# وين انظف غطاء الليات الامامية ؟؟ # [الأرشيف] - منتديات شبكة الأسهم القطرية

مشاهدة النسخة كاملة : # وين انظف غطاء الليات الامامية ؟؟ #

فويرط

10-01-2010, 11:05 PM

السلام عليكم

شحالكم يا شباب ؟؟

اول شي عندي سؤالي :

1. عندي لاندكروزر موديل 97 ، عاد مسويله فحص فني ، المهم سقطوني على الاضاءة الامامية يمين ، ومكتوب الاضاءة ضئيلة ..
لان من داخل مغبرة شوي وكور الليت عندي قزاز مب بلاستيك ، ...
تعرفون مكان ينظف قزاز الليت من داخل ويسوي لي ميزانية ليتات ؟؟؟ مكان ممتاز ومجرب منكم

2. الشي الثاني .. سيارتي نجحت في المتطلبات القانونية ورسبت في المتطلبات الفنية
الحين لين رحت اعادة فحص ونجحت السيارة (بإذن الله) بيصير المتطلبات الفنية (نجحت) والمتطلبات القانونية (نجحت)سؤالي : لازن اروح حق شرطي يختم لي ولا اروح المرور على طول ؟؟لاني متعود المتطلبات القانونية ترسبت واروح للشرطي ويختم لي

الحين المتطلبات القانونية (نجحت) ليش الشرطي يشوفها ؟؟
وجهت نظري مافي داعي يشوفها الشرطي المفروض على طول المرور

ولا شرايكم ؟؟

منتظر ردودكم

زمن الغدر

10-01-2010, 11:38 PM

اخوي في محل اسمه ناسيه بس هو مال فحص مواتر بعد معرض الكيان اسمه التقنيه يسوي ميزانيه ليتات
واليت سهال ينضفه يفك الليات ويشل المبات ويضربه هوا بالبرشر مال الهواء

ولازم تمر على الشرظي عشان يتاكد انها مافيها شي يمكن الفحص عندك تعرفه ومشاك

y.o.y.o

10-01-2010, 11:40 PM

اخوي بالنسبه حق الليتات

اذا كانت بلاستيك روح حق اي محل بولش وخلاص هو بيسويه لك

اما اذا كان قزاز اعتقد لازم تبدل الاصطاب :omen2:

وان شاء الله باقي الاعضاء يفيدونك اكثر :nice:

بو شـهاب

10-01-2010, 11:46 PM

اعتقد لازم تمر على شرطي المرور الي في الفحص ما ياخذ من وقتك الا دقايق ياخذله لفه على السيارة

الحين المتطلبات القانونية (نجحت) ليش الشرطي يشوفها ؟؟
وجهت نظري مافي داعي يشوفها الشرطي المفروض على طول المرور
ولا شرايكم ؟؟

لان قسم التسجيل والترخيص مايعتمد ختم الشركة فقط ، ولازم ينختم عند شرطي الفحص الفني , علشان تخلص المعامله وترخص سيارتك.

لو خلوا الشركة تختم (قانوني) راح يكنسلون شرطة الفحص الفني :nice:

خيال شمر

11-01-2010, 04:58 AM

بخصوص الليت انا مسوي حق موتري تنظيف من الداخل عند الكريستال شارع سلوى ورجع وكااااااله
250 ريال

بوحسن2009

11-01-2010, 08:25 AM

يارجال بيعنى الموتر وافتك ..

لاميزون

11-01-2010, 10:11 AM

مالك إلا الكرستال يرجعك الليتات وكالة ( عن تجربة )

M o T e C

11-01-2010, 10:22 AM

روح عند اكرستال هو بينظف لك الليتات

مطراش

11-01-2010, 10:42 AM

محطة بترول المسيله يمكن يا خذ منك 150 ريال بس الي بعد دوار مستشفى الولاده كنك رايح صوب الريان بعد الاشارات على ايدك اليمين اقل من نص ساعه اتكون مخلص

زمن الغدر

11-01-2010, 11:02 AM

ب 250 !!!!!!!!!!!!!!!
كريستال ياخذ بس عشان ينضف الليتات هذا لو بيضرب باليس للموتر كم 2000 ريال
والله حرامي كريستال ومحصل ناس تروحله

بويعقوب

11-01-2010, 11:39 AM

ب 250 !!!!!!!!!!!!!!!
كريستال ياخذ بس عشان ينضف الليتات هذا لو بيضرب باليس للموتر كم 2000 ريال
والله حرامي كريستال ومحصل ناس تروحله

كلامك صحيح
والمشكله ان شغله مهب ذاك الزود

فويرط

11-01-2010, 10:50 PM

جزاكم الله خير كلهم على ردودكم الطيبه

وان شاء الله بارمر على المحلات اللي ذكروها الشباب

واللي بعد عنده تجارب مع المحلات اللي تنظف كور الليتات يقولنا

وجزاكم الله خير

سلمان

12-01-2010, 07:24 AM

جوال 11

12-01-2010, 01:21 PM

لتنظيف الليتات أي كهربائي على طريق سلوى أرخص من الكرستال أو غيره هنالك محل يسمى boch عند مخرج الفحص الفني من جهة الشرق سلمه ورقة الفحص والسيارة ويعمل ما هو مطلوب وتنجح السيارة .

فويرط

13-01-2010, 02:49 PM

نصيحه مني خذلك ليت جديد أحسنلك دامه قزاز والميزانيه سوها

عند بوش مقابل الفحص الفني على الشارع العام

تحصل العالم عنده ألي يعدل ميزانية الليتات موتره

ولي يضبط كربون موتره عشان الفحص الفني

وكل شغلهم على الكمبيوتر

مرحبا اخوي

امس مريت محل قطع الغيار (تويوتا)
قالي الليت الواحد بــ 900 وشي بعد الخصم كان الف وشي !!!

ياخوي وايد غالي ،، علشان جذيه انا ابي انظفه

لتنظيف الليتات أي كهربائي على طريق سلوى أرخص من الكرستال أو غيره هنالك محل يسمى boch عند مخرج الفحص الفني من جهة الشرق سلمه ورقة الفحص والسيارة ويعمل ما هو مطلوب وتنجح السيارة .

يبيلي امر طريق سلوى واشوف الكهربجيه اللي هناك واذا محد عجبني رحت بوش اللي في الصناعية

وجزاكم الله خير

المبرمج

13-01-2010, 08:32 PM

الله يسر أمورك ... وبالنسبة لليت أذا كان تجاري أقول لك أنسى أنه يتنظف . أذا كان أصلي يالغالي الأمر بسيط

حاول تفك الليت في البيت وتراه سهل مب صعب . رش الليت بالماي من داخل وحاول أن الماي يتحرك داخل

الليت يمين ويسار لأني أتوقع أن العاكس " الألمونيوم " الي داخل مغبر وهو الي يخلي الإضاءة باهته وبعدها

نشف الماي وركب الليت او أن العاكس " الألمونيوم " الي داخل متقشر وهنا ماينفع لا تنظيف ولاخساير .. بدل الليت وأمرك لله

ميزانية الليت - وقف الموتر قدام طوفه وخل مسافه بسيطة بين الموتر ووالطوفه وبرغي الميزانية خلف الليت

حرك البرغي وشوف مستوى الإضاءه في الطوفة للجهتين . أنا موتري هدد 96 وأضبط الميزانية بنفسي .

شوف وأحكم على الليت أذا يستاهل يتنظف ولا يتبدل بدال ماتروح وتخسر فلوسك !!