مليت يا قطر

[مليت]

السلام عليكم ورحمة الله وبركاته


في الحقيقه دايم يجي في بالي سؤال

ليش في قطر بذات جميع انواع الملل يعني لو نسوي مقارنه بينا وبين بعض دول الجوار تلاقي فرق السماء والارض

على سبيل المثال من حيث الدعم تلك الدول تمنح اراضي زراعيه وتساهم مع المواطن في الانشاء

مثال اخر بعيد عن الدعم

خبرتوا كورنيش مافيه مواطنين ليش؟

بكل تأكيد لعدم توفر وسائل الترفيه على سبيل المثال ليش ما يسمحون ببيع الذره وغيرها مثل مصر تحس انك تنسى الدنيا ومافيها من كثر الوناسه

في قطر دايم ممنوع ممنوع ممنوع لازم تروح البلديه وهذا مب غلط بس ليش التعقيد

طيب قبل كنا نسبح خلف الشيرتون وكنا نسبح عند نادي الدوحه للاسف تم نسف تلك المناطق وتم انشاء فنادق 5 نجوم لا يستطيع المواطن العادي دخولها وتمتع بها

قبل كل شخص في خاطره عزبه يروح وينصب خيامه واحلى روضه واحلى سهره واحلى روقان

الحين لا ممنوع البيئه البيئه البيئه البيئه

كل شي في قطر تغير بسرعه حتى المحلات القديمه كل شي نهد تبي روح المجمع

باقي بس سوق عمان ولو شلوه اعتقد خلاص مافي مكان تتمتع فيه

سوق واقف محد ينكر انه صار احلى من قبل لكن تحس انك في المكان الغلط تشوف الهويه الحقيقيه مضروبه (اكثره اجانب وللاسف اقولها وانا متأكد اخر الليل كلاً يمشي في حاله غير طبيعيه ) وين سوق واقف القديم الي تشم فيه ريحة البهارات وين ووين

ومن جانب اخر بتكلم عن بعض المشاريع الي تدخلها والله العظيم اتحس انك غريب مثل لؤلؤة قطر وبعض المرافق الي تغيرت بسرعه انا مب معترض على هذا التطور لكن للاسف هذي القفزات السريعه كانت غير مدروسه

بتكلم عن العيد الوطني

فقط يوم !!!
تفرح يوم ترزف يوم تعبر عن حبك لقطر فقط في يوم ليش مب سبوع وين تكريس مكانة هذا اليوم في قلوب الجيل الجديد الي اصلآ ما يعرف هذا اليوم لمن وليش حتى بعض الكبار يقولون هذا يوم الاستغلال وياقلب لا تحزن

وبعدين وين التراث القطري؟ في الامارات على سبيل المثال تحصل عندهم قنوات خاصه في الاغاني الاماراتيه الوطنيه والشعريه والهجن وكل شي في بالك

عندنا لا هتمام في الاغاني الوطنيه ولا في قناة مختصه لذالك وتحس ان الهويه مشروخه شرخ كبير

في دول الجوار كل رجل مقتدر تحصله في الشهر يقوم بنشاط معين يجمع فيه ابناء عمه وهله وحتى العامه يوم يسوي امسية شعريه ويوم يسوي عزيمه عامه وتحصل لكبار بينهم منافسه كلاً يبي الذكر الطيب اليوم في قطر مجالس كثير تسكرت والي مفتوح فيها ايذا ماتعرف تلعب برازيليه وورقه صعب تقعد فيها اكثر من خمس دقايق وين المجالس الي فيها الذكر الطيب والثقافه والقصص والقصايد والعلم الطيب والبعض مجالسه فقط للزبو مجالس تركض فيها الخيل تتعب والي في المجلس مقهوي وراعي المجلس ويمكن سياره ولا سيارتين


في قطرررررررر اعرف رجال ملياردير يدور على المحلات يهددهم ان الشهر الجاي راح يرفع سعر الايجار

الفرص وين الفرص دخلنا السوق انضرب وكل ثقه ان الضربه مدروسه واكيد من قبل مافيا حتى لا يفسر كلامي غلط

شرينا تريلا انضرب سوقها واصبح شبه مشلول

سوينا دراسة جدوى حق مشروع يادوب يدخل لك 3000 شهري قالك ايجار الباب 15000 ريال والله حاله

طيب الشام يشتغلون في مورد بلادهم مثلآ سوريا يبيعون خرفان سوريه ولبنان مثلآ فواكه ومصر مثلآ اكثر الي فيها يشتغلون في مجال السياحه لن هذا المورد الي تدخل للبلاد فلوس


طيب احنا بترول وغاز فقط لا غير شنو الحل ؟ ؟ ؟

تم تسكير جميع الابواب وخاصه للشباب تبي روح اشتغل وخذ قرض وشتر سياره قرض وا وا وا وا وا


جهاز الاستثمار خسر مليارات في الصفقات ذات الخطوره العاليه وانا عندي لهم مشررع مربح ان شاء الله

اشتروافوايد ديون هل قطر كلهم دون استثناء على الاقل توفرون لهم من مبلغ القسط النص وفكروا كيف يطلع القطري من هذه القوقعه لن المواطن هو الثروه الحقيقيه وان كان خطة جهاز الاستثمار توفير حياه كريمه للاجيال القادمه وعدم الاعتماد على النفط اقولهم هذا سبب جيد لكنه غير مقنع ايذا كان والد الجيل المنتظر مهزوز ويمر بمثل هذه الظروف فا النار لا تخلف الا رماد


وعندي كلام اكثر من هذا


ويشهد الله اني احبك يا بلادي

[بلوتنيوم]

مهما صار
ومهما تم
كلنا نحبك ياقطر:victory:

[yosif1]

اخوي انت حاط نظارة سودة قاتمة
شيل النظارة
وابتسم للحياه
لاتنسى قانون الجذب
النظرة السلبية تجيب لك السلبية في الحياه والفشل

اعتقد ان حالة التفاؤل هي نعمة من الله عز وجل انزلها للانسانية،
وهي هديته الغالية لنا لتضيء نفوسنا وتنير دروبنا مهما تعقدت الحياة من حولنا،
والتفاؤل سنة نبوية، فقد كان الرسول صلى الله عليه وسلم يحب الفأل الحسن وينهى عن التشاؤم والتطير،
حيث قال «تفاءلوا بالخير تجدوه» لان التفاؤل والشعور به والاحساس بحركته يولد التفكير السلمي الايجابي،

[w.qatar]

اشكرك على الموضوع بصراحه كلامك صحيح

و اهم نقطه ذكرتها المزارع شوفوا الامارات شسوو كل مواطن مزرعه و يساعدونه الحين المنطقه الغربيه مزارع المواطنين هي اللي تغطي احتياجات سكان هالمنطقه و الباقي يبيعونه في المدن الثانيه ليش ما يهتمون بالزراعه عندنا الشمال اخصب اراضي و مياه جوفيه متوفره بكثره ..

[كاريرا]

السلام عليكم:)

عشان نفهم طلباتك بشكل واضح نلخصها في نقاط.

١-تبي الحكومه تسمح ببيع الذره فالكورنيش

٢- تبي الدوله تعطيك ارض زراعيه وتدعمك وتشتري المنتوج منك

٣-تبي الدوله ادخلك الفنادق عشان تتسبح فيها

٤-تبي الدوله تلغي نظم البيئه كلها عشان اتكشت

٥-تبي الدوله تمنع لعب البرازيليه فالمجالس

٦-تبي الدوله تدعم الناس عشان يفتحون مجالس منعاً للملل

٧-تبي الدوله تلغي مشروع اللؤلؤه او تمنع الاجانب من الدخول له واتخليه للقطرين فقط

٨-تبي الدوله تمنع الاجانب من دخول سوق واقف

٩-تبي الدوله تعطي المواطنين اجازه اسبوع لليوم الوطني

١٠-تبي الدوله تفتح قناه للأغاني الوطنيه


١١- تبي جهاز الاستثمار الخاص بالدوله يطنش للخبراء وبيوت المال العالميه وياخذ بنصيحتك أنت ويلغي ديون المواطنين


صح؟

هل هذي هي طلباتك الي مللتك من قطر؟

[بوحسن2009]

اخوى كلامك طيب ولكن نصيحتى لك
الزم الزم الزم الاستغفار فى كل وقت وحين اذا تقدر وشوف النتيجة
صدقنى راح تدعيلي ...

[عبدالرحمن]

ياخي كلامك كله مغالطات وداخل في بعض اول شي وماعندي صراحه وقت اني افصل وارد على كل النقاط بالشرح بس برد عليها على السريع انت بديت بكلامك انه في فرق السما واالارض بينا وبين بعض الدول الخليجية وضربت مثال يتيم على الزرع انا شخصيا املك مزرعه من الدوله واعرف قطريين وايد نفس حالتي اذا انت ماقدمت ولا سعيت في الموضوع لاتكلم من ورا شاشة وابشرك دايمن يدعمونا سواء بالمحاصيل ولا بالماده وحتى اذا وسعنا الزرع جزاهم الله خير الشبك هم يشلونه ويردون يوسعونه من يديد ماعرف وين الفرق بين السما واالارض في موضوعك ومن كثر الدعم الامحدود للمزارع من فتره بسيطه عطونا قرض مليون ريال كاش دعم بعد شتبي اكثر هذا 1
الشي الثاني ليش ماتكلمت عن مجانيه الكهربا والماء وليش ماتكلمت عن قرض كبار الموظفين مليون و200 الف وليش ماتكلمت عن االارضي الي توزع ومساحتها كبيره من 1000 لين 1500
والامثله وايد نروح حق الكورنيش يعني مافي اطول من كورنيشنا 8 كيلو سالفه انهم يبيعون ذره على الكورنيش؟؟ مادري يعني خلصت الامور الاساسيه عشان دورلي ذره ياخي جيبها معاك من البيت وعيش جوك الرومنسي في الكورنيش
بالنسبه للسباحه صوب نادي الدوحه ورا فندق شرتون بذمتك هذا سنع رجاجيل تفصخلي وتسبح قدام خلق الله والكورنيش كل هل قطر تمر عليه تشوفه منظر حظاري ياخي مساحة قطر 11 الف كيلو عندك شبه جزيره دور اي مكان وروح اسبح فيه جات على 8 او 10 كيلو يعني انت مع اهلك مار بالسياره وعالم مفاصيخ قدام بتستانس حضرتك على الوضع؟؟؟
الا بالعكس زين سوو..... بخصوص العزب والروض ياخي لازم العمليه فيها نظام وهم مامنعو خلك دقيق في طرحك هم نظمو العمليه وبس ياخي هالاماكن تصير فيها بلاوي وراجع سجلات الداخليه وغير هالشي يوصخون المكان يعني امنيا وبيئا ودينيا فيها تجاوزات فلازم العمليه فيها كنترول شوي المفروض تستانس مب تضايق ومادري شدخل الملياردير الي رفع على الناس ايجارهم في موضوعك مليت ياقطر
ياخي انا رافع على محلات تجاريه عندي 3 مرات شالمشكله يعني ياخي الباب في مكان على قولتك وصل 15000 وانا ماجر ايجارات قديمه 1500 شرايك يعني اقبضهم الباب الشرقي ولا اقلبها جمعيه خيرية
ياخي هذي تجاره وكل شي زاد
جهاز قطر للاستثمار يبي من يعنيه مسكين عقب هلازمه وانت تبيه يساعد فاقد الشي لايعطيه

[بلوتنيوم]

السلام عليكم:)

عشان نفهم طلباتك بشكل واضح نلخصها في نقاط.

١-تبي الحكومه تسمح ببيع الذره فالكورنيش

٢- تبي الدوله تعطيك ارض زراعيه وتدعمك وتشتري المنتوج منك

٣-تبي الدوله ادخلك الفنادق عشان تتسبح فيها

٤-تبي الدوله تلغي نظم البيئه كلها عشان اتكشت

٥- تبي جهاز الاستثمار الخاص بالدوله يطنش للخبراء وبيوت المال العالميه وياخذ بنصيحتك أنت ويلغي ديون المواطنين


صح؟

هل هذي هي طلباتك الي مللتك من قطر؟

ماتكونش قاس كدا يامان
الرجل يحكي واقع عايشه من وجهه نظره
ماحط اقتراحات
باستثناء شراء (فوائد) الديون
يعني حتى ماقدر يقول اشتروا الديون :anger1:
وترك النهاية مفتوحة
بل بالعكس
هو قال انه المجتمع مدعوم
بطريقة غريبة نحو
الاستهلاك الغير مدروس
لانه فقد البدائل الى ممكن تعينه
على انه يوجه طاقته او اهتماماته لها

وفي الاخير كلها فضفضة او مشاريع
واحنا عارفين نص المشاريع
تروح اقامة دائمة للادراج

والله اكبر
اذن العصر :omen2:

[كاريرا]

ماتكونش قاس كدا يامان
الرجل يحكي واقع عايشه من وجهه نظره
ماحط اقتراحات
باستثناء شراء (فوائد) الديون
يعني حتى ماقدر يقول اشتروا الديون :anger1:
وترك النهاية مفتوحة
بل بالعكس
هو قال انه المجتمع مدعوم
بطريقة غريبة نحو
الاستهلاك الغير مدروس
لانه فقد البدائل الى ممكن تعينه
على انه يوجه طاقته او اهتماماته لها

وفي الاخير كلها فضفضة او مشاريع
واحنا عارفين نص المشاريع
تروح اقامة دائمة للادراج

والله اكبر
اذن العصر :omen2:

ليست قسوه:)

داريين انها فضفضه وفشة خلق

لكن الفضفضه تفتح الباب للغوغائين للدخول وتأجيج الأمور:)

أنت الله يهداك نقتيف:(

تفائل وصدقني بتلاقي أنه الي انجحو مهب احسن منك في شي:)

[al-bake2002]

السلام عليكم ورحمة الله وبركاته


في الحقيقه دايم يجي في بالي سؤال

ليش في قطر بذات جميع انواع الملل يعني لو نسوي مقارنه بينا وبين بعض دول الجوار تلاقي فرق السماء والارض

على سبيل المثال من حيث الدعم تلك الدول تمنح اراضي زراعيه وتساهم مع المواطن في الانشاء

مثال اخر بعيد عن الدعم

خبرتوا كورنيش مافيه مواطنين ليش؟

بكل تأكيد لعدم توفر وسائل الترفيه على سبيل المثال ليش ما يسمحون ببيع الذره وغيرها مثل مصر تحس انك تنسى الدنيا ومافيها من كثر الوناسه

في قطر دايم ممنوع ممنوع ممنوع لازم تروح البلديه وهذا مب غلط بس ليش التعقيد

طيب قبل كنا نسبح خلف الشيرتون وكنا نسبح عند نادي الدوحه للاسف تم نسف تلك المناطق وتم انشاء فنادق 5 نجوم لا يستطيع المواطن العادي دخولها وتمتع بها

قبل كل شخص في خاطره عزبه يروح وينصب خيامه واحلى روضه واحلى سهره واحلى روقان

الحين لا ممنوع البيئه البيئه البيئه البيئه

كل شي في قطر تغير بسرعه حتى المحلات القديمه كل شي نهد تبي روح المجمع

باقي بس سوق عمان ولو شلوه اعتقد خلاص مافي مكان تتمتع فيه

سوق واقف محد ينكر انه صار احلى من قبل لكن تحس انك في المكان الغلط تشوف الهويه الحقيقيه مضروبه (اكثره اجانب وللاسف اقولها وانا متأكد اخر الليل كلاً يمشي في حاله غير طبيعيه ) وين سوق واقف القديم الي تشم فيه ريحة البهارات وين ووين

ومن جانب اخر بتكلم عن بعض المشاريع الي تدخلها والله العظيم اتحس انك غريب مثل لؤلؤة قطر وبعض المرافق الي تغيرت بسرعه انا مب معترض على هذا التطور لكن للاسف هذي القفزات السريعه كانت غير مدروسه

بتكلم عن العيد الوطني

فقط يوم !!!
تفرح يوم ترزف يوم تعبر عن حبك لقطر فقط في يوم ليش مب سبوع وين تكريس مكانة هذا اليوم في قلوب الجيل الجديد الي اصلآ ما يعرف هذا اليوم لمن وليش حتى بعض الكبار يقولون هذا يوم الاستغلال وياقلب لا تحزن

وبعدين وين التراث القطري؟ في الامارات على سبيل المثال تحصل عندهم قنوات خاصه في الاغاني الاماراتيه الوطنيه والشعريه والهجن وكل شي في بالك

عندنا لا هتمام في الاغاني الوطنيه ولا في قناة مختصه لذالك وتحس ان الهويه مشروخه شرخ كبير

في دول الجوار كل رجل مقتدر تحصله في الشهر يقوم بنشاط معين يجمع فيه ابناء عمه وهله وحتى العامه يوم يسوي امسية شعريه ويوم يسوي عزيمه عامه وتحصل لكبار بينهم منافسه كلاً يبي الذكر الطيب اليوم في قطر مجالس كثير تسكرت والي مفتوح فيها ايذا ماتعرف تلعب برازيليه وورقه صعب تقعد فيها اكثر من خمس دقايق وين المجالس الي فيها الذكر الطيب والثقافه والقصص والقصايد والعلم الطيب والبعض مجالسه فقط للزبو مجالس تركض فيها الخيل تتعب والي في المجلس مقهوي وراعي المجلس ويمكن سياره ولا سيارتين


في قطرررررررر اعرف رجال ملياردير يدور على المحلات يهددهم ان الشهر الجاي راح يرفع سعر الايجار

الفرص وين الفرص دخلنا السوق انضرب وكل ثقه ان الضربه مدروسه واكيد من قبل مافيا حتى لا يفسر كلامي غلط

شرينا تريلا انضرب سوقها واصبح شبه مشلول

سوينا دراسة جدوى حق مشروع يادوب يدخل لك 3000 شهري قالك ايجار الباب 15000 ريال والله حاله

طيب الشام يشتغلون في مورد بلادهم مثلآ سوريا يبيعون خرفان سوريه ولبنان مثلآ فواكه ومصر مثلآ اكثر الي فيها يشتغلون في مجال السياحه لن هذا المورد الي تدخل للبلاد فلوس


طيب احنا بترول وغاز فقط لا غير شنو الحل ؟ ؟ ؟

تم تسكير جميع الابواب وخاصه للشباب تبي روح اشتغل وخذ قرض وشتر سياره قرض وا وا وا وا وا


جهاز الاستثمار خسر مليارات في الصفقات ذات الخطوره العاليه وانا عندي لهم مشررع مربح ان شاء الله

اشتروافوايد ديون هل قطر كلهم دون استثناء على الاقل توفرون لهم من مبلغ القسط النص وفكروا كيف يطلع القطري من هذه القوقعه لن المواطن هو الثروه الحقيقيه وان كان خطة جهاز الاستثمار توفير حياه كريمه للاجيال القادمه وعدم الاعتماد على النفط اقولهم هذا سبب جيد لكنه غير مقنع ايذا كان والد الجيل المنتظر مهزوز ويمر بمثل هذه الظروف فا النار لا تخلف الا رماد


وعندي كلام اكثر من هذا


ويشهد الله اني احبك يا بلادي

مليت ما عليك منهم وانا اخوك كلامك صحيح والكل معاني من هالوضع هذول الي ردو ناس للحين ما شافو الدنيا ما يعرفون الوناسة شمعناها, يا اخي قبل لنتكلم عنا احنا الكبار شوف الصغار شذنبهم حتى مدينه ملاهي نفس الناس ما عندهم كل وقتهم يضيعونه فالمجمعات ولا بالنت حتى الهند عندهم مدينه ملاهي هذا الله يسلمك يسمونه الاحتكار والحسد ما يبون حد يربح من ورى هالامور الا لحاجه في نفس يعقوب, عيل الي يقولك منظر حظاري بالسباحة بالبحر عيل ان شاءالله شلون تبيه يتسبح ليكون تبيه يلبس ثوب ويسكر الكلر وينزل البحر ولا تبيه يطلع بلنج ويغوص على اللؤلؤ وبيني وبينك الدولة ما كانت دارسة وضع التضخم وترتيب الامور لاستقبال ملايين الاجانب لين ما الفاس طاح بالراس وتوهقو بأتفه شيى والي هو الشوارع والزحمة الي مالها داعي وبرروا موقفهم على ان الأزدحام من اساسيات الدول المتقدمة والمتحضرة, اما بالنسبة حق الي بعمري وعمرك معروف كل خميس قابضين الخط ومسافرين ولا مضيعين وقتنا في اشيا مالها داعي, يا اخي حتى فالمجالس من كثر ما هم متمللين يقعدون يعقرون , الملل صار يفوح منهم غير الدوارة فالشوارع واذا شاف موتر نفس موتره قعد يعطي ريسات حتى يضيع وقت. هذا غير الي يتجمعون عند كفتريا النعيمي عشان شنو عشان كرك ( حليب وشاي ) ما اقول غير الله يكون بالعون ويستر على عيالنا , بالنسبة حق الي يطبلون ويقولوك لك كهربا وماي ببلاش ما اعتقد تطرقون حق هالمواضيع الا لما يصير عددنا مليونين ونص ( قـــــــــــطــــــــري) وقتها تعال من علينا من مكدتك . والسلام ختام

[ام السعف]

اخوى كلامك طيب ولكن نصيحتى لك
الزم الزم الزم الاستغفار فى كل وقت وحين اذا تقدر وشوف النتيجة
صدقنى راح تدعيلي ...

اتفق معاك ، الإستغفار وذكر الله يخلي اللي قلبه منقبض ينشرح .

شوف يا اخوي مليت ، احتمال كبير انت تغيرت أمور كثيرة كنت تستمتع فيها ، و من الملاحظ ان مثل هالتغيير اتركك اتحس بالملل ، فهل باستطاعتك التغيير للي حاصل امام عيونك ؟

بتقول لي : لا

خلاص ما عليك الا انك تبحث لك عن امور ثانية تذهب عنك الملل ، ابحث و اسأل بشكل مباشر او غير مباشر ، فلا تنتظر عجلة الزمن ان تعود الى الخلف حتى تعود أيام سعة الصدور ، ولا تترك أيامك هذه تمر دون الاستمتاع بها ، ولا تترك فكرك يُعرض للضغط من قبل إناس مب مستوعبين من الحالة التي تعانيها ، حدد الخلل بنفسك ، و من ثم انتشل نفسك من الخلل هذا فهناك سبل كثيرة جدا للتغيير ، فإن لم تستطع تغيير السلبيات ، اقفز فوقها واتركها تعشش في من يبرر لها انغراسها في تراثنا وقيمنا ( وادعي لهم بالخلاص من رب العالمين )، و أبحث لنفسك ما يجلب لك السعادة مع آخرين يشاطرونك او يختلفون الرأي معاك و لكنهم في الأخير يعانون من أمور أخرى لا تعاني انت منها .

فلا تعتزل العالم و لكن خذ من كل شخص ما يميزه وعش معه و انطلق بحرية دون تقييد لفكرك او عملك او عطائك . ولا ترتبط بالأماكن كي تدخل السعادة الى قلبك ، و لا تركز على ما سلب منك كي لا تتعثر في الوقوف .

اليوم اشعر بما تشعر به ( الماضي كان جميلا جدا ، والتغيير في الكثير من اوجهه جعل شكله قبيح و قذر ، فهل اطمس وجودي ؟ )
راجع نفسك وفكر في حقها عليك في مواجهة الكثير من السلبيات التي نصدم بها رغما منا .

[فلفل حار]

والله يا مليت احنا مانعترض على قرارات الحكومه ...




تعال معاي نتمشى بالكورنيش وفي يدكـ هالحلووه ...

http://www.cigarette-shop.biz/images/photos/marlboro-red.jpeg

وعيش حياتكـ ...
:)

[العلم الوكاد]

والله حاس فيك ياخوك

وبعدين ما ادري اش موضوع النظرة السلبية اللي طالعين فيه بعض الاخوان والخوات

كل من انتقد شي او تكلم عنه قالوا انت سلبي انت نظرتك تشاؤمية انت ما تحب قطر

باقولك شي ترى الكويت ايام الغزو العراقي اكثر اللي شردوا منها اهل المزارع والتجارة

والصناعة والهوامير لانه مامنين انفسهم وما تم فيها الا الانسان البسيط اللي كان ينتقد

وملوعته الدنيا لا ارض زراعيه ولا تجاريه ولا صناعية ولا حتى وظيفة

الكلام اللي قلته صحيح وكأن قطر اصبحت لغير القطريين والمواطن ياتي في اخر الاولويات

[ناصر30]

كلامك صحيح ...

في زمن مضى كانت هناك سعاده وراحه بال نشعر بها لاتعادلها

سعاده اخرى كانت ببساطه الامور سعه قلوب الناس والجمعه

الطيبه على القليل من الامور الطيبه وذكر الرحمن


النقله النوعيه اللى تشهدها البلاد فعلاا احدثت فجوه في حياة

كثير من البشر تتمثل في صراع بين الماضى الجميل والحاضر

ذو الايقاع السريع الذي يفقدك راحه البال ويجعل حياتك مبنيه

على حسابات والتزامات وبس

الحلول :


التقرب من رب العالمين بكثره الذكر واعمال الخير

ايجاد اسره مبنيه على المحبه

البحث عن اصدقاء يجتمعون على الخير

تطوير النفس واشغالها بما ينفعهاا

اصنع سعادتك بنفسك فانت اعلم بما تحتاج

ولاتنتظر من الاخرين اعطاءك السعاده

ومايسعدك قد لايسعد غيرك .


الجميل في موضوعك عفويته وبساطته اضافه الى واقعيته


لك كل الود

[المغروره]

كلامك صحيح ميه ميه
الدليل شوف مساكيين الضمان الاجتمااعي رواتبهم كم واحنا بعصر كل شي غالي
وشوف الامارات الضمان مايعدى عشره الالف
لكن شقول
ماباليد حيله[/color][/quote]

[دلة الرسلان]

ياخي كلامك كله مغالطات وداخل في بعض اول شي وماعندي صراحه وقت اني افصل وارد على كل النقاط بالشرح بس برد عليها على السريع انت بديت بكلامك انه في فرق السما واالارض بينا وبين بعض الدول الخليجية وضربت مثال يتيم على الزرع انا شخصيا املك مزرعه من الدوله واعرف قطريين وايد نفس حالتي اذا انت ماقدمت ولا سعيت في الموضوع لاتكلم من ورا شاشة وابشرك دايمن يدعمونا سواء بالمحاصيل ولا بالماده وحتى اذا وسعنا الزرع جزاهم الله خير الشبك هم يشلونه ويردون يوسعونه من يديد ماعرف وين الفرق بين السما واالارض في موضوعك ومن كثر الدعم الامحدود للمزارع من فتره بسيطه عطونا قرض مليون ريال كاش دعم بعد شتبي اكثر هذا 1
الشي الثاني ليش ماتكلمت عن مجانيه الكهربا والماء وليش ماتكلمت عن قرض كبار الموظفين مليون و200 الف وليش ماتكلمت عن االارضي الي توزع ومساحتها كبيره من 1000 لين 1500
والامثله وايد نروح حق الكورنيش يعني مافي اطول من كورنيشنا 8 كيلو سالفه انهم يبيعون ذره على الكورنيش؟؟ مادري يعني خلصت الامور الاساسيه عشان دورلي ذره ياخي جيبها معاك من البيت وعيش جوك الرومنسي في الكورنيش
بالنسبه للسباحه صوب نادي الدوحه ورا فندق شرتون بذمتك هذا سنع رجاجيل تفصخلي وتسبح قدام خلق الله والكورنيش كل هل قطر تمر عليه تشوفه منظر حظاري ياخي مساحة قطر 11 الف كيلو عندك شبه جزيره دور اي مكان وروح اسبح فيه جات على 8 او 10 كيلو يعني انت مع اهلك مار بالسياره وعالم مفاصيخ قدام بتستانس حضرتك على الوضع؟؟؟
الا بالعكس زين سوو..... بخصوص العزب والروض ياخي لازم العمليه فيها نظام وهم مامنعو خلك دقيق في طرحك هم نظمو العمليه وبس ياخي هالاماكن تصير فيها بلاوي وراجع سجلات الداخليه وغير هالشي يوصخون المكان يعني امنيا وبيئا ودينيا فيها تجاوزات فلازم العمليه فيها كنترول شوي المفروض تستانس مب تضايق ومادري شدخل الملياردير الي رفع على الناس ايجارهم في موضوعك مليت ياقطر
ياخي انا رافع على محلات تجاريه عندي 3 مرات شالمشكله يعني ياخي الباب في مكان على قولتك وصل 15000 وانا ماجر ايجارات قديمه 1500 شرايك يعني اقبضهم الباب الشرقي ولا اقلبها جمعيه خيرية
ياخي هذي تجاره وكل شي زاد
جهاز قطر للاستثمار يبي من يعنيه مسكين عقب هلازمه وانت تبيه يساعد فاقد الشي لايعطيه


من وين خذت المزرعه ؟

ارخص مزرعه معروضه للبيع بعشره مليون ريال ياليت نحصل شيء بلاش مستعدين نستثمر

في الزراعه .

[عبدالرحمن]

من وين خذت المزرعه ؟

ارخص مزرعه معروضه للبيع بعشره مليون ريال ياليت نحصل شيء بلاش مستعدين نستثمر

في الزراعه .

وضع يد

[دلة الرسلان]

وضع يد

في ايام الشيخ أحمد !!

[حبر سري]

السلام عليكم:)

عشان نفهم طلباتك بشكل واضح نلخصها في نقاط.

١-تبي الحكومه تسمح ببيع الذره فالكورنيش

٢- تبي الدوله تعطيك ارض زراعيه وتدعمك وتشتري المنتوج منك

٣-تبي الدوله ادخلك الفنادق عشان تتسبح فيها

٤-تبي الدوله تلغي نظم البيئه كلها عشان اتكشت

٥-تبي الدوله تمنع لعب البرازيليه فالمجالس

٦-تبي الدوله تدعم الناس عشان يفتحون مجالس منعاً للملل

٧-تبي الدوله تلغي مشروع اللؤلؤه او تمنع الاجانب من الدخول له واتخليه للقطرين فقط

٨-تبي الدوله تمنع الاجانب من دخول سوق واقف

٩-تبي الدوله تعطي المواطنين اجازه اسبوع لليوم الوطني

١٠-تبي الدوله تفتح قناه للأغاني الوطنيه


١١- تبي جهاز الاستثمار الخاص بالدوله يطنش للخبراء وبيوت المال العالميه وياخذ بنصيحتك أنت ويلغي ديون المواطنين


صح؟

هل هذي هي طلباتك الي مللتك من قطر؟

رقم3


في الصميم

[مضارب جديد]

ياخي كلامك كله مغالطات وداخل في بعض اول شي وماعندي صراحه وقت اني افصل وارد على كل النقاط بالشرح بس برد عليها على السريع انت بديت بكلامك انه في فرق السما واالارض بينا وبين بعض الدول الخليجية وضربت مثال يتيم على الزرع انا شخصيا املك مزرعه من الدوله واعرف قطريين وايد نفس حالتي اذا انت ماقدمت ولا سعيت في الموضوع لاتكلم من ورا شاشة وابشرك دايمن يدعمونا سواء بالمحاصيل ولا بالماده وحتى اذا وسعنا الزرع جزاهم الله خير الشبك هم يشلونه ويردون يوسعونه من يديد ماعرف وين الفرق بين السما واالارض في موضوعك ومن كثر الدعم الامحدود للمزارع من فتره بسيطه عطونا قرض مليون ريال كاش دعم بعد شتبي اكثر هذا 1
الشي الثاني ليش ماتكلمت عن مجانيه الكهربا والماء وليش ماتكلمت عن قرض كبار الموظفين مليون و200 الف وليش ماتكلمت عن االارضي الي توزع ومساحتها كبيره من 1000 لين 1500
والامثله وايد نروح حق الكورنيش يعني مافي اطول من كورنيشنا 8 كيلو سالفه انهم يبيعون ذره على الكورنيش؟؟ مادري يعني خلصت الامور الاساسيه عشان دورلي ذره ياخي جيبها معاك من البيت وعيش جوك الرومنسي في الكورنيش
بالنسبه للسباحه صوب نادي الدوحه ورا فندق شرتون بذمتك هذا سنع رجاجيل تفصخلي وتسبح قدام خلق الله والكورنيش كل هل قطر تمر عليه تشوفه منظر حظاري ياخي مساحة قطر 11 الف كيلو عندك شبه جزيره دور اي مكان وروح اسبح فيه جات على 8 او 10 كيلو يعني انت مع اهلك مار بالسياره وعالم مفاصيخ قدام بتستانس حضرتك على الوضع؟؟؟
الا بالعكس زين سوو..... بخصوص العزب والروض ياخي لازم العمليه فيها نظام وهم مامنعو خلك دقيق في طرحك هم نظمو العمليه وبس ياخي هالاماكن تصير فيها بلاوي وراجع سجلات الداخليه وغير هالشي يوصخون المكان يعني امنيا وبيئا ودينيا فيها تجاوزات فلازم العمليه فيها كنترول شوي المفروض تستانس مب تضايق ومادري شدخل الملياردير الي رفع على الناس ايجارهم في موضوعك مليت ياقطر
ياخي انا رافع على محلات تجاريه عندي 3 مرات شالمشكله يعني ياخي الباب في مكان على قولتك وصل 15000 وانا ماجر ايجارات قديمه 1500 شرايك يعني اقبضهم الباب الشرقي ولا اقلبها جمعيه خيرية
ياخي هذي تجاره وكل شي زاد
جهاز قطر للاستثمار يبي من يعنيه مسكين عقب هلازمه وانت تبيه يساعد فاقد الشي لايعطيه


اخوي انت من الي ياخذون بوضع اليد و الحكومة اتعينهم
اما باقي المواطنين فلو يريد جحر ينخش فية مع عيالة يحتاج سنين للارض و القرض

خلها على ربك بس

[بـــــــنت النوخـّــــذه]

السلام عليكم ورحمة الله وبركاته


في الحقيقه دايم يجي في بالي سؤال

ليش في قطر بذات جميع انواع الملل يعني لو نسوي مقارنه بينا وبين بعض دول الجوار تلاقي فرق السماء والارض

على سبيل المثال من حيث الدعم تلك الدول تمنح اراضي زراعيه وتساهم مع المواطن في الانشاء

مثال اخر بعيد عن الدعم

خبرتوا كورنيش مافيه مواطنين ليش؟

بكل تأكيد لعدم توفر وسائل الترفيه على سبيل المثال ليش ما يسمحون ببيع الذره وغيرها مثل مصر تحس انك تنسى الدنيا ومافيها من كثر الوناسه

في قطر دايم ممنوع ممنوع ممنوع لازم تروح البلديه وهذا مب غلط بس ليش التعقيد

طيب قبل كنا نسبح خلف الشيرتون وكنا نسبح عند نادي الدوحه للاسف تم نسف تلك المناطق وتم انشاء فنادق 5 نجوم لا يستطيع المواطن العادي دخولها وتمتع بها

قبل كل شخص في خاطره عزبه يروح وينصب خيامه واحلى روضه واحلى سهره واحلى روقان

الحين لا ممنوع البيئه البيئه البيئه البيئه

كل شي في قطر تغير بسرعه حتى المحلات القديمه كل شي نهد تبي روح المجمع

باقي بس سوق عمان ولو شلوه اعتقد خلاص مافي مكان تتمتع فيه

سوق واقف محد ينكر انه صار احلى من قبل لكن تحس انك في المكان الغلط تشوف الهويه الحقيقيه مضروبه (اكثره اجانب وللاسف اقولها وانا متأكد اخر الليل كلاً يمشي في حاله غير طبيعيه ) وين سوق واقف القديم الي تشم فيه ريحة البهارات وين ووين

ومن جانب اخر بتكلم عن بعض المشاريع الي تدخلها والله العظيم اتحس انك غريب مثل لؤلؤة قطر وبعض المرافق الي تغيرت بسرعه انا مب معترض على هذا التطور لكن للاسف هذي القفزات السريعه كانت غير مدروسه

بتكلم عن العيد الوطني

فقط يوم !!!
تفرح يوم ترزف يوم تعبر عن حبك لقطر فقط في يوم ليش مب سبوع وين تكريس مكانة هذا اليوم في قلوب الجيل الجديد الي اصلآ ما يعرف هذا اليوم لمن وليش حتى بعض الكبار يقولون هذا يوم الاستغلال وياقلب لا تحزن

وبعدين وين التراث القطري؟ في الامارات على سبيل المثال تحصل عندهم قنوات خاصه في الاغاني الاماراتيه الوطنيه والشعريه والهجن وكل شي في بالك

عندنا لا هتمام في الاغاني الوطنيه ولا في قناة مختصه لذالك وتحس ان الهويه مشروخه شرخ كبير

في دول الجوار كل رجل مقتدر تحصله في الشهر يقوم بنشاط معين يجمع فيه ابناء عمه وهله وحتى العامه يوم يسوي امسية شعريه ويوم يسوي عزيمه عامه وتحصل لكبار بينهم منافسه كلاً يبي الذكر الطيب اليوم في قطر مجالس كثير تسكرت والي مفتوح فيها ايذا ماتعرف تلعب برازيليه وورقه صعب تقعد فيها اكثر من خمس دقايق وين المجالس الي فيها الذكر الطيب والثقافه والقصص والقصايد والعلم الطيب والبعض مجالسه فقط للزبو مجالس تركض فيها الخيل تتعب والي في المجلس مقهوي وراعي المجلس ويمكن سياره ولا سيارتين


في قطرررررررر اعرف رجال ملياردير يدور على المحلات يهددهم ان الشهر الجاي راح يرفع سعر الايجار

الفرص وين الفرص دخلنا السوق انضرب وكل ثقه ان الضربه مدروسه واكيد من قبل مافيا حتى لا يفسر كلامي غلط

شرينا تريلا انضرب سوقها واصبح شبه مشلول

سوينا دراسة جدوى حق مشروع يادوب يدخل لك 3000 شهري قالك ايجار الباب 15000 ريال والله حاله

طيب الشام يشتغلون في مورد بلادهم مثلآ سوريا يبيعون خرفان سوريه ولبنان مثلآ فواكه ومصر مثلآ اكثر الي فيها يشتغلون في مجال السياحه لن هذا المورد الي تدخل للبلاد فلوس


طيب احنا بترول وغاز فقط لا غير شنو الحل ؟ ؟ ؟

تم تسكير جميع الابواب وخاصه للشباب تبي روح اشتغل وخذ قرض وشتر سياره قرض وا وا وا وا وا


جهاز الاستثمار خسر مليارات في الصفقات ذات الخطوره العاليه وانا عندي لهم مشررع مربح ان شاء الله

اشتروافوايد ديون هل قطر كلهم دون استثناء على الاقل توفرون لهم من مبلغ القسط النص وفكروا كيف يطلع القطري من هذه القوقعه لن المواطن هو الثروه الحقيقيه وان كان خطة جهاز الاستثمار توفير حياه كريمه للاجيال القادمه وعدم الاعتماد على النفط اقولهم هذا سبب جيد لكنه غير مقنع ايذا كان والد الجيل المنتظر مهزوز ويمر بمثل هذه الظروف فا النار لا تخلف الا رماد


وعندي كلام اكثر من هذا


ويشهد الله اني احبك يا بلادي



كلامك صحيح 100%
الريال قال كلام لصالح المواطن والوطن 00وانتقد نقد بناء بعيد عن السلبيه 00
بالعكس اثنى على الحكومه وبين بعض الامور الي ممكن اتساهم بالقضاء على الملل والتسكع للشباب الي بلا فايده بالمجمعات 00والطرقات واللف والدواره بالسيايير لدرجه الواحد ماعنده شي يشغله يروح يشتر سياره بالثمن الفلاني و يتحمل ديون ويجون يتشكون البنات مهورهم غاليه 000ولا الشاب يصك ال30 واهله يصرفون عليه 0 ويتذمرون
ماشاء الله عليك ملاحظاتك دقيقه خصوصا" جوانب المشاريع وحبك لابناء وطنك ان الكل يشقل مخه بتجاره ولا مشروع ويستفيد ويفيد الوطن 0ويعمر الديره0 والله فكرو بالموضوع مهب احسن من اصحاب البطابط الي يدورون بالشوارع يصيحون اعيالنا بالسياره من صوت البطبطه ذولي ليش مايخصص لهم مكان بدل الشوارع 000ولا الاراضين ليش ماتعنعطى اراضين حتى لو كانت بالكرعانه ولا باي مكان يعمرونها هالبرور لمن على الاقل مزارع يسوونها ولا منتجعات محترمه00الكورنيش صحيح كلام الاخ اول كانتموجوده (البرتقاله ههههههه تذكرونها:)) الي داخلها واحد يبيع عصير وين راحت البرتقاله ؟؟؟؟؟؟؟؟؟:anger1:
واشفيها لو باعو على الكورنيش نفس مصر يعني نقص موظفين في المراقبه كاهم بسوق الخضره شادين حيلهم مراقبه 24/24 00اعتقد الكلام سهل بس التطبيق صعب لان يبيله بارت كابين نظيف وراقي يركب على واجه الكورنيش وموزع بطريقه صحيحه وياريت يعطون الفرصه للشباب يمسكون هالمشاريع ويتم متابعتهم خلالها 000

كلام حلو ويبشر بالخير ان في شباب طموح يبغي التطور لبلاده وله 00

اتمنى يتم وضع خطه من المسؤولين لهذي الامور ويتم تحديد مواصفات خاصه وشروط لهذي المشاريع الصغيره للشباب وكل من يطبق عليه الشروط يستحق الاشراف والقيام بهذا الشي واذا احسن اداره المشروع يخفف من قيمه الايجار دعما" له وخصوصا" اذا التزم بالنظافه والتزيين والعادات والتقاليد 000

والله فكره جيده لاتسدون الابواب بوجيه الشباب اتمنى تشكل لجنه كل شاب عنده اقتراح او مشروع في منطقه معينه او كورنيش او 0000 يقدم بكتاب لمشروعه وخطته 0000

مو احسن من قلعه الزباره الي رازين اصورها بالمنتدى كنها معتقل من كثر ماهي مهجوره انزين عطوها واحد من الشباب الي عندهم طموح وعطوه سيوله (بسيطه) يعمر لكم المكان ويخليه معلم سياحي محترم 000
مشكله مجتمعنا الحين كل شي بفلوس والايجارات نار مافيه لارحمه ولا شي كلن همه نفسي ومصلحتي وبس 000هل هذولي اتسمونهم محبين للوطن 0عطو المشاريع الصغير للشباب القطري وخليهم يعمرونها بهويتهم ويدخلون عليها عاداتهم وتقاليدهم00

[سهم قطر]

صح لسانك اخوي كلامك كله صحيح
اما الاخ عبدالرحمن وربعه فهذول من الفئة اللي مايحسون بغيرهم ويفتكرون الناس كلهم مرتاحين مثلهم
وياليت يا اخ عبدالرحمن تدلنا شلون نحصل على زرع ولاشبك حتى ؟؟؟

[عبدالرحمن]

صح لسانك اخوي كلامك كله صحيح
اما الاخ عبدالرحمن وربعه فهذول من الفئة اللي مايحسون بغيرهم ويفتكرون الناس كلهم مرتاحين مثلهم
وياليت يا اخ عبدالرحمن تدلنا شلون نحصل على زرع ولاشبك حتى ؟؟؟

لا خاب نيشانك يالسهم هالمرة ومن قالك مانحس بغيرنا ياخي ماجات على مزرعة ولا على ارض تجارية ولا على غيرها اذا الله ميسرها وفاتح عليك في هالجانب غيرك الله فاتح عليه في مجالات اوسع وغير مجالك والارزاق بيد الله يما ناس قطريين لاعندة ارض تجارية ولا سكنية ولاحتى مزرعة او بيت على الله وعلى راتبة وساكن مع ابوه واهلة في بيت ابوة ومرتاح
ماعرفت شنهو معايير الراحة عندك واترك عنك الحسد والحقد وتاكد 100% انه القطري ولد البلاد لنصرفت له اراضي تجاريه وزراعية وسكنية وصناعية بعد شوي في حقة لانه باختصار يستاهل اما الي مكمل 20 سنه في قطر ولا واحد جاب له هدفين في مباراة وانعطا الجواز كفايه عليه شرف انه يشل اسم قطري واذا القانونين ماتعطية بعض الامتيازات ترا القوانين منصفة في هالجانب

[ابو عادل]

انا اللي باط جبدي ليش ماعندنا ملاهي << الناس وين وانت وين :shy:

[راعي ال VXR]

أيها الإخوة ، يقول الله عز وجل في حديث قدسي : (( أهل ذكري أهل مودتي ، أهل شكري أهل زيادتي ، أهل معصيتي لا أقنطهم من رحمتي ، إن تابوا فأنا حبيبهم ، وإن لم يتوبوا فأنا طبيبهم ، أبتليهم بالمصائب لأطهرهم من الذنوب والمعايب ، الحسنة عندي بعشرة أمثالها وأزيد ، والسيئة بمثلها وأعفو وأنا أرأف بعبدي من الأم بولدها ))
وفي حديث صحيح عَنِ النُّعْمَانِ بْنِ بَشِيرٍ قَالَ : قَالَ النَّبِيُّ صَلَّى اللَّهُ عَلَيْهِ وَسَلَّمَ عَلَى الْمِنْبَرِ : (( مَنْ لَمْ يَشْكُرْ الْقَلِيلَ لَمْ يَشْكُرْ الْكَثِيرَ ، وَمَنْ لَمْ يَشْكُرْ النَّاسَ لَمْ يَشْكُرْ اللَّهَ ، التَّحَدُّثُ بِنِعْمَةِ اللَّهِ شُكْرٌ ، وَتَرْكُهَا كُفْرٌ ، وَالْجَمَاعَةُ رَحْمَةٌ ، وَالْفُرْقَةُ عَذَابٌ ))

[al-bake2002]

انا اللي باط جبدي ليش ماعندنا ملاهي << الناس وين وانت وين :shy:

ابو عادل ممكن تبين لي وين موضع الألم ؟؟؟

[الصريحه]

صح اكثر كلامك ليت الزمان القديم يعود بس
الله يفرج على الجميع

[الألماسي]

انا ابي يعطوني جزيره النخيل و بسوي لبوعادل ملاهي مائيه و جليديه و صحراويه بعد :nice:

على طاري المزارع و وضع اليد . . فتره من الفترات مزرعه صوب بيتنا بقدره قادر صارت مجمع سكني . .!

الله يرزق الجميع . .

[ريم المدينة]

مليت ما عليك منهم وانا اخوك كلامك صحيح والكل معاني من هالوضع هذول الي ردو ناس للحين ما شافو الدنيا ما يعرفون الوناسة شمعناها, يا اخي قبل لنتكلم عنا احنا الكبار شوف الصغار شذنبهم حتى مدينه ملاهي نفس الناس ما عندهم كل وقتهم يضيعونه فالمجمعات ولا بالنت حتى الهند عندهم مدينه ملاهي هذا الله يسلمك يسمونه الاحتكار والحسد ما يبون حد يربح من ورى هالامور الا لحاجه في نفس يعقوب, عيل الي يقولك منظر حظاري بالسباحة بالبحر عيل ان شاءالله شلون تبيه يتسبح ليكون تبيه يلبس ثوب ويسكر الكلر وينزل البحر ولا تبيه يطلع بلنج ويغوص على اللؤلؤ وبيني وبينك الدولة ما كانت دارسة وضع التضخم وترتيب الامور لاستقبال ملايين الاجانب لين ما الفاس طاح بالراس وتوهقو بأتفه شيى والي هو الشوارع والزحمة الي مالها داعي وبرروا موقفهم على ان الأزدحام من اساسيات الدول المتقدمة والمتحضرة, اما بالنسبة حق الي بعمري وعمرك معروف كل خميس قابضين الخط ومسافرين ولا مضيعين وقتنا في اشيا مالها داعي, يا اخي حتى فالمجالس من كثر ما هم متمللين يقعدون يعقرون , الملل صار يفوح منهم غير الدوارة فالشوارع واذا شاف موتر نفس موتره قعد يعطي ريسات حتى يضيع وقت. هذا غير الي يتجمعون عند كفتريا النعيمي عشان شنو عشان كرك ( حليب وشاي ) ما اقول غير الله يكون بالعون ويستر على عيالنا , بالنسبة حق الي يطبلون ويقولوك لك كهربا وماي ببلاش ما اعتقد تطرقون حق هالمواضيع الا لما يصير عددنا مليونين ونص ( قـــــــــــطــــــــري) وقتها تعال من علينا من مكدتك . والسلام ختام


:victory::victory:

اصلا ليش حالة التذمر موجودة؟؟ شاللي خلى الناس توصل لهالحالة؟؟

[بـــــــنت النوخـّــــذه]

:victory::victory:

اصلا ليش حالة التذمر موجودة؟؟ شاللي خلى الناس توصل لهالحالة؟؟



اهو مهب تذمر اختي 00000000000

الشخص الطموح يحب الخير لبلاده ويبغي يعمرها ويبغي ناس يدفعون به للامام لتعميرها بيد سواعد قطريه شابه 000بالعكس عجبني تفكير الاخ انه طموح ويفكر بهذا المنطق ومحروق قلبه لان صارت الاولويات للناس الراهيه واصحاب الواسطات اهي لاحسد ولا شيئ لحد يفهمها من هذا الجانب 000 الاخ حاس ان عنده طاقه وخطط تعميريه ليش سد الابواب جدام هالفئه الناضجه 00000والله انا يعجبني الشاب الطموح الي يفكر جذيه ابرك من انه يفكر وين يسافرووين يصرف فلوسه للعبه 0000

ليش مايعطون المشاريع (الصغيره) يديرونها لشباب قطريين بحيث الشاب يقدم طلب لخطته ويتم الاختيار بالقرعه يمسك مشروع (صغير ويديره) واذا نجح بادارته تعطيه الدوله تسهيلات ولازم عاد تدعمه وتراقبه 0000000 لان الناس الي عندهم مايحتاجون خل يعطون الفرصه للشباب 00000 والله مشروع حلو ان تشكل لجنه للمشاريع الصغيره وتنحط سيوله من التجار الكبار ومن الدوله ويتقدمون الشباب بخططهم والي تقع عليه القرعه يشل المشروع 00(بدون تدخل اي واسطه خلاص عاد ):nice:0

قوم تعاونو ماذلو 0000000
فأكد للبعض ان الموضوع مهب حسد ولا غيره ولا تذمر00اهو بس اعطاء الفرص للشباب والباقي عاد يكفيهم يستريحون بارك الله فيهم 00000

[ضوى]

ايييييييييييييييييه يامليت

عيل انا لو اقول من شنو ملييييييييييييييت بافتح مجلدات ماتخلص

اقول مليت صل عالنبي واذكر الله وقول الله كريم

اللهم صلي وسلم على سيدنا وحبيبنا محمد عليه افضل الصلاة والسلام ، استغفرك يارب واتوب اليك

[العلم الوكاد]

اللهم صلي وسلم عليه

[الـقـاسـي]

والله ياخوي مليت كل كلامك صحيح ..
الواحد فينا لما يدور في قطر يحس بالغربه .. يحس ان الكل ينافسه على بلاده .. معاد يحس بقيمته كمواطن ..
ترى عجزنا وتعبنا من كثر مانقول ترى لو احنا نكره قطر ماكنا اشتكينا ولا انقهرنا على اللي يصير في بلادنا ..

والاعضاء عبدالرحمن ورقم 3
اولا رقم 3 انت حورت كلام العضو مليت وفسرته بالطريقه اللي تعجبك .. انا مستغرب صراحة منك مسوي لي فيها الوطني والفدائي وان انت الوحيد اللي تحب قطر ..
المشكله ان اغلب المسؤولين يفكرون بنفس طريقتك الله لايبارك فيهم ..
يموتون ويضيقون على القطري ويحسدونه غيرهم لو يشفط بالملايين عادي بس اهم شي القطري يتم فقري وماكل تبن طول عمره .. يتفرعنون على هل البلاد والمشكله اغلبهم حبر جوازهم مانشف للحين ومسوين فيها قطريين ..

والاخ عبدالرحمن ..
ياخوي اللي يقرى كلامك يقول سبحان الله .. بس قدم وراكض كم يوم وتطلع لك مزرعه ويعطونك قرض مليون ويشيلون لك الشبك على قولتك ..
اخوي تكذب على من انت علينا ولا على نفسك !!

ناس سنين يراكضون ورى ارض يسكنون فيها مب مزرعه ولا ارض تجارية..
بعدين يلا على ايدك اذا على المراكض انا احلف قدام اللي فالمنتدى كلهم براكض ورى المعامله المده اللي انت تحددها وبنشوف شبيصير فالنهايه ..

اخوي اذا انت واسطاتك واجد ولا فلوسك واجد ترى هل قطر كلهم واسطاتهم مب واجد ولافلوسهم واجد ..

انا ماودي ادعي عليكم انتو الاثنين لكن اللي بقوله حطوا نفسكم مكان هل قطر العاديين اللي على قد حالهم ..

اتمنى من الله سبحانه وتعالى انه يخليكم تحسون شوي وتفتقرون لمده شهر بس وتروح المزرعه وغيرها بس عشان تحسون بمعانة اهل قطر العاديين ..

اللي انتوا تشوفون انهم شكايين ومتذمرين ومب عاجبهم شي ..

خافوا الله وحاسبوا على الكلام اللي انتوا تقولونه قبل لايبلاكم رب العالمين ..

[مليت]

ولا يهمكم انا متعود على هذه الفئات من المجتمع ودايم اقول ما يصح الا الصحيح

[ســـهم]

وضع يد

اممممممممم

في خاطري مكان بروح احط يدي عليه

بس أخاف يسمونه سرقه لأراضي الدوله !!

[الـقـاسـي]

اممممممممم

في خاطري مكان بروح احط يدي عليه

بس أخاف يسمونه سرقه لأراضي الدوله !!

هههههه وين هالمكان بروح احط ايدي مع ايدك

[مضاد]

.

يارك الله يا مليت ....لاتشكيلي ابكيلك :(





والله حاس فيك ياخوك

وبعدين ما ادري اش موضوع النظرة السلبية اللي طالعين فيه بعض الاخوان والخوات

كل من انتقد شي او تكلم عنه قالوا انت سلبي انت نظرتك تشاؤمية انت ما تحب قطر

باقولك شي ترى الكويت ايام الغزو العراقي اكثر اللي شردوا منها اهل المزارع والتجارة

والصناعة والهوامير لانه مامنين انفسهم وما تم فيها الا الانسان البسيط اللي كان ينتقد

وملوعته الدنيا لا ارض زراعيه ولا تجاريه ولا صناعية ولا حتى وظيفة

الكلام اللي قلته صحيح وكأن قطر اصبحت لغير القطريين والمواطن ياتي في اخر الاولويات


هذا الكلام الوكاد :nice:

[بلوتنيوم]

ليست قسوه:)

داريين انها فضفضه وفشة خلق

لكن الفضفضه تفتح الباب للغوغائين للدخول وتأجيج الأمور:)

أنت الله يهداك نقتيف:(

تفائل وصدقني بتلاقي أنه الي انجحو مهب احسن منك في شي:)

انا نقتيف :anger1:
مشكلتي اني متفائل بلا حدود
علشان كذا دايما صدماتي بلا حدود:weeping:
وبعدين ترا النجاحات تختلف من شخص
الى اخر يعني مانقدر نحصرها في مجال ضيق
في ناس لو تقدر تنام الساعه 10
بقلب مرتاح هذا قمة نجاحهم
بعيدا عن النجاحات الاخرى المادية

بس انا اقصد نشوف الدنيا والمشاكل
بموضوعية لا نيقتف ولا ملون ولا ابيض واسود
ونتقبل الاراء جميعها
ونبين الصح ونحاول نتكلم في حلول للغلط
بعيدا عن التطبيل والتهليل
وبعيدا عن البكاء والعويل
اما المؤججين
سوءا من المعسكر A او معسكر B
نحاول نتجنبهم
ولو انه صعبة نتجنبهم:rolleyes:

[عضو المنتدى]

السلام عليكم ورحمة الله وبركاته


في الحقيقه دايم يجي في بالي سؤال

ليش في قطر بذات جميع انواع الملل يعني لو نسوي مقارنه بينا وبين بعض دول الجوار تلاقي فرق السماء والارض

على سبيل المثال من حيث الدعم تلك الدول تمنح اراضي زراعيه وتساهم مع المواطن في الانشاء

ويشهد الله اني احبك يا بلادي


كلامك صحيح أخوي

وقطر ما ينقصها شي الله أنعم عليها بنعم كثيرة والحمد لله على كل حال .


أعرف ناس قدموا على أراضي صناعية ما حصلوا :weeping:

وقدموا على مزارع ما حصلوا:(

وناس تبغي تستفيد من بلادها و تستثمر ألأراضي على البحر ماحصلوا :(

تبغي تقنص ممنوع ..

.تبغي تحط خيمه عائلية لك وأهلك ( ممنوع ) لازم السيلين مع الشباب !:anger1:

تبغي شاليه مع أهلك صار سعره مكلفه وما يسوى .

تبغي رخصه لصيد ألأسماك ممنوعه :weeping:

وتبغي رخص تجارية مثل مطابخ وبعض الرخص المهمة يقولون ممنوع .

في الصيف نويت أشتري طراد من الملل ما حصلت له مكان .

مكان الطراد الخلو ب 70 الف ريال !! :omg:

تبغي تفتح لك محل تجاري راح ياخذ 60% من راتبك ! :(

بعنى لا بر ولا بحر ...

عمرنا ضاع ولا أستفدنا شي بسبب كثرة قوانين المنع إلي ما يقبلها أي عاقل .

يحطون قوانين كأن عدد السكان فوق 20 مليون .

رحت الأمارات على خط السلع تشوف الشاليهات عائلية ما كثرها .

ورحت الكويت شفت الأخيام العائلية في البر لا البيئة ولا خربيطها عندهم .

وما أكثر وسائل الترفيه عندهم وكل الموطنين أستفادوا من ثروة أبلادهم وأماكن الترفية .

ندعوا الله أنه يصلح أحوالنا ويبعد عنا الأنانية والطمع والجهل لكل مسؤول .

[rashid700]

يا جماعة الخير استهدوا بالله
انا بتكلم عني شخصيا ومتأكد ان 50% من هل قطر مثلي بحكم علاقاتي المتواضعه
أولا عندنا زرع وعدنا أرض سكنيه وحده خارج الدوحه يعني في البر والثانيه في الدوحه واستور في الصناعيه بعناه من زمان قبل الطفره ولله الحمد والمنه.
المهم اللي اشوفه ان الوضع في تدني من أدنى الى أدنى ما أدري ليش قعدنا نفكر نبيع البيت والزرع أجرناه والحاله مايعلم بها الا رب العالمين
بس أهم شي ابي أقوله ان حنا لازم ندور عن السبب ونلقى حل سريع للوضع اللي احنا فيه
نشوف لنا حل ونخلي منا النقد والتحسف على اللي فات ونفكر في بكره
وترا من السهل جدا على جهاز قطر او الحكومه بالعربي الفصيح شراء ديون المواطنين
والله يقدرهم على الخير للمواطنين ويعينهم

[ابو عادل]

انا ابي يعطوني جزيره النخيل و بسوي لبوعادل ملاهي مائيه و جليديه و صحراويه بعد :nice:

على طاري المزارع و وضع اليد . . فتره من الفترات مزرعه صوب بيتنا بقدره قادر صارت مجمع سكني . .!

الله يرزق الجميع . .

يابعد راسي والله يالالماسي اسم على مسمى

نبي اليهال يستانسون :victory: