قضية مهمه ارجو من لجميع يدخل!!! [الأرشيف] - منتديات شبكة الأسهم القطرية

حليتان*

11-01-2010, 01:23 AM

بسم الله الرحمن الرحيم

السلام عليكم ورحمة الله وبركاته

اشرايكم في الاطفال الصغار الي يدخنون وما نظرت المجتمع لهم!!

شرايكم ياهل في صف خامس يدخن!!

وطريقة حل هذه المشكله!!

وشنو الاجراء الي يتخذ نحو السوبر ماركتات ( الدكاكين) الي يبيعون زقاير للاطفال!!
مع العلم ان هذا الشي ممنوع!!

اتمنى تتفاعلون مع الموضوع لان جد والله يهال صغار نشوفهم في اماكن وايد في اياديهم زقاير
بحجة ان يبي يبين للناس انه كبر وصار رجال!!

يليت لو احد من الاعظاء مر بهذه التجربه يخبرنا وشلون ترك هالعاده!!

او

الى الحين مستمر عليها!!!

ولدكم \\\ واخوكم الصغير

amaf535

~ نســـايم ~

11-01-2010, 01:25 AM

في اطفال ادخن ؟؟؟؟؟؟؟؟؟؟؟ :omg:

شعنونة قطر

11-01-2010, 01:30 AM

والله مادري شقول لك الله يستر على عيالنا

والله انا في نظري ولدي توه عمره 3شهور وتخيل من الحين وانا افكر في هالامور

الله يستر

بس بالنسبه لي بحاول اشغله باشياء كثيــره

ركوب الخيل السباحه الكاراتيه اي نادي هو يحبه والله القنص عندي ارحم

يعني مممم والدكاكين مالنا عليها سلطه

في نظري ان من يلجأ للدخان يلجأ لها بسببين

يا انه

فاضي عمل مووت يعني الفراغ ذابحه

او

كثر الضغط والشغل والهم يخليه يهرب لهالخطأ

شعنونة قطر

11-01-2010, 01:30 AM

نسيت اشكرك عالموضوع الحلو والهادف

:)

البركان

11-01-2010, 01:32 AM

انا يوم كنت صغير دخنت لمدة يوم واحد فقط وعرفت انها مضره وتركتها يوم واحد دخنت وحسيت انى سخيف

انا من نفسى تركتها واكثر اصدقائى كانوا يدخنون ورحت وعلمت عليهم اهلهم البعض ترك التدخين والبعض الاخر لازال يدخن

ترى انا من يوم كنت صغير وانا خووووووووش ولد عقلى عقل بعير

::Mo0on'hm::

11-01-2010, 01:48 AM

انا شفت يهال يدخنون

صغاار والمشكله اللي شفته كان راكب مع شباب كبار فالسياره يعني هم معاه وساكتين عنه

وايد يهالوه يدخنون يعني في بعضهم يحسبون ان لو دخنوا يعني خلاص احنا الحين رياييل محد قدنا<<< شدخل؟؟؟

وفي بعضهم يسمعون كلام غيرهم ان التدخين يريح اعصابك ويهديك وما عليك من حد هاك جرب وحده ومادري وشو

ولين بدا يدخن لو شنو يصير خلاص ما يهدها

ولو درو هله ما بيقدرون يسوون شي لان خلاص الصبي ادمنها يعني حتى لو حرموه منها في سته وستين الف طريقه يقدر يطلعها

الحين في دريوليه يعطونه فلوس يقولون له ييب لنا زقاير وخذ الباقي لك وهو ما يهمه شي بس همته الفلوس وبس

من البدايه لازم تكون في مراقبه لان عقب لين فات الفوت ماينفع الصوت

شعنونة قطر

11-01-2010, 01:50 AM

البركان :omg:

ترى انا من يوم كنت صغير وانا خووووووووش ولد عقلى عقل بعير

:secret:

هدهد سليمان

11-01-2010, 02:05 AM

جمع كلمة سوبرماركت هو سوبر ماركتس .. الكلمه اعجميه وليس لها جمع بالعربيه الافضل ان نقول متجر = متاجر !

الموضوع طبعا خطير ويفضل كحل جذري ان لا يباع التبغ الا بالمجمعات الضخمه فقط !

شعنونة قطر

11-01-2010, 02:11 AM

منو قال ان جمع ماركت = ماركتس

معلومه خاطئه اسمح لي

زقرتي ومزاجي

11-01-2010, 02:13 AM

لي عوده ... اتمون والله

هدهد سليمان

11-01-2010, 02:19 AM

منو قال ان جمع ماركت = ماركتس

معلومه خاطئه اسمح لي

مسموحه لكن قصدت انها supermarkets
اتمنى اتضحت الفكره ! لا يوجد لها جمع بالعربيه واساس الكلمه انجليزيه !

شعنونة قطر

11-01-2010, 03:26 AM

اتضحت الفكره تشكر

سوبر ماركتات مافيها شي ههههههههههههههه

بنت العصـيمي

11-01-2010, 06:47 AM

بصراحة انا شفت يهال واااايد يدخنون

لا والاعجب يشوفونك تطالعهم يشخصووووووووووون

احنا عندنا دكان كان يبيع فيه ايراني وكان يبيع حق اليهال سويكة

يوم دروا هل الفريج بلغو عليه فمسكوه الشرطة وسفروه الله لا يرده

بس المشكلة الرقابة شلون بتكون من ناحية الدكاكين ولا الاهالي

لان راعي الدكان يبي الفايده وبيبييع وماعليه لان حتى لو حطوا تعميم - السجائر ممكنوعة للاطفال مادون سن ..... - في دكاكين بتقيد وفي دكاكين بتطقع وفي دكاكين بتنمسك وفيه لا

هذي الرقابه لازم تكون من ناحية الاهل

وشكرا على موضوعك اخوي بصراحة موضع يثير الجدل والتساؤلات

بوحسن2009

11-01-2010, 07:28 AM

جزاك الله خير على الموضوع ...
للمحلات يبرز بطاقته الشخصية ولازم ما يقل عمره عن 80 سنه ( بالعريى مافى زقاير )
وترى الاول والاخير يعتمد على البيت والتربية واهم شى الاب يدخن ولا لا اذا يدخن صعبة اقول لولده لا دخن واذكر فى قصة ظريفة قريتها من زمان فى النيت وهي فى واحد من العيال شاف ابوه يدخن قله يبه عطنى ريال قاله تفضل ياولدي قام الولد خذ الريال وولع الولاعة وحرق الريال قاله ابوه ايش اسوى قله احرق الريال قال الاب حرام عليك تحرق الريال قاله طيب انت مب حرام عليك تحرق فلوسك + تحرق نفسك يالدخان انصدم الاب من رد الابن وقرر يكنسل التدخين ------ تدري لو الحين واحد يقول لبوه كذا صدقنى يخمه بالجوتي تكرم
وبالنسبة لمقاطعة التدخين -1 التوكل على الله و عزيمة قوية تهز الجبال 2- تغير اصحاب التدخين باجاد اصدقاء لا يدخنون 3- الصبر بمقاطعة التدخين .
والله يوفق الجميع من المدخنين بترك التدخين+ الغير مدخنين الثباب على ما هم فيه من نعمه
وشكــــــــرا
واسمحولى على الاطالة وجزاكم الله خير

بوعلي2

11-01-2010, 07:31 AM

في اطفال ادخن ؟؟؟؟؟؟؟؟؟؟؟ :omg:

نعم في

كل شي ممكن :omen2:

بوعلي2

11-01-2010, 07:40 AM

تدري يالغالي انا دخنت في الصف الخامس وتركتها :(

التدخين مضر بالصحه

صج عاد قايل معلومه جديده يعني انا :telephone:

الي يقهرني ان الواحد عقب مايكبر ويدخل الثلاثينات تحصله توه مدخن :eek5:

الحييين صابر كل هالسنيييين واخر شي حثلتها صج مالهم حل

ماقول غير الله يهدي الجميع واشكرك على الموضوع الفضييييع :shy:

حليتان*

11-01-2010, 07:47 AM

في اطفال ادخن ؟؟؟؟؟؟؟؟؟؟؟ :omg:

نعم

انا شخصيا كنت ادخن بس الحمد لله السنه الي فاتت عرفت الي لي والي علي:nice:

شجرة الدر

11-01-2010, 07:49 AM

الله يحفظ اعيال المسلمين ،،

اتوقع من اهم اسباب التدخين عند الاطفال التقليد خصوصاً إذا كان البق بوس اللي هو الوالد يدخن،،

يعطيك العافيه اخوي اماف ،،

حليتان*

11-01-2010, 07:50 AM

والله مادري شقول لك الله يستر على عيالنا

والله انا في نظري ولدي توه عمره 3شهور وتخيل من الحين وانا افكر في هالامور

الله يستر

بس بالنسبه لي بحاول اشغله باشياء كثيــره

ركوب الخيل السباحه الكاراتيه اي نادي هو يحبه والله القنص عندي ارحم

يعني مممم والدكاكين مالنا عليها سلطه

في نظري ان من يلجأ للدخان يلجأ لها بسببين

يا انه

فاضي عمل مووت يعني الفراغ ذابحه

او

كثر الضغط والشغل والهم يخليه يهرب لهالخطأ

مشكورة على الرد الزين

ويتربى في عزج ويكون لج ذخر ان شاء الله

وحلو انج تشغلينه باشياء مفيدة ومسليه

حليتان*

11-01-2010, 07:52 AM

انا يوم كنت صغير دخنت لمدة يوم واحد فقط وعرفت انها مضره وتركتها يوم واحد دخنت وحسيت انى سخيف

انا من نفسى تركتها واكثر اصدقائى كانوا يدخنون ورحت وعلمت عليهم اهلهم البعض ترك التدخين والبعض الاخر لازال يدخن

ترى انا من يوم كنت صغير وانا خووووووووش ولد عقلى عقل بعير

احسن لك يارجال

والله يخلي لك رجاحت عقلك

وتسلم يالغالي على المرور

شجرة الدر

11-01-2010, 07:53 AM

نعم

انا شخصيا كنت ادخن بس الحمد لله السنه الي فاتت عرفت الي لي والي علي:nice:

:eek5:

إذا ماخاب ظني الحين الحصة الاولى والناس في المدارس ،،

حليتان*

11-01-2010, 07:55 AM

انا شفت يهال يدخنون

صغاار والمشكله اللي شفته كان راكب مع شباب كبار فالسياره يعني هم معاه وساكتين عنه

وايد يهالوه يدخنون يعني في بعضهم يحسبون ان لو دخنوا يعني خلاص احنا الحين رياييل محد قدنا<<< شدخل؟؟؟

وفي بعضهم يسمعون كلام غيرهم ان التدخين يريح اعصابك ويهديك وما عليك من حد هاك جرب وحده ومادري وشو

ولين بدا يدخن لو شنو يصير خلاص ما يهدها

ولو درو هله ما بيقدرون يسوون شي لان خلاص الصبي ادمنها يعني حتى لو حرموه منها في سته وستين الف طريقه يقدر يطلعها

الحين في دريوليه يعطونه فلوس يقولون له ييب لنا زقاير وخذ الباقي لك وهو ما يهمه شي بس همته الفلوس وبس

من البدايه لازم تكون في مراقبه لان عقب لين فات الفوت ماينفع الصوت

صح كلامج

لي عوده الاقتباس ردودكم بعدين

خلصت الحصه!!

حليتان*

11-01-2010, 07:55 AM

:eek5:

إذا ماخاب ظني الحين الحصة الاولى والناس في المدارس ،،

صح وتوه ران الجرس والله

سمرلاند

11-01-2010, 11:40 AM

هههههههههههههههههه

اماف !! :eek5:

عليكم اي تي ولا شلون داش ؟ :rolleyes2:

:secret: :secret: :secret:

:eek5:

بالنسبة للموضوع ,, يا ريت يكون فيه رقابه على الدكاكين

واللي يصيدونه على طووووول ينسفر

عشان يتأدبون

شعنونة قطر

11-01-2010, 12:13 PM

اماف في الحصه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه

يارب توفقك في دراستك

@north_star@

11-01-2010, 12:17 PM

يا شكثر شفت يهال يدخنون وطبعا يعتمد على بيئة البيت اذا كان الاب يدخن والا دريولهم يدخن وطبعا لازم الاب يحاول قدر المستطاع انه ما يدخن في البيت ولا قدام اليهال ويجب منع الدروليه من التدخين فى السيارة اما الاطفال
والاهم من هذا كله انهم يمنعون بيع السجائر في جميع المتاجر
وانا كنت اشيش والحمد لله تركتها من 2004 والله لا يبلانا ولا يبلا المسلمين بهالسموم ويعطيك العافية على الموضوع اخوي

Mozanee

11-01-2010, 03:36 PM

الأسرة + المجتمع = أطفال غير مدخنيين ,,,

يعني مو مشكلة التدخين مشلكة السلوك المنحرف لهالطفل ,, اذا دخن معتاه انه رايح في خرايطها

ومثل المرأة اللي تدخن هذي تكون خلاص خالصة ,,,

فالتدخين خلاصة السلوك المنحرف وليس مشكلة والتدخين ليس آخر المطاف عندهم

حليتان*

11-01-2010, 03:45 PM

انا شفت يهال يدخنون

صغاار والمشكله اللي شفته كان راكب مع شباب كبار فالسياره يعني هم معاه وساكتين عنه

وايد يهالوه يدخنون يعني في بعضهم يحسبون ان لو دخنوا يعني خلاص احنا الحين رياييل محد قدنا<<< شدخل؟؟؟

وفي بعضهم يسمعون كلام غيرهم ان التدخين يريح اعصابك ويهديك وما عليك من حد هاك جرب وحده ومادري وشو

ولين بدا يدخن لو شنو يصير خلاص ما يهدها

ولو درو هله ما بيقدرون يسوون شي لان خلاص الصبي ادمنها يعني حتى لو حرموه منها في سته وستين الف طريقه يقدر يطلعها

الحين في دريوليه يعطونه فلوس يقولون له ييب لنا زقاير وخذ الباقي لك وهو ما يهمه شي بس همته الفلوس وبس

من البدايه لازم تكون في مراقبه لان عقب لين فات الفوت ماينفع الصوت

:omg:

معاه شباب كبار فيالسياره هاي قصة ثانيه العن من القبليه

على طاري الدريوله صدقتي
وابشرج يخش الزقاير عنده

وعلى فكره حتى الخدامه!!
ممكن تنخش الزقاير عندها (اتكلم جد وسالفه صايره لواحد اعرفه)

حليتان*

11-01-2010, 03:47 PM

جمع كلمة سوبرماركت هو سوبر ماركتس .. الكلمه اعجميه وليس لها جمع بالعربيه الافضل ان نقول متجر = متاجر !

الموضوع طبعا خطير ويفضل كحل جذري ان لا يباع التبغ الا بالمجمعات الضخمه فقط !

ههه
اوكك ومنكم نستفيد

صح كلامك بس وين التنفيذ!!

حليتان*

11-01-2010, 03:49 PM

لي عوده ... اتمون والله

بانتظارك يالغالي

ومايمون عليك عدو

حليتان*

11-01-2010, 04:19 PM

اتضحت الفكره تشكر

سوبر ماركتات مافيها شي ههههههههههههههه

والله ظحكتيني بردودج

حليتان*

11-01-2010, 04:21 PM

بصراحة انا شفت يهال واااايد يدخنون

لا والاعجب يشوفونك تطالعهم يشخصووووووووووون

احنا عندنا دكان كان يبيع فيه ايراني وكان يبيع حق اليهال سويكة

يوم دروا هل الفريج بلغو عليه فمسكوه الشرطة وسفروه الله لا يرده

بس المشكلة الرقابة شلون بتكون من ناحية الدكاكين ولا الاهالي

لان راعي الدكان يبي الفايده وبيبييع وماعليه لان حتى لو حطوا تعميم - السجائر ممكنوعة للاطفال مادون سن ..... - في دكاكين بتقيد وفي دكاكين بتطقع وفي دكاكين بتنمسك وفيه لا

هذي الرقابه لازم تكون من ناحية الاهل

وشكرا على موضوعك اخوي بصراحة موضع يثير الجدل والتساؤلات

السويكه بعد ادمر حسبي الله عليه راعي الدكان

للاهل دور كبير طبعا بس مشكلتهم ما يعرفون غير الندم بعد ما تطيح الفاس براس

حليتان*

11-01-2010, 04:23 PM

جزاك الله خير على الموضوع ...
للمحلات يبرز بطاقته الشخصية ولازم ما يقل عمره عن 80 سنه ( بالعريى مافى زقاير )
وترى الاول والاخير يعتمد على البيت والتربية واهم شى الاب يدخن ولا لا اذا يدخن صعبة اقول لولده لا دخن واذكر فى قصة ظريفة قريتها من زمان فى النيت وهي فى واحد من العيال شاف ابوه يدخن قله يبه عطنى ريال قاله تفضل ياولدي قام الولد خذ الريال وولع الولاعة وحرق الريال قاله ابوه ايش اسوى قله احرق الريال قال الاب حرام عليك تحرق الريال قاله طيب انت مب حرام عليك تحرق فلوسك + تحرق نفسك يالدخان انصدم الاب من رد الابن وقرر يكنسل التدخين ------ تدري لو الحين واحد يقول لبوه كذا صدقنى يخمه بالجوتي تكرم
وبالنسبة لمقاطعة التدخين -1 التوكل على الله و عزيمة قوية تهز الجبال 2- تغير اصحاب التدخين باجاد اصدقاء لا يدخنون 3- الصبر بمقاطعة التدخين .
والله يوفق الجميع من المدخنين بترك التدخين+ الغير مدخنين الثباب على ما هم فيه من نعمه
وشكــــــــرا
واسمحولى على الاطالة وجزاكم الله خير

مشكور جداعلى الاظافه المفيده

وانت الي اسمح لي لاني خذت من وقتك الكثير

وعن سالفتك الي قريتها في النت

كنت بسويها مع ابوي بس غيرت رايي

حليتان*

11-01-2010, 04:27 PM

هههههههههههههههههه

اماف !! :eek5:

عليكم اي تي ولا شلون داش ؟ :rolleyes2:

:secret: :secret: :secret:

:eek5:

بالنسبة للموضوع ,, يا ريت يكون فيه رقابه على الدكاكين

واللي يصيدونه على طووووول ينسفر

عشان يتأدبون

لا والله كنسلو الايتي عندنا

بس حصة اجتماعيات ورايحين نحل التقويم في معمل الكمبيوتر

يبلفيت نغير جو الصف

صح امج عشان يصيرون عبره حق الغير

حليتان*

11-01-2010, 04:32 PM

تدري يالغالي انا دخنت في الصف الخامس وتركتها :(

التدخين مضر بالصحه

صج عاد قايل معلومه جديده يعني انا :telephone:

الي يقهرني ان الواحد عقب مايكبر ويدخل الثلاثينات تحصله توه مدخن :eek5:

الحييين صابر كل هالسنيييين واخر شي حثلتها صج مالهم حل

ماقول غير الله يهدي الجميع واشكرك على الموضوع الفضييييع :shy:

لا انا دخنت وانا اكبر منك
في الصف السادس وتميت ادخن اربع سنين

بس الحمد لله تركت السنه الي طافت

ترى والله ما منها فايده

حليتان*

11-01-2010, 04:34 PM

الله يحفظ اعيال المسلمين ،،

اتوقع من اهم اسباب التدخين عند الاطفال التقليد خصوصاً إذا كان البق بوس اللي هو الوالد يدخن،،

يعطيك العافيه اخوي اماف ،،

صح كلامج اهم شي البيق بوس

تبين الصج هذا السببالي خلاني ادخن البيق بوس

Amigo

11-01-2010, 04:36 PM

اول شي راعي الدكان
تاخذ له خيزران متينه من السوق العماني
وتلوشطه لين مايفح ويقول خلاص انا مسكين انا يبي يروح بلاد
بشرط تصوره وتطرش الصور حق كل الدكاكين كلها عبره لمن يعتبر
والولد طبعا تكلمه اول شي تفهمه الوضع وتمسك يده توديه المسيد
وتوديه الندوات الشبابيه وتمر على المستشفيات عشان يحس بالمعاناه
وتعلمه شنو الغلط من الصح لان يمكن يكون مفهي ولا يدري باللومي واذا عادها نشوف طريقة الحبس واذا ماانفعت هني المشكله الخيزران ماتنفع عليك بعقال عراقي (بصراوي)
وتلفحه به لين ماتتبطل خيوطه عاد هني الولد لازم بيتوب
وهذا والعلم عند الله

وسلامتك اخوي :nice:

حليتان*

11-01-2010, 04:37 PM

:anger1:
اماف في الحصه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه

يارب توفقك في دراستك

تظحكين ها؟؟:anger1:

مستانسه خلصتي دراسه:anger1:

الله يسمع منج
:victory:

حليتان*

11-01-2010, 04:40 PM

يا شكثر شفت يهال يدخنون وطبعا يعتمد على بيئة البيت اذا كان الاب يدخن والا دريولهم يدخن وطبعا لازم الاب يحاول قدر المستطاع انه ما يدخن في البيت ولا قدام اليهال ويجب منع الدروليه من التدخين فى السيارة اما الاطفال
والاهم من هذا كله انهم يمنعون بيع السجائر في جميع المتاجر
وانا كنت اشيش والحمد لله تركتها من 2004 والله لا يبلانا ولا يبلا المسلمين بهالسموم ويعطيك العافية على الموضوع اخوي

صدقت والله المشكله يقعدون عند المسجد يدخنون والعالم تصلي

وما يدشون المسجد

الحمد لله انك تركت الشيشه بعد اخس

الله يعافيك

وتشكرااااااات على المرور

حليتان*

11-01-2010, 04:43 PM

الأسرة + المجتمع = أطفال غير مدخنيين ,,,

يعني مو مشكلة التدخين مشلكة السلوك المنحرف لهالطفل ,, اذا دخن معتاه انه رايح في خرايطها

ومثل المرأة اللي تدخن هذي تكون خلاص خالصة ,,,

فالتدخين خلاصة السلوك المنحرف وليس مشكلة والتدخين ليس آخر المطاف عندهم

اهم شي التاسيس الصحيح من الاسره والبيئه الي فيها الطفل

امااا عن المرأه ما عندي شي ازيده على كلامج

وتسلمين على المرووور

حليتان*

11-01-2010, 04:57 PM

اول شي راعي الدكان
تاخذ له خيزران متينه من السوق العماني
وتلوشطه لين مايفح ويقول خلاص انا مسكين انا يبي يروح بلاد
بشرط تصوره وتطرش الصور حق كل الدكاكين كلها عبره لمن يعتبر
والولد طبعا تكلمه اول شي تفهمه الوضع وتمسك يده توديه المسيد
وتوديه الندوات الشبابيه وتمر على المستشفيات عشان يحس بالمعاناه
وتعلمه شنو الغلط من الصح لان يمكن يكون مفهي ولا يدري باللومي واذا عادها نشوف طريقة الحبس واذا ماانفعت هني المشكله الخيزران ماتنفع عليك بعقال عراقي (بصراوي)
وتلفحه به لين ماتتبطل خيوطه عاد هني الولد لازم بيتوب
وهذا والعلم عند الله

وسلامتك اخوي :nice:

هذاك اول تظرب الهنود الحين لو تظره عشان غلطان

هو بيرفسك وبيسطرك وبياكلك فلفل علوب

شكلك ما تدري عن الدنيا وسوالف العزوب

روح بعد الساعه 1 فليل الصناعيه صدقني ما تطلع وانت خالي من السوالف

وعلى طاري الندوات ترى صدقني ماتنفع انا عن نفسي وايد محاظرت حظرت في المدرسه

بس صدقني الكلام يدش من الاذن ويطلع من الاذن الثانيه

اهم شي الواحد يفكر ويكون البيت عنده ماسسه تاسيس يخليه يفكر

مش يخلونه بدون شخصيه

وصدقني الاطفال اغلبهم الي يدخنون بسبب ان ما عندهم شخصيه قويه

ويبي يسوي نفسه كبير وقوي بالزقاره

احس اني مللتك بس الي في قلبي من صوبك قلته