محلات المكرمة الاميرية الي داخل الاحياء السكنية....نهاية المهلة

[طريق سلوى]

:omg:شفت اليوم عند بائع المحل الي جنب بيتنا ورقة تعهد خطي من البلدية باخلاء المحل بشهر 7 القادم ، وفي حالة عدم الاخلاء سيتم قطع الكهرباء وفرض غرامة .....
يعني راح تختفي المحلات من الفرجان شهر 7 القادم:weeping:

[الدوحي7]

انا ضد هذا الشي،، وين الناس يترزقون مب كفايه المعيشه الغاليه،،

[المخفي]

تضيق على المساكين

[(الفيصل)]

مصائب قوم عند قوم فوائد!!

[استغفرالله]

ان شاء الله تتطبق و نفتك من الدكاكين اللي في الاحياء مسويه تعطيل للسير
وتبيع اشياء مشبوهه

[مساهم فنان]

الدكان في الفريج مهم أي حاجة تبيها وبسرعة تلقاها فيه ... وليش يمنعون دكاكين الفرجان .... والله شفنا في أوروبا بقالات صغيرة مفردة في الأحياء... لقضاء حاجات الناس ... وشفنا مطاعم في الأحياء ،أي مطعم واحد في الحي ... وفي بعض دول الخليج موجودة دكاكين الفرجان .
ياليت البلدية ما تمنع هذي الدكيكينات .

[سهم مرتاح]

السلام عليكم

والله لو المسئولين يدرون بحال هالقطر اللي معتمدين على مدخول هاالمحلات ما كانو اصدرو ها القرار

اسر متعففه ولو اتجوع ما تمد ايديها او تشتكي كعادة اهل قطر الكرام
لاحول ولا قوة الا بالله

[بويعقوب]

ان شاء الله تتطبق و نفتك من الدكاكين اللي في الاحياء مسويه تعطيل للسير
وتبيع اشياء مشبوهه


:eek5:

[رهج السنابك]

سبحان الله توني منزلة موضوع بهذا الخصوص استفسر !!!

هذي شنو تفسيرها حاسة سادسة ولا تخاطر عن بعد ^.^

حرام والله عليهم .. يبونا عشان كيس خبز نطق مشوار لين المجمع اللي على الشارع الرئيسي ؟!! ولا في عز الظهر نطرش دريولنا المسكين ؟!

[محمد11]

ربما سوف يتم بناء ابراج !!

[hamoor4ever]

السلام عليكم

والله لو المسئولين يدرون بحال هالقطر اللي معتمدين على مدخول هاالمحلات ما كانو اصدرو ها القرار

اسر متعففه ولو اتجوع ما تمد ايديها او تشتكي كعادة اهل قطر الكرام
لاحول ولا قوة الا بالله

اعتقد شعار المسؤولين ( انا ومابعدي الطوفان ) هه ويقولون ليش اهل قطر كله يتشكون من اللي يشوفونه ، انا عندي لكم حل خلاص من اليوم ورايح نعتمد على محطات البترول ( وقود ) والسوبر ماركت ( سدره ) والبلاد اولى من اي حد ثاني لان القطرين عندهم خير وخاشينه هههه

[BIG-VEGA]

ان شاء الله تتطبق و نفتك من الدكاكين اللي في الاحياء مسويه تعطيل للسير
وتبيع اشياء مشبوهه

اشياء مشبوهه مثل ايش

علما علشان مانودي اعيالنا :)

[&بوشهد&]

انا اول مرة اسمع هالاسم ( محلات المكرمة الاميرية )
وبعدين اللي وده يشتري شي لازم يلبس ثوب وغترة ويكشخ عشان يروح الدكان لانه بعيد

[صوت الضمير]

صحيح أنا مع أغلب الردود

يعني إذا نبي حاجه بسيطة من الدكان

نظرب خط لين الشارع الرئيسي علشان شي بسيط

كذا بنصير في مشكلة جديدة وهي الزحمة

أبداع

[بنت ابوها 19]

قالتلي اختي السالفه

والله حرام عليهم

شلو من عندنا لامسي وعقب جمعية المعموره وعقب جمعية المول


والحين دكان عبدالرزاق :weeping:


شيبون يسون فينا
بالضبط
يبون يمشون سوق كارفور وربعه على احسابنا :anger1:

[ولد الشقب]

شوفوا وسكتو ا

[بوخالد911]

طيب

هل المقصوود كل المناطق السكنية؟

[منارة الدوحة]

حرام عيكم يا ناس هدكاكين اللي تتكلمون عليها فاتحة بيوت ارامل و مطلقات حرام عليهم مين راح يكد عليهم و بعدين مب كل الدكاكين تبيع اشياء مشبوهة

[jajassim]

لاحول ولا قوة الا بالله العلي العظيم

ربعنا متخصصين في قطع الأرزاق :(

[الدوحي7]

ان شاء الله تتطبق و نفتك من الدكاكين اللي في الاحياء مسويه تعطيل للسير
وتبيع اشياء مشبوهه

بعد تقول ان شاء الله ،، شنهى المشبوه قصدك ليكون قصدك خمر ترا الخمر موجود في الفنادق مسموح من الدوله عندك شي ثاني، ووين الدكان الى يبيع اشياء مشبوهه،،

[qatari1]

المسألة تنظيمية بحتة، والقرار صدر منذ 10 سنوات، وتم إعطاء أصحاب الدكاكين كل هذا الوقت ليكيفوا أنفسهم مع القرار الجديد.

[Fahad Alqahtani]

:omg:شفت اليوم عند بائع المحل الي جنب بيتنا ورقة تعهد خطي من البلدية باخلاء المحل بشهر 7 القادم ، وفي حالة عدم الاخلاء سيتم قطع الكهرباء وفرض غرامة .....
يعني راح تختفي المحلات من الفرجان شهر 7 القادم:weeping:

يمكن المحل عنده مشكله مع البلدية عشان كذت بيسكرونه

[الخفي]

ماشاءالله الشي اللي ينفع المواطن مثل المحلات داخل الاحياء حلها سهل بالنسبه للحكومه

وبدون مجلس شورى وتوصيات وهذا احنا نشوف تعهدات باغلاق المحلات وهي تخدم المواطن

بس يوم اشتكى المواطن صاح وناح وبيشق ثيابه من العزاب اللي في الاحياء السكنيه اشوف الحلول

صارت صعبه ودراسه ومجلس شورى وتوصيات واخر شي كل الاحياء الان عدد العزاب فيها

اكثر من عدد السكان وماشفنا تحرك مثل ماتحركو الحومه في اغلاق الدكاكين اللي تخدم المواطن

خدمه مزدوجه توفير حاجاته ومساعده المواطن في العائد من تاجير المحلات اللي للمواطن ازالتها

سهل واللي يخدم التجار مثل عمال شركات التجار والهوامير صار الموضوع صعب ومافيه امل ينحل

بل ان بعض المسئولين صرح وقال الدوله في نهضه عمرانيه ولابد من وجود عماليه ولابد ان

المواطن يتحمل تبعيات وجود طفره وزياده في العماله يعني المواطن يعيش في خوف وهلع وجرايم

وتسكع وتلصص وبلاوي واخلاقيات عشان حضره التاجر يسكن عماله وسط العوايل القطريه

هذا غير مقبول لكن مانقول الا حسبي الله ونعم الوكيل

[qatari1]

ماشاءالله الشي اللي ينفع المواطن مثل المحلات داخل الاحياء حلها سهل بالنسبه للحكومه

وبدون مجلس شورى وتوصيات وهذا احنا نشوف تعهدات باغلاق المحلات وهي تخدم المواطن

بس يوم اشتكى المواطن صاح وناح وبيشق ثيابه من العزاب اللي في الاحياء السكنيه اشوف الحلول

صارت صعبه ودراسه ومجلس شورى وتوصيات واخر شي كل الاحياء الان عدد العزاب فيها

اكثر من عدد السكان وماشفنا تحرك مثل ماتحركو الحومه في اغلاق الدكاكين اللي تخدم المواطن

خدمه مزدوجه توفير حاجاته ومساعده المواطن في العائد من تاجير المحلات اللي للمواطن ازالتها

سهل واللي يخدم التجار مثل عمال شركات التجار والهوامير صار الموضوع صعب ومافيه امل ينحل

بل ان بعض المسئولين صرح وقال الدوله في نهضه عمرانيه ولابد من وجود عماليه ولابد ان

المواطن يتحمل تبعيات وجود طفره وزياده في العماله يعني المواطن يعيش في خوف وهلع وجرايم

وتسكع وتلصص وبلاوي واخلاقيات عشان حضره التاجر يسكن عماله وسط العوايل القطريه

هذا غير مقبول لكن مانقول الا حسبي الله ونعم الوكيل

الخطأ أولاً على المواطنين أصحاب هذه البيوت التي رضوا أن يؤجروها لعمال الشركات!

على العموم، هناك قانون سيصدر قريباً بمنع سكن العزاب وسط العائلات، وسيتم إسكان العزاب في المنطقة الصناعية.

[الاستثمار]

الله يعينا على كل حال

[الخفي]

الخطأ أولاً على المواطنين أصحاب هذه البيوت التي رضوا أن يؤجروها لعمال الشركات!

على العموم، هناك قانون سيصدر قريباً بمنع سكن العزاب وسط العائلات، وسيتم إسكان العزاب في المنطقة الصناعية.


طيب اذا كان جاري المواطن طماع انا ابتلش في عماله ليه

ينزل قانون صارم من الحكومه عشان اقاضي كل من يسكن عمال واقدر اطلعهم بالقانون

اما تروح الشرطه يقولون لك مافيه قانون تروح البلديه يقولون مافيه قانون ترفع

قضيه مافيه قانون تستند عليه وبالنسبه للقانون اللي بيصدر انا اقولك ماراح يصدر

قانون طالما ان العماله يشكلون 80 % من سكان قطر لكن انا اللي ابغي اعرفه

دبي عندها طفره وماشفناهم توهقو مع العمال ولا عمرنا شفنا مواطن اماراتي يشتكي

من العزاب مع العلم ان الاقتصاد متقارب والنهضه العمرانيه نفس الشي لكن فرقنا

عنهم ان حب المال والتجاره مسحت من قلوب التجار والمسئولين الخوف من الله في

القطريين وضربوا بعرض الحائط بكل القيم والعادات والتقاليد واولهم المواطن اللي

اجر بيته لانه استغل ثغره لكن بصدور قانون سيلزم الجميع صاحب البيت الطماع

وصاحب الشركه التاجر الطماع الثاني وسيكون القانون من صالح المواطن اذا صدر

[المتأمل خيرا]

المسألة تنظيمية بحتة، والقرار صدر منذ 10 سنوات، وتم إعطاء أصحاب الدكاكين كل هذا الوقت ليكيفوا أنفسهم مع القرار الجديد.

أخوي العزيز "qatari1" هل ترى إنه من العدل أو المنطق إنك عندما تحتاج لأقل شيء يتعلّق بأمور استهلاكيـّة للإستخدام اليومي في البيت تروح لأحد المجمـّـعات؟..

أنا ساكن منطقة الهلال.. "قريب من محطة وقود الجديدة".. لو فعلاً هذا القرار طـُـبـّـق، عندما أحتاج لأقل شيء لازم ياروح الأسواق إللي في مجمـّـع الشيخ على بن جبر في نجمة، أو مجمـّـع السفير، أو مجمـّـع اللولو.. أو الميره.. وبعدين أحياناً الإنسان ممكن يكون عنده ظرف مستعجل للحصول على غرض بسيط.. أو ممكن حتى ظرف صحّي.. أو اجتماعي وجود هذي الدكاكين يوفـّـر حل لها..


نقطة أظنها مهمة جات في بالي عن الموضوع.. مثل هذي الدكاكين تقوم أيضاً بتوصيل الأغراض للبيوت.. وهذا أمر يهم كثير من العائلات..

[قطري عصامي]

انا اعتقد انه قرار متخبط من ضمن مسلسل القرارات المتخبطه الصادره من الوزاره

[مبارك سعد]

ياجماعة الخير ترى الدكاكين هذي فاتحه بيوت ومعيشه اسر لكن نتمنى من المسؤلين التراجع عن هذا القرار رحمة بالمسلمين, ترىأصحاب المحلات هم أهل قطر. وشكرأ .:omen2:

[العلم الوكاد]

المفروض اول شي في تخطيط المدن

يكونون عملوا حسابهم بانشاء المرافق الخدمة

وبالذات الجمعيات لخدمة كل منطقة دايما يهددون

ولازم المواطن المسكين المؤجر للمحل يقلق ويحتار ويروح يدور واسطة

لفترة من الزمن عقب بيقولون مهلة ثانية

عااااااااااااادي القطري تعود على القلق

لحد ما صاااااار عنده حصانة

[طريق سلوى]

يمكن المحل عنده مشكله مع البلدية عشان كذت بيسكرونه

الموضوع ان المهلة انتهت،،السنة الي تم تمديدها لقرار العشر سنوات

[طريق سلوى]

شاكر للجميع مرورهم الكريم ، وفي انتظار المزيد من الاراء

[bshayer]

نقطة أظنها مهمة جات في بالي عن الموضوع.. مثل هذي الدكاكين تقوم أيضاً بتوصيل الأغراض للبيوت.. وهذا أمر يهم كثير من العائلات..



حرام عليهم واايد ريحونا هالدكاكين ...
وبعدين هذا رزقهم ...اسعارهم معقوله ...وقت الزنات ..حزات ماعندنا احد يجيب لنا لاغراض .لين البيت ...

[عضو المنتدى]

حسبنا الله ونعم والوكيل ولا حول والا قوة إلا بالله

منعوا تجديد الرخص للمحلات إلتي تترزق منعها العوائل .. :anger1:

ومنعوا تجديد الرخص للفلل الأدارية إللي على الشارع :anger1:

( يبغونهم يرحون المكاتب إلي بالأبراج )

ومنعوا بناء فلتين على أرض كبار الموظفين . :(

ومانعين الرخص التجارية إللي مدخولها ممتاز (بس حق بعض الناس). :weeping:

والمواطن محصور بين قوانينهم التي تقطع الأرزاق والغرامات واتسديد المخالفات

والضرايب .

[ســـهم]

المجمعات حق الناس الكبار

لذلك لازم يمشي سوقها ..

[بوجاسم 75]

احسن خلهم يطبقون هاى القرار ، لان اصحاب الدكاكيين حرامية يبيعون الشى اكثر من سعره فى السوق0

[qatari1]

أخوي العزيز "qatari1" هل ترى إنه من العدل أو المنطق إنك عندما تحتاج لأقل شيء يتعلّق بأمور استهلاكيـّة للإستخدام اليومي في البيت تروح لأحد المجمـّـعات؟..

أنا ساكن منطقة الهلال.. "قريب من محطة وقود الجديدة".. لو فعلاً هذا القرار طـُـبـّـق، عندما أحتاج لأقل شيء لازم ياروح الأسواق إللي في مجمـّـع الشيخ على بن جبر في نجمة، أو مجمـّـع السفير، أو مجمـّـع اللولو.. أو الميره.. وبعدين أحياناً الإنسان ممكن يكون عنده ظرف مستعجل للحصول على غرض بسيط.. أو ممكن حتى ظرف صحّي.. أو اجتماعي وجود هذي الدكاكين يوفـّـر حل لها..


نقطة أظنها مهمة جات في بالي عن الموضوع.. مثل هذي الدكاكين تقوم أيضاً بتوصيل الأغراض للبيوت.. وهذا أمر يهم كثير من العائلات..


أتفق معاك أخي الكريم، وينبغي أن تقوم الحكومة بتوفير البديل.
لكن عشوائية الدكاكين في الفرجان بحاجة لوقفها.