تذاكر دوري ابطال اوروبا

[Qatari1981]

السلام عليكم ورحمة الله وبركاته

موضوعي غريب شوي على المنتدى بس حبيت اسأل اذا احد عنده اي فكره عن كيفية شراء تذاكر دوري ابطال اوروبا وخاصتا المباراه النهائية المقامه بحول الله في مدريد

لان في شباب شروا من زمان من مواقع اتضح انها مغشوشه وما قدروا يدشون المباراه وقتها

واعرف هم شباب في دول الخليج يبيعيون هذي التذاكر بس بمبالغ مبالغ فيها

فسؤالي من في الدوحه عنده الصلاحيه او المقدره يكون الوكيل لبيع مثل هذي التذاكر

هذا والسلام ختام

[Media]

السلام عليكم ورحمة الله وبركاته

الله يعطيك الصحة والعافيه وان شاءالله اقدر افيدك باللي تطلبه.

تفضل اخوي هذا الموقع مضمون وانا شخصيا امجربه وشاري منه تذاكر وحضرت مباريات عن طريقه، ايضا هو معتمد من عدة اندية من مانشستر يونايتد وتشيلسي وانديه ثانيه

http://www.viagogo.co.uk/searchResults.aspx?SearchText=uefa%20champions%20l eague

طبعا الموقع يتحدث اكثر من مره باليوم على حسب توافر التذاكر، يعني مب شرط اذا مالقيت الحين انك ماتلقى بعدين.

فوق انا حطيتلك رابط فيه التذاكر المتوفرة لدوري ابطال اوروبا بس لو تتصفح الموقع بتلقى تذاكر لمباريات وانديه ثانيه بعد وحتى منتخبات.

فكرة الموقع هو انه يكون وسيط بينك وبين الناس اللي يبيعون التذاكر، يعني انت بس تدفع الفلوس الموقع ياخذ التذكره من البايع ويوصلها لك سواء على بريدك او المكان اللي تبيه.

انا جربته اكثر من مره والحمدلله مضمون.

لو في اي استفسار او شي لا يردك الا لسانك وربي يوفقك

اخوك Media

[Qatari1981]

تسلم ياخوي على الرد

دشيت الويب سايت بس تدري شكله السايت بس يعرض التذاكر في وقت المباريات وانا بغيت اشتري تذكرة النهائي لان عند ظهور المترشحين النهائيين

راح انسى الاقي تذاكر حزتها ,

فما ادري في احتمال تذاكر تنباع لتواريخ معينه دون العلم بالمترشحيين

[Media]

هلا الشيخ

في هالحاله امامك ثلاث خيارات:

1- تدخل السحب الخاص بالاتحاد الاوروبي، يعني سحب التذاكر وانت وحظك.
2- تكون عضو في احد الانديه (عضو من المشجعين) كل الانديه عندها برامج للعضويه لكن تقريبا اللي يضمنون ياخذون تذاكر هم الاعضاء الحاملين للتذكرة السنوية، اما الاعضاء العاديين فايضا لهم سحب وخاص وانت وحظك.
3- تدخل على الموقع اللي عطيتك اياه قبل اشوي قبل فتره من المباراة وتشتري التذكره لكن سعرها شوي بيكون غالي لكن انت راح تضمن ان التذكره بتوصلك.

بالتوفيق

[محمد11]

لوجيتني من شهر وفرتهم لك بكج كامل بس للاسف كل التذاكر خلصوا

[Qatari1981]

يعطيكم الف عافيه على الردود بس ابسألك يا محمد اشلون شريت الباكيج وهل الباكيج للفريق الواحد اول لدور معين او او او....... اشرحلي اكثر قواك الله

[jojo]

يمكن يفيدك هالموقع بشي

http://www.1boxoffice.ae/football/champions-league-09-10/champions-league-2010-final.html


لاني مااثق في المواقع العربيه بس هذا عربي ومشارك في موقع كبير

مثل موقع كورة

[ع ـبدالعزيز]

مدري من وين


بس الله يعينك ع الاسعار

[محمد11]

يعطيكم الف عافيه على الردود بس ابسألك يا محمد اشلون شريت الباكيج وهل الباكيج للفريق الواحد اول لدور معين او او او....... اشرحلي اكثر قواك الله

هلا والله اخوي ..
فديت خشمك انا عندي وسيط برع هو شترلي التذاكر انا اعطيه كميه معينه وبعدها انا اشتري تذاكر السفر واحجز الفنادق من نفسي في فرنسا كان حق ديربي مدريد وبرشلونه