المجموعة حيرتني اليوم

[alflasi]

أيها الأخوة الأفاضل ايتها الأخوات الفاضلات السلام عليكم ورحمة الله وبركاته .
لقد قمت اليوم باعطاء أمر بيع صناعات باعلى سعر وامامي شاشة الكمبيوتر ولايوجد عرض وانتظرت لمدة خمسة عشر دقيقة ولم يدخل الأمر مع انه لايوجد معروض وعاودت الاتصال بهم مرة
اخرى فيرد علي الموظف بانه يوجد ضغط في ادخال الاوامر في السوق وسالني هل انت متاكد ان هذه الكمية من الأسهم موجودة عندك وهي 420 سهم فقلت له نعم يوجد لدي 1720 سهم وكانت
الساعة تقارب 11 وقال لي انتظر 5 دقائق وعاود الأتصال ثانية وعاودت الأتصال بهم 4 مرات مع اربعة
موظفين وكل واحد يعطيك جواب شكل فراودني شك بان الشغلة مقصودة وعلى فكرة اول موظف اعطيتة الامر قلت له اريد بيع الصناعات لشراء التحويلية ؟ وفي اخر اتصال قال لي بالحرف بعد 5 دقائق 100% سيتم البيع وكانت الساعة 11.25 دقيقة بما معناة ان شراء التحويلية لن يتم ؟
فالغيت امر البيع ولم ياتيني مسج بامر الالغاء .
فلا اريد ان اظلم بختي معهم الرجاء من الذي واجه موقف او لدية خبرة ان يفيدني وهل صحيح ماجاء على لسان موظفين المجموعة ام انها سياسة الشركة .
والسموحة على الاطالة وجزاكم الله خير :confused:

[سعادة الوزير]

انا صارت لي مره حاله مشابهه، كنت ابي ابيع وجاني مسج ماذكره بالضبط لكن زبدته ان الامر ماتنفذ، ولما اتصلت قال لي نفس ماقال لك (متأكد ان الاسهم كلها عندك؟) وقلت له اي متأكد ، وقلت له خلاص بيع لي نفس الاسهم ناقص 100 سهم عشان يكون اكيد ان الاسهم متوفره عندي وتم البيع، اعتقد فيه مشكله بينهم وبين النظام المركزي في السوق.

[jajassim]

الخطأ وارد :looking: ، لا تعتقدون انظمتنا مثل أنظمة بورصة ناسداك :shy: ، بس خلي على الله :eek2:

[rashid_qatar]

نا اقول ان فعلا النظام كان علية ضغط من بيع بروة ولاحظ الكمية الي باعوها من بروة 5 مليون ، وعن اذا كان يقولك ان الامر ماتنفذ واذا كانت الكمية فعلان موجودة ولا لا يصير من نظام البورصة يقفل ولا انت من قبل مسوب امر بيع في شركة ثانية وماحولو لك الاسهم كاملة على التسجيل المركزي

[PoBox]

اخوي الفلاسي
روح المجموعة وتاكد بنفسك ..
انا صارتلي نفس مشكلتك ..
وكل ما اتصل يقولون ما تنفذ شي ..
الى ان جاء يوم التداول التالي ..

(( وانا طبعا غيرت حساباتي ..في البيع او الشراء لان الاسعار تغيرت ..))
لكن انصفقت على اذني ..
طلعت اسهمي مبيوعة .. من امس .. بس مب طالع عندهم ومادري ليش..
ولا جاني مسج ولا شي ..
وصج توهقت ..من هالحركة
يوم الاحد اول الصبح اتصل او روح وتاكد امرك متنفذ ولا لا ..
ولو ما متنفذ ..
علطول لا تضيع وقتك مع الموظفين الى تحت .. لان كل بيرميك على الثاني وبيطلعونك غلطان
علطول فوق على المدير ..واشرحله ..تنح معاك ..
قول راجعوا تسجيلات (اليوم الي طلبت البيع ) لان كل المكالمات تتسجل
بيطلعون هم الغلطانين ..يبيعون لك بالسعر الي حطيته بالتلفون ..
قالوا لا ..
اقرب محامي ..وارفع قضية ..
ترا هذا حقك . :court:

[alflasi]

مشكورين كثر تراب قطروكثر ماطق المطر في السبعينات مثل هالشهر .
ومشكورين على التجاوب السريع وابشركم وصل الموظوع واخذ له بعد اخر وموقفي والمواقف المشابهه اكانت بحسن نية او بسوء نية أخذت بارك كبير؟بركنت وبسبب تبركنها اثأرة حفيظتي في أمور كثيرة تدخل في بند
خيانة الأمانة واستغفال الناس والأبحار على [السقي والثبر] او بالأصح المد والجزر طالع واكل نازل واكل أخوكم
له معاناة مع بنكين في قطر لهم اسمهم ولهم ثقلهم في البلد سالفة كادت ان تشتت اسرة واطفال لاكن الله ستر لأن ديرتي قطر والله لوتنطق الارض وتقول عطشانة بدمي اسقي ترابك ياقطراكثركم بيقول ليش تسكت عنهم! اقول الشكوى لغير الله مذلة اذا كان خصمك هو الحكم هو من يحكم وهو من ينفذ ؟محدثكم ايها الاخوة والاخوات الفقير لله القوي باذن الله بايمانة لايخاف في الله لومة لائم لن افتري على احد وانا مازلت في سجنهم المظلم عميلا لديهم ولاكنها حقائق لاينكرونها.واتمنى من مشرفين الصفحة المساعدة وانا لن اتطرق لشخص بعينة ولا اسم البنك لان البنوك كلها فيها فيروسات موذية ومنذ ثلاث سنوات وانا معلن الحرب على حاملي هذا الفيروس والذي اطلقت علية >فيروس الحرامية< وهذه القصص الواقعية شانشرها تباعا . ماقلت لكم ان الباركنج خذ موقف وبركن? عاد الله يستر من الفاتورة لانه ماخذ مواقف ثانية. والسموحة ياشباب اذا كان هناك خطأ في الاملأء. والشكر موصول للجميع والسلام عليكم ورحمة الله وبركاتة

[نقطة نظام]

وابشركم وصل الموظوع واخذ له بعد اخر وموقفي والمواقف المشابهه اكانت بحسن نية او بسوء نية أخذت بارك
له معاناة مع بنكين في قطر لهم اسمهم ولهم ثقلهم في البلد سالفة كادت ان تشتت اسرة واطفال لاكن الله ستر


اخوي الله يرحم والديك وضح
3
اثرت فضولي

ابي اعرف هالسوالف

على الخاص , على العام , على النوى علمي بهم , كيفك , المهم ابي اعرف

شسالفة؟؟