المدرسآت و موظفين الكنتاكي !‎

[die 4 qtr]

السـلآم عليكم و رحمة الله و بركاته ..


أريد أن أوضح لكم عن مشكلة منتشرة في بلادنا ..



ألا و هي { ورات السيارات } و ذلك في المدارس شبه المستقلة و خاصةً مدارس القرى الخارجة عن الدوحة



أناشدكم يا إدارة النقليات عن هذه المهزلة الحاصلة في إدارتكم و المشكلة الكبرى أن أكثر موظفين النقليات يدركون



هذه الظاهرة و يتلاعبون بها !!

مثآل : تسجل السيارة و يكون موديلها صحيح و السيارة التي تباشر العمل تكون عكس ذلك تماماً و هذه الطآمة الكبرى !

المشكلة أن الأخوة القطريين يبدون الكرم و تسجل السيارة بإسمائهم و موديل سياراتهم و المستفيد الجالية العربية و خآصة الأخوة المصريين !

و كل ذلك يتم بـ علم و إطلاع من إدارة المدرسة , أين دور الإدارة لماذا لا تبلغ عن هذه المهزلة ! يكفي أن تكون المديرة مسجلة سيارتها

بالورة و لا يأتي بها إلا هي !! بـ سائقها الخاص !

و هناك نقطة أخرى أحب أن أوضحها ألا و هي أن سائق السيارة يكون ( موظف من موظفين الكنتاكي !!) صدق ذلك أو لا تصدق و لكن

هذا ما يحصل يخرج من العمل الساعة الثآلثة فجراً ليباشر عمله كـ سائق وره في الساعة الخامسة فجراً مما يعطيه أقل من ساعتين لـ النوم !

و في ذلك إرهاق له و خطر على الأمن العام في الشوارع و بالأخص أرواح المدرسات التي يحملها معه !

[Bu Rashid]

تسيب واهمال وغش وتضارب مصالح
الله المستعان

[بوغزلان28]

الله يعين اللي بتركب معاه يعني لازم تتشهد

[فلفل حار]

كلام كبيـر ويبين آنه عندكـ آدله على مدرسه وناس معينيين ...

آش بيفيدكـ رآينا وموضوعكـ بالمنتدي ...؟
الآفضل آنكـ تتصرف آذا تشوف هالشي فعـلاً خطـر ومضر لمصلحة الناس العامه ...


الله يرزقكـ على قد نيتكـ ياخووي وآسمحلى على رآيي الصريح ...

[شموخ وبس]

مساكين يترزقون

[كازانوفا]

للاسف موظفين الكنتاكي ايش بتتوقع تكون رواتبهم والاداره امريكيه مصريه يعني من سخوم لاسخم
ايش بتتوقع منهم لازم راح يطلعون يدور لهم على رزق ثاني وبالنسبه للتسجيل السيارات شي ووشكل السياره
شي ثاني وين بيروحو من ربهم قال الله تعالي(( وقوفوهم انهم مسؤلون )) يعني لا ذمه ولاضمير ايش تتوقع
تقبل مروري
واذا حابب تساعد الناااس ساعدهم بس لا تفضح الخلق

[بدوي]

كلام كبيييير جدآ

وكذا جهة يجب ان تتم مسائلتهم

اذا كنت صادق في ما تقول .. (( دون ان نقلل من شخصك الكريم ))

ولكن يجب ان تتوافر لديك الأدلة القاطعة

لتوضيح شكوتك

[die 4 qtr]

تسيب واهمال وغش وتضارب مصالح
الله المستعان


أي والله !


الله يعين اللي بتركب معاه يعني لازم تتشهد

خخ إذا عن التشهد يلزمهم تشهد و أذكار بعد !


كلام كبيـر ويبين آنه عندكـ آدله على مدرسه وناس معينيين ...

آش بيفيدكـ رآينا وموضوعكـ بالمنتدي ...؟
الآفضل آنكـ تتصرف آذا تشوف هالشي فعـلاً خطـر ومضر لمصلحة الناس العامه ...

هذا الشئ مب في مدرسة وحدة و لا مدرستين في أكثر من مدرسة لو لاحظت في بداية
الموضوع أنا قلت منتشر ! و نزلت الموضوع في المنتدى عشآن أكون سويت اللي اقدر عليه
و ما يبقى شئ في ذمتي مـآ أقدر أتصرف أكثر من كذا !

الله يرزقكـ على قد نيتكـ ياخووي وآسمحلى على رآيي الصريح ...

ويآك أن شاء الله


مساكين يترزقون

طيب شـ ذنب المدرسات اللي بعد يترزقون و اللي معاهم أحتمال 60% يدخلهم تحت
شآحنة !


للاسف موظفين الكنتاكي ايش بتتوقع تكون رواتبهم والاداره امريكيه مصريه يعني من سخوم لاسخم
ايش بتتوقع منهم لازم راح يطلعون يدور لهم على رزق ثاني وبالنسبه للتسجيل السيارات شي ووشكل السياره
شي ثاني وين بيروحو من ربهم قال الله تعالي(( وقوفوهم انهم مسؤلون )) يعني لا ذمه ولاضمير ايش تتوقع
تقبل مروري
واذا حابب تساعد الناااس ساعدهم بس لا تفضح الخلق

أنا ما أٌقدر أحاسب إدارة الكنتاكي ! و لا لي شغل فيها و الموظفين اللي يشتغلون في كنتاكي
في مليون وظيفة لو بحثوا جد بس هآذي أقرب وظيفة و اللي فعلاً ما لقى وظيفة خل يشوف له
حل نحن مب فاتحين جمعية خيرية ! و تذكر ( الساكت عن الحق شيطآن أخرس ) و هذا شئ
ما ينسكت عنه لو أمك أو أختك يومياً تروح معآه و أنت أحتمال ما تشوفها مره ثآنية كنت
قدرت الموقف ..


كلام كبيييير جدآ

وكذا جهة يجب ان تتم مسائلتهم

اذا كنت صادق في ما تقول .. (( دون ان نقلل من شخصك الكريم ))

ولكن يجب ان تتوافر لديك الأدلة القاطعة

لتوضيح شكوتك

أنا ما ألفت الموضوع من رأسي مثل ما تعرف الموقع رسمي و مستحيل أنزل كلام على
هوآي ..



شآكرة ردودكم جميعاً و أتأسف إذا كان كلامي شوي قآسي ..

[شموع قطريه]

اصلا سيارات الوره كلها مصخره في مصخره .. اذكر وكيلات مدرستنا كانوا ستغلون سيارة الوره اسوأ استغلال كانوا يطرشون الفراشه بعد ماتجيب بريد المدرسه فيها تشتري لهم اغراض البيت من الجمعيه وتروح جبرة السمك وتشتري لهم اودام الغدا وتوديه بيوتهم وتجيب عيالهم من الروضه ( لانهم يطلعون بدري من الروضه) وتوصلهم بيوتهم وعقب ترجع المدرسه علشان السياره تودي المدرسات الاجانب فيها وطبعا يبهنسون السواق والفراشه والضحيه سيارة الاوادم اللي يهرونها وطول اليوم تلف وتدور من سوق لي سوق..والله سيارات الوره لاعبين فيها لعب ولا حد يدري .. جلد مهب جلدك جرّه على الشوك

[واحد 11]

وين دور الاب والزوج والاخوان .............. حد يركب وره للحين ... اتقوا الله في نسائكم
شلون يرضاه الواحد على هله

[نورالهدى]

انا سمعت عن جذيه مواضيع:secret:
بس الأمر بيد صاحب الأمر
أنا وانتي وغيرنا حتى لو متأكدين مليون بالمئة
ايش بنسوي:anger1:
هذي ارزاق:telephone:
والله يشبع بني آدم

[die 4 qtr]

اصلا سيارات الوره كلها مصخره في مصخره .. اذكر وكيلات مدرستنا كانوا ستغلون سيارة الوره اسوأ استغلال كانوا يطرشون الفراشه بعد ماتجيب بريد المدرسه فيها تشتري لهم اغراض البيت من الجمعيه وتروح جبرة السمك وتشتري لهم اودام الغدا وتوديه بيوتهم وتجيب عيالهم من الروضه ( لانهم يطلعون بدري من الروضه) وتوصلهم بيوتهم وعقب ترجع المدرسه علشان السياره تودي المدرسات الاجانب فيها وطبعا يبهنسون السواق والفراشه والضحيه سيارة الاوادم اللي يهرونها وطول اليوم تلف وتدور من سوق لي سوق..والله سيارات الوره لاعبين فيها لعب ولا حد يدري .. جلد مهب جلدك جرّه على الشوك


شـ نسوي الله يعلن الحـآجة ..



وين دور الاب والزوج والاخوان .............. حد يركب وره للحين ... اتقوا الله في نسائكم
شلون يرضاه الواحد على هله

مب الكل فآَضي و المدارس مثل ما سبق و ذكرت خـآرج الدوحة يعني في قرى بعيدة جداً !



انا سمعت عن جذيه مواضيع:secret:
بس الأمر بيد صاحب الأمر
أنا وانتي وغيرنا حتى لو متأكدين مليون بالمئة
ايش بنسوي:anger1:
هذي ارزاق:telephone:
والله يشبع بني آدم


على الأقل أكون أنا سويت اللي أقدر عليه و تكلمت في الموضوع ..

بس في نـآس يدرون و ساكتين .. يمكن خوف من الإدارة و من العواقب ..!



شـآكرة ردوركم كلكم و تفاعلكم معآي ..