البروكرز [الأرشيف] - منتديات شبكة الأسهم القطرية

مشاهدة النسخة كاملة : البروكرز

roadrunner

11-04-2005, 08:56 PM

السلام عليكم...

يا جماعة ... انا اتعامل مع المجموعة .... واحاول اني اتصل من اليوم الصبح ... من الساعة 8 الصبح لغاية الساعة وحدة الظهر.... ومن الساعة 4 العصر لين الساعة 7:30 بالليل ... ومع هالشي محد يرد على التلفونات نهائي .... مادري ... صاير شي ..... هل جايتهم اوامر انهم مايردون على التلفونات عشان يوقفون النزيف الي صاير بالسوق ويردونه لطبيعته ويتوازن مرة ثانية ..... على فكرة ... تراني ماعندي شغل متصل لهم ... بس حبيت اتأكد من صاحبي الي قال لي عن هالمعلومة... وفعلا الموضوع فيه إن ...... مادري ياشباب ... ممكن حد يتأكد لنا من هالموضوع .. وخاصة الشباب الي عندهم بروكر يتعاملون معاه عن طريج الجوال.

ولكم سلامي

الاستشاري

11-04-2005, 09:03 PM

السلام عليكم

اخوي عنهم ضغط شديد لدرجة الخطوط مشغوله من قلب !

غير جذيه لو رحت سوق الدوحه الاوراق الماليه بعد زحمه . والمجموعه عندهم فرع بسوق الدوحه الاوراق

الماليه بدور الاول زحمه على كيف كيفك .. وعندك بعد على طريق سلوى بعد زحمه وعلى تقاطع المانع بعد هم

زحمه ... هالايام عليهم ضغط جامد يا اخوي .

وتحياتي لك

احمد

11-04-2005, 09:10 PM

اللى أشوفه من يوم الأحد فى فرع طريق سلوى زحمة داخل المبنى ..الكل يحاول يسبق غيره فى أدخال طلب بيع الناقلات وبسعر اللمت داون...والكل يتهاوش مع اللى يدخل البيانات.

أبو عبدالعزيز

11-04-2005, 09:15 PM

بالفعل الإزدحام شديد بالمجموعة
وبالأمس العصر رحت فرع طريق المطار الساعة 4.20 عصرا وما دخلت لما شفت كثرة السيارات
ورديت فرع السوق ولما اقتربت من مكتبهم وشفت العالم اللي فيه رديت أيضا ، وقلت سبحان الله كلهم الظاهر مثلي يبغوا يبيعوا على اليمت داون

roadrunner

11-04-2005, 09:47 PM

اها ..... وانا اقووووول ..... انا بيتي عند المجموعة الي على طريج سلوى ..... لما امر من صوب المجموعة اشوف زحمه من قلب ... بس ما توقعت ان الخطوط تنشغل حتى بالليل..... بس يالله ... ما اقول الا الله يهدا الجميع ....

بروكر

11-04-2005, 10:55 PM

لقد طلبت منهم ادارة السوق من تعديل اوضاعم لتقديم افضل الخدمات. والصراحة انا اشوف بروكرز غير غادرين على اسيعاب اللي صاير...فاي تجهيزات قاموا بها....
وفعلا انا اتصل كل يوم ومايردون....
تروح لهم تلقا الذبحة والناس فوق بعض....عجايب

حبيـ M ـبها

11-04-2005, 11:56 PM

يالربع خلونا نحسبها شوي كم الحين عدد المساهمين في البورصة ..

ولو فرضنا بس اللي في المجموعه بس 30 الف ولو قلنا بس 10 الف واحد يتصل

فجد الله يعينهم وعمرهم ماقصروا مع حد ..

وان شاء الله توفقون معاهم

بروكر

12-04-2005, 12:50 AM

اتمنى ان يتم تحسين وضع شركات الوساطة وان تتبنى نظام عالمي متطور

الاستشاري

12-04-2005, 02:13 AM

:rolleyes:
اتمنى ان يتم تحسين وضع شركات الوساطة وان تتبنى نظام عالمي متطور

اللهم امين ..

عبدالرحمن المعضادي كلمة شخصياً قال بيفتح فرع في الغرافة يعني من صوب اللاند مارك

وانشاء الله يسوون المشروع علشان اتخف الزحمه انشاء الله

وتحياتي لكم
:rolleyes: