نداااااااء الى هيئه الاشغال ...خاطري انام واصحى؟

[أميرااالذوق]

السلام عليكم ورحمة الله وبركاته...

نداء عاجل الى اشغال؟؟؟؟؟؟

خاطري انام واصحى مااشوف قدامي زحمه...والله تعبنا!

صرناانروح للشغل او للمدارس واحنا في جهاد ماندري نوصل والا ندعم

ملينا يااشغال!

تحويلات +حوادث+صوت اسعاف بشكل يومي

واكثر الحوادث اللي صايره من (((ليسن الواسطه)))

بقولكم عن التحويلات اللي طولت وهي بنفس الحال...

طريق الشمال-طريق الدحيل المؤدي لمنطقة النعيم ومنطقة الخيسه

طريق المسيله طريق المعموره اللي بعد قطرللديكوروطريق 22فبراير والخافي اعظم!

على الاقل قبل لاتشتغلون بالشارع سووا لنا خط نقدر نمشي عليه موب شارع ضيق واذا شاحنه قدامنا لازم نمشي صفر وراها

والااقولك عندي اقتراح جيييد لكم يااشغال كنسلوا مدارس السواقه وخلوا اللي يبي يقدم تراي على طول عالتحويلات اللي مسوينها وصدقوني اللي بينجح بياخذ ليسن ثقيل بعد
يعني مشروع حلووو واتمنى النظر فيه

نبي حل نبي حد يوصل صوتي

وتقبلوا تحياتي والسلام..

[م. عبدالعزيز]

اوكي مع الزحمه نستحمل وننتظر، بس ليش اشغال( بالتعاون مع المرور) ،، ماتسوي خدمه مسجات، انه فيه تحويله بالمنطقة الفلانيه ، او الشارع الفلاني تصكر لازم نستخدم شارع ثاني، علشان ماننصدم من الصبح..

[تحداني]

.. انا لما اقارن زحمه قطر بباقي البلدان ..
احس انه احنه ما عندنا زحمه اساسا ..
بل عندنا .. مليون مطب والكثير من الحفريات .. فقط

.
.
جرب اخي الفاضل ان تخرج من البيت مبكرا ..
وابتعد عن التوقيت المتعارف عليه لدى الجميع ..
كلهم تقريبا يطلعون في وقت الزحمه .. وكلهم يبون يوصلون بنفس التوقيت ..

تتوقع كيف ما تكون هناك زحمه ..


الله يسعدك يارب .. وتتحقق احلامك ...
وتنام وتصحى من النوم... وانت مرتاح ..



.. جملك الله برضى الرحمن ..

[الموضوعي]

ان شاء الله يهتمون بالبنية التحتية مثل مايهتمون بالمدينة التعليمية

[تحداني]

ان شاء الله يهتمون بالبنية التحتية مثل مايهتمون بالمدينة التعليمية



المدينه التعليميه .. بدايه لحرب داحس والغبراء .. ارجوك
مو اكفايه بعض المواضيع الي اختلط فيها الحابل بالنابل ..
ومحتاجين بالسرعه العاجله .. فيصل القاسم .. لفك الصراع ..



.
.
.
اعتذر عن المداخله .. لكن حبيت افضفض ..
وطلعت انت كبش الفداء :) ولا اقصدك بشئ والله



جملك الله برضى الرحمن

[أميرااالذوق]

مرحبا اخي العزيز يسعد لي صباحك ياااارب..

بس اللي حبيت اوضحه انه في زحمه تتحرك وفيه زحمه محلك سر:weeping:

وشرفتني بمرورك الطيب:)

[أميرااالذوق]

:
ان شاء الله يهتمون بالبنية التحتية مثل مايهتمون بالمدينة التعليمية


والدليل خط ابوسمره :nice:

شاكر لك مرورك الطيب

[سهم مرتاح]

السلام عليكم

اشغال والمرور واحد يحفر ويخرب الشارع والثاني يحطلك السرعه 50 و يعطيك مخالفات

الواحد يقعد في البيت احسن له

[الصريحه]

لا بلدنا من غير حفر ومطبات ودواوير وشوارع مسكره ماراح نعرفها

[أميرااالذوق]

اتمنى ...لو يسمحون للطيارات علشان الواحد يروح الدوام من فوق لفوق

بلازحمه وبلاوجع قلب!

شاكر لكم مروركم الطيب:)