مشكلة محلات الديكور الداخلي في قطر

[$saryalia$]

السلام عليكم...
الصراحه احنا بقطر نتعب ندور محلات الديكور الداخلي في قطر

واذا حصلنا تكون اسعارهم نار.. نااارين.. استغلال موطبيعي

والمشكله اغلب المحلات ماعندهم مواقع..

ياليت نسوي موسوعه محلات الديكور الداخلي في الموقع
حتى تكون مفيده لكل انسان يدور الجديد والحلو واللي سعره احلى في الدوحه..

المحلات اللي اعرفها..
كورنيش للديكور..
شغلهم روووعه ولكن بطيئين في التعامل يعني صار لي شهر انطر بس تصاميم
وهذا غير الاسعار اللي لسه ماعرفها.

فنتازيا للديكور.
شغله روعه لكن مادي
وياخذ على التصميم فقط في ال 20 الف حسب ماذكر.
لكن فنان..
طيب اذا صمم لي وخذ فلوس الصميم وماقدرت انفذ تصميمه لانه غالي
اكيد فلوس التصميم بتروح علي...

هم رحت للمحيط في شارع المطار قريب رامز:
احسها فنااااانه وعندها خبره مب هينه
وتسوي تصميم زخرفة السجاد والجبس والسرير كله نفس الشي
لكن هي تاخذ هم سعر التصميم قبل لتشتغل في البيت
وشغلها كلاسك في اغلبه

انا ادور الشغل الفندقي الريفي يعني مودرن

ياليت القى عندكم اسماء محلات في الدوحه ونكمل هالموسوعه..

[$saryalia$]

للرفع

[أم وضحى]

موضوعج مهم وايد

ياليت اللي عندهم خبره يفيدونا

[فتى الدوحة]

في الدول المجاورة كلن يقول الوزد عندي وبأسعار تنافسية
تدوخ وانت تختار في التصاميم الروعة
أما عندنا مشي حالك وبأسعار خياليه
موضوع جيد وأتمنى من اللي عنده خلفية بالموضوع يفيدنا وجزاكم الله خير ..

[$saryalia$]

يا ليت والله

الهممممه

[دهــن العود]

السلام عليكم

موضوع مهم اختي سرياليه ومثل ماقلتي اذا لقينا شي حلوو يكون سعره مبالغ فيه جدا

بالنسبة لي رحت لمهندس ديكور بشارع سلوى بس ماعجبني او يمكن ماقدرت اوصلة فكرتي

وممكن نعتمد على نفسنا بلا نصبهم .. من خلال مشاهدتنا لصور الديكورات المتنوعة
ومحاولة تطبيقها بما يتناسب مع امكاناتنا وذوقنا

:)

[شاعر اللحظات]

اللي يبي تصميم داخلي روعه انا مستعد اساعده وبأسعار تنافسية

[سهم طويل الأجل]

في محل اسمه ( وردة ) في شارع الخليج وهو فرع من لبنان

شغلهم شكله حلو وايد بس بعد شكله غالي حبتين

مختص بالستائر والتنجيد وأعتقد عندهم تصميم ديكور

تحياتي

[موضي قطر]

التصميم صار في قطر عقوبه

[QAT2020]

موضوع رائع ومتابع لأهميته ..

[المضعد]

الله يوفق لج
المضعد
ام ناصر
http://www.flickr.com/photos/29982421@N07/4089159609/
هذا من تصميمي

[$saryalia$]

يعطيكم العافيه
في وين بالضبط محل ورده اخوي؟؟

المضعد شغل حلو بصراحه تسلم يدك
بس انا ابي السايل الفندقي المريح

اتمنى التفاعل

[سهم طويل الأجل]

يعطيكم العافيه
في وين بالضبط محل ورده اخوي؟؟

اتمنى التفاعل

المحل في نفس جهة فندق جنة الخليج في شارع الخليج

تعدي الفندق وبتلقى باب المحل على زاوية

أتمنى يكون الوصف واضح

[سمرلاند]

هلا سيرياليه :)

اذا تبين ستايل كلاسيك شغل بدرية لا يعلى عليه "المحيط" وترى دقيييييييييييييييقه في شغلهل تبرد قلبج

واذا مودرن عندج مدام باولا بتضبط لج المودرن عدل بس غاليه وشغلها في الرخام والتشطيبات يبي لج انتي

تجيبين عمالج وشركاتج ما تعتمدين عليها

لكن كذوق

بتساعدج وعندها خبره كبيره وخيارات وايد

وعندج بعد المهندسة انتصار بو حمدان

اعتقد مكتبها فوق "المعرض الراقي" << في الشقق اللي فوق مب في المعرض نفسه

باســأل لج اكثر

[bindarwish73]

يصراحه عجبني الموضوع وحبت أرفعه

للرفع

[المنسى]

الله يوفق لج
المضعد
ام ناصر
http://www.flickr.com/photos/29982421@n07/4089159609/
هذا من تصميمي

اختى هاذا تصميمك بس شغل الديكور من اى محل ويعطيك العافيه

[bindarwish73]

مطلوب مزيد من المحلات ؟

[الخير كله]

انتو يعني الحين وايد ذوقكم مو حلو؟؟؟؟؟؟؟؟؟؟
زين استعينو بمجلات من جرير
والله ولا احلى من ان الانسان يعرف اشيبي بنفسه

[amen]

ان شا الله اوعدكم بتصاميم حديثة وحلوة قريبا جدا

[bindarwish73]

up for more information

[$saryalia$]

هلا وغلا سمر لاند


تسلمين على الرد

وانا ابي المودرن ... وراح اشوف شغلهم ان شاااء الله

[$saryalia$]

السلام عليكم اخوتي اخواتي هذه بعض التصاميم ويوجد الكثير الكثير من التصاميم الحديثة وباسعار منافسة جدا لاهم شركات الديكور في قطر اسعار مدروسة جدا وتصاميم رائعة اتمنى ان تنال اعجابكم

بصراحه شغل ولا اروووع

ياليت العنوان اخوي ومكان التواصل


خصوصا ان اسعاركم مدروسه وشغلكم جد ابدااع

[أنا]

السلام عليكم اخوتي اخواتي هذه بعض التصاميم ويوجد الكثير الكثير من التصاميم الحديثة وباسعار منافسة جدا لاهم شركات الديكور في قطر اسعار مدروسة جدا وتصاميم رائعة اتمنى ان تنال اعجابكم

:nice:
شغل مميز يا ريت رقم الموبايل

[وهم قطر]

موضوع مهم ومفيد

واحد من الربع لله يهديه اول ما بلش في البناء من كثر المفوووشر قال بجيب مصمم ديكوردفع له 18000 ريال بس للتصميم وخربط عليه المصمم شوي حاجات وانا شفتها أي كلام شغل بلاليط وكانت اسعار الديكور المطلوب 115000 من جبس وسيراميك وابجورات واعمده رومانيه المكان كله جبس طالع شين
وعلى الجدران جبس منحوت يعني ضاع الديكور ماعرفنا هو تراث او مودرن
المهم الرجال طلع مفلس وبنى بيته غير الي مسويه المصمم وراحت عليه الفلوس
الي ابي اقوله المصمم في قطر فاشل ويبي فلوس وبس حتى لو شرحت له الفكره هم ماراح يوصل لها لانه بيجيب من الكتلوجات ولاهم من ذي كله توزيع البيت بشكل مناسب الواحد يفكر وش يبي عشان مايطلع عنده اماكن ميته الدور الارضي الصالات مفتوحه على بعض جميع الدرايش احجامها كبيره تطل على الحديقه ونازله الى الارض السقف المستعار الجبسنبورد يكون لفل واحد بدون كرنيش واليتات سبوت لايت كبيره + صغيره موزعه عدل مب يترس السقف ليتات وابواب الدور الارضي مفتوحه بس فريمات بدون ابواب والسقف يكون عالي راح تحس بشراحه في الجلسه انتهت البيوت القديمه تدخل صاله وعلى اليمين المجلس ويسار الصاله وكل غرفه الباب مصكر داش قبر ولله مالي نفس اجلس الا اذا مجبور وبحط لكم اصور لتصميمي ان شاءلله

[وهم قطر]

مساكم ورد وعطر جايب لكم صور من بيتي العامر وابي رايكم


هذا السلم للدور الاول
61270

وهذا فريم فقط بدون باب للمطعم خليته على زاويه حبيت اغير من المعتاد
61271

الصاله مفتوحه على الصاله الثانيه
61272

السلم وطريقه الشبابيك يعني مايحتاج أضاءه يمكن يسوونها بفلوس الاحتياط واجب
61273

وهذا بعد الصبغ
61274

وراح انزل لكم الصور بعد لما يكون مفروش ان شاء لله
أخوكم وهم قطر

[بوسلطانH]

جعله منزل مبارك اخوي وهم قطر

[وهم قطر]

جعله منزل مبارك اخوي وهم قطر

ربي يبارك في عمرك ويجزاك خير يابوسلطان

[وهم قطر]

حبيت احط شويه صور للبيت بعد الفرش لاهل الذوق من تصاميمي

ونت في الخارج مدخل الفله زجاج كامل من كثر ماني متأثر بالفنادق
61354

وسط الصاله
61355

الصاله الجانبيه
61356

الصاله المشاهده المدخل
61357


61360

[الســـهم]

ماشاء الله اخوي وهم قطر , لمساتك ابداع لا اله الا الله , الله يجعله منزل مبارك ..

بالفعل مصممين الديكور مايراعون استخدامك لبيتك وطريقة معيشتك , اهم شي عندهم انهم يحشون البيت بالديكورات اللي مالها اول ولا تالي , والحسبة كلها على ظهرك واخرتها فلوس ضايعه في اشياء مالها معنى ..

حلو البيت لما يكون بلمساتك الشخصيه وترى المجلات والكتالوجات تارسه الدنيا , بس يبيلها اشوية ذوق وناس تقدر تنفذها وتحت اشرافك ..

ولا إله الا الله على بيتك اخوي وهم قطر الف مرة ..

[بو خليفه 123]

في محل اسمه ( وردة ) في شارع الخليج وهو فرع من لبنان

شغلهم شكله حلو وايد بس بعد شكله غالي حبتين

مختص بالستائر والتنجيد وأعتقد عندهم تصميم ديكور

تحياتي

أنا مسوي الستائر و ورق الجدران من عنده ..

المحل كواليتي عالي و شغله مرتب لكن عيبه يتأخر واجد و سعره غالي شوي .

لكن انا اشوف اني ادفع اكثر شوي لـ شي حلو و يستاهل في بيتي مش خساره

[$saryalia$]

وهم قطر ...
مااشااء الله تبارك الرحمن

بيت ذوووق جعله منزل مبارك عليك وعلى هلك..

انا احتاج مصمم الديكور والمنفذ... بس يصمم على حسب ذوقي ...

المشكله اللي عندي في توزيع الاضاءه...
مثلا الحمامات وانتوا بكرامه ودي بها نظام فندقي.. واحتاج اكسسوارات الحمامات زي الفنادق

هنا وايد صعب علي.

عندي مثلا المطبخ المفتوح على الصاله ودي شي نظام فندق وشي راقي ومريح

في التفاصيل البسيطه صعب انها تكون عندي خبره

وايش ممكن ابلش به قبل وايش ممكن يكون بعد... هنا المشكله
المصمم يفكك من التكسير لاني احتاج خبرته قبل شغله.

طبعا لاتقولون استشارين البيوت لانهم دمار.
احتاج مصمم راعي خبره ويسوي على ذوقي لاني مصممه في الاساس لكن القاعده اللي يمشي عليها هي الصعبه.. ولااازم نسأل عن هالتفاصيل .

تسلمون على ردودكم... ويارب يرزق كل اسنان البيت اللي يتمناه.

[وهم قطر]

ماشاء الله اخوي وهم قطر , لمساتك ابداع لا اله الا الله , الله يجعله منزل مبارك ..

بالفعل مصممين الديكور مايراعون استخدامك لبيتك وطريقة معيشتك , اهم شي عندهم انهم يحشون البيت بالديكورات اللي مالها اول ولا تالي , والحسبة كلها على ظهرك واخرتها فلوس ضايعه في اشياء مالها معنى ..

حلو البيت لما يكون بلمساتك الشخصيه وترى المجلات والكتالوجات تارسه الدنيا , بس يبيلها اشوية ذوق وناس تقدر تنفذها وتحت اشرافك ..

ولا إله الا الله على بيتك اخوي وهم قطر الف مرة ..

تسلم أخوي السهم ولله يجزاك خير هذا ان دل يدل على ذوقك الراقي وكلامك صحيح الكتلوجات واجد
وخاطرك أتسوي مثلها في بيتك واذا سويتها تطلع غير ليش لان توزيع البيت من الاساس مايصلح

لان الي في الكتلوجات تبي بيت مفتوح على بعض كل جلسه لها ستايل بمعنى جلسه امريكيه والثانيه انجليزيه

ولا تدخل عليها العربيه لانها بتخرب العربيه احكرها في غرفه صاده مثل جلسه لان فيها دفاشه اكثر من الازم استاره تسحب وكراسي كبارونت عارف

[وهم قطر]

[color="darkslategray"]وهم قطر ...
مااشااء الله تبارك الرحمن

بيت ذوووق جعله منزل مبارك عليك وعلى هلك..

انا احتاج مصمم الديكور والمنفذ... بس يصمم على حسب ذوقي ...

المشكله اللي عندي في توزيع الاضاءه...
مثلا الحمامات وانتوا بكرامه ودي بها نظام فندقي.. واحتاج اكسسوارات الحمامات زي الفنادق

هنا وايد صعب علي.

عندي مثلا المطبخ المفتوح على الصاله ودي شي نظام فندق وشي راقي ومريح

التفاصيل البسيطه صعب انها تكون عندي خبره

وايش ممكن ابلش به قبل وايش ممكن يكون بعد... هنا المشكله
المصمم يفكك من التكسير لاني احتاج خبرته قبل شغله.

طبعا لاتقولون استشارين البيوت لانهم دمار.
احتاج مصمم راعي خبره ويسوي على ذوقي لاني مصممه في الاساس لكن القاعده اللي يمشي عليها هي الصعبه.. ولااازم نسأل عن هالتفاصيل .

تسلمون على ردودكم... ويارب يرزق كل اسنان البيت اللي يتمناه.

لله يجزاك خير ويبارك فيك ومابعد الصبر الى الفرج
شيخي ولله ماراح يفيد المصمم عندنا في الدوحه المصممين بلاليط ولله هذا يرجع لذوقك انت الي بتسكن في البيت مش هو ولا راح يفهم فكرتك صح لان خيالك بعيد من خياله
واهم شي مواقع السواكت (البلكات) تكون في الزوايا للابجورات وبلكات المكيفات تكون احذا الابواب بجنب اليتات لان موقعه تحت المكيف يجيب المرض مع النقطه الحمره والسقف ساده بدون حركات حتى مايكون لمده معينه وينتهى موديله الشبابيك تكون طواليه لحد الارض

الستاير داشه في الجبسمبورد بدون موديل (مودرن)
61443
61444[/ATTACH
مش اكثر من 3الى 4 ليتات جانبيه كثرتها تضيع منظرها
[ATTACH]61442
والحمامات اعزكم لله يتركب سبوت لايت واحد على الشور واحد على wc واحد كبير في الوسط وجانبي عند المغسله وطريقه الشباك تكون باذي الطريقه ومرموله على اليمين الشور واليسار wc ومكان المغسله السيراميك بلون شاذ
61445 [/COLOR
عزيزي الفنادق مافيها مطابخ يمكن الشقق الفندفيه تعمل نظام بار بشكل كبير والكراسي من الخارج وبشكل طويله وقريب منها طاوله الطعام وطاوله الطعام ماتكون باينه كامل على الصاله شوي لها خصوصيتها في ضرب بأم خمس

[$saryalia$]

تسلم اخوي وهم على المعلومات المفيده
يعطيك الف عافيه

[رذاذ العطر]

السلام عليكم

عندي شركة كويتية للديكور شغلها خيالي وغير موجود في قطر والشركة لها فرع جديد في قطر
بس ما عندي صور لشغلهم واللي حاب بعطيه رقمهم على الخاص

[$saryalia$]

ياليت تحطين الرقم اهنيه.. لاني ماعندي خاصية الرسائل الخاصه
وعشان الكل يستفيد...

تسلمين اختي

[رذاذ العطر]

هل قوانين المنتدى تسمح بوضع رقم شركة على العام؟

[وهم قطر]

ماشاء الله اخوي وهم قطر , لمساتك ابداع لا اله الا الله , الله يجعله منزل مبارك ..

بالفعل مصممين الديكور مايراعون استخدامك لبيتك وطريقة معيشتك , اهم شي عندهم انهم يحشون البيت بالديكورات اللي مالها اول ولا تالي , والحسبة كلها على ظهرك واخرتها فلوس ضايعه في اشياء مالها معنى ..

حلو البيت لما يكون بلمساتك الشخصيه وترى المجلات والكتالوجات تارسه الدنيا , بس يبيلها اشوية ذوق وناس تقدر تنفذها وتحت اشرافك ..

ولا إله الا الله على بيتك اخوي وهم قطر الف مرة ..

لله يجزاك الف خير اخوي السهم على الدعوات ربي يسعدك ويوفقك في دنياك

[وهم قطر]

هل قوانين المنتدى تسمح بوضع رقم شركة على العام؟

اخت رذاذ العطر اعتقد انه مسموح اتحطين رقم شركه او محلات ديكورات لانه الكل يبي يستفيد تعبنا من كثر الرسايل الخاصه يطرش ويستقبل

[QTR-SOUL]

ماشاء الله اخوي وهم قطر اول رجل قطري فنان ومبدع ودقيق ماشاء الله تبارك الله عليك كل شي اجمل من الجميل رووووعه ان شاء الله اذا جيت ابني بيت العمر لاتنساني

[$saryalia$]

في انتظار الرقم ><

[وهم قطر]

ماشاء الله اخوي وهم قطر اول رجل قطري فنان ومبدع ودقيق ماشاء الله تبارك الله عليك كل شي اجمل من الجميل رووووعه ان شاء الله اذا جيت ابني بيت العمر لاتنساني

الفن والابداع هو نظرتك للذوق والاجمل مرورك والدعاء لله يجزاك خير

وانا حاضر بس اذا فكرت تبني قولي ترا ميولي أكثر في تصاميم الحدايق:yes:

[رذاذ العطر]

اخت رذاذ العطر اعتقد انه مسموح اتحطين رقم شركه او محلات ديكورات لانه الكل يبي يستفيد تعبنا من كثر الرسايل الخاصه يطرش ويستقبل


شكرا أخوي وأنا والله ما عندي مانع أحطه بس الرقم اللي عندي رقم جوال مدير الشركه وبعد بحطه إن شاءالله تفضلوا الرقم
5022921 أبو أدهم

[$saryalia$]

الله يعطيك الف عافيه

[رذاذ العطر]

الله يعافيك حبيبتي

[i.qatar]

السلام عليكم

اختي طرشيلي ايميلج على الخاص
على شان اطرشلج الشغل