& ثور هائج في بيتنا & [الأرشيف] - منتديات شبكة الأسهم القطرية

ضوى

10-01-2010, 09:33 PM

قصص الف ليلة وليلة :rolleyes2: اليوم الصبح والكل في امان الله بالبيت والحمد لله انا

والعيال اللي باشغاله والا بمدارسه ، والشغالة داخل البيت والدريولية في غرفهم والا بذاك

الثور الهايج يقطع هالهدوء ويحوس بالبيت وهالعالم اللي دخلت بيتنا ومن الخوف واقفين

مايتحركون لانه ممكن يودرهم دخل من باب وطلع من باب ولا احد قادر يسيطر عليه ، ولما

زوجي سمع الحشرة طلع والا الاخ يوقفه يقوله لا تطلع برع بيتك فيه مشاكل هنا ، طبعا زوجي

ماسمع الكلام وطلع والا يشوفهم يلاحقون الثور الهايج ، وواحد منه فكر ودعم الثور عشان

يقدرون يمسكونه ، السيارات كانت كرورز وسيارة بلدية صفراء ( قمامة ) .

إلى هنا وانتهى الموضوع ! ولكن السؤال اللي يطرح نفسه هذا الثور شنهي قصته بالضبط ؟؟

وليش البلدية مااطلقت صفارة والا ابواق على الاقل الناس تتنبه انه في شئ صاير ؟؟ وليش بعد

ماصار اللي صار وشالوا الثور الهايج ماعلمونا شسالفة خلونا ودبروا عنا ولا كانه الثور خرب

شجر البيت ؟؟؟؟من باب الذوق لو كان الثور لصاحب الكروزر انه يعتذر لصاحب البيت ، وان

كان للحكومة تعتذر لنا عن هالخطأ الغير مقصود صح والا انا غلطانة ؟؟

الحمد لله على سلامة اللي في البيت الله ستر وحفظهم من هالثور الهايج

ونصيحة لوجه الله لا تخلون بيبانكم مشرعة خوف احد من هالثيران الهايجة يتسلط على بيوتكم :)

ام السعف

10-01-2010, 09:54 PM

ناس تعاني من ثيران و ناس تولول من القطاوة
الحمدلله على سلامة كل من كان في طريق هالثور وسلامة من كان في البيت يا ضوى .

!الشايمه!

10-01-2010, 10:01 PM

:rolleyes2: والله حسبالي بتختمين.....بكلمة منقول.....؟

من وين جاكم هالثور هههههههههههههههه....والله لو في بيتنا يوووووووه

انشهد عيالنا بيخلونه يندم انه فكر يجي صوبنا ههههههه

......

لكن الظاهر البلدية كانوا مشغولين بالاكشن ونسوا يحذرونكم......

وسلامتكم من الشر :)

تحية

Bu Rashid

10-01-2010, 10:18 PM

الحمد لله على سلامتج وسلامة ابوالعيال

واذا على الثيران الهايجه ... تراهم تارسيين البلد :eek5:

العلم الوكاد

10-01-2010, 10:18 PM

زين يا اختي ضوى

احمدي ربك

طلع ثور بهيمة ما يدري عن تصرفاته

فيه ثيران من نوع ثاني وبعد ما تدري عن تصرفاتها وهاذي اللي ينخاف منها

الله يستر على الديرة واهلها

ahmaaaddd

10-01-2010, 11:55 PM

الحمدلله على سلامتكم جميـــــــــــــــــــــــــــــــــــــــــــــــ ــــــــــــــــــــــــــــع

المستقل

11-01-2010, 01:10 AM

أنا إلي أفكر فيه..هالثور شمطلعه هالحزه؟ :)

هدهد سليمان

11-01-2010, 01:11 AM

الحمدلله على سلامتكم جميعا .. ثور يفوت ولا حد يموت .. سمالله عليكم

بلوتنيوم

11-01-2010, 01:22 AM

احتمال مستوردينهم
علشان يسون لنا مهرجان الثيران نفس الي يصير في اسبانيا

http://www.alyaum.com/images/10/10981/10981_225_1.jpg

اما بخصوص الموضوع بصراحة ماعندهم ذوق
يدرعمون بيوت العالم بدون احم ولا دستور :anger1:

nasser 519

11-01-2010, 01:39 AM

:eek5::eek5::eek5:

هذلان

11-01-2010, 01:40 AM

السلام عليكم

هو حادث عرضي بس ايش علاقه البلديه بثور هايج ؟

بصراحه انا ضد انه باب البيت يكون مفتوح دائما و هذا للاسف حال كثير من الناس .. باب ريموت ينهي الموضوع و تقدر تسوي كذا نسخه للريموت

صارت معانا سابقا بس كان خروف . هو شكله خروف بس كانت رشاقته رشاقه غزال ماصدناه الا في صاله بيت عمي يناقز من كرسي لكرسي

سهم مضطرب

11-01-2010, 09:09 AM

::omg::omg::omg:

اهم شي جات سليمه

ومحد تعور .. :nice:

هدوء الصباح

11-01-2010, 09:13 AM

قصص الف ليلة وليلة :rolleyes2: اليوم الصبح والكل في امان الله بالبيت والحمد لله انا

والعيال اللي باشغاله والا بمدارسه ، والشغالة داخل البيت والدريولية في غرفهم والا بذاك

الثور الهايج يقطع هالهدوء ويحوس بالبيت وهالعالم اللي دخلت بيتنا ومن الخوف واقفين

مايتحركون لانه ممكن يودرهم دخل من باب وطلع من باب ولا احد قادر يسيطر عليه ، ولما

زوجي سمع الحشرة طلع والا الاخ يوقفه يقوله لا تطلع برع بيتك فيه مشاكل هنا ، طبعا زوجي

ماسمع الكلام وطلع والا يشوفهم يلاحقون الثور الهايج ، وواحد منه فكر ودعم الثور عشان

يقدرون يمسكونه ، السيارات كانت كرورز وسيارة بلدية صفراء ( قمامة ) .

إلى هنا وانتهى الموضوع ! ولكن السؤال اللي يطرح نفسه هذا الثور شنهي قصته بالضبط ؟؟

وليش البلدية مااطلقت صفارة والا ابواق على الاقل الناس تتنبه انه في شئ صاير ؟؟ وليش بعد

ماصار اللي صار وشالوا الثور الهايج ماعلمونا شسالفة خلونا ودبروا عنا ولا كانه الثور خرب

شجر البيت ؟؟؟؟من باب الذوق لو كان الثور لصاحب الكروزر انه يعتذر لصاحب البيت ، وان

كان للحكومة تعتذر لنا عن هالخطأ الغير مقصود صح والا انا غلطانة ؟؟

الحمد لله على سلامة اللي في البيت الله ستر وحفظهم من هالثور الهايج

ونصيحة لوجه الله لا تخلون بيبانكم مشرعة خوف احد من هالثيران الهايجة يتسلط على بيوتكم :)

صباح الخير:omg::omg:
معاج حق..
مرة دخل بيتنا(بسيارته)للكراج رجل اسيوي ...يدور بيوت للاجار!!!

ابوعلي

11-01-2010, 09:22 AM

ذكرتيني اختي ضوى لما كنا ساكنيين في الخور وكان عمري في حدود 10 سنيين وكان لبيت عمي ثور اسود من الحجم العائلي وشرد عنهم وقاموا الشباب يطاردونه بالسيارات وتثور عليه عشان يمسكونه واحنا عايشين جو المطاردة ومستانسين ومش حاسين بخطورة الثور لما يواجهنا أيام حلوة والله:weeping:

الدمعه

11-01-2010, 09:26 AM

نفس الحادثه السنه الماضيه او اللي قبلها صارت لناس ساكنين في المعموره

عاد المره مسكينه كبيره في العمر .. بس الحمدلله جات سليمه .. وقالولهم شارد من

سوق الغنم .. يعني ركض هالمسافه مادرو عنه ولا مسكوه.. الحمدلله على كل حال ..

وتستاهلون السلامه والحمدلله جات عالزرع مع انهم يعورون القلب .. بس قله ذوق منهم

عدم توضيح السالفه او الاعتذار مومكلفهم شي ببلاش والايمكن يخافون تطلبين تعويض

الزرع غالي .. :)

فرانسـ كوفي

11-01-2010, 09:33 AM

الحمد لله على سلامتج وسلامة ابوالعيال

التوقع والعلم عند الله ان حبيبته البقره خانته وتزوجت وتركته لذلك من الصدمه بعد ماكان عامل نفسه اتيكيت وذرب طلع على حقيقته وثار الثور الله يكفينا شره

ليش يزعل هذي سنة الحياه الكل يشوف نصيبه

الله يرزق البقره الذريه الصالحه :tease:

nooora

11-01-2010, 09:35 AM

الحمدلله على سلامة الجميع :)

بوخالد2

11-01-2010, 09:41 AM

الاول كانت قطر البيوت فيها مشرعه

الحين وفي ظل كثر العماله الاسيويه راحت العاده ذي وراح معاها الامان القديم

شوفي يمكن في فريقكم بيت عنده حوطه بقر !! وفرط هذا الثور منها

كان ثور عليه بالشوزن :anger1:

الحمدالله على السلامه

عابر سبيل

11-01-2010, 09:44 AM

تحية يا اخت ضوى..
مع ان القصة عجيبة..
بس دايما لازم نبحث عن الحقيقة...

الثور هايج و الوقت اشتى...
الشرهه لو تبين الصدق لا هي على الثور
و لا على راعيه...
شوفي منهو حولكم عندهم
" ابقره":omg:

هذا هو اللي عليه " الشرهه"!

القانون..حسب ما اعرف يمنع منعا باتا
الحظاير( لحوط) في الفرجان لتربية
الغنم و البقر و "الثيران"

ضوى

11-01-2010, 09:56 AM

ناس تعاني من ثيران و ناس تولول من القطاوة
الحمدلله على سلامة كل من كان في طريق هالثور وسلامة من كان في البيت يا ضوى .

حياج الله ام السعف ، والله اني اولول من القطاوة البيت كله قطاوة والمشكلة حابين البيت والزرع اللي فيه ولا براضين يتركوننا ، مرة حطيتهم بخياش ووديتهم صوب سوق الخضرة يوم ثاني لقيتهم رادين ، قلت خلاص يبونا ومابيون يفارقونا خليتهم يترزقون من قمامة الفريج اعزج الله لاني ماحط لهم اكل في البيت جربت حطيت لهم جمعوا لي ربعهم كلهم في بيتي وصار بيت العايلة بيتي :rolleyes2:

الله يسلمج الشيخة مشكورة :)

:rolleyes2: والله حسبالي بتختمين.....بكلمة منقول.....؟

من وين جاكم هالثور هههههههههههههههه....والله لو في بيتنا يوووووووه

انشهد عيالنا بيخلونه يندم انه فكر يجي صوبنا ههههههه

......

لكن الظاهر البلدية كانوا مشغولين بالاكشن ونسوا يحذرونكم......

وسلامتكم من الشر :)

تحية

الله يسلمج من الشر يارب ويبعده عن غاليينج يارب ، اما الاكشن صج اكشن ومن قلب :rolleyes2:

الحمد لله على سلامتج وسلامة ابوالعيال

واذا على الثيران الهايجه ... تراهم تارسيين البلد :eek5:

صج ؟؟؟ فيه ثيران غير هالثور :eek5:

الله يسلمك يارب من كل شر

زين يا اختي ضوى

احمدي ربك

طلع ثور بهيمة ما يدري عن تصرفاته

فيه ثيران من نوع ثاني وبعد ما تدري عن تصرفاتها وهاذي اللي ينخاف منها

الله يستر على الديرة واهلها

اللهم امييييييييييييييين

والحمد لله على كل حال :(

الحمدلله على سلامتكم جميـــــــــــــــــــــــــــــــــــــــــــــــ ــــــــــــــــــــــــــــع

الله يسلمك يارب شكرا

أنا إلي أفكر فيه..هالثور شمطلعه هالحزه؟ :)

ليش لهم حزات معينة ؟؟:eek5:

الحمدلله على سلامتكم جميعا .. ثور يفوت ولا حد يموت .. سمالله عليكم

الله يسلمك اخوي الهدد شكرا ماقصرت

احتمال مستوردينهم
علشان يسون لنا مهرجان الثيران نفس الي يصير في اسبانيا

http://www.alyaum.com/images/10/10981/10981_225_1.jpg

اما بخصوص الموضوع بصراحة ماعندهم ذوق
يدرعمون بيوت العالم بدون احم ولا دستور :anger1:

:eek5::eek5::eek5:

اما مصيبة لو يبون يسون نفس اسبانيا ، وخلوهم يتدربون على بيوت الناس :)

:eek5::eek5::eek5:

:secret::secret::secret::secret:

هذا فعلا اللي صار

الصريحه

11-01-2010, 10:02 AM

الحمد لله على سلامتج وسلامة ابوالعيال

واذا على الثيران الهايجه ... تراهم تارسيين البلد :eek5:

الحمد للله ماشفت ولا ابي اشوف منهم حد

بـــــــنت النوخـّــــذه

11-01-2010, 10:20 AM

اووووووووووووووووووووووووووووووووووووووب

ثور في شوارعنا 00000000000000000وبين الطرقات *_*

(حوريه)

11-01-2010, 11:34 AM

حيوان والا انسان

الكلام كانة عن انسان ؟!!

ضوى

11-01-2010, 11:48 AM

السلام عليكم

هو حادث عرضي بس ايش علاقه البلديه بثور هايج ؟

بصراحه انا ضد انه باب البيت يكون مفتوح دائما و هذا للاسف حال كثير من الناس .. باب ريموت ينهي الموضوع و تقدر تسوي كذا نسخه للريموت

صارت معانا سابقا بس كان خروف . هو شكله خروف بس كانت رشاقته رشاقه غزال ماصدناه الا في صاله بيت عمي يناقز من كرسي لكرسي

حاجات غريبة الله يستر

بخصوص باب البيت ، مانقدر نسكره تعودنا ، الله يعينا بس

::omg::omg::omg:

اهم شي جات سليمه

ومحد تعور .. :nice:

الحمد لله جات سليمة والله ستر

صباح الخير:omg::omg:
معاج حق..
مرة دخل بيتنا(بسيارته)للكراج رجل اسيوي ...يدور بيوت للاجار!!!

لا حول ولاقوة الا بالله الله يستر يارب

ذكرتيني اختي ضوى لما كنا ساكنيين في الخور وكان عمري في حدود 10 سنيين وكان لبيت عمي ثور اسود من الحجم العائلي وشرد عنهم وقاموا الشباب يطاردونه بالسيارات وتثور عليه عشان يمسكونه واحنا عايشين جو المطاردة ومستانسين ومش حاسين بخطورة الثور لما يواجهنا أيام حلوة والله:weeping:

طفولة شقية ، والايام الحلوة ماترجع للاسف

نفس الحادثه السنه الماضيه او اللي قبلها صارت لناس ساكنين في المعموره

عاد المره مسكينه كبيره في العمر .. بس الحمدلله جات سليمه .. وقالولهم شارد من

سوق الغنم .. يعني ركض هالمسافه مادرو عنه ولا مسكوه.. الحمدلله على كل حال ..

وتستاهلون السلامه والحمدلله جات عالزرع مع انهم يعورون القلب .. بس قله ذوق منهم

عدم توضيح السالفه او الاعتذار مومكلفهم شي ببلاش والايمكن يخافون تطلبين تعويض

الزرع غالي .. :)

صدق والله الزرع غالي كفاية روحنا فيه هالزرع ربى مع عيالي ومن سنهم يعني عشرة عمر واصلا قلبي يعورني وااااااااايد عليهم

الحمد لله على سلامتج وسلامة ابوالعيال

التوقع والعلم عند الله ان حبيبته البقره خانته وتزوجت وتركته لذلك من الصدمه بعد ماكان عامل نفسه اتيكيت وذرب طلع على حقيقته وثار الثور الله يكفينا شره

ليش يزعل هذي سنة الحياه الكل يشوف نصيبه

الله يرزق البقره الذريه الصالحه :tease:

:eek5::eek5::eek5:

الله يسلمك من الشر

الحمدلله على سلامة الجميع :)

الله يسلمج من الشر

الاول كانت قطر البيوت فيها مشرعه

الحين وفي ظل كثر العماله الاسيويه راحت العاده ذي وراح معاها الامان القديم

شوفي يمكن في فريقكم بيت عنده حوطه بقر !! وفرط هذا الثور منها

كان ثور عليه بالشوزن :anger1:

الحمدالله على السلامه

المشكلة سوق الغنم بكبره جنبنا :secret:

تحية يا اخت ضوى..
مع ان القصة عجيبة..
بس دايما لازم نبحث عن الحقيقة...

الثور هايج و الوقت اشتى...
الشرهه لو تبين الصدق لا هي على الثور
و لا على راعيه...
شوفي منهو حولكم عندهم
" ابقره":omg:

هذا هو اللي عليه " الشرهه"!

القانون..حسب ما اعرف يمنع منعا باتا
الحظاير( لحوط) في الفرجان لتربية
الغنم و البقر و "الثيران"

الله كريم ياعابر ، مهب حوطة اللي جنبنا الا سوق كااااااااامل لكل انواع الدبش والبهايم :weeping:

الحمد للله ماشفت ولا ابي اشوف منهم حد

الله يبعدهم عنج يارب

اووووووووووووووووووووووووووووووووووووووب

ثور في شوارعنا 00000000000000000وبين الطرقات *_*

يس يس ، يابنت النوخذه ثور في الطرقات :)

حيوان والا انسان

الكلام كانه عن انسان ؟!!

لا الكلام عن بهيمة اعزكم الله :)

Chanel

11-01-2010, 01:12 PM

الله حفظكم ان شالله

~ نســـايم ~

11-01-2010, 01:17 PM

والله حسبت الموضوع مزحه بس من الردود اشوف الموضوع جدي :eek5:

في ثيران هايجه ممكن تمشي وتدخل بيوت بعد :weeping: ؟؟

الحمدلله على سلامتكم جميعا اختي ضوى

ضوى

11-01-2010, 02:53 PM

الله حفظكم ان شالله

الحمد لله رب العالمين

بن علان

11-01-2010, 03:26 PM

الحمدلله على سلامتكم ونصيحتي لكم إذا تكرر معاكم نفس الموقف جيبوا له ابقرة يمشي وراها بكل أريحيه :victory:

هتـان قطر

11-01-2010, 04:57 PM

ضوى الحمدلله على سلامتكم,,هههه بس قديمة الحركة

ثور بوسط البيت..؟ :nice:

انا سمعت انه فيه نمر مادري فهد ضايع في البر :eek5:

ياليت اذا حد عنده علم يفيدنا,,:telephone:

غزلان

11-01-2010, 05:48 PM

بل ثور مره وحده احنا مره كلب خذله لفه في بيتنا وطلع الظاهر يمارس رياضة المشي يحسب بيتنا الكورنيش

الحمد لله على سلامتكم

موضي قطر

11-01-2010, 05:58 PM

الحمدلله على سلامتكم يا ضوى بس المفروض يحاسبون ( الثور ) اللي مادرى عنه

مجرد انسان

11-01-2010, 06:08 PM

في بيتنا ثور ....

رواية أقرب للخيال بعد مشاهدة الردود ...

وقفة ضرورية جدا : من المسؤول ؟؟؟

يا جماعة .. هذا ثور ,,, مو مزحة ,,, !!

يعني اللي عنده أولاد صغار ,,, ( عظم الله أجركم ,,, *)

بالمناسبة ,, من وين نجيب ( قفص ثيران ) ؟؟
يعني .. من باب الاحتياط ... !!

الحمد لله على السلامة اختي الفاضلة ,,

* مجرد انسان *

العليا

11-01-2010, 07:35 PM

ههههههههههههههههه

من صجج انتي تتكلمين

أكيد أنتو خارج الدوحه

اللي أعرفه فيها ثيران أدميه لكن ثيران حقيقيه ما أخبر

عموما الحمد لله عالسلامه
و لاعادكم تخلون البيبان مبطله

,,,

بـــــــنت النوخـّــــذه

11-01-2010, 07:57 PM

والله حسبت الموضوع مزحه بس من الردود اشوف الموضوع جدي :eek5:

في ثيران هايجه ممكن تمشي وتدخل بيوت بعد :weeping: ؟؟

الحمدلله على سلامتكم جميعا اختي ضوى

هههههههههههههه تخيلي حد يطق باب الصاله تك تك تك وتفتحين الا ثور يطق بقرونه :nice:

شموخ وبس

11-01-2010, 07:59 PM

امبييه :omg::eek5: واحلى شي كاتبه قصص الف ليله وليله :) عبالي احين شهريار بيغازل شهرزاد :shy: الا اشوي اكمل اتاريه سالفتج :omen2:والصدمه البطل اهو ثور:eek5: وصجي بعد يللا الحمدلله على سلامتج ياشهرزاد وسلامة شهريار :nice:
ياليت انشالله مافي مرات يايه بس لو ترفقينا بالصور او فيديو ههه اتغشمر انشالله عدوينج بس تكفون صوروا:victory:

ضوى

11-01-2010, 08:20 PM

والله حسبت الموضوع مزحه بس من الردود اشوف الموضوع جدي :eek5:

في ثيران هايجه ممكن تمشي وتدخل بيوت بعد :weeping: ؟؟

الحمدلله على سلامتكم جميعا اختي ضوى

الله يسلمج يانسايم ، شئ غريب صح ؟؟ عقب اللي صار معانا صدقي بكل شئ :)

الحمدلله على سلامتكم ونصيحتي لكم إذا تكرر معاكم نفس الموقف جيبوا له ابقرة يمشي وراها بكل أريحيه :victory:

الله يسلمج :eek5:

ضوى الحمدلله على سلامتكم,,هههه بس قديمة الحركة

ثور بوسط البيت..؟ :nice:

انا سمعت انه فيه نمر مادري فهد ضايع في البر :eek5:

ياليت اذا حد عنده علم يفيدنا,,:telephone:

الله يسلمج ياهتان ، نمر عاد !!!

بل ثور مره وحده احنا مره كلب خذله لفه في بيتنا وطلع الظاهر يمارس رياضة المشي يحسب بيتنا الكورنيش

الحمد لله على سلامتكم

الله يسلمج ياغزلان ، يعني كلب الله يعزج مبلوعة بس ثووووووور:eek5:

الحمدلله على سلامتكم يا ضوى بس المفروض يحاسبون ( الثور ) اللي مادرى عنه

الله يسلمج ياموضي ، مسكين هالثور الله العالم وشهو اللي خلاه يهيج :(

في بيتنا ثور ....

رواية أقرب للخيال بعد مشاهدة الردود ...

وقفة ضرورية جدا : من المسؤول ؟؟؟

يا جماعة .. هذا ثور ,,, مو مزحة ,,, !!

يعني اللي عنده أولاد صغار ,,, ( عظم الله أجركم ,,, *)

بالمناسبة ,, من وين نجيب ( قفص ثيران ) ؟؟
يعني .. من باب الاحتياط ... !!

الحمد لله على السلامة اختي الفاضلة ,,

* مجرد انسان *

الله يسلمك اخوي الفاضل

الحمد لله الف مرة انه عيالي كلهم بالمدارس ولا عندي صغار يلعبون بالحوش والا كانت بتصير علووم ، الله يحفظهم ويحفظ عيال المسلمين

ههههههههههههههههه

من صجج انتي تتكلمين

أكيد أنتو خارج الدوحه

اللي أعرفه فيها ثيران أدميه لكن ثيران حقيقيه ما أخبر

عموما الحمد لله عالسلامه
و لاعادكم تخلون البيبان مبطله

,,,

الله يسلمج يارب ، والله بابنا مبطل ليل نهار ولا يتسكر الا بالليل شنسوي عادة وان شاء الله تقدر نغيرها :(

هههههههههههههه تخيلي حد يطق باب الصاله تك تك تك وتفتحين الا ثور يطق بقرونه :nice:

:tease::tease::tease: جربي يابنت النوخذه :rolleyes2:

امبييه :omg::eek5: واحلى شي كاتبه قصص الف ليله وليله :) عبالي احين شهريار بيغازل شهرزاد :shy: الا اشوي اكمل اتاريه سالفتج :omen2:والصدمه البطل اهو ثور:eek5: وصجي بعد يللا الحمدلله على سلامتج ياشهرزاد وسلامة شهريار :nice:
ياليت انشالله مافي مرات يايه بس لو ترفقينا بالصور او فيديو ههه اتغشمر انشالله عدوينج بس تكفون صوروا:victory:

الله يسلمج ، في ذاك الوقت تقدرين تصورين ؟؟ الحمد لله ماكنت موجودة والا الله العالم وش بيصير ، يمكن اصير مصارعة ثيران :tease:

لولوتي

12-01-2010, 02:48 AM

الحمد لله على سلامتكم اجمعين اختي

واحصلت معانا من كمن سنه بس صخله حليوه وتيس نحيس :eek5:
بهدل خدامات الجيران وهم يركضون وراه فحوش بيتنا،

مع انه ما حصل شي من التخريب ساعتها، لكن الجيران اعتذروا عن الازعاج اللي حصل،
وانا كنت مستانسه، وصورتهم، وكان قبل رمضان بيوم واظنهم جايين يهنون :nice:

كازانوفا

12-01-2010, 10:42 AM

لا حولة ولا قوة الابالله

المضعد

12-01-2010, 10:50 AM

تستاهلون السلامه... شر وعدى

الرويـس

12-01-2010, 11:29 AM

ليش انتوا في (بامبلونا )؟ :(
بدري على المهرجان السنوي في يوليو/تموز
:(

ضوى

12-01-2010, 12:36 PM

الحمد لله على سلامتكم اجمعين اختي

واحصلت معانا من كمن سنه بس صخله حليوه وتيس نحيس :eek5:
بهدل خدامات الجيران وهم يركضون وراه فحوش بيتنا،

مع انه ما حصل شي من التخريب ساعتها، لكن الجيران اعتذروا عن الازعاج اللي حصل،
وانا كنت مستانسه، وصورتهم، وكان قبل رمضان بيوم واظنهم جايين يهنون :nice:

الله يسلمج يالغالية

ياحلوها الصخلة جنب ثووووووور يالولوتي :(

بوحارب

12-01-2010, 01:04 PM

جان زين لو نطح موترج من قدام عشان تطلع الأيرباقات:tease:

ابـو مــحــــمـــــد

12-01-2010, 02:07 PM

من حظكم انه ثور حيواني
ولكن انا لقيت ثور بني ادم في ليلة راس السنه سكرآ في حوش البيت
باطحينه العيال وتلشط فيه لا والمصيبه خذته الشرطه وانا فازع فيهم
ولكن بعدها بيومين لقيته واقف على باب الحوطه الستور الي قريبه من بيتنا
لانه هو شغال هناك ....

خفوق

13-01-2010, 01:20 AM

بصراحه انا على بالي تمزحين اتخيل اشكال الخدامات واللي في البيت مو مستوعبين لووووول

بصراحه انا احسد اللي كانوا يلاحقون الثور احسهم عاشوا جو اكشن وضحكوا على اشكال الناس المصدومين والخايفين هههههههههه

ضوى

13-01-2010, 08:00 AM

لا حولة ولا قوة الابالله

والنعم بالله

تستاهلون السلامه... شر وعدى

الله يسلمج اختي ماقصرتي

ليش انتوا في (بامبلونا )؟ :(
بدري على المهرجان السنوي في يوليو/تموز
:(

لا احنا مب في بامبلونا اللي تقول عنها احنا حولها بس :tease:

من حظكم انه ثور حيواني
ولكن انا لقيت ثور بني ادم في ليلة راس السنه سكرآ في حوش البيت
باطحينه العيال وتلشط فيه لا والمصيبه خذته الشرطه وانا فازع فيهم
ولكن بعدها بيومين لقيته واقف على باب الحوطه الستور الي قريبه من بيتنا
لانه هو شغال هناك ....

لا حول ولا قوة الا بالله ، لا بالله الحمد لله انه ثور بهيمة مب ثور بشري سكران اعوذ بالله
الله سلمكم منه حسبي الله عليه والله يحفظكم ان شاء الله ، وهاي نتيجة طبيعية لوجود العزاب وسط الاسر حسبي الله ونعم الوكيل

بصراحه انا على بالي تمزحين اتخيل اشكال الخدامات واللي في البيت مو مستوعبين لووووول

بصراحه انا احسد اللي كانوا يلاحقون الثور احسهم عاشوا جو اكشن وضحكوا على اشكال الناس المصدومين والخايفين هههههههههه

عاد تصدقين ياخفوق انه محد درى عن الموضوع الا زوجي ؟؟؟؟ والجيران دروا واحنا مادرينا :rolleyes2:

اما جو اكشن من قلب لو تشوفين حلبة المصارعة اقصد المطاردة :anger1: اكشن من قلب :)

الحجاجي

13-01-2010, 11:11 AM

ضوى

سلامتكم من الشر

بس انا عتبان عليج

ليش ما صورتي فيديو

محتاجين هالاكشن ..

كان بعتي الفلم حق أي قناه
بملبغ فلاني ..

تحملي تسوينها في المستقبل
عقب يصير لج شيء
تقولين نصيحه الحجاجي خخخخ

تحياتي لك

ملسونه

13-01-2010, 11:27 AM

الحمدلله ع سلامتكم .. :shy:

الله يستر اليوم ثور

بكره :secret:

صوت الضمير

13-01-2010, 12:53 PM

من وين جاء الثور ؟؟ :) عندنا ثيران بقطر توني أدري

حنا ماعمرنا سكرنا الباب الخارجي ولا الداخلي

مره دخل علينا في نص الليل سكران وقعد بالصالة....

للي ماعندهم رجال في البيت وعائلتهم صغيرة سكروا أبوابكم عدل

ترا الدنيا ماعادت مثل أول

أبداع

BusinessGirl

13-01-2010, 10:01 PM

ايــــــه عليكــــم
الله حـــفظكــــم هاي اهم شي ..<<< خاصه اليهال

يعني قبل كان موضه القطاوه الحين ثيران :omen2:

شا السالفه !!! :omg:
الحمدالله ان احنا مو في افريقيا كان دخلت علينا زرافه
يلحقها اسد :omg:

بن علان

14-01-2010, 07:19 AM

الحمد لله على سلامتكم اجمعين اختي

واحصلت معانا من كمن سنه بس صخله حليوه وتيس نحيس :eek5:
بهدل خدامات الجيران وهم يركضون وراه فحوش بيتنا،

مع انه ما حصل شي من التخريب ساعتها، لكن الجيران اعتذروا عن الازعاج اللي حصل،
وانا كنت مستانسه، وصورتهم، وكان قبل رمضان بيوم واظنهم جايين يهنون :nice:

هذيلا هم .. شوفيهم :nice:

http://www.qatarshares.com.qa/data/36/38/storm_2054467436_1822208810.gif

لولوتي

14-01-2010, 09:09 AM

هذيلا هم .. شوفيهم :nice:

http://www.qatarshares.com.qa/data/36/38/storm_2054467436_1822208810.gif

:eek5::omg::eek5::omg::eek5::omg:

None

16-01-2010, 02:13 PM

هههههههههههههههههههههههههه

انتي من صجج ثور ثور ثور صجي صجي ؟

والله اول مره ادري ف قطر في ثيران حتي ف حديقة الحيوان مافي

هههههههههه يمااا والله شي ايخررررررررع

ضوى

16-01-2010, 09:15 PM

ضوى

سلامتكم من الشر

بس انا عتبان عليج

ليش ما صورتي فيديو

محتاجين هالاكشن ..

كان بعتي الفلم حق أي قناه
بملبغ فلاني ..

تحملي تسوينها في المستقبل
عقب يصير لج شيء
تقولين نصيحه الحجاجي خخخخ

تحياتي لك

فاتتني هالنقطة بالحجاجي ياللا مو مشكلة الثور القادم :tease:

الحمدلله ع سلامتكم .. :shy:

الله يستر اليوم ثور

بكره :secret:

الله يسلمج يالطيبة ماتدري عقب فترة وش بنسمع :)

من وين جاء الثور ؟؟ :) عندنا ثيران بقطر توني أدري

حنا ماعمرنا سكرنا الباب الخارجي ولا الداخلي

مره دخل علينا في نص الليل سكران وقعد بالصالة....

للي ماعندهم رجال في البيت وعائلتهم صغيرة سكروا أبوابكم عدل

ترا الدنيا ماعادت مثل أول

أبداع

صدقيني ولا احنا سكرنا بابنا :( وبيني وبينج هذا غلط بس عادة ونتمنى نقطعها

ايــــــه عليكــــم
الله حـــفظكــــم هاي اهم شي ..<<< خاصه اليهال

يعني قبل كان موضه القطاوه الحين ثيران :omen2:

شا السالفه !!! :omg:
الحمدالله ان احنا مو في افريقيا كان دخلت علينا زرافه
يلحقها اسد :omg:

عجبتني زرافة يلحقها اسد :) عسى ماشر ادغال افريقيا :rolleyes2:

هذيلا هم .. شوفيهم :nice:

http://www.qatarshares.com.qa/data/36/38/storm_2054467436_1822208810.gif

:eek5::eek5::eek5::eek5::eek5:

ياحلوهم والله جنب الثور

هههههههههههههههههههههههههه

انتي من صجج ثور ثور ثور صجي صجي ؟

والله اول مره ادري ف قطر في ثيران حتي ف حديقة الحيوان مافي

هههههههههه يمااا والله شي ايخررررررررع

ايييه ثور صجي :)

ولا انا كنت ادري فيه ثيران بقطر الصراحة اول مرة اعرف

فرحة ايامي

16-01-2010, 10:26 PM

قصص الف ليلة وليلة :rolleyes2: اليوم الصبح والكل في امان الله بالبيت والحمد لله انا

والعيال اللي باشغاله والا بمدارسه ، والشغالة داخل البيت والدريولية في غرفهم والا بذاك

الثور الهايج يقطع هالهدوء ويحوس بالبيت وهالعالم اللي دخلت بيتنا ومن الخوف واقفين

مايتحركون لانه ممكن يودرهم دخل من باب وطلع من باب ولا احد قادر يسيطر عليه ، ولما

زوجي سمع الحشرة طلع والا الاخ يوقفه يقوله لا تطلع برع بيتك فيه مشاكل هنا ، طبعا زوجي

ماسمع الكلام وطلع والا يشوفهم يلاحقون الثور الهايج ، وواحد منه فكر ودعم الثور عشان

يقدرون يمسكونه ، السيارات كانت كرورز وسيارة بلدية صفراء ( قمامة ) .

إلى هنا وانتهى الموضوع ! ولكن السؤال اللي يطرح نفسه هذا الثور شنهي قصته بالضبط ؟؟

وليش البلدية مااطلقت صفارة والا ابواق على الاقل الناس تتنبه انه في شئ صاير ؟؟ وليش بعد

ماصار اللي صار وشالوا الثور الهايج ماعلمونا شسالفة خلونا ودبروا عنا ولا كانه الثور خرب

شجر البيت ؟؟؟؟من باب الذوق لو كان الثور لصاحب الكروزر انه يعتذر لصاحب البيت ، وان

كان للحكومة تعتذر لنا عن هالخطأ الغير مقصود صح والا انا غلطانة ؟؟

الحمد لله على سلامة اللي في البيت الله ستر وحفظهم من هالثور الهايج

ونصيحة لوجه الله لا تخلون بيبانكم مشرعة خوف احد من هالثيران الهايجة يتسلط على بيوتكم :)

بس حبيت أمسي عليج يا ضوى..ما كنت أقدر أمر بدون ما اشوف اسمج وأمسي.

وطن

16-01-2010, 10:35 PM

هاهاهاهاهاها
ضوى
الصراحة ماقدرت امسك نفسي من الضحك

عجيبه السالفة
اوبيه
من وين جا هالثووور

خطاكم الشر
والشجر ان شاء الله يتعوض
زين انه ما درعم داخل البيت
اشوه انه بالحوش بس

Q6R_MAHA

17-01-2010, 04:22 AM

ضوى انتو جاكم ثور لكن احنا تخيلي من جانا؟؟؟؟؟؟؟؟؟

قرد (سيبال):shy:

المشكله انه احتل الزرع اول يوم ابوي قال خلوه يمكن يومين ويمل ويطلع بروحه

لكن الحبيب حس انه ملك الزرع وياويل حد يقرب !! اذى الهنود وعض عامل

صراحه سوى لنا رعب حتى اليهال قاموا يخافون يطلعون الحوش

ثالث يوم اخوي اتخذ وضع المحارب ومن بعيد عطاه طلقه في راسه

وخر صريعا :telephone:

هالسالفه قديمة بس لما اذكرها اضحك

doha1

17-01-2010, 04:53 AM

جات سليمه ياضوى

ماعليكم شر ان شاء الله والحمدلله ع سلامتكم

خبر غريب من نوووعه والاسباب مجهوله والاعتذار غير موجود خوش والله

ليفربولي

17-01-2010, 06:33 AM

هههههههههه

قاعدين في اسبانيا احنا مب قطر ..

الله يعوضكم خير

تقبلوا تحياتي

مزايين

17-01-2010, 06:47 AM

صار لنا هل شي من قبل

دخل ثورأو بقرة ....والله مادري لأن هذا كلام الشغالة وخذ دورة حول البيت وهومار بالمطبخ الخارجي شافته الشغالة وخلص دورته وطلع
بس اللي جانا ملك لواحد من سكان المنطقة

ضوى

17-01-2010, 08:32 AM

:)

بس حبيت أمسي عليج يا ضوى..ما كنت أقدر أمر بدون ما اشوف اسمج وأمسي.

مساج الله بالنور والسرور يافرحة ، من زمان غايبة :)

هاهاهاهاهاها
ضوى
الصراحة ماقدرت امسك نفسي من الضحك

عجيبه السالفة
اوبيه
من وين جا هالثووور

خطاكم الشر
والشجر ان شاء الله يتعوض
زين انه ما درعم داخل البيت
اشوه انه بالحوش بس

ايه والله اشوه انه في الحوش بس ياوطن كان علوووم :secret:

ضوى انتو جاكم ثور لكن احنا تخيلي من جانا؟؟؟؟؟؟؟؟؟

قرد (سيبال):shy:

المشكله انه احتل الزرع اول يوم ابوي قال خلوه يمكن يومين ويمل ويطلع بروحه

لكن الحبيب حس انه ملك الزرع وياويل حد يقرب !! اذى الهنود وعض عامل

صراحه سوى لنا رعب حتى اليهال قاموا يخافون يطلعون الحوش

ثالث يوم اخوي اتخذ وضع المحارب ومن بعيد عطاه طلقه في راسه

وخر صريعا :telephone:

هالسالفه قديمة بس لما اذكرها اضحك

اما اخوج عجيب الصراحة ماخاف :rolleyes2: ياللا والقادم احلة قرد وصخلة وتيس ووو

جات سليمه ياضوى

ماعليكم شر ان شاء الله والحمدلله ع سلامتكم

خبر غريب من نوووعه والاسباب مجهوله والاعتذار غير موجود خوش والله

الله يسلمك ياخوي

هههههههههه

قاعدين في اسبانيا احنا مب قطر ..

الله يعوضكم خير

تقبلوا تحياتي

اسبانيا حولنا يعني قريب :rolleyes2:

صار لنا هل شي من قبل

دخل ثورأو بقرة ....والله مادري لأن هذا كلام الشغالة وخذ دورة حول البيت وهومار بالمطبخ الخارجي شافته الشغالة وخلص دورته وطلع
بس اللي جانا ملك لواحد من سكان المنطقة

يتمشى يحليله يغير جو يغير وجوه كان متضايق شوي :)