ظاهره غريبه...وتفشل في نفس الوقت...!!!!

[Bro]

السلام عليكم ورحمة الله

اليوم حبيت اخذ رايكم في موضوع او شرايكم فيه بكل معاييره

خل اقول لكم السالفه

اتصل لي راعي المعرض..موتري صاف عنده (نيسان بترول) وقال لي الموتر انسام بكذا وانفحص ..المهم اتفقت على البيعه وتوكلت على الله..وبعت الرجال

جيت المعرض عاساس اوقع واخلص الرجال..الرجال قال لي:

ابي اغراض الموتر من سيتات ورا الى اغراض الوكاله اذا عندك ... وسبير الموتر

:eek5::eek5:

قلت له حاظرين السيتات والمسجل لكن انا ماعندي الا سبير واحد..قال ايه وينه

هو قال وينه؟؟؟؟؟؟؟؟


واروح اشيك الا السبير بيباي...مسروق

راعي المعرض..ماشفته...!!

العمال...ماشافوه...عسى ماشر طار؟؟؟


اكتشفت انه انسرق والموتر فالمعرض

طبعا..الرجال خصمت له قيمة تاير ورنج جديد..عاساس مايكون فخاطره شي ويستلم كل شي كامل...


ومشيت وانا افكر..شدعوه..بتسرق اسرق جمل..سبير والطريق


انتهى الموضوع..لاحول ولا قوه

بكره رحت مع اخوي لمعرض ثاني..يبي يشوف موتر سامع عنه..اول ماوصلت ادور عالموتر طالعت سبير الموتر..مب موجود قلت يمكن منزله راعيه والا العمال؟؟


سالت راعي المعرض قال لي لا والله...انسرق؟؟؟؟؟؟:omen2:
واكثر من سياره بعد
انا هني ..؟؟

وليش..

سؤال..من يوقف هذي الاشكال ومن يحاسبهم..حلال الناس مب لعبه تعال شي لاحسيب ولا رقيب

ليش مايكون فيه دوريات رايحه راده,, تراقب وتحاسب وتوقف المخربين عند حدهم

وهل فيه جهه نلجا تحقق في هذي الظاهره؟؟؟؟؟؟ عل وعسى نساهم في ايجاد الحلول؟؟

ولاحد يقول الشرطه..بيقولون شدعوه مقدم شكوه عشان سبير..وتعال محضر وتحقيق وبصمات..وان بلغت..بينسرق باقي الموتر ليلحين مالقو للسالفه بال..


مع احترامي لاخواننا مايقصرون..بس الحق ينقال..

هذا غيض من فيض..من بعض السلوكيات الدخيله اللي ماعمرنا سمعنا عنها ولاشفناها الا هالسنوات القليله الماضيه


مع كل الود

[خيال شمر]

مرحبا اخوي
نفس الشي صار مع معرض القمة انا كنت رايح المعرض الي جنبهم معرض الجوارح ولا الناس مجتمعين عند موتر قربت شسالفه يالربع ولا طلع استاندر وواقف على الطابوق شسالفه شفيه ولا السالفه نفس سالفتك بس على كبير مشلحين الاربع رنجات . . . حسبي الله عليهم

[بويعقوب]

الله يهديك خوفتني اليوم باروح اشيك على موتري اذا سبيره مسروق ولا موجود !!
الصراحة الغلط من المعرض المفروض يفك اي شئ سهل و قابل للسرقه.
والمفروض تخصم المبلغ من عمولة المعرض علشان يعرف ان الغلط من اهمالهم .
ومبروك على البيعه
وان شاء الله احصل سبير موتري موجود

[شبيــه الريح]

غريبه والله اكيد عصابه ويبيعونها على المحلات اللي بطريق سلوى بس لازم تتكثف الدوريات والبحث الجنائي

يقبض عليهم ولاتسكت اخوي لو كل واحد اشتكى صدقني بشوفون شالسالفه اما تسكت اهو مب علشان اسبير

وبنقول مايسوى اليوم سبير بكره الموتر بكبره لاتسكت على الاقل سجل بس محضر وانت وكل واحد صدقني

بتخلون الشرطه يشوفون لهم حل على الاقل يحطون بالتاير حديده علشان محد ياخذ شي او يوفرون لهم اماكن

داخل المحل

[لوسيل]

هي جات على سبير الله يهدااااااااااااااااااك

الحين قاموا يبوقون مواتر بكبرها ويغيرون اللوحات ومعالم السيارة من خطوط ورنقات ... يقول للمعرض عطوني مفتاح الموتر باشوفه من داخل ويطلع معاه الهندي والظاهر يرجع مفتاح ثاني وليصكر المعرض يدق سلف وعينك ماتشوف إلا النور :)


وإذا صادوه يطلع بعدها بكفالة ويستمر على نفس المنوال

[بويعقوب]

انا عندي حركه وان شاء الله بنمسك الحرامي بس لازم الشرطة تتعاون معانا
قبل لاحد يعرض موتره وطبعا سبير علاق ( الاسهل للسرقه )
نركب داخل التاير (يوني جب ) قطعه الكترونية تحدد مكان التاير .
بس الموضوع يبغيله متابعه يعني اول مانكتشف ان التاير انسرق نبلغ الشرطه ويتتبعون مكانه
والحل الثاني ان المعارض يركبون كيمرات داخليه تصور واجهة المعرض .

[هذلان]

السلام عليكم


قبل كم يوم نزلت موتري في معرض صدمني راعي المعرض يوم قالي تنزل الموتر على مسؤوليتك ؟؟
قلت له مافهمت يعني شلون على مسؤوليتي . قالي يعني اذا انسرق الموتر مانتحمل المسؤوليه ؟
قلت له يا رجال تقصد اذا انسرق من الموتر شي قالي لا احنا ننزل كل شي من الموتر . انا اقولك عن الموتر بكبره اذا انسرق تحت مسؤوليتك و المعرض ماله خص ؟
فلت له ليش انا منزل موتري في البر ؟
قالي صارت اكثر من مره . و كان رافض انه يتحمل مسؤوليه .
نزلت الموتر عنده و الشكوى على الله

[بويعقوب]

السلام عليكم


قبل كم يوم نزلت موتري في معرض صدمني راعي المعرض يوم قالي تنزل الموتر على مسؤوليتك ؟؟
قلت له مافهمت يعني شلون على مسؤوليتي . قالي يعني اذا انسرق الموتر مانتحمل المسؤوليه ؟
قلت له يا رجال تقصد اذا انسرق من الموتر شي قالي لا احنا ننزل كل شي من الموتر . انا اقولك عن الموتر بكبره اذا انسرق تحت مسؤوليتك و المعرض ماله خص ؟
فلت له ليش انا منزل موتري في البر ؟
قالي صارت اكثر من مره . و كان رافض انه يتحمل مسؤوليه .
نزلت الموتر عنده و الشكوى على الله

ممكن تطرش اسم العرض على الخاص
علشان ماتعب نفسي واعرض موتري عنده

[@north_star@]

انا اللى اعرفه انه المعرض هو المسؤل عن الموتر دامه واقف عنده وحتى لو انباق منه اي شي بيتم تحت مسؤلية المعرض
يعني لو انباق الموتر بكبره بتترك راعي المعرض؟؟!!!! والله يبعد عنا هالاشكال

[شوبارد]

انا صراحه ما يعجبني الا عبد الغني ساحة التويوتا محوطه وعليها حارس سكيورتي بعد,,,بس هذا يراعي حلاله وللأسف المعارض ما تراعي حلال الناس والمطلوب فرض مسؤوليه وشروط على اصحاب المعارض وشروط جزائيه من جهة حكومية.

[جاسم القطري]

باااااااااااااااااااال

شصار في قطر

وين قبل الموتر ما ينقفل ولاحد يقرب منه


بس والله قهر شدعوه ينباق الموتر ولا شي منه والمعرض ماله خص

عيل له خص في الفلوس يبي عموله وماله خص انه يتحمل على حلال الناس


خل يحط له سكيورتي بالليل ما بيكلفه شي

[qatar.com]

كل واحد يركب له قفل العادي على السلسلة مالت السبير والسرقة شباب يوقفون مواترهم قدام مركز الشرطة نجي نلقى مسروق منها

[bo3ouf_at]

مع احترامي للمعارض أنا أشوف ان المسؤولية عليهم, الشرطة مالها خص بمثل هذا الموضوع, سواء انسرقت السيارة بكبرها أو قطعة منها في الاخير المعرض هو الوسيط والمؤتمن على السيارة حتى يتم بيعها لذا على وزارة الاقتصاد وحماية المستهلك وغيرها من الجهات المختصة التدخل بقانون أو بند في العقد يحمل صاحب ترخيص المعرض المسؤولية الكاملة’ في هذه الحالة راح انشوف كل المعارض مركبه كاميرات ولو صار اللي صار وانسرق برغي منها, هنا راح يجي دور الشرطة بالتدخل والتحقيق
وشكراً على هذا الموضوع الأكثر من روعه

[فهد111]

:weeping::weeping:
مرحبا اخوي
نفس الشي صار مع معرض القمة انا كنت رايح المعرض الي جنبهم معرض الجوارح ولا الناس مجتمعين عند موتر قربت شسالفه يالربع ولا طلع استاندر وواقف على الطابوق شسالفه شفيه ولا السالفه نفس سالفتك بس على كبير مشلحين الاربع رنجات . . . حسبي الله عليهم

شفته الله يعينه

[2010]

.. حـــاميــــــها حـــــــرااميــــــــها ..

^_^

[فهد111]

انا نسرق مني موتر من قداام التموين العائلي الي في الريان قداام عيني نزلت لمحل الفيديو واول ماطلعت لقيت واحد راكب موتري وداعس الصبح الساعه 10 ولقوه الشرطه في المعيذر الساعه 3 العصر مبطله بيبانه الاربع
ومافيه مفتااح :weeping:

بس الحمدلله لقووه :nice: :anger1:

[anmfh]

هذا غيض من فيض..

اعتقد هذي النقطه الاساسيه وياكثر السرقات في شتى المجالات والسبه النقطه اللي فوق

ياخي حتى التخريب يتم

تخيل تكون موقف موترك في مغسله وترجع له تحصل ارايل موترك مكسره كلها ...

وتسأل يقولون مادري

وهذي الظاهره انتشرت عندنا

وصارت معي ومع اغلب الربع

والسبه



هذا غيض من فيض..

دمتم

[بو عيسى]

والله ياجماعة الخير انا اقول معرض عن معرض يفرق اكيد كل المعارض لها سمعتها سواء كانت ايجابيه او سلبيه يعني انا بعت وشريت بالمواتر ولله الحمد ماصارت معاي هالسوالف يمكن المعارض اللي تتكلمون عنها((معارض اي كلام)) ودمتم بود

[رذاذ]

انا عندي حركه وان شاء الله بنمسك الحرامي بس لازم الشرطة تتعاون معانا
قبل لاحد يعرض موتره وطبعا سبير علاق ( الاسهل للسرقه )
نركب داخل التاير (يوني جب ) قطعه الكترونية تحدد مكان التاير .
بس الموضوع يبغيله متابعه يعني اول مانكتشف ان التاير انسرق نبلغ الشرطه ويتتبعون مكانه
والحل الثاني ان المعارض يركبون كيمرات داخليه تصور واجهة المعرض .

كلامك جوهري 100%

[Bro]

مرحبا اخوي
نفس الشي صار مع معرض القمة انا كنت رايح المعرض الي جنبهم معرض الجوارح ولا الناس مجتمعين عند موتر قربت شسالفه يالربع ولا طلع استاندر وواقف على الطابوق شسالفه شفيه ولا السالفه نفس سالفتك بس على كبير مشلحين الاربع رنجات . . . حسبي الله عليهم

اي والله سمعت عن السالفه..:anger1:

حسبي الله ونعم الوكيل

[Bro]

الله يهديك خوفتني اليوم باروح اشيك على موتري اذا سبيره مسروق ولا موجود !!
الصراحة الغلط من المعرض المفروض يفك اي شئ سهل و قابل للسرقه.
والمفروض تخصم المبلغ من عمولة المعرض علشان يعرف ان الغلط من اهمالهم .
ومبروك على البيعه
وان شاء الله احصل سبير موتري موجود

اي والله يحق لك..وانكان لقيته نزله داخل الموتر او فالمعرض داخل

الله يبارك في عمرك اخوي..وان ماحصلت سبير موترك..حاظرين ندبر لك سبير ماعندنا شغل هالايام الا نشتري سبيرات :omen2:

[برشلوني قطر]

السلام عليكم


قبل كم يوم نزلت موتري في معرض صدمني راعي المعرض يوم قالي تنزل الموتر على مسؤوليتك ؟؟
قلت له مافهمت يعني شلون على مسؤوليتي . قالي يعني اذا انسرق الموتر مانتحمل المسؤوليه ؟
قلت له يا رجال تقصد اذا انسرق من الموتر شي قالي لا احنا ننزل كل شي من الموتر . انا اقولك عن الموتر بكبره اذا انسرق تحت مسؤوليتك و المعرض ماله خص ؟
فلت له ليش انا منزل موتري في البر ؟
قالي صارت اكثر من مره . و كان رافض انه يتحمل مسؤوليه .
نزلت الموتر عنده و الشكوى على الله


ههههههههههههههههههههههههههههههههههههههه

والله مشكله.. لا تعلييييييق

[Bro]

غريبه والله اكيد عصابه ويبيعونها على المحلات اللي بطريق سلوى بس لازم تتكثف الدوريات والبحث الجنائي

يقبض عليهم ولاتسكت اخوي لو كل واحد اشتكى صدقني بشوفون شالسالفه اما تسكت اهو مب علشان اسبير

وبنقول مايسوى اليوم سبير بكره الموتر بكبره لاتسكت على الاقل سجل بس محضر وانت وكل واحد صدقني

بتخلون الشرطه يشوفون لهم حل على الاقل يحطون بالتاير حديده علشان محد ياخذ شي او يوفرون لهم اماكن

داخل المحل

كلامك اكيد .. والبناشر مستفيدين يبيعون بو 100 بــ 500..

بس مثل ماقلت..الشرطه وين بيحصلون التاير..مافيه لا رقم ولا شي مثله مثل ألف غيره

[الشاااهين]

السلام عليكم


قبل كم يوم نزلت موتري في معرض صدمني راعي المعرض يوم قالي تنزل الموتر على مسؤوليتك ؟؟
قلت له مافهمت يعني شلون على مسؤوليتي . قالي يعني اذا انسرق الموتر مانتحمل المسؤوليه ؟
قلت له يا رجال تقصد اذا انسرق من الموتر شي قالي لا احنا ننزل كل شي من الموتر . انا اقولك عن الموتر بكبره اذا انسرق تحت مسؤوليتك و المعرض ماله خص ؟
فلت له ليش انا منزل موتري في البر ؟
قالي صارت اكثر من مره . و كان رافض انه يتحمل مسؤوليه .
نزلت الموتر عنده و الشكوى على الله

نفس الشي صار معاي ووقعني على ورقه لاحول ولاقوة الا بالله

[مافيا قطر]

بالربع تحملوا تنزلون بقاله ولا دكان ولا اى مكان والسياره مفتوحه حتى لو قدام عيونكم طفى موترك ولا سكره بمفتاح للسياره تسويه اسبير

ترى السرقات قامت تزيد واللى عنده موتر للبيع حط اعلان فى الجريده ولا خلى رقمك عن راعى المعرض وقت ما بغاه جيبه له

اما التواير ولا الرنقات اللى تنباق عندى نصيحه كل واحد يعلم الرنق اللى عنده من الداخل بشى اشان يعرفه

ويدور على محلات البنشريه اللى فى شارع سلوى ولا الصناعيه فى حاله انه انسرق

[ali]

والله يالربع هاذا حصل قدام عيني برمضان

كنت في شارع معيذر عند الكراجات الي بأخر الشارع اكيد الكل يعرفهم باكستاني وقف سيارته يصلح المكيف خلصو سيارته شغل السياره يجرب المكيف راح يحاسب السوري شوي الا 2 راكبين السياره وشاردين لحقهم كم واحد من الشباب ولا قدر يصيدهم بعدها بساعتين اشوف بركدون الشرطه ساحبه شي غريب ولا تنسون سالفة مغسلة الصقر المسكين الي انسرق من عنده جي اكس يديد

[قطرٍي]

السلام عليكم ورحمة الله وبركاته

انزين ياشباب بما ان راعي المعرض يرفض يخلي الموتر على مسؤوليته هاذي غلطتكم انكم توقعون على اوراق
وتخلون الموتر عنده لانه انتوا بهالطريقه تفتحون لهم مجال وبتصير عاده عند كل المعارض والكل بيقول بوقعكم على ورقه ومالي خص المفروض من يقولكم راعي المعرض ماتحمل المسؤوليه خله يولي وروح عنه..

والحين توفرة وسائل اعلان تبي تبيع موترك منت بمحتد عالمعرض حط صورة موترك فالمنتدى او اعلن فالشرق وفروا طريقة سهله للأعلان انك ترسل رساله فيها الاعلان ويخصمون المبلغ من حساب تلفونك...

اما اخواني بالنسبه للتاير الأسبير الله لايهنكم الي بيوقف موتره فمعرض مب مخسرته عشر ريالات اي مغلسه فشارع سلوى يغلفون له الأسبير بنايلون ويحطونه له داخل السياره عشان مايوصخ الموتر
وللعلم اكثر السيارات فيها قفل عالتاير ماينفتح الا بمفتاح السياره.

والله انا ماشوفها غلطة المعارض انا اشوف انها غلطتنا احنا تبون الصراحه صار فينا كسل انه احنا نشيك عالموتر واغراضه قبل لانوديه المعرض او نزل الاسبير فالسياره وكل واحد عيزان ان يحط اعلان او يدور معرض ثاني فحالة رض المعرض تحمل المسؤوليه.

:telephone:
وبالنسبه للأخوان الي انسرقة توايرهم مب عيب ولاهو بغلط انك تشتكي عشان تاير مسروق التاير الي انسرق انسى يرجع بس عالاقل فتح عيون الشرطه انه في تواير تنسرق عشان يشوفون اجرائاتهم ويحطون ناس او كميرات فسيارات خاصه فيهم مدنيه عشان يصيدون الي يسرق والصراحه ماقصروا الشرطه صادوا عدد كبير من الي يسرقون التريلات الي فالصناعيه بعد ماشتكوا الناس

واسمحوا لي اذا كلامي بيزعل اهل المعارض او الي يعرضون مواترهم بس انا اقولكم الشي الي اشوفه انه صحيح

تحياتي

[البيت بيتك]

على رعي المعرض المسوليه الكامله اذا انا سلمته السيارة مافيها شي ناقص
اذا ماعندة مكان داخل يقولي ولا ن ماراح اوقف موتري برع

[بويعقوب]

يالربع امس سرقوا اسبير النيسان من عند البيت:anger1:
انا متأكد ان البوقه صارت بين الساعه 1 في الليل - 4 الفجر :weeping:
وش الحل ياشباب ( الرنج اصلي والبالون فيه النص ):rolleyes2:

[Bro]

يالربع امس سرقوا اسبير النيسان من عند البيت:anger1:
انا متأكد ان البوقه صارت بين الساعه 1 في الليل - 4 الفجر :weeping:
وش الحل ياشباب ( الرنج اصلي والبالون فيه النص ):rolleyes2:

لا حول الله

صارت لعبه السالفه

[موظف بالبورصه]

بخصوص السبير الموضوع سهل جدا يعني !!!

محلات الزينه يبيعون البلوط الي عليها قفل ... تركبونها وصف الموتر ووجه السبير عالشارع

وخله يبوق :)

[لوسيل]

بخصوص السبير الموضوع سهل جدا يعني !!!

محلات الزينه يبيعون البلوط الي عليها قفل ... تركبونها وصف الموتر ووجه السبير عالشارع

وخله يبوق :)


وإذا مصنقله عنده ويبغي الأسبير خير شر أتوّقع مابيربطه وبينشعه وهو رايح كنه مايدري :nice:

[الشاااهين]

اشرايكم انهم انشعو قاعدة الموترلا مع البدي وباقو الصيخ من داخل السياره وخذو الاسبير ووصلت السالفه المركز بس مالقو اي بصمه حسبي الله على كل حرامي.

[motor]

يالربع امس سرقوا اسبير النيسان من عند البيت:anger1:
انا متأكد ان البوقه صارت بين الساعه 1 في الليل - 4 الفجر :weeping:
وش الحل ياشباب ( الرنج اصلي والبالون فيه النص ):rolleyes2:

نفس الشي صارلي :weeping: قبل قطر امان ما فيها بوقات اخبر اني احط السيكل عند الباب واجي له اليوم الثاني الاقي نفس المكان هههه الحين من الهنود والبتان والنيبال قاموا يبوقون كل شي

[motor]

حسبي الله عليهم

[لوسيل]

يالربع امس سرقوا اسبير النيسان من عند البيت:anger1:
انا متأكد ان البوقه صارت بين الساعه 1 في الليل - 4 الفجر :weeping:
وش الحل ياشباب ( الرنج اصلي والبالون فيه النص ):rolleyes2:


أييه ذكرتني يابويعقوب أيام النيسان 94 ... كنت واقف عند طواري حمد دخلت ربع ساعه وطلعت ولا انتبهت لشي ... ويوم وصلت المجلس إلا اشوف طاسة الرنق مش موجوده إلي قدام ... ألتفت ورا إلا الثانية مش موجوده بعد :) .... خذت لفة على الموتر إلا الأسبير بكبره مش موجود ( مانزل الأرض بالون جديد ) والأربع اطوس راحت بعد ... تعرفون سعر رنق 94 والأطوس على كم قبل والمعاش كله كان 3470 مع العمل الإضافي ... خلاني من غير سبير شهرين الله يهديه :)

والبلوط مرتخيه يعني كان ناوي يوقف النيسان على الدرام ويل :nice:

والسالفه صار لها الحين 10 سنين تقريباً ... يعني الحرامية موجودين منذ مبطي

[بوزيد]

السلام عليكم ورحمة الله وبركاته
الله يكفانى وياكم شر الحراميه بغيت اعلق على الموضوع بنسبه للمعارض المفروض والمعروف انه يتحمل الموتر كامل مادامه صاف عنده في المعرض والمفروض معارضنا مب كذا المفروض زي معارض السعوديه كبيره وتصف فيها لو100سياره ومسوره وعليها حارس مب عندنا كأنها بقاله ولا مطعم وبنسبه لسرقات الي في الاحياء المفروض الداخليه تكثف الدوريات السريه الي سياراتهم عاديه والله راح يصيدون بلاوي والله يكفانا شر هل الاجانب الي كثرو في البلد وهنا جنسيات اول مره اسمعبها جايبينها قطر الله يكفانا شرهم
وبتوفيق للجميع

[ابوصالح1]

عندي حل جاااااااااااامد لاحد يوقف سيارته في معرض اللا ان يتحمل المسوليه الكامله عن السياره وضع صاحب المعرض قفل خاص له على السياره حتي لا يتهم صاحب السياره

[Qstar]

للاسف موقف نيسان عندي عند كراج الا ثاني يوم اسبيري واسبيران اثنين من الربع انسرقوا بعد

[&بوشهد&]

بدينا نفقد الامن والامان
لاحول ولاقوة الابالله

[CaNCeR_187]

القهر انه من وين تيجيه الجرأه ,,, انا اخوي انسرقت قاعدة الموتريلا من قدام باب البيت مرتين ,,, وللعلم احنا الحمدلله مشاءالله علينا 5 شباب بالبيت ,,, وكل واحد يطلع ويجي في اي وقت ,,,, يعني ممكن واحد يطلع بالفجر واحد يطلع بنص الليل ,,,, يعني اوقات مختلفة ,,, يعني طالين داخلين بكل الاوقات ,,, متى انسرقو ما تعرف ,,, اتذكر ايام الدوريات الزرق ,,, كانو يخيطون الفرجان ,,, الحين مشاءالله سيارات الفزعة ,,, بمرور المعمورة مصفطة ,,, مادري ليش ,,, ليش الدوريات ما تلف بالفرجان لهالاشكال ,,, وفي بعض الشباب الله يهديهم يسرعون ويستعرضون بالفرجان ومرات بوقت متأخر بالليل ,,, يعني وين الشرطة !!!! عالكرنيش والكرك والمخالفات بسسسسسسسسسسسس !!!!

[ولد شرق]

الصراحه الموضوع ماينسكت عنه واللي له علاقات من الداخلية اتمنى يخبرهم و يسوون لهم كمين
بس بالنسبه للمواتر الجديده انا سمعت ان التاير لسبير صعب ينباق لأن له مفتاح خاص فمادري حد عند فكره عن الموضوع؟