ساعدوني تكفــــون

[عناد2009]

السلام عليكم ورحمة الله وبركاته..
الوالدة من فترة تشتكي من تنميل في يدها اليسار ..
ترقد مافيها شي وبعدها بكم ساعه تصحى من الالم ...
وماترقد الا لما يخف الالم ..

ممكن تشورون علي وين اوديها..
ساعدوني جزاكم الله خير

[سهم مديون]

ان شاء الله يفيدونك الاعضاءوالله يشفيها

[عناد2009]

ان شاء الله يفيدونك الاعضاءوالله يشفيها

جزاك الله الف خير عالمرور

[sendarala]

سلامات وما تشوف شر الوالدة
ليه ما تعرضها على دكتور جراحة و اعصاب ممكن يكون روماتيد معها

[بوجاسم 75]

سلامتها الوالده ودها عند المطوعة ام محمد الهاجري

[سداوي&مدريدي]

سلامات ماتشوف شر .. والله يشفيها ان شاء الله

وان شاء الله الأعضاء يفيدونك

[مافيا قطر]

هو ان أسباب التنميل كثيرة جداً و هي بشكل عام لها علاقة بالأعصاب

ممكن يكون الضغط النفسي أو القلق سبب من الأسباب



في هذهالصوره تكمن اسباب التنمل :


1-ضعف عام في الأعصاب بسبب نقص فيتامين ب وهنا يختفي التنميل بتزويد الجسم بفيتامين b

2-مشكلة في فقرات العمود الفقري العنقية أو القطنية، مما يؤدى إلى الضغط على الأعصاب في الأيدي أوالأرجل.

3-إحتمالية بداية لمرض السكر،وهنا يجب عمل تحليل لنسبة السكر في الدم.

4-احتمالات وجود الأنيميا، لذلك يجب عمل تحليل دم كامل ونسبة الهيموجلوبين به.




6-العمليات اليدوية المتكررة كالعمل على جهاز الكمبيوتر ..

7_إلتهاب القناة الرسغية سبب في تنميل اليدين..

8-الجلسة الخاطئة..

9-السمنة المفرطة وزيادة الوزن..

10-الغدة الدرقيــة..

[مافيا قطر]

ينتج الإحساس بالخدر بسبب احتباس عصب اليد الذي لا علاقة له بآلام الظهر، هذا العصب منشؤه في الرقبة، ويمر تحت الإبط ثم المرفق ثم الرسغ، وعند حصول أي ضغط على العصب في أي من هذه المناطق قد يحدث الإحساس بالخدر. وهناك حالتان شائعتان، الأولى هي الضغط على العصب عند مستوى الرقبة والثانية هي احتباس العصب الرسغي ويدعى احتباس القناة الرسغية، ويصاب به عادة الأشخاص الذين يمارسون أعمالا يدوية مثل ربات البيوت، السكرتارية والطباعة وعمال النجارة والحفر، إذ تضيق هذه القناة وتضغط على العصب ومن ثم تسبب التنميل والخدر، وتحدث هذه الحالة أيضا لدى المصابين بضعف إفرازات الغدة الدرقية، أو الروماتيزم، أو من أصيب بكسر سابق في الرسغ، كما تحدث بصورة مؤقتة خلال فترة الحمل.

ويتم تشخيص الحالة بإجراء تخطيط لعصب اليد، ويعتمد العلاج على إجراء جراحة بسيطة في اليد، علما بأن إهمال علاج الحالة قد يؤدي إلى ضمور في عصب اليد ومن ثم ضمور في عضلات اليد كلها، كما أن التأخير في إجراء الجراحة لا يوفر النتائج الممتازة ذاتها التي يوفرها العلاج المبكر

[عناد2009]

سلامات وما تشوف شر الوالدة
ليه ما تعرضها على دكتور جراحة و اعصاب ممكن يكون روماتيد معها

هل فيه دكتور معين تنصحني فيه؟؟

[مافيا قطر]

اخوى شفى الله لك الوالده ودها الشيخ عند دكتور اعصاب

وهو راح يعمل لازم

[عناد2009]

سلامتها الوالده ودها عند المطوعة ام محمد الهاجري

جزاك الله خير

[عناد2009]

سلامات ماتشوف شر .. والله يشفيها ان شاء الله

وان شاء الله الأعضاء يفيدونك


رحم الله والديك الشيخ

[استغفرالله]

خل تشوف السكر اول شي في المركز الصحي

[مافيا قطر]

حسن جاسم الهيل بمؤسسة حمد استشاري اعصاب

[بـــــــنت النوخـّــــذه]

احتمال روماتيزم او داخل هوى -او اليد تمت على وضع واحد وسبب عدم سريان الدم وهذي حاله عاديه اتحرك يدها ويتم فتره ويروح الالم لما يوصل الدم --الي انصحج فيه اتروح المستشفى بعد مايبيله كلام 000روحي العمادي الحين ماشاء الله منزل جهاز على مستوى الدوله للاشعه المقطعيه او مستشفى حمد وخلاص خليها تقطع الشك باليقين 000

كبار السن لازم عظامهم أتأثر 000بالتقدم بالسن0 توكلي على الله ووديها المستشفى ومافيها الا العافيه ولله يخليها لكم وبشرينا عنها عاد ^_______^

[الجوكر90]

السلام عليكم
ماتشوف شر الوالده
وان شاء الله مافيها شي

[هبوب الشمال]

عندي دكتور اعصاب ممتاز وراح تدعون لي لين روحتوا له وشفتوا النتايج

بس هو في الامارات مش هنيه اللي يبيه ويبي عنوانه انا حاضره

[أخت الغالي]

يمكن تشنج للأعصاب تصير عندنا ؟؟


بس الأفضل انها تروح الطبيب تتاكدون وتتطمنون أكثر ..

الله يشافيها ويعافيها ..

[butterfly qatar]

حبيبتي يمكن فيها الأعصاب
او إلتهاب في العضله
وديها سبيتار الي في استاد خليفه يسون لها علاج طبيعي علاجهم وايد زين

[..الاميرة..]

ألف لا بأس عليها ..

اخوي مافيه داعي تنتظر سو لها كشف كامل وخصوصاً تشخيص القلب ومستوى السكر لانه من أعراض هالمرضين التنمل او تخدر الاطراف ..

وبعدها تسأل عن افضل دكتور بعد ما يتم التشخيص ..

والله الله بالوالده ديروا بالكم عليها وربي يشفيها ويحفظها لكم ..

[كحـــيلان]

ماتشوف شر الوالدة.. والله يشفيها


لو سمحتي ياهبوب الشمال.. ترسلين لي العنوان مشكوره..

[ثرية]

هبوب الشمال ياريت الرقم عالخاص

[~ نســـايم ~]

هو ان أسباب التنميل كثيرة جداً و هي بشكل عام لها علاقة بالأعصاب

ممكن يكون الضغط النفسي أو القلق سبب من الأسباب



في هذهالصوره تكمن اسباب التنمل :


1-ضعف عام في الأعصاب بسبب نقص فيتامين ب وهنا يختفي التنميل بتزويد الجسم بفيتامين b

2-مشكلة في فقرات العمود الفقري العنقية أو القطنية، مما يؤدى إلى الضغط على الأعصاب في الأيدي أوالأرجل.

3-إحتمالية بداية لمرض السكر،وهنا يجب عمل تحليل لنسبة السكر في الدم.

4-احتمالات وجود الأنيميا، لذلك يجب عمل تحليل دم كامل ونسبة الهيموجلوبين به.




6-العمليات اليدوية المتكررة كالعمل على جهاز الكمبيوتر ..

7_إلتهاب القناة الرسغية سبب في تنميل اليدين..

8-الجلسة الخاطئة..

9-السمنة المفرطة وزيادة الوزن..

10-الغدة الدرقيــة..



:nice:


و الله يشفي الوالده ان شاء الله من كل مرض اللهم امين

[القناعة كنز]

السلام عليكم ورحمة الله وبركاته..
الوالدة من فترة تشتكي من تنميل في يدها اليسار ..
ترقد مافيها شي وبعدها بكم ساعه تصحى من الالم ...
وماترقد الا لما يخف الالم ..

ممكن تشورون علي وين اوديها..
ساعدوني جزاكم الله خير

مرحبا
اخوي اللي عند الوالده الله يحفظها يسمونه carpal tunnel syndrome
بسبب ضغط على عصب في اليد
ودها عند طبيب باطنيه يطلب لها فحص عالعصب يسمونه EMG عشان ياكدون المرض واذا طلع فيها
العلاج بيكون ابره كورتيزون وحده تنعطى مكان العصب وبتخف الامها ان شاء الله

مؤقتا لحد ماتشوف طبيب الباطنية خل اي طبيب يكتب لك wrist splint وهو مثل القفاز تلبسه بس عند النوم وبيخف المها ان شاء الله هو موجود بمخزن المستشفى او ممكن تشتريه من اي صيدليه

ماعليها شر ان شاء الله

[بوبندر]

سولها حجامه وان شاء الله بتشفا ماتشوف شر

[أبورودي]

على رضا او على رازا
دكتور فى حمد ما شاء الله عليه

[عناد2009]

شرفتوني بمروركم

[سهم مرتاح]

السلام عليكم

اخوي انصحك بالدكتور نبيل في عيادة مستشفى الدوحه في شارع النصر متخصص امراض باطنيه واعصاب دكتور جيد وانا تعالجت عنده وماتشوفون شر ان شاء الله

[بدون]

الله يشافيها و يشافي جميع مرضى المسلمين ، آمين يا رب العالمين

[امـ حمد]

ما تشوف شر الوالده

كثير من الحريم يعانون من التنميل

روح أخوي مستشفى حمد في دكتور اعصاب يمكن تبي جراحه في يديها وكثير من الناس سوا جراحه واستفادوا بفضل الله

[الطيبة كلها]

اذا اليد اليسى لا تهمل فيها شئ متعلق بالقلب او مثل ما صار لي حسبي الله على الدكتور ماعطني حبوب للصداع النصفي جديد سوى لي تنمل بجسمي الله يشفيها ويخليها لكم

[بومحمد المطاوعه]

الله يشفيها الوالده ان شاءالله



يعلم الله ماعندي اي خبر عن العلاج

بأذن الله اصحاب الخبره لم يقصرون معاج

تحياتي لج

[هواجس _q6r]

ماتشوف شر الوالده


ولازم ما تهملون هالشي

ودوها مستشفى حمد وشددوا عليهم في الفحوصات
لانهم يهملون هالشياء ويحسبونها اشياء صغيره او اعراض عاديه

مثل ما صار لابوي الله يحفظه

الي صاتده تنمل في يده وكان يتعب اذا تحرك او مشى مسافه او صعد درج

وطبعا المستشفى قالوا مافيك شي

وعقب جاته ازمه فالقلب

[سمرلاند]

اخوي سوو لها فحص شامل للسكر والضغط والغدة الدرقية والروماتيد وحتى القلب

لان فعلا الروماتيد يسبب هالشي

وانا انصحك تروح مستشفى حمد روح الطوارئ وخلهم يسوون تحاليلها كامله ثم يسوون لك تحويل عالدكتور

المناسب لحالتها ولا تروح خاص

الله يطمنكم عليها ويخليها لكم

[عابرة سبيل]

اختى هبوب ممكن رقم الدكتور اللي الامارات تكفين ابيه ضرورى

[سارا البدر]

امي من فتره صادها هالشيء وكانت تتعالج عند مستشفى الرفاع يعطونها ابر في يدها
والحمدلله تحسنت واااااايد والحين ماتشتكي من التنميل

ومكان المستشفى في شارع الجيده مقابل هوم سنتر والدكاتره اللي فيه كلهم هنود بس ممتازين

الله يشفيها ويخليها لكم