني
في احد ردودها..

انا يا خوك قليل الخروج..
و هذا بس لما احتديت هالايام اراجع
بين "قومسيون"
حق خدامه
و جوازات
و مستشفى حمد
بين اطبا و طبيبات
و ممرضين و نرسات!

اخاف انت شايف فلم حق/ عدل امام
و اربشك زود!..لابسين..من غير!!.


ياخوك احنا انصعقنا من اللي لابسين..
و اشلون بعد غيرهم!!

تخلي الواحد ايفكر يدفن نفسه في درج
المكتب موب ع الكرسي..
عشان ايصير و بشكل اختياااري

http://farm3.static.flickr.com/2432/3620025994_1863403669.jpg


صحيح الكلام .. فيه اماكن اول ماتروح لها البنت المنقبة يقولون لها ( شيلي النقاب ونشغلج ) والبنوك وحده منهم لا والطامة الكبرى البنوك الاسلامية أكثر تشددا في موضوع النقاب .. وفيه وزارات وشركات وهيئات وااايد وصارت سالفة معروفة .. وحده مرة قابلتها في الموارد البشرية في احد الاماكن عقب ماخلصت المقابلة قالت لي الحين بيقابلج مدير الادارة وهو دانماركي وما يحب النقاب ( لازم تشيلينه قبل لا تدخلين عليه عشان يوظفج ..:) )

[دلوليانوز]

ايه..البنوك بدون نقاب

[عابر سبيل]

الحمد لله بداومنا الزي الرسمي العباية فقط لاغير ومب اي عباية ولله الحمد الله يديم علينا نعمة الستر والحياء اللي في بنات ادارتي اللهم امييييييييييييييييييييييييييييييين


اللهم امين..و ان يعم ذلك كل بنات المسلمين
في كل الهيئات و الوزارات و المؤسسات
و الدوائر الحكومية و حتى غير الحكومية..
في قطر و خارجها بعد!


اختنا الفاضلة/ ضوى..
ممكن اتجاوبين على هالاستفسار!

هالامر..حد افرضه عليكم في الاداره
بشكل او باخر..و لا ايش؟
يعني
فيه شي مكتوب..
قانون من جهة العمل او الشؤون الادارية..
او تعميم من مدير الادارة عندكم ..
او حتى ايميل تم توجيهه بهالخصوص!

اتمنى اني اجد منج ( و اي حد ايعيش نفس جو ادارتكم)
اجابه واافية شااافية..كرما منج لا امراً.

[ضوى]

اختنا الفاضلة/ ضوى..
ممكن اتجاوبين على هالاستفسار!

هالامر..حد افرضه عليكم في الاداره
بشكل او باخر..و لا ايش؟
يعني
فيه شي مكتوب..
قانون من جهة العمل او الشؤون الادارية..
او تعميم من مدير الادارة عندكم ..
او حتى ايميل تم توجيهه بهالخصوص!

اتمنى اني اجد منج ( و اي حد ايعيش نفس جو ادارتكم)
اجابه واافية شااافية..كرما منج لا امراً.


والله ياخوي عابر هذا الامر نابع من البنات نفسهم ماشااء الله عليهم لا احد فرضه عليهم ولا احد الزمهم به ، مافي اي شئ مكتوب لا من جهة العمل ولا من الشؤون الادارية ولا اي تعميم ولا ايميل ، التزام شخصي من البنت نفسها ، ياربي يحفظهم ويرزقهم الزوج الصالح والذرية الصالحة اللهم اميييييييييييييييييييييييييين

والله مش مدح ولا غرور لما اقول لك ادراتنا من انجح الادارات ومن افضل الادارات الحمد لله والمنه من حيث اخلاق البنات ولبسهم وشغلهم واحترامهم اللي ماله حدود ، شهادتي فيهم مجروحة ياربي يستر عليهم ويحفظهم ويوفقهم ، والفضل بعد الله سبحانه وتعالى ومنته يرجع لمديرتنا الله يحفظها ويبارك لنا فيها هي اللي خلت سمعة الادارة فوق بامانتها واخلاصها

[عابر سبيل]

صراحه الشي المخزي اذا جينا انحاسب الاجانب و اساسا بعض اهل الديره مهب ملتزمين باللبس واحترام الذوق العام 00

***

وتطلع الاجنبيه وادش قطريه وهات ياعماره فوق راسها عاد انت وحظك كم طابق حاطه فوق راسها والموضه الي طالعين بها يفجون العباه عشان البنطلون يبين ترى سهالات ياجماعه كلن يقدر يلبس بنطلون بس في بيوتكم

مشكله البعض يحسب التقدم والتطور بالبنطلون هههههههههه :nice:0000

يعني ملخص كلامي اخوي قبل لانحاسب الغرب او الاجانب او المغتربين في بلادنا خل بالاول هل الديره يمثلون بلادهم بالزي المحتشم خير تمثيل 00000

ومن ناحيه نقطه قرار يوحد اللبس صدقني ماراح يودي ولا يجيب هالقرار لان الي ماعندها مبدأ واحترام الذوق العام لو لبسوها خيشه بصل بتظل كما هي لاتحترم القيم ولا الذوق العام 0000000
ولكن انا مع ان ينحط بكل طابق وبكل قسم لافتات ونصائح بالالتزام بالزي المحتشم و باحترام الذوق العام (باللغه العربيه والانجليزيه )يعني اتكون النغزه غير مباشره 00000

والله يستر على الكل 00000000



و اذا شهد شااهد من اهلها...
فلا حد ايلوم من قصد التنبيييه و التوعية...

بنت النوخذه..ما قصرتي..
انتي جبتيها من اقصرها..

و انا..لاسبااب...
ما كنت ابي احطها على بلااااطه..

لكن دامها من وحده من الحريم..فانا احيل
كل من لها اعتراض ..ان ترفع اعتراضها
للسيدة/ بنت النوخذه!
***

تحية و تعظيم سلااام...
لج يا بنت النوخذه!!

و للي ما عنده خبر..
و لا عمره شاف..

يحمد الله اولا....

او انه بِوَعي..
يفتح عينه لما حولينه
و لا يمشي و مسوي نفسه مغمض!!


المسألة منتشره في كثييير من الجهات..
لو بنحط اسامي ادارات او جهات
كان بيصير فيها نشبه و طلبات
و ربما تحقيقات!!.


اختنا بنت النوخذه..
ما قصرتي على هالعرض
و الصراحة و المعلومات..
و فوقهم بعد الكم الطيب
من الاقتراحات!

اتمنى من اللي مبتلين - مثلج- بهالمظاهر
في اداراتهم و جهات العمل عندهم..او اللي
يشوفون انه به بوادر لهاشي من اتحد افراد
عائلاتهم...

ببساطه...
يتحركون و يصححون الامر..
المسألة ما يبغيلها قانون و تعميمات

المسألة..
مدعوومه من الاربع جهات..

دين
و خلق
و ذوق
و عادات..

حتى هو من السنع في عُرف
" الامريكيات"!!.

و لا يخافون..محد بيتهمهم
لا بتحجّر و لا رجعية و لا تخلف..
لانهم..ببساطة..مثل ما شفنا
قاعدين ايطبقون قوانين و انظمة

" الامريكان"!

و الله..
هو المستعااان!.

[عابر سبيل]

العباية هالأيام صارت جاكيت .. ويمكن الجاكيت يستر أكثر ..

أما سالفة الجينز فهي تطول , و لو حابين تضيفون "الـسكيني جينز " skinny jeans

p.s
فـي الـqnb العبايات موحده , من كم يوم كنت عندهم ولاحظت هالشي ..
ههههه بس الشيلة تختلف من وحده للثانيه ..



يا ابن الذيب..
انت صادق..

بس منعا للاحراج او التهمة
بالتحيز...

ما قصرت النسوان - سو فار- في سرد
و جلد السيء من الظواهر عندهن
و بالذات
من بعض البنات..


خلنا نتكلم احنا عن الشباب
و بعض الشياب..

ممممممم

صج الكثيير منا ما يروح للدوام
بقمصان و بناطلين
في اغلب الادارات..


بس بعد...فيه البعض
قاموا يسوون في اثيابهم حركات..

بالاخص الثياب اللي كانها
" بودي" او مخصره
او شي من هالقبيل!

هي بعيدة عن خط الاستقامة
و الذوق السليم!

و لا البعض اللي عمره
فوق الاربعين و يمكن
في الخمسين...
و تشوفه في الكورنيش يمشي
بالشورتات او "الهافات"!

مَكْبَرها في عرف كل من
عايشناه
في وطر
السابقين من
"الابهات"!
العرف عند كثير من
هل المجالس و السامي من العادات ...

انه الولد حتى لو انه راجع
"بالادريس" /الزي
العسكري من احدى المهمات..

ما يدش في المجلس الا بعد ما يبدل
هاللبسات..
و يلبس مثل الرياجيل..
ثوب و اعقال و غتره

لكن شنقول هالايام..

صار التقدم
- على قولة بنت النوخذه-
في فقط في تقليد اللبس الاجنبي..

حتى لو انه اكبر دليل على التخلف
لانه ببساطه دليييل عملي
بأننا تابعين

و في عرف هل "التأريخ"
و شيخهم ابن خلدون..

هذي
اكبر علامات انهزام الامم

اللي هي:

شغفها بتقليد الأقوياء
و المنتصرين
من بقية الأمم!

امعانا في الذل و المهانة
و الألفة للعيش في المهانة

[شاهيناز]

تسلم اخوي عابر على الجهد الي بذلته سواء في الموضوع او النقاش

بس مختصر كلامي لازم يكون في كل هئيه او مؤسسسه حكوميه يكون في معاير للملابس لرجال والنساء.؟

عندنا في معاير نمشي عليها مانقدر نتجاوزها من ضمنها المكياج الاوفر

بتقولون ليش الخفيف ,, اعرف الملاقيف الي هنيه

برد عليهم لان الخفيف مايبين

بالنسبه لتوحيد الزي المفروض يكون للي يتعاملون مع العملاء
مب اي موظفه يوحدون زيها

سجن مب وظيفه

[Al- noor]

احلى شي لو يوحدون زي العبايه مثل بنك قطر الوطنى يعني العالم غصب عنها تحترم المكان اللي هي رايحه له ،،،
ياريت في موؤسستنا يطبقون هالنظام .
تسلم اخوي على الطرح الرائع ،،وصح لسانك

[عابر سبيل]

عاد اهني الحريم مايعرفون يلبسون يروحون الشغل جنهم رايحين عرس :nice: تعلموا من الاجانب اتيكيت صج انهم وصخين بس وقت الجد جد وقت اللعب لعب وقت 0000
0000
ماينلامون كفار :tease:



اخت شموخ...
موب مقصود من الطرح ان احنا
نقلدهم عمياني!

و لو تشوفين كلام الاخت/ ام السعف..
في اول ردودها
لو بيصير تقليد لهم في كل شي..كان نروح وطي!

المقصد..هو تنبيه من اختااار ان يقلد..
انه ع الاقل ايقلد صح..
موب ايطقها عويه..
فيصبح..لا هو مثلنا..
و لا حتى مثل من قاعد ايقلدهم!



ليش مايقدرون يسون قانون توحيد الزي امبلا يقدرون نفس مااحد الاخوان قال
فعلا بنك الqnb موحد الزي العبايه ساده مافيه الاخطين على الكم من شعااارالبنك وبس
اعتقد هالقانون بيريح عيون الناس من المناظر المحرجه اللي كل يوم نشوفها في الدوام
:shy::shy::shy::shy:




ومرحبا بك يا سهم صعب!

حقيقة..انا ما اشجع القوانين و تعاميم التقنين
المبالغ فيها او التوحيد بشكل يشعر الناس بانهم
في المدارس او كعمال المصانع!

المقصد..هو اولا الاتزام الذاتي و عدم
الابتعاد عن العرف اللي هو معروف في كل
بيت و شارع و فريج!

بس..لو فيه شي معين مثل ما قال مجموعة اخرين
يتفقون معك..بالذات للي عملهم يتطلع احتكاك بالمراجعين..
هذا يُقدره بشكل افضل المسؤولين اللي
يعملون في مثل هالادارات..




لا مب حلوه يوحدون الزي للحريم يعني الحين لو وحده خلصت دوامها وراحت السوق كل الناس بتعرف وين تشتغل وين قاعدين أحنـــــــــــــــا ،،

وحتى الشباب الي متعود يلبس جينز هو وبكيفه يعني بينجبر يلبس ثوب ؟؟ لييييييييييييييييش عشان المنظر يعني؟؟



مرحبا بج مرة اخرى يا بنت قطر 202

في الجزء الاول انا أأيدج..مثل ما تشوفين..

بس في الجزء الثاني..مدري..ما اعرف حد ايروح
شغله...بالبناطلين الجنز الا اللي عملهم
غير اداري..و هم قلة في القطريين...
و اكثرهم عندهم الملابس الموحدة المعروفة
(يونيفورم) و اللي تمدهم به شركاتهم.

اكرر..ما تكلمنا عن اللي يلبس هالملابس
في حياته اليومية..و ما ني من اللي ما يبلس اعياله
هالملابس..الا اني اشوفه عملية جدا للصغار..

الكلام ..لوز تدققين..معني به الكبار و اثناء الدوام..
للالتزام من ذاتنا..بشيء اسمه عرف و عادات..

و بينا ان حتى من يتمسك بالحرية ( الغربية) فانه ينافيهم
فهم حتى في هالشي التااافه- في عين البعض-...
متزمتين و متشددين!.

و شاكر لج تفاعلج مع الموضوع..
و ان كنا قليلا مختلفين..

[شموخ وبس]

هلا اخوي عابر انا ماقصدت تقليد الاجانب في كل شي احنا موضوعنا الزي الرسمي في الشغل وتكلمت بس عن اللبس 000شكلك فهمت غلط اللي اوضحه هما كفار وصخين بس يراعون اللبس المحتشم في الشغل وبس

[eXpert*]

العباية صعب تستر الجينز
:secret:

[♣شيبةالنخرة♣]

انا حبيت بس اعلق على النقطة اللي ما عجبتني وهي ان الحريم ببنك معين يلبسون عباية ساده وعليها شعار البنك ؟؟؟ اشوف الفكره هذي ماتدخل المخ و مالها سنع والاستر انهم يلزمون الموظفه بعباه ساتره سودا وخلاص لكن شعارات هذي اللي ما يتقبلها مخي كني بهم في الروضه :rolleyes2:



و يعطيك العافيه



يا الذيب :nice:

اقول وين العزيمه هههههه

[Mozanee]

اكيد لبنانيه.. طلع منتهي الامريكي..شكله بروحه عزابي
الله يصبره ويصبرنا

ومن غيرهم امهات الاغراء المصطنع والمبتذل ,,

[ريم المدينة]

^^^

المغربيات ^^

[Mozanee]

^^^

المغربيات ^^

كلهم حسبي والله ونعم الوكيل لكن تبين الصج في منهم متدينات ونجوفهم في

مراكز القرآن ما شاءالله عليهم

[عابر سبيل]

sapphire
شكرا على المرور و التقدير..




المفروض في ادارات الموارد البشريه في شي يسمى الـ dress code policy

ومطبق في بعض الاماكن

ع الاقل تعميم ولو جبر خاطر :p



تعميم و لو جبر خاطر..
يعني..لو حد سوا هالشكل
في ادارته او حتى في بيييته
و نزل له كمن تعميم..

خلاص..محد بيحاسبه
و يوم القيامة هالشي
ما بينكتب في
"صحايفه"!

المسؤولية الذاتية هي الاهم
يا خوي ANONYMOUS

و بعدها تاتي الإلزامات الخارجية
و التعميمات الادارية!

لكن..كمواطنين و قطريين
و أغلبنا هم اللي ماسكين زمام
المسؤولية في هذي المؤسسة او ذيك الادارة

و قبلها..كلن راعي و مسؤوول
عن "أهله"

فاي تعميم بينفع اذا
كانت المصيبة من
اصحااب الدار

ممكن حد بيقول في مثل هالمسألة
انه
" لكم القرار"

تلبّسوا عدل..و بعد انتبهوا
على لبس من هم تحت مسؤوليتكم..

في بيتكم و لا في ادارتكم
:telephone:

مفهوووم...

هذا عدى عن اللي ما عندهم وقت ايبدلون
ملابس النوم..
و ايجون ابها لصلاة الفجر او الجمعة
او فيه بعد نوعية -ايقولون-
اتروح ابها للدوام

تصدق عاد هالحجي يا خوي/ انونيموس.:eek5: