مجددا شسالفة ..؟؟؟؟؟؟؟؟

[لاجل QT]

انا من فترة قصير كتبت عن موضوع تعرض بعض الحريم لمواقف مع الناس اللى تطلب فلوس للعلاج او للحاجة في الشارع...

الحين صار معي موقف جديد وغريب اتصل على شخص عشرات المرات طبعا الرقم خارجي وغريب مارديت..بس مع اصرارة على الاتصال اضطررت ارد
المكالمة كالاتي:
انا:الو
الشخص الغريب:بعد السلام انا يااختى مقدم على زواج ومحتاج منك مبلغ 2000 ريال ابيج تساعدينى وطبعا مع بعض الدعاء
انا:خفت :eek5: واغلقت الخط

وعاود الاتصال مررا وتكررا
هذا من اسبوع..

عاود الاتصال امس في الليل سندرنى:anger1: رفع ضغطى:anger1: اتصل علية يسكر بوجهى:omg: يقوم يتصل هو ارد علية يسكر:omg: وهذا احنا:anger1:... مثل الخشيشة :rolleyes2:..حتطيت تلفوني على السيلنت..اتصل على اليوم الصبح بالدوام وطرش مسج انة يبي فلوس للزواج مرة ثانية..مدري حد قالة انا الديوان اوزع فلوس:anger1: ..بصراحة اسلوب رخيص وقح
هو مازال يعاود الاتصال مدري ايش اسوى معاها هل ابلغ عنة والا كيف اتصرف ..الخط يبدأ967

[hamoor4ever]

ههه لاتعور راسك ولا شي ، خله على السايلنت وبيزهق حياته بعد كم يوم ، ولا ترد ولا شي ولاتبلغ عنه اسفهه كأنك ماتدري عنه وكان الله غفورا رحيما
او مش معاه الفلم وانت اللي سندره وبعرف انك مب هين قول له عطني اسمك علشان احول لك وخله يروح البنوك ويدور من مكان لين مكان لين يفتر راسه ومايحصل شي
وعقبها بيتركك من الزهق

[لاجل QT]

ههه لاتعور راسك ولا شي ، خله على السايلنت وبيزهق حياته بعد كم يوم ، ولا ترد ولا شي ولاتبلغ عنه اسفهه كأنك ماتدري عنه وكان الله غفورا رحيما
او مش معاه الفلم وانت اللي سندره وبعرف انك مب هين قول له عطني اسمك علشان احول لك وخله يروح البنوك ويدور من مكان لين مكان لين يفتر راسه ومايحصل شي
وعقبها بيتركك من الزهق

انا وحدة:shy:..مو واحد:nice:

لا صعب اكلمة اخوي واسندرة انا كنت بازجر فية وبس الحين يطرش مسجات ومايرد على الاتصال سندرنى:weeping:

[ام حمادي]

انتي احسن انا يكلموني من دولة افرقيه اعتقد غينيا يزعجوني خمس الفجر علشان اذا رديت يسكتوون استغرب صرآآآآحه اسبووع بعدين خلاـآص ماعاد دق /يعني اصبري بيزهق :)

[لاجل QT]

الله كريم انشالله يزهق مع انة مااعتقد شكلة من النوع الاصق

[hamoor4ever]

الله كريم انشالله يزهق مع انة مااعتقد شكلة من النوع الاصق

من النوع اللزقه بس انتي بأتصالج فيه يحس بوجودج لو تسفينه صدقيني يومين وبيتملل اسفيه كامل ولا كأنه موجود وقتها بيحس انه غبي وقاعد يضيع وقته

[لاجل QT]

شورتك وهدايت الله اخوي باسوي مثل ماقلت

[حليتان*]

ههههههههههههههه




ماعندج 2000 ريال عانيه بتزوج





خخخخخخخخخخخخ


اتغشمر





خليه يولي او اقولج ان اتصل ردي ولا تكلمينه خلي الخط مفتوح على الفاضي

[SuSu83]

طنشي ولا تسألي .. وبعد كم يوم بيمل وماراح يزعجك..

وبالنسبة لفتح الخط اعتقد انه فتح خط اليمن

[بوطويشم]

السلام عليكم

اذا اتصل خلي حد من أخوانج يرد عليه

[القلم الصريح]

صارت معاي قبل سنه اتصل لي واحد من الاردن يقول من اربد ويبي مساعده

قلت له من وين لك رقمي ، قلي واحد ولد حلال معطني رقمك

قلت له خل ولد الحلال اللي عطاك رقمي هو يساعدك

ههههههههههههههههههههههههه

[كازانوفا]

لالالاااااااااااااااااااااا
حطي له اذاعة القران الكريم وانتى روحي نامي هذيل نااااس بالهم طويلللللللللللللللللللل

[لاجل QT]

لالالاااااااااااااااااااااا
حطي له اذاعة القران الكريم وانتى روحي نامي هذيل نااااس بالهم طويلللللللللللللللللللل


كككككككك حلو ة اعجبتنى الفكرة

مشكورين للمرور جميعا شنسوي مدري من وين بنلحقها

[بـــــــنت النوخـّــــذه]

اههههههههههههههههههه

من اي دوله ؟؟؟؟؟؟؟؟

تراهم يسحبون يعني مادري جذيه لهم حركه سحب الرصيد شي جذيه 000
لي شفتي خط خارجي فتحيه اول مره واذا حد يستهبل لاتردين خليهم رنووووووووووووووووووووون لين الله يشوف لهم 000 يمدحون الحقران انه يقطع المصران 000 طنشي

[doha70999]

ووووووووي انا وايد اتييني ارقام غريبة وصج مواعيدهم الفجر ويقهرون يقعدون الواحد وهو متخررررررررررررررررررررع

[بنت ذياب]

الله يعينج .. والله

جربت هالمعاناة

شلة هنود

يوميا يتصلون ومسجات بلغه ماافهمها وجوالي كله ع السايلنت والله اني مارقد من ازعاجهم

طنشت مرة مرتين ثلاث اربع .. شهر شهرين .. ماكو فايده ..

رحت غيرت الرقم .. صج كرهوني بعيشتي..

الله يكون بعونج مافي الا تقولين له ببلغ عليك .. او تخلين ابوج او اي حد من اخوانج يكلمه

[الخفي]

لاتلومونه البركه في أعلامنا

القطري الأعلي دخلا في العالم

دام صار دخل الأسره القطريه 50 الف الاخ قال 2000 ريال عانيه العرس

ماراح تخسرهم لاتلومونهم جرايدنا ساهمت في طمع الناس فينا

وسذاجه البعض للأسف ينجر ورأ الكلام والعواطف ويساعد ناس كذابه

وخلت القطريين مطمع للناس

[عبدالرحمن]

شدعوه طالب كم هو؟؟ الا 2000 ريال عانيه حق عرسه
طرشيلي رقمه في الخاص وانا بطرش له ال 2000 ريال

[سداوي&مدريدي]

غلطتي يوم رديتي .. لو مارديتي ماكان اتصل مره ثانيه

المفروض اطنشين .. وصدقيني بيتعبون :nice:

من فتره كانو يتصلون فيني .. أحرقو تلفوني ماخلوني في حالي :(

والسبب .. لاني رديت :eek5:

شوفي موضوعي

http://www.qatarshares.com/vb/showthread.php?t=262023

[سداوي&مدريدي]

شدعوه طالب كم هو؟؟ الا 2000 ريال عانيه حق عرسه
طرشيلي رقمه في الخاص وانا بطرش له ال 2000 ريال

انا أبي 500 ألف

عندك :telephone:

[طرفه]

جائتني مكالمات كثيره ومن نفس الرقم
لا يتكلمون ولغتهم غريبه

[$ طلال $]

خلي اخوج يرد علية

يقول الووووو شرطة

واذا اتصل بعد خلي الخدامة ترد علية

واذا اتصل مرة ثالثة خلي التلفون شغال لين يخلص رصيدة

[لاجل QT]

لاتلومونه البركه في أعلامنا

القطري الأعلي دخلا في العالم

دام صار دخل الأسره القطريه 50 الف الاخ قال 2000 ريال عانيه العرس

ماراح تخسرهم لاتلومونهم جرايدنا ساهمت في طمع الناس فينا

وسذاجه البعض للأسف ينجر ورأ الكلام والعواطف ويساعد ناس كذابه

وخلت القطريين مطمع للناس


دخل الاسرة 50 الف:omg: ويين ومتى من بئوك لباب السما ...والله لااطرشله 5 الاف لين وصل الدخل 50 الف ...احلام العصافيييير صوصوصو:rolleyes2:

[لاجل QT]

شدعوه طالب كم هو؟؟ الا 2000 ريال عانيه حق عرسه
طرشيلي رقمه في الخاص وانا بطرش له ال 2000 ريال


صح كلامك اخوي الا 2000 ريال هذا لو دخلى فوق 30 الف بس انا على باب الله يعنى 2000 ريال تسويلي شغل واشويات
تبي الرقم باطرشة لك بس الله يعينك على ربعة اكيد بيدلهم طريجك...:victory: كله في ثوابه الله يجزيك خير امين:nice:

[لاجل QT]

غلطتي يوم رديتي .. لو مارديتي ماكان اتصل مره ثانيه

المفروض اطنشين .. وصدقيني بيتعبون :nice:

من فتره كانو يتصلون فيني .. أحرقو تلفوني ماخلوني في حالي :(

والسبب .. لاني رديت :eek5:

شوفي موضوعي

http://www.qatarshares.com/vb/showthread.php?t=262023


بعد 11 مكالمة اضطريت ارد في البداية وسكرت بوجهة ...الحين اشوفة ماعاد يتصل شكلة يأس :victory:

[الصريحه]

اوووووووووووووووووووووووففف
الله يعينج

[ولد النواخذه]

اتمنى منج يا اختي التجاهل التام لان ما اتوقع يا اختي انج فاتحه جمعيه خيرية للتبرعات تجاهلي هالاشكال سواء الي عالتلفون او الي ممكن تلقينهم في الاماكن العامة رجالا ونساء لان اسلوبهم اقرب للنصب والجمعيات الخيرية موجوده

[حليتان*]

ها بشري كم مره اتصل اليوم؟؟








انا أبي 500 ألف

عندك :telephone:

ههههه

سدمد النص بالنص

[HIGHNESS]

قولي له عندك فلوس تتصل مكالمات خارجية ماعندك فلوس عشان تتزوج .. انصحيه يوفر فلوس المكالمات ... ههههههه ... والله زهقنا من هالاتصالات المزعجة ... احسن شي تسوينه لا تردين على ارقام غريبة .. وتجاهليها .. لو حد يبيج بيدز لج مسج ... :)
الله يعين ...

[observer]

صحيح اييد كلام بوطويششم

[meme~qatar]

اي مكالمة خارجية اطنشها
والحين مرتاحة

[براتزية برازيلية]

طنشي اختي لا تعورين راسج

[بنت العصـيمي]

ههههههههه والله سالفة

عطيني رقمج يمكن احتاجة يوم من الايام

[هند88]

لاتردين عليهم.......
انا مرة كان يجيني رقم من احد دول الخليج لمدة اسبوع رنات رنات اوووف وبعدين ... خفت يكون اخوي ومتوهق لان كان في هالبلدة ... رديت من غير ماقول الو ابي اشوف من .... الا وحدة مرققه الصوت حده وتقول :الووووو
قتها سمعي انا وحده مو مواحد مابحصلين مني شي يــــــــــــــلة...(اهم شي اللي عصبت :) )

[الجزوع]

احقريه يعني لازم تردين ؟؟ طنشي وافتكي :)

[الياقوت99]

لاتردين عليه كلش وبينتهي الموضوع

[المضعد]

هههههههههه ... قوليله بسويلك سحر بيخاف وبيسكر ولا بيعاود يتصل لج

[لاجل QT]

هههههههههه ... قوليله بسويلك سحر بيخاف وبيسكر ولا بيعاود يتصل لج

هههههههه حلوة سحر ..المرة الجاية لين عاود الاتصال باقولة هههههه.. صارلة كم يوم ماقام يتصل..الله يهدية ويصلحة..ثانكس