استفسااااار ضروري من الجامعيين بالذاااات

[doha1]

السلام عليكم

جمعه مباركه ع الجميع

ياجماعة الخير انا خريج ثانويه قسم ادبي ونسبتي ماساعدتني ادخل جامعة قطر

وقالوا لازم تقدم اختبار فالانكليزي والرياضيات وتجيب درجه ممتازه عشان تدخل

الجامعه فالتخصصات الادبيه مع انها غير تخصص شغلي العلمي:secret:

المهم قررت ادرس في جامعة البحرين للعلوم التطبيقيه وبعد مليون استفسار

قالوا لي الشهاده مهب مصدقه من المجلس الاعلى تعتبر

بس اللي ابي اعرفه في حال غامرت وخذيت شهادة البكالوريا فالبحرين

وجيت ودرست ماجستير في جماعة معترف بها هل يصير هالمنطق ولا مايصير؟؟؟

لان مسؤولي قال اعمل هالحركه وانا متردد واقنعني بكلامه بس ابي اعرف راي

الجامعيين

خاصه ان صعبه ادرس في جامعة قطر في دوام نظامي يتعارض مع عملي

وهم احنا 3 فالقسم وواحد منا بيدخل الجامعه هالسنه وكل سنه واحد

ابي احد يفيدني ويساعدني

لان جامعة البحرين فالعطله نداوم فيها

:secret:

[BusinessGirl]

هلا اخوي
اممممم
نصيحتي لك
روح المجلس الاعلى او تواصل معاهم
بالتلفون والا ادخل موقعهم
وشوف قائمه الجامعات المعترف فيها
وشوف اذا كانت جامعة البحرين هاذي من ضمنهم
خلاص توكل على الله وادرس فيها
وشهادتك بكره راح اتكون معترفه في كل جهات الدوله
اما اذا كانت مو معترفه

اهني يرجع لك القرار
اذا انت مرتاح في جهة عملك وما تبي اتغيرها
روح شوفهم هل يعترفون في الدراسه في هالجامعه والا لاء
في حاول انهم يعترفون فيها
خذ منهم ورقه موثقه مو بس كلام
وتوكل على الله وادرس
اما في حال انك ناوي اتغير جهه عملك والا اصلا
جهة عملك ما راح تعترف خلاص

وقتها روح المجلس الاعلى وشوف الفرص الموجوده
عندهم

والله الموفق ان شاء الله

[بويوسف]

للاسف غير معترف فيها .. دور لك اي تخصص في جامعة قطر ومش لازم شي تحبه بالنهاية اهم شي الشهادة الجامعية .

[doha1]

بس المشكله ان احنا 3 فالقسم والمدير قال واحد منكم يروح يدرس فالجامعه الحين

لان اللي بيدرس بياخذ تفرغ وصعبه يدزنا كلنا مره وحده

وقال كل سنه ببعث واحد وهالشي مهب مضمون لان ماندري شيصير

وفعلا جامعة البحرين مهب معترف بها

وكلمت مديري وقال فالنهايه انت خريج تعتبر وحسسني انها تمشي

لكن قال تخرج وتعال ادرس ماجستير في جامعة معترف بها

عشان كذا مش عارف شسووووي

خاصه ان راح تصير بينا الثلاثه قرعه وواحد منا بيدخل الجامعة

مش عارف شسوووي ابي اكمل دراستي لان درجتي الجايه محتاجه اقل شي دبلوم واللي بعدها شهاده جامعية

ابي حل

[BusinessGirl]

بس المشكله ان احنا 3 فالقسم والمدير قال واحد منكم يروح يدرس فالجامعه الحين

لان اللي بيدرس بياخذ تفرغ وصعبه يدزنا كلنا مره وحده

وقال كل سنه ببعث واحد وهالشي مهب مضمون لان ماندري شيصير

وفعلا جامعة البحرين مهب معترف بها

وكلمت مديري وقال فالنهايه انت خريج تعتبر وحسسني انها تمشي

لكن قال تخرج وتعال ادرس ماجستير في جامعة معترف بها

عشان كذا مش عارف شسووووي

خاصه ان راح تصير بينا الثلاثه قرعه وواحد منا بيدخل الجامعة

مش عارف شسوووي ابي اكمل دراستي لان درجتي الجايه محتاجه اقل شي دبلوم واللي بعدها شهاده جامعية

ابي حل

حتى لو المدير اليوم يلمج انها معترف فيها
وان كل شي تمام
من يدري بره ايش بيصير !!!!
لازم يعطيك شي موثق بورقه
والا باي شي
ايش كثر بيتم هالمدير !!!
وكم سنه بتدرس
!!!!!
يعني الموضوع فيه نسبه خطوره ..
اذا السالفه جي
انطر القرعه
وشوف اذا الله كتب ان انت االلي راح تدرس
قدم اوراقك على كليه المجتمع
تاخذ طلاب الثانويه باي نسبه
وشهادتها دبلوم
وذا معدلك عالي تقدر اتكمل بكالوريوس جامعه قطر
وسوي بحث عن الكليه بتقرى عنها وشوف
واذا لا سمح الله ما طلع اسمك
امممم
عيد السنه منازل
بتتعب شهرين بس اتقدم امتحانات
شد حيلك وجيب نسبه عاليه
عشان بكره انت تختار اي جامعة
وكلها كم من شهر وتمر السنه وبيجيك دورك
وبعدها خلاص اختار جامعه معترف فيها
وبدون ما تتنازل عن شي

[روح الاطلس]

دام مديرك قال لك ادرس في البحرين وبتاخذ الدرجة والموارد البشرية وكل شي بيعترفون في الشهادة .. خلاص ادرس فيها وطز في الاعتراف .. انت ما سألت نفسك سؤال شنو فايدة اعتراف المجلس الاعلى بالشهادة ؟؟ الاعتراف يا اخي الفاضل لان بعض ( وحط 30 خط تحت كلمة بعض ) جهات العمل ما تعطيك درجة سينير بشهادة غير معترف فيها من المجلس الاعلى ،، لكن دام شغلك معترف بالشهادة وبيعطونك تفرغ وبعثة على حسابهم او على حسابك الخاص مايهمك المجلس الاعلى ،، وعادي تقدر تاخذ ماستر معترف فيه من اي جامعه لو حبيت ( كلام مديرك عين العقل والله كفو عليه اللي يشجعكم على الدراسة لا ويعطيكم حلول بعد )

ختاماً : ادرس ولا تلتفت للمجلس الاعلى نهائياً ( دام شغلك ضامن لك درجة السينير مثلك مثل خريج اي جامعه اخرى )

وبالتوفييق

[استغفرالله]

ادخل جامعه قطر بس اختار جدول متأخر بحيث ما يأثر على شغلك

طلاب وايد في الجامعه يشتغلون ويدرسون

وخل جدولك خفيف -عدد ساعات قليله

والله يوفقك

[eXpert*]

ما قد شفت أي جهة تدقق على الشهادة اذا معترف فيها ولا لا ،، العالم كلها تأخذ شهادات ولاحد يلتفت على لائحة المجلس الأعلى للتعليم . .

أهم شئ ما تكون جامعة تجارية - ربحية.

والحركة اللي قال عنها مسؤولك ممكن ،، ان تأخذ البكالوريوس وعقب تتبعها بـ ماجستير من جامعة معترف فيها بحكم ان الماجستير لن يأخذ منك الكثير من الوقت .

وبـ التوفيق

[doha1]

فعلا سألت كذا جامعي ووافقني ع الفكره اللي اقترحها المدير

لان اعيد الثانويه صعبه العمر رايح وانا ابي اكون نفسي وخاصه اني بعمر يخليني استخدم الحلول الممكنه

بغض النظر عن اني اعيد الثانويه او اصبر 6 سنين لين يخلص رفيجي في حال مافزت فالقرعه

وحتى لو فزت فالقرعه بعد مش حلوه بحق ربعي لانهم اقدم مني واحق مني فالدراسه والترقيه قبلي

وحب لاخيك ماتحبه لنفسك

ماابي ازعلهم ولا اخسرهم ولا اخليهم يحقدون علي يوم من الايام وسالفة القرعه مش مقتنع فيها

بس انا اللي يدور في بالي ادرس فالبحرين فالويك ايند واخذ البكالوريا وارجع قطر واخذ ماجستير

في جامعه سنعه واضمن طريقي الصحيح كذا لاخربت ع نفسي ولا ع غيري

[law girl]

صح الجامعة مب معترف فيهـآ ..
بس فيه بعض الوظآيف مايهمهـآ الإعترآف ..
ودآم مسؤولك قآلك هالكلآم ..
توكّـل على الله ..
وكمـل درآستك ..
وعقب مثل مآقلت خذ المآجستير بأي جآمعة أوكِــي ..

وبالتوفيق ^_^

[doha1]

ومن قال

ارحم الله والديكم