بو وجهين .. ام وجهين .. ومواقفكم أخواني الاعضاء/العضوات .. !! تحدث عن تجربتك

[زقرتي ومزاجي]

بسم الله الرحمن الرحيم



قال الله تعالى:
(( ومن الناس من يعجبك قوله في الحياة الدنيا ويشهد الله على ما في قلبه وهو ألد الخصام))


تعاملنا في حياتنا مع مجموعه أشخاص بل عشرات بل مئات الاشخاص
وجدنا في تعاملنا معهم الكثير من المشقات والصعاب ... وواجهنا منهم فئه
تسمى بالمنافقين/ المنافقات ...
هل حدث معكم موقف مع هذه الفئه تحديداً
أخبرنا عن تجربتك أو موقفك .. أخي العضو أختي العضوه



مداخله :-

آه منك يا بوجهين
وجه صافي وجه ضده

تراك بعدك أبو يومين
ايش خليت لبليس وولده

كفاني ما جاء منك بعد أسنين
عشرة عمر وحب وموده

لا تطري اسمي اليوم و بعدين
ما عاد شيء عندي لك ترده

انزاح الغطا وبان الحين
خيانتك وطرياك قلبي يصده



تذكر
قول الله تعالى:
(( ومن الناس من يعجبك قوله في الحياة الدنيا ويشهد الله على ما في قلبه وهو ألد الخصام))

زقرتي ومزاجي

[Mozanee]

صادفونا وايد من هالنوعية ومب مشكلة ,,,المشكلة لو كنا احنا من هالبشر ,,,!!!

[حليتان*]

الحين مافي شي حاظرني


لكن باجر بتررس لك الموضوووع

[::Mo0on'hm::]

ثانكيو فور ذز توبيك

<< اكثر وحده تصير لها مواقف مع امهات ويوه :weeping:

موقف صار لي مع وحده من ربعي.. بالاخص كانت اقرب وحده لي من ربعي

كنت واثقه فيها واايد.. اكثر شي يعجبني فيها انها مشالله عليها حافظه احاديث ودوم تنصحنا بالاذكار الصباحيه والمسائيه<< يعني بالعربي ارتحت لطبيعه هالانسانه

ما كانت تحب تسمع سوالف عن ناس وما كانت تسولف عن حد قدامي ولاترضى ابد ودوم تقول اذا لكم لسان فالناس لها السن


الغريب انها تعرف هاي كله يعني مب جاهله بهالامور وما عتقد في حد جاهل

لكن الصدمه..... ان بعد فتره اكتشف انها تقعد معاي تسولف وعقب تروح تتكلم عني عند غيري
وياليت تتكلم في شي صج صار او شي انا قلته

ياما ياتني نصايح وقالو لا توثقين فحد وبدون ما يذكرون لي من هالحد .. خذت حذري من الكل الا هي

لين الله كشفها وعرفت انها هي اللي تتكلم عني.. وللعلم كانت تعرف ان هالموضوع كان مضايقني على اساس ان من هالشخص اللي تجرا وتكلم عني بجذب ؟ وتنصحني وتقول ما عليج من حد خلج واثقه :secret:



^^ في حد بو ويهين او منافق كثرها؟؟

[زقرتي ومزاجي]

صادفونا وايد من هالنوعية ومب مشكلة ,,,المشكلة لو كنا احنا من هالبشر ,,,!!!




هلا والله ... مطوعه المنتدى

منوره

هذي المشكله .. بس لا يغرج الكلام
مصير الايام تثبت .. هل احنا من هالفئه ام لا

شاكرلج مرورج العطر واذا عندج تجربه عن هالموضوع
تفضلي ... الله يطول عمرج

:)

[سداوي&مدريدي]

ياكثرهم يا زقرتي ومزاجي

صارت لي معاهم مواقف .. لكن الحمد لله قدرت اتصرف :nice:

ودايما اعطيهم طاف " بدون تفكير " :nice:

شكرا على الطرح يالغالي

[زقرتي ومزاجي]

الحين مافي شي حاظرني


لكن باجر بتررس لك الموضوووع



هلا والله ... الغالي (( amaf535 ))

ننتظرك ... على احر من الجمر

ولكم باك الغالي :)

[عاشقة الطاووس]

بالبداية اهنيك على التميز الدائم بالطرح الهادف :victory:

المؤلم في الموضوع ان شخصية بو وجهين ما التقيت فيها الا مؤخراً في عملي

يعني بعد عشرطعش سنة خدمه في مجال وظيفتي اتفاجأ بوجود شخص يحمل هالصفه الكريهه

واللي يقهر في الموضوع اني دايما اسئل نفسي شمستفيدين من ازدواجية الشخصية!!!!!!!

[زقرتي ومزاجي]

ثانكيو فور ذز توبيك

<< اكثر وحده تصير لها مواقف مع امهات ويوه :weeping:

موقف صار لي مع وحده من ربعي.. بالاخص كانت اقرب وحده لي من ربعي

كنت واثقه فيها واايد.. اكثر شي يعجبني فيها انها مشالله عليها حافظه احاديث ودوم تنصحنا بالاذكار الصباحيه والمسائيه<< يعني بالعربي ارتحت لطبيعه هالانسانه

ما كانت تحب تسمع سوالف عن ناس وما كانت تسولف عن حد قدامي ولاترضى ابد ودوم تقول اذا لكم لسان فالناس لها السن


الغريب انها تعرف هاي كله يعني مب جاهله بهالامور وما عتقد في حد جاهل

لكن الصدمه..... ان بعد فتره اكتشف انها تقعد معاي تسولف وعقب تروح تتكلم عني عند غيري
وياليت تتكلم في شي صج صار او شي انا قلته

ياما ياتني نصايح وقالو لا توثقين فحد وبدون ما يذكرون لي من هالحد .. خذت حذري من الكل الا هي

لين الله كشفها وعرفت انها هي اللي تتكلم عني.. وللعلم كانت تعرف ان هالموضوع كان مضايقني على اساس ان من هالشخص اللي تجرا وتكلم عني بجذب ؟ وتنصحني وتقول ما عليج من حد خلج واثقه :secret:



^^ في حد بو ويهين او منافق كثرها؟؟




لا اله الا الله ... ياصدمتج يافلانه

[Mozanee]

أنا أقولك تجربتي يازقرتي المنتدى ,,

في الشغل كنت مرافجة ثنتين وهم كانوا على قلب واحد لأن تصرفاتهم وشخصياتهم وحدة

وانا دخلت معاهم رفجة على أساس كلنا اداريات ومالنا علاقة بالطلاب ,,,ونقعد ونسولف

ومنى عيني لو يطلبون مني شي ,,,

وبعد فترة من صداقتنا حسيت انهم بينهم وبين بعض تقارب وانسجام و يتفقون مع بعض على

مشاوير وزيارات للموظفات اللي معانا من غير ما يقولون لي ,,طيب شنهي الأسباب

ما تدري وعرفت طبعهم جدامي يحبوني ويعزوني ومن وراي حش وعقار

واللي يغتاب يبين من فلتات لسانه وصرت اسمع بينهم نغزات ويتضحكون وعرفت اني مالي

مكان بينهم والعيب مب فيني العيب اني اخترت ناس ما يشبهوني

لأن كل همي أقضي وقت معاهم وما همني أخلاقهم ,, بس عانيت منهم معاناة كبيرة لأنهم

مشوا بالنميمة وعقب فترة وعقب ما افترقنا جات وحدة منهم تبي تعتذر وتبين انها غلطانه

وغير جذي هم أفترقوا وصارت كل وحدة اتيي عندي تشتكي من الثانية

وأنا أقعد أسمعهم وكني أشوف مسرحية ,,,

المفروض ما نختار الا اللي يشبهوني في طبايعنا وأخلاقنا وأنا ما كنت شايفة الشي هذا

لكن غيري كان شايف وقالت وحدة انهم ما كانوا يناسبوني وانهم مستغربين اشلون انا ارافج

هالناس ,, وهالوحدة صارت من أعز صديقاتي ,,,

واذا تذكرت قصة صارت لي ان شاءالله لي عودة

[زقرتي ومزاجي]

ياكثرهم يا زقرتي ومزاجي

صارت لي معاهم مواقف .. لكن الحمد لله قدرت اتصرف :nice:

ودايما اعطيهم طاف " بدون تفكير " :nice:

شكرا على الطرح يالغالي



هلا والله الغالي .. سداوي&مدريدي

ودنا بموقف صارلك مع هالفئه ... يا سداوي&مدريدي

العفووو ... وشاكرلك على هالمشاركه منك :)

[زقرتي ومزاجي]

بالبداية اهنيك على التميز الدائم بالطرح الهادف :victory:

المؤلم في الموضوع ان شخصية بو وجهين ما التقيت فيها الا مؤخراً في عملي

يعني بعد عشرطعش سنة خدمه في مجال وظيفتي اتفاجأ بوجود شخص يحمل هالصفه الكريهه

واللي يقهر في الموضوع اني دايما اسئل نفسي شمستفيدين من ازدواجية الشخصية!!!!!!!




ولكم باك عاشقه ... وضحي لنا الصوره عن تجربتك اكثر http://t1.gstatic.com/images?q=tbn:lRYluabOazx8XM%3Ahttp://img213.imageshack.us/img213/5676/839729lar8.jpg

[زقرتي ومزاجي]

أنا أقولك تجربتي يازقرتي المنتدى ,,

في الشغل كنت مرافجة ثنتين وهم كانوا على قلب واحد لأن تصرفاتهم وشخصياتهم وحدة

وانا دخلت معاهم رفجة على أساس كلنا اداريات ومالنا علاقة بالطلاب ,,,ونقعد ونسولف

ومنى عيني لو يطلبون مني شي ,,,

وبعد فترة من صداقتنا حسيت انهم بينهم وبين بعض تقارب وانسجام و يتفقون مع بعض على

مشاوير وزيارات للموظفات اللي معانا من غير ما يقولون لي ,,طيب شنهي الأسباب

ما تدري وعرفت طبعهم جدامي يحبوني ويعزوني ومن وراي حش وعقار

واللي يغتاب يبين من فلتات لسانه وصرت اسمع بينهم نغزات ويتضحكون وعرفت اني مالي

مكان بينهم والعيب مب فيني العيب اني اخترت ناس ما يشبهوني

لأن كل همي أقضي وقت معاهم وما همني أخلاقهم ,, بس عانيت منهم معاناة كبيرة لأنهم

مشوا بالنميمة وعقب فترة وعقب ما افترقنا جات وحدة منهم تبي تعتذر وتبين انها غلطانه

وغير جذي هم أفترقوا وصارت كل وحدة اتيي عندي تشتكي من الثانية

وأنا أقعد أسمعهم وكني أشوف مسرحية ,,,

المفروض ما نختار الا اللي يشبهوني في طبايعنا وأخلاقنا وأنا ما كنت شايفة الشي هذا

لكن غيري كان شايف وقالت وحدة انهم ما كانوا يناسبوني وانهم مستغربين اشلون انا ارافج

هالناس ,, وهالوحدة صارت من أعز صديقاتي ,,,

واذا تذكرت قصة صارت لي ان شاءالله لي عودة




لي عوده يالمطوعه ... تصبحون على خير
:)

[فرحة الكواري]

اكثر مواقف البوجهين تصادفني في العمل ( بدون ماذكر شي معين )

لان كل الموظفين بيقرون ردي هذا ههههههههه

لكن الواحد يتعلم من التجارب

[babyskin]

للأسف انك ترافج وتساعدهم تقربهم وفي الاخير يطلعون جدامك بويه ووراك بويه
طبعا علامه x عليهم

[بنت العصـيمي]

النفاق كلمة ثانية لوصف ابو وام ويهين

والله يعينا على هالدنيا ياما بنشوف ناس مثلهم

[الصريحه]

اللله يهديهم واجد شفت منهم ومازلت اللله المستعان واسفه اكثرهم من الاجانب للاسف ومع اني واجد زينه معاهم

[زقرتي ومزاجي]

أنا أقولك تجربتي يازقرتي المنتدى ,,

في الشغل كنت مرافجة ثنتين وهم كانوا على قلب واحد لأن تصرفاتهم وشخصياتهم وحدة

وانا دخلت معاهم رفجة على أساس كلنا اداريات ومالنا علاقة بالطلاب ,,,ونقعد ونسولف

ومنى عيني لو يطلبون مني شي ,,,

وبعد فترة من صداقتنا حسيت انهم بينهم وبين بعض تقارب وانسجام و يتفقون مع بعض على

مشاوير وزيارات للموظفات اللي معانا من غير ما يقولون لي ,,طيب شنهي الأسباب

ما تدري وعرفت طبعهم جدامي يحبوني ويعزوني ومن وراي حش وعقار

واللي يغتاب يبين من فلتات لسانه وصرت اسمع بينهم نغزات ويتضحكون وعرفت اني مالي

مكان بينهم والعيب مب فيني العيب اني اخترت ناس ما يشبهوني

لأن كل همي أقضي وقت معاهم وما همني أخلاقهم ,, بس عانيت منهم معاناة كبيرة لأنهم

مشوا بالنميمة وعقب فترة وعقب ما افترقنا جات وحدة منهم تبي تعتذر وتبين انها غلطانه

وغير جذي هم أفترقوا وصارت كل وحدة اتيي عندي تشتكي من الثانية

وأنا أقعد أسمعهم وكني أشوف مسرحية ,,,

المفروض ما نختار الا اللي يشبهوني في طبايعنا وأخلاقنا وأنا ما كنت شايفة الشي هذا

لكن غيري كان شايف وقالت وحدة انهم ما كانوا يناسبوني وانهم مستغربين اشلون انا ارافج

هالناس ,, وهالوحدة صارت من أعز صديقاتي ,,,

واذا تذكرت قصة صارت لي ان شاءالله لي عودة




وعلى نياتكم ترزقون ياموزاني ... شاكرلج صراحتج
وتواصلج الدائم ... لا خلى ولا عدم والله
:)

[زقرتي ومزاجي]

اكثر مواقف البوجهين تصادفني في العمل ( بدون ماذكر شي معين )

لان كل الموظفين بيقرون ردي هذا ههههههههه

لكن الواحد يتعلم من التجارب



ولكم يافرحه :)

بل ياكثرهم في الشغل ... والله صدقتي
تسلمين على الرد الصريح
وودي اذا تقدرين تذكرين لنا موقف معاهم ... تفضلي ..
كلنا اذن صاغيه
:)

[meme~qatar]

دايما
بس خلها بالقلب تجرح
ولا تطلع لبرة وتفضح

[شعنونة قطر]

انا ام وجهيــن http://smils.alhoolm.com/up/adore.png (http://www.alhoolm.com)




الحياه الزوجيه تفرض علي هالازدواجيه

[زقرتي ومزاجي]

للأسف انك ترافج وتساعدهم تقربهم وفي الاخير يطلعون جدامك بويه ووراك بويه
طبعا علامه x عليهم




هذي الحقيقه المره للأسف

babyskin ... شاكرلك هالمشاركه الصريحه

[زقرتي ومزاجي]

النفاق كلمة ثانية لوصف ابو وام ويهين

والله يعينا على هالدنيا ياما بنشوف ناس مثلهم


هلا والله .. بنت العصـيمي ...
وضحي اكثر ..

؟؟؟

[زقرتي ومزاجي]

اللله يهديهم واجد شفت منهم ومازلت اللله المستعان واسفه اكثرهم من الاجانب للاسف ومع اني واجد زينه معاهم



هلا والله .. الصريحه
اذا تقدرين تذكرين لنا موقف معاهم .. شكرا لتفاعلج :)

[زقرتي ومزاجي]

دايما
بس خلها بالقلب تجرح
ولا تطلع لبرة وتفضح



هلا والله ... ميمي
:nice:

[حليتان*]

واايد ناس اذا يبون منك شي او ايام امتحانات

والله التلفون ما يسكت بس لو انت تبي منهم شي

يصكونك السين من قلب

[زقرتي ومزاجي]

واايد ناس اذا يبون منك شي او ايام امتحانات

والله التلفون ما يسكت بس لو انت تبي منهم شي

يصكونك السين من قلب




:weeping: :weeping:

[Mozanee]

وأخطر نوع من بو جهين اللي بالنت ,, يكون عنده نكين واكثر واللي يغير جنسه !!!!!!

والأولي هين بس الثاني !!!!

[حليتان*]

^^^^^^^
صح

[Mozanee]

^^^^^^^
صح

أخخخخخخخخخخخخخخخخخطرررررررر نوع !!!!

ان شاءالله محد يطيح فيهم,,,

[Mozanee]

ونوع آخر ,, البياع يبيعنا احنا القطريين بسعر والاجانب الاسيوين بسعر ارخص !!!!!!!!!!!

[(بوعوف)]

بووجهين بالنسبة لي ...اللي يدعي أنه صالح ونقي وورع ودايما يسوي نفسه مدين
ومطوع واهو اصلا داخليا العكس ...صحيح
اللي يتوشحون بالدين ليخفون حقيقية نفوسهم علشان يحققون جذب كاذب للناس صوبهم
الصورة عندهم اهم من اللي بالداخل

[شموخ قطريه]

بالهبل هالمواقف صارتلي

لكني ماارجع واقول ليش قلت وليش عملت

دليـــــــــــــــــــــــــــــت على طول بدون اي مقدمات طبعا بعد التاكد من صحة الكلام

والله ولاافتكر ولااعوار قلبي

الله يبعدنا عن هذي النوعيه

[زقرتي ومزاجي]

ونوع آخر ,, البياع يبيعنا احنا القطريين بسعر والاجانب الاسيوين بسعر ارخص !!!!!!!!!!!




عبالهم اهل قطر ... عندهم محطه بترول في البيت

[بنت^البحرين1]

آآآآآآآآآآآآآآآآآآآآه من هالناس والله

بكل أسف كانت عندي رفيجة توأمي الثاني والله في كل شي. البيت والسوق والجامعة والمناسبات وكل شي عرفتها على هلي وتيي تقعد مع امي حتى لما اكون راقدة والا محد .. وعقب يابتها طعنة جااااااااااااااامدة في ظهري .. تأكدت وتيقنت وماخليتها بقلبي واجهتها وبردت خاطري .. بس لليوم كل ماتذكر الموضوع احس بكتمة في خاطري انها ليش سوت جذي .. مع ان يوم واجهتها صاحت وتعذرت وقامت تحلف وتقسم.. بس انا صراحة خلاص عافتها نفسي وقامت هي تحاول تصلح الموضوع بس انا خلاص لحد ماقطعتها خيرشر.. لكن مانكر ان تذكري للموضوع يعور قلبي اني تعاملت مع انسانة ماقدرت ولا احترمت العلاقة والاحترام اللي عاملتها اياه


والحمدلله اني قطعتها ومب ندمانة

[زقرتي ومزاجي]

بووجهين بالنسبة لي ...اللي يدعي أنه صالح ونقي وورع ودايما يسوي نفسه مدين
ومطوع واهو اصلا داخليا العكس ...صحيح
اللي يتوشحون بالدين ليخفون حقيقية نفوسهم علشان يحققون جذب كاذب للناس صوبهم
الصورة عندهم اهم من اللي بالداخل





هلا والله ... بوعوف

منور

شخصيه بوجهين تبين في الحياه عامه .. سواء كان مطوع ولا شخص عادي

وعلى هالطاري ... سمعت من الربع من فتره صايدين واحد
لحيته لين سره ... ويبيع حشيش ويدق عود
لكن مب بالضروره ان كلهم نفس الطريقه ... في مطاوعه
الواحد يرتاح لهم من أول مره


بوعوف شاكرلك تواجدك الكريم

:)

[زقرتي ومزاجي]

بالهبل هالمواقف صارتلي

لكني ماارجع واقول ليش قلت وليش عملت

دليـــــــــــــــــــــــــــــت على طول بدون اي مقدمات طبعا بعد التاكد من صحة الكلام

والله ولاافتكر ولااعوار قلبي

الله يبعدنا عن هذي النوعيه




لي عوده ان شاء الله تصبحون على خير

[سداوي&مدريدي]

هلا والله الغالي .. سداوي&مدريدي

ودنا بموقف صارلك مع هالفئه ... يا سداوي&مدريدي

العفووو ... وشاكرلك على هالمشاركه منك :)

ههههههههههههههههههههههههههههههههه

الله يستر عليهم يالغالي :secret:

[STAR]

زقرتي ومزاجي ‏
..جبتها ‏
عالجرح ‏
تدري‏‏
وين أكثر مكان صادفتهم؟ فالمنتدى
يقعد الواحد يسوي نفسه مدين وعاقل‏‏
وأخرتها من تحت لتحت

[Mozanee]

بووجهين اللي يدعي الهيبة وانه صاحب جاه ورزة وهو عنده ما عند جدتي !!!

[زقرتي ومزاجي]

بالهبل هالمواقف صارتلي

لكني ماارجع واقول ليش قلت وليش عملت

دليـــــــــــــــــــــــــــــت على طول بدون اي مقدمات طبعا بعد التاكد من صحة الكلام

والله ولاافتكر ولااعوار قلبي

الله يبعدنا عن هذي النوعيه


هلا والله .. شموخ .. :nice: :nice: