خلااااااااص ما عاد فيه فلل تجاريه في قطر

[The Planner]

كانت الفلل ترخص تجاريه واداريه باستثناء لمده سنتين والحين انقضت هالسنتين ويبون ياجرون الابراج

والي عنده شركة في فله تجاريه عنده مهلة سنه يدورله على مكان ثاني ومافي تجديد الترخيص

والنشاطات المسموحه للفلل التجاريه صارت 3 نشاطات فقط

- صالون تجميل
- عياده
- روضة اطفال

وبدال ما نستأجر ال300 متر ب 20 الف في الفلل التجاريه

بنصير نستأجر ال 100 متر ب 20 الف في الابراج

والله يعين الجميع على زحمة المواقف وغثاها

وللتأكيد على الخبر شوفوا جريدة الشرق اليوم

[المخفي]

كله يضيقون على المساكين

لا تنسى بعد اسعار الخدمات بتزيد لتعويض الخساير

[أعمار]

اليت حد يوضح اذا كان هل قرار يشمل الفلل التجاريه اللي على الشوارع الرئيسه ام لا ( مثل شارع الوعب الرئيسي المقابل للفيلاجيو او شارع بوهامور ) ... لانه الصراحه تخبط في القرارت اصلا الابراج مش مؤهله ولا فيها مواقف وبتسير صكه مالها اول ولا اخر في الدفنه والله يعين ....

[سهم ماينزل]

هذا بيصيب العقار بظربة موجعه وراح ترجع الاسعار على ان تكون بشكل معقول

[أميرااالذوق]

أكيد هذي لعبه مدروسه صح..

لانه معناتها التاجر الصغير واللي يادوب يمشي اموره ماله مكان بالسوق

والسوق راح يصير للاقوى والضعيف ماله مكان!

حسبي الله ونعم الوكيل..

[سهم ماينزل]

أكيد هذي لعبه مدروسه صح..

لانه معناتها التاجر الصغير واللي يادوب يمشي اموره ماله مكان بالسوق

والسوق راح يصير للاقوى والضعيف ماله مكان!

حسبي الله ونعم الوكيل..


بالعكس اخوي الا امر طيب لان العقار راح ينزل والناس بتقدر تستأجر والعوايل اللي مايقدرون يشترون بيت راح يستطيعون لان الاسعار راح تنزل


وانا اقول امر حكيم وفعل طيب فكر في الناس المحتاجه للسكن

[MP3]

صحيح قرار حيكم لان في ناس محتاجه للسكن ومب لاقين والسبب الطمع

والله بيعوض على كل مسلم يتقي الله في الناس

[البدع]

صحيح

كلام سليم

[قطري طموح]

والله لاقرار حكيم ولاهم يحزنون لان هذا القرار سيضر المجمتع باسره فاسعار السلع والخدمات المقدمه من الشركات سترتفع وربما الى اضعاف ماهي عليه الان ،لان كيف يمكن لشركة ان تقدم نفس النشاط ونفس الاسعار بعد ان تنقل اعمالها الى برج سعر الايجار مضاعف ؟
هذا تخبط وعشوائيه في اتخاذ قرارت غير مدروسه تنم عن عقليات متخلفه .

[محمد11]

اعتقد التجار راح يلجؤن للشقق التجارية

[عضو المنتدى]

منهو بأجر من الأبراج !!

كم مدخول التاجر القطري من تجارته علشان يأجر من ألأبراج !!

حتى التاجر الصغير يبغون ياخذون نصيب الأسد من ثروته .

[mubarak2000]

:nice:
صحيح قرار حيكم لان في ناس محتاجه للسكن ومب لاقين والسبب الطمع

والله بيعوض على كل مسلم يتقي الله في الناس

[أميرااالذوق]

السلام عليكم جميعاااا

بصراحه اكثر القرارات عندنا اتكون عشوائيه وبدون تنسيق

الحين فكروا يحكرون عالتجار

ليش مافكروا بحل مشكلة سكن العزاب اللي شاغله حديث المجتمع وشردت الناس من بيوتهم

مثال:الريان والسيليه ومدينه خليفه الجنوبيه والشماليه اتوقع اكثر اللي فيهم عزاب

والا كل واحد يفكر بمصلحته والا الشعب مالهم حق بعد..واعجباااه!

[الجنـون]

المفروض يشيلون العزاب من وسط العوائل .. ويطيرونهم مكان بعيد ..

مو يقطعون رزق خلق الله علشان مصالحهم الشخصيه ..

[The Planner]

موضوع الففل التجاريه كان استثناااء

وهذا ليس قرار جديد

وبالنسبه للفلل الي على شارع الوعب اعتقد حتى هذي بيقشونها

وعلى الداءري الرابع بعد ما قاموا يرخصون للفلل الي هناك

[QaTaR_OnE]

الحمد لله

ومشكور على الخبر

وان شاء الله هالقرار ينزل الاسعار اكثر واكثر

[QaTaR_OnE]

السلام عليكم جميعاااا

بصراحه اكثر القرارات عندنا اتكون عشوائيه وبدون تنسيق

الحين فكروا يحكرون عالتجار

ليش مافكروا بحل مشكلة سكن العزاب اللي شاغله حديث المجتمع وشردت الناس من بيوتهم

مثال:الريان والسيليه ومدينه خليفه الجنوبيه والشماليه اتوقع اكثر اللي فيهم عزاب

والا كل واحد يفكر بمصلحته والا الشعب مالهم حق بعد..واعجباااه!

بصراحه التجار مب خايفين ربهم .. ولا يرضون بالقليل .. وقارن الاسعار في كل شي مع الدول المجاوره وبتشوف الفرق .. ولا شلي يخلي الناس تسافر السعوديه والامارات غير الغلا اللي مفتعلينه التجار

[jajassim]

اقل سعر للمتر2 في الأبراج 200 ريال

واقل المساحة التي متوفرة حاليا 219 متر2 ( برج البالم )

200 × 219 = 43800 ريال شهرياً وبس ،

[باحث علم]

السلام عليكم

ياخوان فيه فرق بين الفلل التجارية والادارية
اللي تتكلمون عنه فلل ادارية وليست تجارية

[مناتسا]

وشو الفرق بين التجاريه والاداريه؟

[ارهابي قطر]

احسن واتمنى سرعة الاجراء وخل العالم يفتكون ويعشون براحة

وقرار سليم وموفق

[غير عنهم]

ياسلام اتمنى التفيذ بأسرع وقت ممكن حتى ينزل العقار والايجار للمعقول

[The Planner]

رجعو مددولهم سنتين على حسب توصية مجلس الشورا

[باظلوف]

إن شاء الله تنزل الاسعار

[مرتبش]

عشان الابراج ماتطيح

[إنتعاش]

اقل سعر للمتر2 في الأبراج 200 ريال

واقل المساحة التي متوفرة حاليا 219 متر2 ( برج البالم )

200 × 219 = 43800 ريال شهرياً وبس ،

خبرك عتيج اخوي جاجاسم

على حد علمي الابراج حاليا ما بين 120 إلى 150 ريال للمتر

راحت ايام الطفرة ( مافوق 200 ريال للمتر )

[jajassim]

خبرك عتيج اخوي جاجاسم

على حد علمي الابراج حاليا ما بين 120 إلى 150 ريال للمتر

راحت ايام الطفرة ( مافوق 200 ريال للمتر )

هلا والله بالغالي :nice:


أخوى ان تقول على حد علمك ،، بس انا متصل بهم شخصيا بنفس اليوم ( 10/1/2010 ) لبرج البالم بعد مانزلوا الاعلان بالوسيط ،، :victory: قالوا للمتر2 200 ريال

[إنتعاش]

اعرف اخوي

ما بين الاعلان والعرض والتسويق .. وما بين العقود الرسمية الحقيقة . . كما بين المشرق والمغرب :)

[jajassim]

اعرف اخوي

ما بين الاعلان والعرض والتسويق .. وما بين العقود الرسمية الحقيقة . . كما بين المشرق والمغرب :)

كلامك على عينى و على راسى :nice: