افيدوني افادكم الله

[الجــازي]

السلام عليكم ورحمة الله وبركاته

أخواني الكرام .. أنا شريت امس اسهم الناقلات السهم كان بــــ 67،4 واليوم سار 64،10 :confused: بماذا تنصحوني ؟؟؟

انصحوني جزاكم الله بكل خير يارب



أختكم في الله وبنت بلادكم :(

[أبو عبدالعزيز]

استعجلتي
وانتظري إذا حبيتي تبيعي

[قطريه فديتني]

حياج الله أختي الجازي

أنا من رأي أنك تحتفظين بالسهم إذا إنتي مش محتاجه الحين وإنشالله السوق راح يرجع لسابق عهده إنشالله

بس المسأله يبيلها صبــــــر .. هذا رأي وشوف رأي الأخوان اللي معانا :)

[بوخليفة]

نعم اختي الجازي
اصبري واتركيه استثمار طويل
السهم راح ينزل الى مستوى قريب من 50 ريال
لكن لاخوف عليك
فالسهم يعتبر كنز
احتفظي بالسهم وانشالله ستجنين الربح الكثير
واذا عندك سيوله زيدي الكمية اذا وصل بحدود ال 50

[الاستشاري]

شراء اسهم الناقلات في الوقت الراهن حرام الى 1/6/2005 مادام شريته بيعه وطلعي ارباحج

وزكيهم لصالحج والله ..

لكن احب اوضح للناس والله مستغرب اللي يشترون ويبون الناقلات والله حرام عليهم

لان اليوم كان العرض على مليون 262 و 20 سهم تقريبا معروض للبيع وطلب غير متوفر ؟؟

لان عارفين الشراء حرام ..

الجازي هي نصيحه لله عزوجل اللي شريتي بيعيه بنفس السعر اللي شريته بنفس السعر ..

لكن اذا تبين فايده وارباح .... :)

بس المشكله الارباح مش لصالحج لان حرام لازم تزكينها وتتصدقين يا الجازي .

والناقلات بتنزل وبذكركم ... وانتم بكيفكم ...

وتحياتي لكم .. ومع السلامه .

[الجــازي]

الف شكرا لكم جميعاااااااااا على مروركم الكريم


واحب استشيركم هل ابيعه 60 ورجع اشتري إذا سار 50 ؟؟؟؟


بماذا تنصحوني ؟

[الجــازي]

أخي الكريم الاستشاري جزاك الله كل خير

يا أخواني أنا جديده في سوق الاسهم ولا اعرف اي شي عنه :( وانتظر مساعدتكم لي ونصحكم


أختكم في الله

[الاستشاري]

الف شكرا لكم جميعاااااااااا على مروركم الكريم


واحب استشيركم هل ابيعه 60 ورجع اشتري إذا سار 50 ؟؟؟؟


بماذا تنصحوني ؟



من وجهة نظري يا اختي بيعة على سعر اللي شريته 60.40 ولا تشترين لان كله نزول

ونزول تدريجي و قوي وانا انصحج لاتشترين لان حرام !

يحق لج تشترين 1/6/2005 في هذا التاريخ تقدرين تشترين وتبيعين بنفس الوقت ..

واحنا حاضرين لج والاخوان موجودين ما يقصرون أنشاء الله

وتحياتي لج

[الجــازي]

أخي الكريم الاستشاري

شلون ابيعة بالي شريته به وانا شاريته بــ 67،4 وهو الحين 64،4 وهذا اذا مانزل بكره بعد ... يعني هل ابيعة بخساره ؟

[بيـــزات]

اختي الكريمه

ما دام انج شريتي.. فلا حول ولا قوة الا بالله

وانا من رايي انج اذا قدرتي تبيعين السهم وتصيدينه تحت الخمسين زين

ما قدرتي تبيعين خليه عندج واذا قدرتي تاخذين من بعد ما ينزل .. بعد زين..

وانا بصراحه مع الفتوى .. لكن هذه خيارات وانتي استخيري

والخيره في ما اختار الله

بالتوفيق

[الجــازي]

الف شكر لك أخي الكريم بيـــزات على مرورك وعلى نصحك :(

[الاستشاري]

أخي الكريم الاستشاري

شلون ابيعة بالي شريته به وانا شاريته بــ 67،4 وهو الحين 64،4 وهذا اذا مانزل بكره بعد ... يعني هل ابيعة بخساره ؟

:d

السموحه والاعتذار يا اختي

أقصد بيعيه علىا السعر شريته بسعر 67.4 يا اختي

وانا اسف على الخطا .....

ان الله مع الصابرين ولا تبيعينه بخساره ..

وتحياتي

[ملك الناقلات]

اخي الاستشاري
كيف حرام
واشمعنا تاريخ 1/6

[qatary1]

الله يعينج يالجازي
الشرا الحين بسهوله
لكن المشكلللللللللللله البييييييييييييع
لو تحطين بسعر اللمت داون ماراح تقدرين تبيعينه
خليه عندج ابرك بس يقولون حرااااام
موقفج لايحسد عليه

[بيـــزات]

ملك الناقلات
لان ((قال الدكتور القره داغي إن التداول في أسهم ناقلات بيعاً وشراء لا حرج فيه اعتباراً من أواخر مايو أو أول يونيو حيث ستصبح الشركة ذات أصول تزيد على نسبة خمسين بالمائة من رأس المال.

http://www.qatarshares.com/vb/showthread.php?t=2926

[الاستشاري]

ملك الناقلات
لان ((قال الدكتور القره داغي إن التداول في أسهم ناقلات بيعاً وشراء لا حرج فيه اعتباراً من أواخر مايو أو أول يونيو حيث ستصبح الشركة ذات أصول تزيد على نسبة خمسين بالمائة من رأس المال.

http://www.qatarshares.com/vb/showthread.php?t=2926



مرحبا


اشكرك يا اخوي بيزات على التوضيح علشان يعرف اخوي ملك الناقلات

وعلشان أعضاء المنتدى يعرفون أكثر انه حرام الشراء .

وانا كلمت الاخوه والاخوات على هذا الموضوع , الناقلات حرام الشراء قطيعا ً

الا بعد 1/6/2005 بأذن الله تعالي لكم الحق بالانتفاع بالبيع والشراء .

ويعطيكم الف عافيه والخير جاي لكم أنشاء الله

وتحياتي لكم ... :rolleyes:

[المراقب]

حرام الشراء، هل الذي اشترى أيضا بي 5 ريالات حرام؟

الي فهمته يجوز الشراء والبيع بالسعر المشترى به. يعني لو اشتريت بي 50 تبيع بي 50
ولا يوجد حرمة بالمطلق.

ما أدري إذا كان فهمي صحيح.

والله أعلم.

[ابدوية]

حياج الله أختي الجازي

أنا من رأي أنك تحتفظين بالسهم إذا إنتي مش محتاجه الحين وإنشالله السوق راح يرجع لسابق عهده إنشالله

بس المسأله يبيلها صبــــــر .. هذا رأي وشوف رأي الأخوان اللي معانا :)


أختي الكريمة الجــازي

أنا مع أختي قطرية في كلامها أنتظري ولا تستعجلين وإن الله مع الصابرين


قلبي معك يا أختي الكريمة :)

[بنت الاجاويد]

اختي الجازي
انا من رايي انج ما تبيعينه خليه لين السنه الجايه و اكيييييييييييييد بإذن الله بيرتفع ولو انج محتاجه بيعي اليوم:(

اتمنى لج التوفيق

[كحيلان]

الجازي عزالله نشبتي لسهم فيك الحين اتشوفين السوق نازل وانتي تشترين!عجيب امرك الا اذا كنتي مليونيره هذا شي ثاني

[الدانة عنود]

الجازي بيعيه وشتريه مره ثانيه ارخص

[الطيف المسافر]

مرحبا الجازي

ما درام انج شريتي بسعر 67

من رايي انج ما تبيعين احتفظي بالسهم حتى اذا وصل ل 50

بس اكيد راح يرتفع فووووووووووووووووووق

[كحيلان]

اللي يسمع كلامك ياالدانه يقول السوق على كيفنا.الحين تشتري سهل تبيع صعب الا اذا عندك واسطه تكفين لا تبخلين علينا. ايه يالقازي بعتي ولا لسا؟

[الجــازي]

شكراااااااااااااا لكم جميعا على مروركم الكريم


لا والله يا اخوي كحيلان مابعت ولا اظن اني بابيع ... :)

[مضارب دبلوماسي]

الله يهداج شريتي بغالي انتظري لا تبيعين المفروض اللي يبي يشتري ينتظر لين الكمية تقل يعني لين الكمية والعرض متوازنين

والله يعوضج خير .

[كحيلان]

عندي احساس يالجازي انك ماشريتي بس حابه تأكدين قبل ماتشترين من بعض الأجوبه واتمنى انك الى الان ماشريتي لأنك راح تشترينه عن قريب 20 ريال

[الجــازي]

:( شسوي يا خوي مضارب دبلوماسي غشيمه وتوني عليميه بس ربك كريم


الله يسامحك يا اخوي كحيلان :( والله اني شريت السهم بــ 67،4 ريال ... عموما مشكور

[مغروور قطر]

اختي الجازي


السلام عليكم ورحمة الله وبركاته ,,,

انا اقول لج مبروك والله ان شاء الله يعطيج على نيتج وتربحين ان شاء الله اذا استثمارج طويل الاجل ماكو خساره وان شاء الله اربح قادم بس اختي العزيز قبل ماتشترين لازم تتأكدين من وضع السوق وتقرين السوووق بتمعن قبل خطوة الشراء ولكن اتمنى انج تنسينها وتخلينها طويل الاجل وسهم ماعليه اي خوووف لانه سهم استراتيجي وقائد في البورصه ،،

ومبروك وتستاهلين

تحياتي لج

[كحيلان]

الجازي بما انك قلتي والله انشاءالله تبيعين اللي67 ب700رياااااااااااااااااااااااال وماكنت اقصد شي والله

[الجــازي]

مغروور قطر .. وعليكم السلام ورحمة الله وبركاته ......

الله يبارك في عمرك اخي الكريم مغروور قطر ... وش اسوي ياختك قلت لك عليميه في السوق :) .. بس هذا درس لي وإن شاءالله اتعلم منه .. وجزاك الله خير :) .

اخوي كحيلان :) الله يسمع منك ويوفق الجميع يارب ..

[المراقب]

أختي لا تقلقي كثير، فهناك 5 ملايين سهم بيعت بسعر متوسط 70.90، ولولا الكم الهائل من المعروض لوصل لتجاوز السعر 100 ريال.

[بروكر]

الله اعلم ..بس لو انتظرتي كما قال المشايخ

[الجــازي]

:) الله كريم يا أخي المراقب


مكتوب يا أخوي بروكر

[ابدوية]

توكلي على الله يا اختي الجــازي .. وصدقتي كل شئ مكتوب :)