البلاك بيري ينجز الأعمال قليلاً..ويضيع وقت الموظفين كثيراً

[كبير المجلس]

البلاك بيري ينجز الأعمال قليلاً..ويضيع وقت الموظفين كثيراً

[الصريحه]

البلاك بيري ينجز الأعمال قليلاً..ويضيع وقت الموظفين كثيراً

اللي اشوفه ماسكه احس انه مراهق ولين الحين مانضج انشاء الله يعقلون

[Realistic]

ترى سالفة البلاك بيري مب بس عندنا

آلن مولالي .. المدير التنفيذي في شركة الفورد .. منع استخدام البلاك بيري في الاجتماعات .. لان المدراء مايركزون في الاجتماع ..

مادري شنو السر في هالجهاز الي آسر عقول الكثيرين :rolleyes2:

[م. عبدالعزيز]

اللي اشوفه ماسكه احس انه مراهق ولين الحين مانضج انشاء الله يعقلون
بصراحه شباب

الصحافه عندنا شوهت البلاك بيري ومثل مايقولون زودوا الطين بله.. البلاك بيري اخترعوه علشان يلبي شريحه من الناس (يتابعون شغلهم وينظمون وقتهم) بس الصحافه ماخلت شي وكانها تقول : "كل من عنده بلاك بيري انسان مب عاقل"..

المفروض على الاقل يخففون، يعني اوكي كل الناس عندنا بلاك بيري واغلبهم ماخذينه علشان الموضه، مب كل يوم يكتبون عنه ويخربون سمعة الجهاز..

الجوال هذا جزء من التكنولوجيا ، مثله مثل الايفون والنوكيا والسوني اريكسون ،، فـ ما ادري لين متى هالتشويه لمستخدمي هالجهاز.. (انا عن نفسي حاليا ماعندي بس اتكلم عن بعض الناس اللي يستخدمون الجوال علشان يساعدهم ويدعمهم في شغلهم) بصراحه الله يعينهم

وشكرا ً

[بوعلي2]

الي بيستخدمه عدل بيفيده والي بيستخدمه غلط فهو الخسران

[Realistic]

بصراحه شباب

الصحافه عندنا شوهت البلاك بيري ومثل مايقولون زودوا الطين بله.. البلاك بيري اخترعوه علشان يلبي شريحه من الناس (يتابعون شغلهم وينظمون وقتهم) بس الصحافه ماخلت شي وكانها تقول : "كل من عنده بلاك بيري انسان مب عاقل"..

المفروض على الاقل يخففون، يعني اوكي كل الناس عندنا بلاك بيري واغلبهم ماخذينه علشان الموضه، مب كل يوم يكتبون عنه ويخربون سمعة الجهاز..

الجوال هذا جزء من التكنولوجيا ، مثله مثل الايفون والنوكيا والسوني اريكسون ،، فـ ما ادري لين متى هالتشويه لمستخدمي هالجهاز.. (انا عن نفسي حاليا ماعندي بس اتكلم عن بعض الناس اللي يستخدمون الجوال علشان يساعدهم ويدعمهم في شغلهم) بصراحه الله يعينهم

وشكرا ً


والله ياخوك لاتلوم الصحافه على هالتوجه ..

المشكله ان الي نشوفه يخلينا نكره هالجهاز ..
مايركب معاك حد الموتر إلا تلاقيه يتعبث في البلاك بيري ..
الميالس صارت صخّه .. لأن الكل ماسك البلاك بيري ويطقطق فيه ولا يدري عن الثاني ..
وصلة الوقاحه في البعض انهم يستخدمونه في أماكن غلط .. ذاك اليوم اجييك على الفيس بوك .. إلا واحد كاتب في الفيس بوك عن طريق البلاك بيري: في عزا بيت فلان ..
الصراحه مايستحي على ويهه .. الناس في عزا وهو يطقطق على البلاك بيري!

فعلا مثلا ماقلت انه من التكنلوجيا المفيده .. بس للاسف ربعنا مصخوها .. جنهم أول مره يشوفون اختراع حديث !

[بوخالد911]

البي بي ممتاز

مشكلة اللي ما يعرف له

[w.qatar]

والله الشي الوحيد اللي عاجبني فيه ايميلات الشغل توصل اول باول و التواصل مع الربع و التوفييير عشان كذا افكر اخذه كل ربعي خذوه و قلت اتصالاتهم كله سوالف في مسن البي بي

[PIX]

اشتريته بعد عرض كيوتل الاخير

ولقيت انه جهاز تافهه جدا ولا منه اي فايده

ما استحملته اسبوع وبعته لواحد من البزارين

ومب عارف لحد الحين وش هذه الضجه الاعلاميه بخصوص هذا الجهاز ..؟؟

[PIX]

والله الشي الوحيد اللي عاجبني فيه ايميلات الشغل توصل اول باول و التواصل مع الربع و التوفييير عشان كذا افكر اخذه كل ربعي خذوه و قلت اتصالاتهم كله سوالف في مسن البي بي


شوف الايميلات على النوكيا n97 ولا على الايفون وبعدين نتناقش

[observer]

الحمداللة ما عندي بلاك بيري

[وحيد-الشوق]

اشتريته بعد عرض كيوتل الاخير

ولقيت انه جهاز تافهه جدا ولا منه اي فايده

ما استحملته اسبوع وبعته لواحد من البزارين

ومب عارف لحد الحين وش هذه الضجه الاعلاميه بخصوص هذا الجهاز ..؟؟

ههههههههههههه اعصابك ياخوي :nice:

صراحه الجهاز مفيد ومسلي لكن مااحب الي يستعملونه حق المصخره وقلة الحيا :anger1:

بس فعلا في الدوام يفهي الواحد بعض الاحيان :rolleyes2:

[العليا]

شريته و ندمت

شفته تافه و لا يصلح الا للتافهين

الله لا يخلينا من النوكيا

,,,

[براتزية برازيلية]

^^
التافه هو اللي مع الخيل يا شقرا و يشتري و مايفهم لإيش يستخدم

[مبرمج QA]

مع المنع

[بوخالد911]

^^
التافه هو اللي مع الخيل يا شقرا و يشتري و مايفهم لإيش يستخدم



أحييج للرد الجميل




كلامي موجه للمعارضين :
مشكلة اللي ما يحسن استخدام ألفاظ جيدة

ياخي حتى لو تعارضني ؛ وهذا شي طبيعي

بس يكون فيه ذووق باستخدام العبارات
:eek5::secret::eek5:


مسيوو / بوخالد911

[عذايب قطر]

البلاك بيري مفيد للي يبي يستفيد من هالجهاز
ومب مفيد وله له داعي للي يبي مايستفيد من الجهاز

يعني كل واحد واستخدامه لل بي بي

والمفروض الواحد ينتقي الفاظه مو يرد وهو معصب وماعاجبه شي


تحياتي لكم
عذايب قطر

[غلا قطر]

^^
التافه هو اللي مع الخيل يا شقرا و يشتري و مايفهم لإيش يستخدم

:nice::nice::nice:

معاج حق اختي.. مشكله اللي يقارنون اليهال المراهقين بالناس اللي ماخذته تبي تستفيد منه ومن امكانياته

التافهيين اللي يشترون الجهاز عشان يتبعون الموضه اللي صايره وفالاخير يكتشفون ان مميزاته مب لهم لان هالجهاز ينفع للبزنس مو للعب اليهال والموضه

وبخصوص الاخ اللي يقول استخدموا آي فون او n97 ترى الناس أذواق ومب الكل يحبون اللمس وجهاز n97 اكثر شي فيه اللمس

وبخصوص الناس اللي يقولون انه ينفع لايميلات الشغل وكذا ترى معاكم حق لكن يوم تكونون بالدوام ترى مالكم حاجه فيه لان ايميلات الشغل عندكم عالاجهزه .. لي طلعتوا من الدوام امسكوه تراكم محاسبين على كل دقيقه تضيعونها في غير الشغل وانتو مداومين واللي بيحاسبكم هو رب العالمين

أنا عندي بلاك بيري وانا مع استخدامه .. لكن الاستخدام السليم اللي اصلا هالجهاز أنصنع عشانه.. مو عشان المصخره اللي صايره واللي نص شبابنا وبناتنا ماخذينه عشانه.. مو عشان الاستخدام الخاطئ

وفي نفس الوقت أنا مع منع استخدام الجوالات بشكل عام في اماكن العمل لان الحين برنامج مسنجر البارك بيري ممكن يتنزل على النوكيا وعلى غيره من انواع الجوالات ولو منعوه الناس ممكن ينزلون البرنامج على اي جوال وكنك يا بو زيد ما غزيت..
طبعا المنع الا في حالات الضروره

[كبير المجلس]

السؤال هو ؟؟ هل يضيع البلاك بيري وقت الموظفين في الدوام ولا هو مفيد؟

[بوخالد911]

البلاك بيري مفيد للي يبي يستفيد من هالجهاز
ومب مفيد وله له داعي للي يبي مايستفيد من الجهاز

يعني كل واحد واستخدامه لل بي بي

والمفروض الواحد ينتقي الفاظه مو يرد وهو معصب وماعاجبه شي


تحياتي لكم
عذايب قطر



هلووو

كلامج عين العقل والله
:victory::victory::victory:

في شي اسمه : أدب الخلاف


حتى لو مختلفين ؛ يظل الاحترامُ سائداً بيننا


بس الله يعيين ع بعض الأعضاء


صح كل 1 يعتمد ع استخدامه

عندج السكين مثلا
يصير حلال لو قطعتي طماط
:nice:
ويصير حرام لو ذبحتي انسان
:eek5:

It depends

[الألماسي]

والله لو المدير "سمنديقه " و ما يعرف " يسنـّـع " موظفين قسمه و يمشي شغل خلق الله . .
لا تلـوم المـوظف إذا إلتهـى بالـبلاك بيـري و غيـره . .

[ام السعف]

بصراحه شباب

الصحافه عندنا شوهت البلاك بيري ومثل مايقولون زودوا الطين بله.. البلاك بيري اخترعوه علشان يلبي شريحه من الناس (يتابعون شغلهم وينظمون وقتهم) بس الصحافه ماخلت شي وكانها تقول : "كل من عنده بلاك بيري انسان مب عاقل"..

المفروض على الاقل يخففون، يعني اوكي كل الناس عندنا بلاك بيري واغلبهم ماخذينه علشان الموضه، مب كل يوم يكتبون عنه ويخربون سمعة الجهاز..

الجوال هذا جزء من التكنولوجيا ، مثله مثل الايفون والنوكيا والسوني اريكسون ،، فـ ما ادري لين متى هالتشويه لمستخدمي هالجهاز.. (انا عن نفسي حاليا ماعندي بس اتكلم عن بعض الناس اللي يستخدمون الجوال علشان يساعدهم ويدعمهم في شغلهم) بصراحه الله يعينهم

وشكرا ً

استاذ عبدالعزيز ، لليوم ما قريت ولا جريدة تتكلم عن البلاك بيري ( مب دفاع عن الجرايد ) و لكن توضيح للي بقوله عن رايي في البلاك بيري " فوجهة نظري مبنية بعيدا عن رأي الجرايد "

شبهت لي بنت اختي استخدام البلاك بيري كبداية استخدام الانترنت فقالت تعقيبا على اعتراضي حمل " اللي يسوى و اللي ما يسوى مثل هذا الجهاز " : خالتي الانترنت اول ما طلع قالوا عنه انه مب زين ، فالبلاك بيري نفسه اللي بيستخدمه الاستخدام الصحيح فهو زين واللي بيستخدمه الاستخدام الخطأ فهو مب زين .

و كلامها بالفعل صحيح و مقنع ، تعال يا اخوي استاذ عبدالعزيز ناخذ لفة لأستخدام البلاك بيري ما بين اغلب الشرائح التي تمر امام عيونننا ، سواء في البيت او مجالس الرجال و الحريم او في المولات او العمل للي يشتغل .

الجهاز اصبح محبوب و مرغوب و مطلوب عند الكثيريييين بسبب خدمة " الماسنجر " والسوالف و الهذرة " و ما يتبعه من نقل اتفه المواضيع " فأغلب الشائعات في الفترة الأخيرة تم انتشارها عن طريق البلاك بيري ، فلو كان من اشترى البلاك بيري لإطلاع على النت و استخدام البريد الإلكتروني للكانت الصناديق الإلكترونية هي من تعمل على نشر الشائعات ، بس من الملاحظ ان الشائعات تتناقل عن طريق المحادثات المفتوحة .

فالجهاز كجهاز لا عيب فيه ، بس للأسف العيب في سوء استخدامه ، و كل من شرى الجهاز طار وفتح له خدمة الهذرة ، ولا بالله عليك غالبية الطلاب " وخل تركيزنا على الطلاب " شنهي الاجتماعات العلمية او التواصل الالكتروني اللي ممكن يستفيدون منه وهم في الحرم الجامعي
واللابتوبات مفتوحة امامهم تاركينها و يسولفون في ال بك بك ذيه ؟

فحتى نكون صريحين ، لو كان البلاك بيري استخدامه كأي استخدام عادي لأي تلفون محمول من الظلم انه نقول عنه انه سيء قبل ما نقارن ما بين المواصفات ، بينما اللي حاصل ان التلفون ذيه اصبح سيء السمعة فهو لا فائدة منه من غير فتح خدمة الماسنجر .
التفت يمين ويسار و لنترك المجال لأصحاب البلاك بيري يتكلمون ويقولون ، ما هي حدود استخدامهم للجهاز ، وهل الجهاز يسوى من غير خدمة الهذرة ؟

فنرجع و نقول هل نحن كأباء و امهات يحق لنا رفض مثل هذه التلفونات ؟
وهل يحق لنا عند شراء التلفون لأبنائنا عدم فتح الاشتراك الذي يمنح الأبن او الإبنة الحرية في المحادثة بشكل عام و خاص خلال شاشة صغيرة لا يمكننا متابعتهم و لو عن طريق معرفة من يتحدثون إليه " خوفا عليه " ؟

فهل انت يا استاذ عبدالعزيز " بتسمح لأبنك او بنتك " باقتناء مثل هذا الجوال وفتح الإشتراك في خدمة الهذرة من غير حدود و بسعر 150 ريال شهريا ، فالجوال يبقى مع الأبن او الإبنة في كل مكان حتى في بيت الراحة اعزك الله ؟

[الألماسي]

أم السعف . .

لنفـرض ان الخدمه نـزلت من غير المـاسنجـر الخـاص للبـلاك بـيري . .!

هل انتي مع أم ضـد الجهـاز . .!

[بدوي]

انا مادش مزاجي هالبلاك بيري .. مع انه جاني هدية من كم يوم وعطيته واحد من الربع

لكن للأسف انا اشوف استخدامه عندنا .. سلبي جدآ جدآ جدآ ، عفوآ !!

لحد يطلعلي ويقولي إيميلات الشغل !! (( عدااااااااااااااااال ياشعب هيروشيما إشعندهم اليابانيين ))

يعني لهالدرجة انت مهم ؟؟ فترة الدوام الرسمي عادةَ الايميلات عالكمبيوتر تجيك وانت في مكتبك .. اللهم ماندر وفي بعض الوظايف مش كل وظايف الدولة

ترانا عايشين في قطر ، مب عايشين في موزمبيق وبنصدق ان الكل عذرة إيميلات الدوام

ياجماعة والله عيييييييييب شباااااااب قاعدين في مجلس وروسهم تحت .. (( على قولة واحد منهم انا تحفيتكم وطرشت الحفوة لكم برود كاست )) :eek5:

حتى اغلب الشباب انقطعت اتصالاتهم .. صاروا يستكثرون الإتصال أو المسج العادي :anger1:

لكن في النهاية .. الخلل مش في الجهاز

الخلل في مستخدين الجهاز ، وكلن حسب نيته (( يازين ، ياشين ))

ومشكلتنا احنا العرب نحب السلبية

للأسف

:omen2:

[ام السعف]

أم السعف . .

لنفـرض ان الخدمه نـزلت من غير المـاسنجـر الخـاص للبـلاك بـيري . .!

هل انتي مع أم ضـد الجهـاز . .!

شوف يا اخوي الألماسي ، انا مب ضد أي جهاز ينزل ، واحب الأجهزة التي يقتنيها عيالي تكون لها مواصفات يدركون اهمية استخدامها ، مب مع الخيل يا شقرا ، فلو البلاك بيري راح يوفر لهم التقنية اللي هم بالفعل يحتاجونها ( أبدا ما عندي مانع فيه ) ، الاي فون فيه خدمة الماسنجر
بس العالم مب هابين فيه ليش ؟ لأن الموضة كلها في البلاك بيري ، والكل مشترك فهو قرب كثيرين وجمعهم في مكان واحد فاللي حاصل مب لأن البلاك بيري ما يعلى عليه ، لكن ممكن يوفر لك أكبر عدد من الاصدقاء وغير الأصدقاء " لأصحاب الهذرة على الطالع و النازل " فهو بكل بساطة للهذرة و تبادل الأخبار و المسجات و النكت والتقطيع في بعض .

إما لو رديت عليك بشكل شخصي واستخدام شخصي ، بشكل عام ما افضل التلفونات العريضة
ايش ما كان نوعها ، افضله ملبق صغير ، يبي لي ادنى متطلبات حاجتي لا استخدام الجوال ، وهو الاتصال و أرسال المسجات العادية فقط ، حتى انه يكون فيه خدمة الواي فاي مب متطلب عندي .

ملاحظة : لو البلاك بيري يستخدم و يستغل في صالحهم و من خلالها يجتمعون على امور اتفيدهم بعد ما بيكون لي مانع ابدا انهم يقتنون ، بس للأسف الاستخدام غير المفيد هو المسيطر .

[وكراوي]

خلو عنكم المثاليه الزايده

انا متأكد ان بعض اللي يردون على الموضوع عندهم بلاك بيري ويستخدمونه اسوء استخدام واللي ماعنده وده ياخذ له واحد

مب الكل قلنا البعض:anger1:

[الألماسي]

شوف يا اخوي الألماسي ، انا مب ضد أي جهاز ينزل ، واحب الأجهزة التي يقتنيها عيالي تكون لها مواصفات يدركون اهمية استخدامها ، مب مع الخيل يا شقرا ، فلو البلاك بيري راح يوفر لهم التقنية اللي هم بالفعل يحتاجونها ( أبدا ما عندي مانع فيه ) ، الاي فون فيه خدمة الماسنجر

بس العالم مب هابين فيه ليش ؟ لأن الموضة كلها في البلاك بيري ، والكل مشترك فهو قرب كثيرين وجمعهم في مكان واحد فاللي حاصل مب لأن البلاك بيري ما يعلى عليه ، لكن ممكن يوفر لك أكبر عدد من الاصدقاء وغير الأصدقاء " لأصحاب الهذرة على الطالع و النازل " فهو بكل بساطة للهذرة و تبادل الأخبار و المسجات و النكت والتقطيع في بعض .

إما لو رديت عليك بشكل شخصي واستخدام شخصي ، بشكل عام ما افضل التلفونات العريضة
ايش ما كان نوعها ، افضله ملبق صغير ، يبي لي ادنى متطلبات حاجتي لا استخدام الجوال ، وهو الاتصال و أرسال المسجات العادية فقط ، حتى انه يكون فيه خدمة الواي فاي مب متطلب عندي .



إذن انتي ضد "الموضه"

:)

كلها كم شهر و يطلع شـئ جـديد . .

اما انج " ما تحبين " التلفونات اللي فيها تكنولوجيا متطوره هـ النقطه بالذات حسب احتياجات الشخص نفسه . . تخيلي في ناس ما تستخدم البـلاك بيري للإتصال و لا لإرسال الرسائل النصيّه . .!

:)

[ام السعف]

إذن انتي ضد "الموضه"

:)

كلها كم شهر و يطلع شـئ جـديد . .

اما انج " ما تحبين " التلفونات اللي فيها تكنولوجيا متطوره هـ النقطه بالذات حسب احتياجات الشخص نفسه . . تخيلي في ناس ما تستخدم البـلاك بيري للإتصال و لا لإرسال الرسائل النصيّه . .!

:)

الموضوع ما يندرج تحت مسمى اني ضد الموضة ، فاللي قلت لك عليه ان الآي فون فيه خدمة الماسنجر و يمكن يفعلونه ويصير موضة بعد ، فالجهاز " البلاك بيري " بحد ذاته ما فيه شي ابدا ولا استخدامه بالشكل الصحيح فيه شي ، جل الإعتراض على الاستخدام السيئ للجهاز بحيث اصبح صاحبه يركز عليه كثيرا لتبادل الآحاديث و النكت و الانشغال به بشكل عام .

فلو مثل هذه الأمور توفرت في اجهزة ثانية وتم اقتناءها فالموضوع سيان بالنسبة لي ،
فالغلط غلط سواء كان عن طريق البلاك بيري او الآي فون او السوني اريكسون .

اما اني ما احب التلفونات التكنلوجية " ما ذكرت " اني ما احب يا اخوي الألماسي
اللي ذكرته كإستخدام شخصي لي ، لا أبحث عن تلفونات ممكن تنوجد فيها تكنلوجيا عالية و انا مب محتاجتها ، لذلك تلقاني اخذ لي تلفون يوفي بالغرض اللي محتاجة له ، فهذا لا يعني ابدا اني ضد التكنالوجيا او ضد التطور .

بس لو ولدي بياخذ له تلفون اولا اطلب منه انه يقارن المواصفات التكنلوجيا و من عقبه يفكر ياخذ الجوال ، فمن جذيه ما يهمني انه ياخذ جوال " نوكيا " مثلا لأن الكل عنده جوال نوكيا
بل اشجعه انه ياخذ جوال ينوجد فيه التكنلوجيا بالشكل المطلوب و المستحق .

اما بخصوص البلاك بيري يا اخوي الألماسي ان لو خيروني ما بين البلاك بيري و الآي فون ، راح اختار الآي فون لأنه بالنسبة لي تلفون ما ينقصه شي و من ثم ابتعد عن حمل تلفون كله شبهات لأني في الأخير محتاجة تلفون يوفي لي بالغرض اللي شريته علشانه .

فلما اسمع ولدي يقول لي : والله خاطري في البلاك بيري بس سمعته مب شي ، واجوفه يروح ياخذ له ماركة ثانية فيه مواصفات احسن من البلاك بيري اثني عليه ، لأنه ابتعد عن شي من ناحية و من ناحية ثانية بحث له عن بديل افضل او بنفس الجودة ، و بعد فترة القاه يقول الزين في البلاك بيري ان لو قعدت في المجلس و الكل يسولف ما تبقى بروحك تقدر تشترك معاهم
و تسولف في الجوال :rolleyes2:، شوف الزين اللي ميز البلاك بيري في عيونه .

[!الشايمه!]

الشئ المضحك هنا...ان معظم اللي ردوا...ويتذمرون من انشغال البعض
فية البي وبي وترك عملهم
...........................موظفين في دواماتهم ...


عيل لو عندهم بي بي....وشيبسوون :)


تحية

[الألماسي]

الموضوع ما يندرج تحت مسمى اني ضد الموضة ، فاللي قلت لك عليه ان الآي فون فيه خدمة الماسنجر و يمكن يفعلونه ويصير موضة بعد ، فالجهاز " البلاك بيري " بحد ذاته ما فيه شي ابدا ولا استخدامه بالشكل الصحيح فيه شي ، جل الإعتراض على الاستخدام السيئ للجهاز بحيث اصبح صاحبه يركز عليه كثيرا لتبادل الآحاديث و النكت و الانشغال به بشكل عام .

فلو مثل هذه الأمور توفرت في اجهزة ثانية وتم اقتناءها فالموضوع سيان بالنسبة لي ،
فالغلط غلط سواء كان عن طريق البلاك بيري او الآي فون او السوني اريكسون .

اما اني ما احب التلفونات التكنلوجية " ما ذكرت " اني ما احب يا اخوي الألماسي
اللي ذكرته كإستخدام شخصي لي ، لا أبحث عن تلفونات ممكن تنوجد فيها تكنلوجيا عالية و انا مب محتاجتها ، لذلك تلقاني اخذ لي تلفون يوفي بالغرض اللي محتاجة له ، فهذا لا يعني ابدا اني ضد التكنالوجيا او ضد التطور .

بس لو ولدي بياخذ له تلفون اولا اطلب منه انه يقارن المواصفات التكنلوجيا و من عقبه يفكر ياخذ الجوال ، فمن جذيه ما يهمني انه ياخذ جوال " نوكيا " مثلا لأن الكل عنده جوال نوكيا
بل اشجعه انه ياخذ جوال ينوجد فيه التكنلوجيا بالشكل المطلوب و المستحق .

اما بخصوص البلاك بيري يا اخوي الألماسي ان لو خيروني ما بين البلاك بيري و الآي فون ، راح اختار الآي فون لأنه بالنسبة لي تلفون ما ينقصه شي و من ثم ابتعد عن حمل تلفون كله شبهات لأني في الأخير محتاجة تلفون يوفي لي بالغرض اللي شريته علشانه .

فلما اسمع ولدي يقول لي : والله خاطري في البلاك بيري بس سمعته مب شي ، واجوفه يروح ياخذ له ماركة ثانية فيه مواصفات احسن من البلاك بيري اثني عليه ، لأنه ابتعد عن شي من ناحية و من ناحية ثانية بحث له عن بديل افضل او بنفس الجودة ، و بعد فترة القاه يقول الزين في البلاك بيري ان لو قعدت في المجلس و الكل يسولف ما تبقى بروحك تقدر تشترك معاهم
و تسولف في الجوال :rolleyes2:، شوف الزين اللي ميز البلاك بيري في عيونه .


انتي هنا قاعده تسوين مقارنه بين البـلاك بيري و الاي فون . .
و المنطق يقول لا مجال أبداً للمقارنه بين الاي فون و البلاك بيري . . الاي فون متطو جداً و استخداماته للتسليه أكثر من الأعمال و نقدر نقول عده أجهزه في جهاز واحد سواءاً من ناحيه الإيميل و المسجات و . . و . . البرامج فيه متطوره جداً عكس البلاك بيري . .
اما عيوب الاي فون تلفون لمس بالكـامل أحياناً غير عملي لأغلبيّه الناس و تحتاجين وقت للتأقلم . . او أنج تملينه قبل لا تتأقلمين عليه و تغيرين تلفونج . . من عيوبه قلـه الخصائص الـلي تخليـج تتحكمين فيـه كـ الأجهزه الأخرى . . بمعنى لازم تشتركين مع اي شركه اتصالات معينه عشان توفرين على عمرج لإنج لـو ما اشتركتي راح يحسب عليج pay as you go و يطلع عليـج أكثر و خاصه اذا نـزلتي برامج كثيـره . .
نعم الاي فون فيه خدمه النت و لكن معظم التلفونات الحديثه الان تدعم الدخول السريع للنت . .

اما البـلاك بيـري مخصص طبعاً لـرجال الأعمال لممـيزاته الأمنيّه أولاً و السيرفـر الخـاص بالـبلاك بـيري نفسـه . . و إرتباطه بالإيميـل طـوال الوقـت . . أغلـب بـرامجه تعتمـد ع الجـافا وطبعاً مثـل ما ذكـرتي ان انتشـاره عندنـا بالخليـج هـو المـاسنجر الخـاص فيـه . . وهـ الإنتشار لا يعيبه ابداً و إنما سـوء استخـدام من البعض . . مع اني اشـوف العكس ان مميزه أكثر . .

[شـعـشـبـونـه]

خلو عنكم المثاليه الزايده

انا متأكد ان بعض اللي يردون على الموضوع عندهم بلاك بيري ويستخدمونه اسوء استخدام واللي ماعنده وده ياخذ له واحد

مب الكل قلنا البعض:anger1:

اي والله صدقت ياخوي واولهم انا

بصراحه انا خذته لهدف مسنجر البلاك بيري وسوالف البنات

بس ماوصلت لمرحلة اني اطنش الكل واخلي عيني عالجهاز لا مب لهالدرجه

مافي شي تغير اللهم كل ماتمللت سوالف فالمسنجر

وبخصوص الشغل ماشوف جوالي الا وقت البريكات حتى لما كان عندي نوكيا نفس الشي ماشوفه الا حزة البريك

الخلاصه: البي بي (بالنسبه لي) تبع وناسه وتعبئة فرااغ ماله خص بالشغل

[ام السعف]

انتي هنا قاعده تسوين مقارنه بين البـلاك بيري و الاي فون . .
و المنطق يقول لا مجال أبداً للمقارنه بين الاي فون و البلاك بيري . . الاي فون متطو جداً و استخداماته للتسليه أكثر من الأعمال و نقدر نقول عده أجهزه في جهاز واحد سواءاً من ناحيه الإيميل و المسجات و . . و . . البرامج فيه متطوره جداً عكس البلاك بيري . .
اما عيوب الاي فون تلفون لمس بالكـامل أحياناً غير عملي لأغلبيّه الناس و تحتاجين وقت للتأقلم . . او أنج تملينه قبل لا تتأقلمين عليه و تغيرين تلفونج . . من عيوبه قلـه الخصائص الـلي تخليـج تتحكمين فيـه كـ الأجهزه الأخرى . . بمعنى لازم تشتركين مع اي شركه اتصالات معينه عشان توفرين على عمرج لإنج لـو ما اشتركتي راح يحسب عليج pay as you go و يطلع عليـج أكثر و خاصه اذا نـزلتي برامج كثيـره . .
نعم الاي فون فيه خدمه النت و لكن معظم التلفونات الحديثه الان تدعم الدخول السريع للنت . .

اما البـلاك بيـري مخصص طبعاً لـرجال الأعمال لممـيزاته الأمنيّه أولاً و السيرفـر الخـاص بالـبلاك بـيري نفسـه . . و إرتباطه بالإيميـل طـوال الوقـت . . أغلـب بـرامجه تعتمـد ع الجـافا وطبعاً مثـل ما ذكـرتي ان انتشـاره عندنـا بالخليـج هـو المـاسنجر الخـاص فيـه . . وهـ الإنتشار لا يعيبه ابداً و إنما سـوء استخـدام من البعض . . مع اني اشـوف العكس ان مميزه أكثر . .

اشكرك يا اخوي الألماسي على اعطاءنا المقارنة الحلوة ما بين الآي فون و البلاك بيري
للعلم إني ما كنت اسوي دعاية للآي فون ، بس كنت اضع لأبني الخيار الأفضل عند التفكير لشراء جوال جديد ، اطلب منه يبحث عن المواصفات و بناء عليه يقتني الأفضل حسب ميزانيته .


فلما انشوف حريم دافعين مثلا 2400 ريال لجوال البلاك بيري " وان ما كانت الخدمة مفعلة " في الوقت اللي هناك اجهزة اقل سعر و أكثر تطور فاهنيه الأطفال يكتسبون عادة التقليد لمجرد التقليد . و ما بالك اصلا الجهاز استخداماته اتضحك في المجتمع الخليجي !!! و العالم ما طاحت عليه لمميزاته اللي تفوق فيها على غيره من التلفونات المحمولة !!

يوم يلاحظون بناتي مثلا اني رفضت البلاك بيري مب لعيب تقني فيه ، بس لأنه مالي حاجة في مميزاته و بحثت عن جوال ارخص او اغلى حبة فيه مميزات أعلى ، بالشكل هذا نمنح عيالنا حب الابتعاد عن التقليد لمجرد التقليد ، والبحث عن التقنية الأكثر تطور .

اما بخصوص صعوبة استخدام التلفونات هذه يا اخوي الألماسي تعتمد على مدى تقبل كل جديد
من الملاحظ مثلا النوكيا مسيطر على سوق التلفونات المحمولة في الخليج ، ليش ؟
يقولون لك سهل الاستخدام ، فالمنيو واحد و الدخول و الخروج واحد والتقنية وحدة .

إما لو حطيت مثلا جوال سوني اريكسون في اياديهم طلعوا فيه ستين ألف عيب ، ليش ؟
يقولون لك صعب ما انعرف له ، فيملونه و يصلقون العيب فيه .

بينما المفروض الجيل الحالي يجرب التقنيات المتطورة من الأجهزة المعروضة في السوق
وما يرتبط عاطفيا بنوع واحد ، او نمط واحد تعود عليه وان ما تعود عليه قال الناس عندهم لازم يكون عندي ، تقنية اللمس يا اخوي الألماسي بتسطير على غالبية الشاشات في المستقبل القريب ، مثلما سيطرت اليوم الشاشات المسطحة على الشاشة المحدبة ، فلما يكون لي الخيار كشخص عادي ( طالب ، موظف ، مدير دائرة ، مهندس ، سكرتير ، دكتور في الجامعة ، ربة بيت ، سيدة أعمال في المحيط الداخلي مالي علاقات كثيرة ) ويكون لي الخيار ما بين شراء بلاك بيري ( لا لهدف خدمة الماسنجر ) أو شراء الآي فون صوت المنطق بيصرخ بأعلى حسه و بيقول الآي فون .

و مع هذا لا أبخس ميزة البلاك بيري خدمته الرخيصة التي تفتح المجال للكثيرين من المحتاجين للإتصال بعالم الانترنت بهدف تخليص معاملاته او صفقاته او مراجعة طلباته او إيميلاته .

فليس هناك اختلاف ما بين مشاركتك بخصوص البلاك بيري و رايي فيه كجهاز مثله مثل أي جهاز له عيوب و له مميزات ، إنما الاعتراض على القول ان الجميع في المحيط المحلي شروا الجوال لأنهم مهمين وعندهم إيميلات لابد انهم يتابعونها كل 10 دقايق .

و اخيرا اقول سعدت كثيرا بالحديث معاك .

[م. عبدالعزيز]

استاذ عبدالعزيز ، لليوم ما قريت ولا جريدة تتكلم عن البلاك بيري ( مب دفاع عن الجرايد ) و لكن توضيح للي بقوله عن رايي في البلاك بيري " فوجهة نظري مبنية بعيدا عن رأي الجرايد "

شبهت لي بنت اختي استخدام البلاك بيري كبداية استخدام الانترنت فقالت تعقيبا على اعتراضي حمل " اللي يسوى و اللي ما يسوى مثل هذا الجهاز " : خالتي الانترنت اول ما طلع قالوا عنه انه مب زين ، فالبلاك بيري نفسه اللي بيستخدمه الاستخدام الصحيح فهو زين واللي بيستخدمه الاستخدام الخطأ فهو مب زين .

و كلامها بالفعل صحيح و مقنع ، تعال يا اخوي استاذ عبدالعزيز ناخذ لفة لأستخدام البلاك بيري ما بين اغلب الشرائح التي تمر امام عيونننا ، سواء في البيت او مجالس الرجال و الحريم او في المولات او العمل للي يشتغل .

الجهاز اصبح محبوب و مرغوب و مطلوب عند الكثيريييين بسبب خدمة " الماسنجر " والسوالف و الهذرة " و ما يتبعه من نقل اتفه المواضيع " فأغلب الشائعات في الفترة الأخيرة تم انتشارها عن طريق البلاك بيري ، فلو كان من اشترى البلاك بيري لإطلاع على النت و استخدام البريد الإلكتروني للكانت الصناديق الإلكترونية هي من تعمل على نشر الشائعات ، بس من الملاحظ ان الشائعات تتناقل عن طريق المحادثات المفتوحة .

فالجهاز كجهاز لا عيب فيه ، بس للأسف العيب في سوء استخدامه ، و كل من شرى الجهاز طار وفتح له خدمة الهذرة ، ولا بالله عليك غالبية الطلاب " وخل تركيزنا على الطلاب " شنهي الاجتماعات العلمية او التواصل الالكتروني اللي ممكن يستفيدون منه وهم في الحرم الجامعي
واللابتوبات مفتوحة امامهم تاركينها و يسولفون في ال بك بك ذيه ؟

فحتى نكون صريحين ، لو كان البلاك بيري استخدامه كأي استخدام عادي لأي تلفون محمول من الظلم انه نقول عنه انه سيء قبل ما نقارن ما بين المواصفات ، بينما اللي حاصل ان التلفون ذيه اصبح سيء السمعة فهو لا فائدة منه من غير فتح خدمة الماسنجر .
التفت يمين ويسار و لنترك المجال لأصحاب البلاك بيري يتكلمون ويقولون ، ما هي حدود استخدامهم للجهاز ، وهل الجهاز يسوى من غير خدمة الهذرة ؟

فنرجع و نقول هل نحن كأباء و امهات يحق لنا رفض مثل هذه التلفونات ؟
وهل يحق لنا عند شراء التلفون لأبنائنا عدم فتح الاشتراك الذي يمنح الأبن او الإبنة الحرية في المحادثة بشكل عام و خاص خلال شاشة صغيرة لا يمكننا متابعتهم و لو عن طريق معرفة من يتحدثون إليه " خوفا عليه " ؟

فهل انت يا استاذ عبدالعزيز " بتسمح لأبنك او بنتك " باقتناء مثل هذا الجوال وفتح الإشتراك في خدمة الهذرة من غير حدود و بسعر 150 ريال شهريا ، فالجوال يبقى مع الأبن او الإبنة في كل مكان حتى في بيت الراحة اعزك الله ؟

الاخت الكريمه / ام السعف ،، سعيد بتواصلج وبتعليقج على ردي بالموضوع، بالنسبة كولي أمر طبعا يحق 100%الاطلاع على الجوالات ومافيها ،، ومب بطريقة شديده او بشكل اجباري.. فيه طرق كثيره ممكن الواحد تساعده على اطلاع ما في جوال الابناء من غير مشاكل..

بالنسبة للطلاب. .اتوقع طلاب الجامعه يفيدهم.. انا اخبر زمان يوم كنت بالجامعه وعندي مشروع التخرج، يعني كنت مع رفيجي بالمشروع على تواصل دائم ، والبلاك بيري مسنجر يمكن يوفر المكالمات والمسجات بشكل كبير .. والبلاك بيري ايميل ممكن يساعد على سرعه التواصل مع دكتور الماده مثلا .. خصوصا انه حاليا جامعه قطر تمنح لكل طالب جامعي بريد الكتروني مجاني داخل نطاق الجامعه..

وما اقول انه مافيه سلبيات ، طبعا يعتمد على بوالشباب نفسه، لو ماخذه مع الموضه كان ممكن نشوفه مثلا بالمحاضره يتسلى فيه وماشابه .

وبالنسبة للسؤال الأخير طبعا راح يعتمد على الوضع، وغالبا ماراح اوافق.. لاني ما احب اصرف الفلوس في اشياء ما احتاجها او مالها أهمية في الحياه.. سواء هالشي ينطبق لي او لغيري، اما اشياء احتاجها او احس انها بتثري وتحسن امور الحياه لا أمانع طبعا ..

[م. عبدالعزيز]

اشكرك يا اخوي الألماسي على اعطاءنا المقارنة الحلوة ما بين الآي فون و البلاك بيري
للعلم إني ما كنت اسوي دعاية للآي فون ، بس كنت اضع لأبني الخيار الأفضل عند التفكير لشراء جوال جديد ، اطلب منه يبحث عن المواصفات و بناء عليه يقتني الأفضل حسب ميزانيته .


فلما انشوف حريم دافعين مثلا 2400 ريال لجوال البلاك بيري " وان ما كانت الخدمة مفعلة " في الوقت اللي هناك اجهزة اقل سعر و أكثر تطور فاهنيه الأطفال يكتسبون عادة التقليد لمجرد التقليد . و ما بالك اصلا الجهاز استخداماته اتضحك في المجتمع الخليجي !!! و العالم ما طاحت عليه لمميزاته اللي تفوق فيها على غيره من التلفونات المحمولة !!

يوم يلاحظون بناتي مثلا اني رفضت البلاك بيري مب لعيب تقني فيه ، بس لأنه مالي حاجة في مميزاته و بحثت عن جوال ارخص او اغلى حبة فيه مميزات أعلى ، بالشكل هذا نمنح عيالنا حب الابتعاد عن التقليد لمجرد التقليد ، والبحث عن التقنية الأكثر تطور .

اما بخصوص صعوبة استخدام التلفونات هذه يا اخوي الألماسي تعتمد على مدى تقبل كل جديد
من الملاحظ مثلا النوكيا مسيطر على سوق التلفونات المحمولة في الخليج ، ليش ؟
يقولون لك سهل الاستخدام ، فالمنيو واحد و الدخول و الخروج واحد والتقنية وحدة .

إما لو حطيت مثلا جوال سوني اريكسون في اياديهم طلعوا فيه ستين ألف عيب ، ليش ؟
يقولون لك صعب ما انعرف له ، فيملونه و يصلقون العيب فيه .

بينما المفروض الجيل الحالي يجرب التقنيات المتطورة من الأجهزة المعروضة في السوق
وما يرتبط عاطفيا بنوع واحد ، او نمط واحد تعود عليه وان ما تعود عليه قال الناس عندهم لازم يكون عندي ، تقنية اللمس يا اخوي الألماسي بتسطير على غالبية الشاشات في المستقبل القريب ، مثلما سيطرت اليوم الشاشات المسطحة على الشاشة المحدبة ، فلما يكون لي الخيار كشخص عادي ( طالب ، موظف ، مدير دائرة ، مهندس ، سكرتير ، دكتور في الجامعة ، ربة بيت ، سيدة أعمال في المحيط الداخلي مالي علاقات كثيرة ) ويكون لي الخيار ما بين شراء بلاك بيري ( لا لهدف خدمة الماسنجر ) أو شراء الآي فون صوت المنطق بيصرخ بأعلى حسه و بيقول الآي فون .

و مع هذا لا أبخس ميزة البلاك بيري خدمته الرخيصة التي تفتح المجال للكثيرين من المحتاجين للإتصال بعالم الانترنت بهدف تخليص معاملاته او صفقاته او مراجعة طلباته او إيميلاته .

فليس هناك اختلاف ما بين مشاركتك بخصوص البلاك بيري و رايي فيه كجهاز مثله مثل أي جهاز له عيوب و له مميزات ، إنما الاعتراض على القول ان الجميع في المحيط المحلي شروا الجوال لأنهم مهمين وعندهم إيميلات لابد انهم يتابعونها كل 10 دقايق .

و اخيرا اقول سعدت كثيرا بالحديث معاك .

غير الايميلات ، ترا البلاك بيري شغلات االمراسله فيه ممتازه ، وأحسن شي انه عملي وسريع لما الواحد ينتقل بين القوائم داخل الجوال ،، والكيبورد الممتاز اللي فيه يساعدك تكتب المسج بسهوله وبسرعه ،، ويستطيع بعد الدخول الى الانترنت متى ماحب ، ويستخدم برامج كثيره ممكن يشغلها على الجوال .. يعني لا تعتقدون انه البلاك بيري مسوينه للايميلات والماسنجر فقط : )

[alanood]

كأي أداه تعتمد على حسن أو سوء استخدامها
أن صلح راعيها صلحت وان فسد فسدت
وانا ضد استخدامها لأنها تشد الانتباه و سهل تندمج في المسنجر وتنسى اللي حولك

[ضوى]

ماعندي بلاك بيري ولا واحدة من موظفاتنا عندها بلاك بيري غير مديرتنا الله يحفظها وطبعا وقتها كله لانجاز اشغال الادارة