ابي خبير في الجمس صح يغطي على الوكاله

[الماليه]

شباب ابي مساعدكم عندي جمس 2500hdالموتر جديد ماشي 9000 فيه صوت في المكينه والوكاله مايرفون وين المشكله الصوت مثل صوت (عامود الكرنك) بس يقل الصوت مع الريس ومره يقولون صباب مايدرون ايش السالفه مع العلم الموتر مبرمج

[BoFahed]

اخوي روح عند عون اخر صفه على يمينك قبل دوار الغانم فيه واحد لبناني يمدحونه الربع

[فتى قطر]

رجع برمجة الوكاله ..اذا راح الصوت يعني اللي برمجلك الموتر مخرب شي ..واذا الصوت لين احين موجود عيل عندك مشكله في المكينه.

بس اهم شي اترجع برمجة الوكاله واتجييك على الصوت قبل لاتروح اي كراج!!

[المشط]

اخوي نصيحه اذا الموتر جديد وعليه ضمان لا تخلي اي كراج يتعبث فيه لان الوكاله بتشيل الضمان

ادخل علي المدير في الصناعيه وقول له اذا ماتعرفون تصلحون الموتر عطوني واحد جديد ولا عليك منهم وهذا الشي من حقك

[الماليه]

اخوي فتي قطر
رجعت البرمجه ولين الحين الصوت موجود
حتى الوكاله تقول صعبه كرنك حتى هم مستغربين
وشكرا اخوي على نصيحتك

[الماليه]

اخوي المشط
بجرب معاهم
وجعل عمرك طويل اخوي

[مسفر2]

ولد عمي ميكانيكي وخاصة الامريكي (جمس) ميكانيكي ممتاز

روح له وبيطلع المشكله شنهي واذا تبي مساعده ارسل رقم جوالك على الخاص

[مستثمر 999]

لا تحاتي الشيخ وتأكد ان الصوت مب من الكرنك

احتمال من المروحه او بكرات السيور

والحل سهل

طبق نظرية سماعة الطبيب

خذ لك هوز وقرب طرفه من المكينه وغير المكان كل شوي لين تحدد مصدر الصوت

[Thamer_Qat]

الموتر على الضمان وتدور ميكانيكي خبير!!!!!
اهم شي الوكالة ما اكتشفت انك متعبث في كمبيوتر الموتر

[fsl_qa]

جرب كراج تراي ستار جنب الفحص الفني انا اشوفه من افضل الكاراجات للأمريكي

[الـبـحـري]

انا كلامي نفس كلام اخوي مستشمر 999

وكلامه صحيح واذا شفت الصوت في المكينه لا يردك الا الوكاله

مادام للحين عليه ضمان

ولا تخلي اي مكانيكي يفتح لك المكينه او شي

لاتخرب على نفسك وتخسر الضمان

[Abo Ahmed]

أخوي...

رووح عند واحد إسمه علي يشتغل في كهربائي عون للسيارات. هو كان موظف سابقاً في المناعي وعلى فكرة بعض الأوقات لما الوكالة ماتعرف العلة في الموتر توديه عنده.

هو رجال شاطر وزقرتي.

كل إلي بسويه بيسمع منك المشكلة وبقولك إذا هو يعرف لها وله لا، يعني ما بيتعبث فيها.

إن شاء الله توافينا بالمستجدات.

أخوكم

Abo Ahmed

[الماليه]

لا تحاتي الشيخ وتأكد ان الصوت مب من الكرنك

احتمال من المروحه او بكرات السيور

والحل سهل

طبق نظرية سماعة الطبيب

خذ لك هوز وقرب طرفه من المكينه وغير المكان كل شوي لين تحدد مصدر الصوت

مرحبا الغالي
الصوت طلع وانا في السعوديه رحت عند اي سي دلكو في السعوديه قالي طرنبت الايل ورحت محل ثاني بعد للامريكي طبق نفس الكلام اللي تقوله وقال كرنك
عاد انا دخت من كثر الكلام والوكاله تقول كلام ثاني تقول صباب والثاني يقول صباب والله دخت

[الماليه]

انا كلامي نفس كلام اخوي مستشمر 999

وكلامه صحيح واذا شفت الصوت في المكينه لا يردك الا الوكاله

مادام للحين عليه ضمان

ولا تخلي اي مكانيكي يفتح لك المكينه او شي

لاتخرب على نفسك وتخسر الضمان

كلامك صحيح اخوي بس خبرك موتر جديد وفتح مكينه نفسيا ماترتاح والوكاله تبي تفتح وتشوف وانا ولزم يامكينه جديده والا لا

[الماليه]

أخوي...

رووح عند واحد إسمه علي يشتغل في كهربائي عون للسيارات. هو كان موظف سابقاً في المناعي وعلى فكرة بعض الأوقات لما الوكالة ماتعرف العلة في الموتر توديه عنده.

هو رجال شاطر وزقرتي.

كل إلي بسويه بيسمع منك المشكلة وبقولك إذا هو يعرف لها وله لا، يعني ما بيتعبث فيها.

إن شاء الله توافينا بالمستجدات.

أخوكم

abo ahmed
وين مكانه عون الشيخ
وشكراا على اهتمامك ومرور

[الجنوبي 11]

كلامك صحيح اخوي بس خبرك موتر جديد وفتح مكينه نفسيا ماترتاح والوكاله تبي تفتح وتشوف وانا ولزم يامكينه جديده والا لا

مرحبا يا غالي ،عليك بميكانيكي اسمه سعداوي برسل لك تلفونه وهو بيقول لك ويش العله ،لاتشيل هم كل مشكله ولها حل !!!!!!!:nice::nice::nice:

[الماليه]

الموتر على الضمان وتدور ميكانيكي خبير!!!!!
اهم شي الوكالة ما اكتشفت انك متعبث في كمبيوتر الموتر

اي ضمان الكلام يوم صار على مكينه جديده قاموا يتصددون وكلامهم بنكلم امريكا ونشوف

[الماليه]

مرحبا يا غالي ،عليك بميكانيكي اسمه سعداوي برسل لك تلفونه وهو بيقول لك ويش العله ،لاتشيل هم كل مشكله ولها حل !!!!!!!:nice::nice::nice:

اي اي سئله عنه قالولي في الحسا :tease:
الحمدلله على السلامه طال عمرك الجنوبي :nice:

[الـخـور]

اخوي هالشغله مسؤولية الوكالة لازم يعرفون يصلحونها لك
حتى لو يشحنون الموتر لامريكيا ويعطونك واحد مؤقت بداله

لابد ماتخلي حد يتعبث بسيارتك وتطيرح ضمان الموتر

[الماليه]

اخوي هالشغله مسؤولية الوكالة لازم يعرفون يصلحونها لك
حتى لو يشحنون الموتر لامريكيا ويعطونك واحد مؤقت بداله

لابد ماتخلي حد يتعبث بسيارتك وتطيرح ضمان الموتر

كلامك صحيح اخوي وهاذا اللي بسويه
وشكراا لمرورك ونصيحتك يالغالي

[Abo Ahmed]

أخوي...

مكانه بعض التضامن إلي على طريق سلوى بجنب محل النجاح لتصليح السلنسرات سابقاً وإلي الحين صار مثل هايبر ماركت.

هو يفتح من الساعة 7 إلى 12 الظهر ومن 3 تقريباً إلى 6:30 المساء.

هو فلسطيني من سكان لبنان وأمين وأغلب الشباب إلي معاهم بيكبات وجماسي يجون عنده.

وإن شاء الله يحل لك العلة إلي في الموتر

أخوكم

Abo Ahmed

[الماليه]

تسلم اخوي بواحمد وجزاك الله خير

[زمن الغدر]

اخوي ليش القصه هاي كلها
احذفه وكاله وخلهم يشوف ايش بالموتر اذا كرنك بيتبدل جديد
ايش بتسوي مكينه انسى بيصلحونه لك

[ابوناديا]

اخوي تبي الصحيح خذ رأي اثنين بعد الوكالة عون و المركز الامريكي طبعا عون الشباب ما قصروا و عطوك عنوانه اما المركز الامريكي فهو عند التيسير اللي بين دوار المول و دوار كهرماء اتحصله على يمن المحطة

[اوتار]

الشيخ روح حق محسن مدير الكراج فالصناعيه وقوله مشكلتك
انسان مصري متعاون ويحب يخدم وهو بيعطيك كل الحلول صدقني
انا متعامل وياه اكثر من مرة