المدارس الخااااصة في قطر

[الزلزال]

هذا مشكله بسيطه من المشاكل الي يعاني منها المواطن القطر و اخوانا المقيمي في الدوحة الخير .

لكم الموضوع بتفصيل .....

كلمت المدام وقلتها روحي سجلي بنتي في مدرسة لندن ( اخترت المدرسه عشان هي قريبه من البيت)
بحكم عدم تواجدي في الدوحه طرشت المدام .

راحت وقابلت مديرة التسجيل طبعا وحده اجنبية ...

قالت لها وش المطلوب للتسجيل .. قالت ولا شي بس نعمل مقابله لطالبة فقط ( Interview )

وبعد المقابله تاخذ دورها في التسجيل .

بس قبل المقابلة فيه رسوم 500 ريال فقط :nice:

وبشرط !!!!! في حاله قبول الطالبة او عدم قبول الطالبة.. رسوم التحصيل لا تسترجع !

قلنا اوكية .. :victory: . بس سألنها عن الضمان قبول الطالبة شنو ؟؟

قالت اهم شي يعرف الالوان و بعض الحيوانات ( يعني العقل سليم ) و تعرف اتلكلم

معا العلم هي داخله تمهيدي و تأسيس مثلا تشمل الروضه و قبل التأسيس الاطفال للمدارس

على العموم ماطول عليكم

قمت اسأل بعض الربع الي حولنا من خوان شما واخذت اسأل عن المدرسه ... تقريباا اكثر من نص المنطقه سجلو فيها .. بس تسجيل

اتضح الي قبلو لين الحين خمس اطفال فقط من العدد الي فوق 30 طالب و طالبه !! ( قطريين )
واكثر الي الي تم قبولهم من جنسية غير قطريين ومن جنسية محدده ....

قلنا مو مشكلة اكيد فيه اعتبارات ثانية و واسطات هذا في كل مكان ... بس السوال ؟

مدام المدرسه فول وعليها اقبال ليش مديره التسجيل اتسوي مقالبة ( Interview )؟ وهي متئكده انه الطالبة مراح تتسجل ؟ معا العلم انا كلمتها شخصياا قلت لها ليش اسوي مقابله والموضوع مبين مافيه قبول ؟ قالت جرب ( حضك ) ! اوكية بجرب حضي ماعندي اي مانع ... انا لين الحين ماشي معاها على اساس اني اقدر اسجل بنتي في مدرسه قريبه ..

بس سألتها سوال واحد . . قلت لها شرايج اسوي مقابله واذا تمت الموافقه اعطيكم 500 ريال ؟؟

قالت ( مابينع هيك القانون المدرسه مابيسمح خيو ) !!

بعد هذا الهذره معاها اتضح كل شي جدامي

جيت حسبت الي سجلو من القطريين الي اعرفهم بس ..

اكثر من نص المنطقه الي حولنا ...

خذو منهم تقريباا 20 الف ريال هذا غير الي مانعرفهم ( من القطريين )

وهذا سياسه مدرسه مبنيه على عدم الوضوح ومصيده دفع رسوم 500 ريال

الحين سوالي لكم يا جماعه الخير ..

هل هناك من مراقبين على هذا المدارس ؟
هل فيه لجنه تنسيقية معا هذا المدارس الخاصة ؟
هل هناك من نشكو له في هذا المدارس ..
لماذا المواطن يدفع فلوس ولا ياخذ حقه .. يعني تعال المدرسه يا مواطن ادفه للمدرسه وتوكل على الله مانبي نشوفك لأ السنه الجاية !!!

هل يتقغير قانون المدرسة الى الشفافية يعني اذا ماتم القبول ترجع فلوسك ..

والله يا جماعه انا كاتب الموضوع من غيرتي على بلادي .

والحمدلله انا في خير و المواطن في خير و الحكومه في خير .. بس مانبي نصير بنك يدفع ولا نحصل شي !!!!

اتمنا اني ماطولت عليكم وهذا الموضوع مطروح للكل

تحياتي

:tease:

[بومتعب]

مرحبا الشيخ
الجميع يشاركك في هالهم هذا بالذات خاصة في هالوقت الي الناس متوهقة في عيالها وين توديها السنة الجالية للاسف توسعنا في بناء الجامعات الاجنبية في كل مكان وصار عددها يفوق اعداد الطلبة الي من المفترض يسجلون فيها ..........

مشكلنا تجاهلنا الاولويات .... فايش الفايدة من جامعات فاضية من الطلبة في حين هناك اولويات ملحة لتوفير مقاعد لطلبة الابتدائي والمراحل التأسيسية .....

وصارت نفس المعاناة تتكرر كل سنة .. .... واصبح ساكني الوكرة يبحثون عن مقعد في مدرسة ابتدائية في الريان او معيذر والعكس صحيح ..... لدرجة ان هناك بعض الناس اصبحوا يفكرون بجدية ان يشدون للخور او المناطق الشمالية بسبب عدم توافر مقاعد لعيالهم في مرحلة الابتدائي .........

الله المستعان

اقتراح:
لماذا لايتم التفكير بجدية بانشاء شركة مساهمة خاصة بالتعليم وانشاء سلسلة مدارس محترمة وذات تعليم جيد خاصة في ظل وجود حاجة ماسة لمثل هذا القطاع لكي يتم الاستثمار فيه ....خاصة وان رسوم المدارس الخاصة في قطر تعد الاعلى على مستوى دول مجلس التعاون

[الزلزال]

تسلم على حضورك يا بومتعب

فوق كل هذا تدفع ولا يتسجل الطالب ..

تحياتي

[أبورودي]

هلا اخوانى
مع تقديري الكامل لكم لكن المؤمن كيس فطن دائما
ما تطلبه المدرسه هو درب من دروب النصب والاحتيال
كيف تامن على طفلك فى مدرسه بدايه التحاق ابنك بها نصب
تدفع 500 ريال عشان امتحن ابنك واقرر اخده او ماخدهوش
طبعا نصب واحتيال

ويجب ان يكون للمجلس الاعلى للتعليم وقفه مع مثل هذه المؤسسات التجاريه

[&بوشهد&]

اول مرة اسمع في مقابلة للطالب ودفع رسوم
الله يعينك مالك الا المستقلة التعبانة

[استغفرالله]

كل المدارس هشكل ياما دفعنا خمسميات

اخر مدرسه بارك هاوس ... ولا سوو حتا مقابله او امتحان لولدي

200 ريال بس عشان يحطونه في الويتنج لست

وبعدها ما يردون على ايميلاتي

[anything99]

سناريو جميع المدارس الخاصة ما عدا العربية منها .. امتحان ب 500 او اكثر ..

[شموخ وبس]

الله يكون ابعونا من هؤلاء الاستغلاليين

[السندان]

هلا اخوانى
مع تقديري الكامل لكم لكن المؤمن كيس فطن دائما
ما تطلبه المدرسه هو درب من دروب النصب والاحتيال
كيف تامن على طفلك فى مدرسه بدايه التحاق ابنك بها نصب
تدفع 500 ريال عشان امتحن ابنك واقرر اخده او ماخدهوش
طبعا نصب واحتيال

ويجب ان يكون للمجلس الاعلى للتعليم وقفه مع مثل هذه المؤسسات التجاريه

كيس فطن نعم .. لكن قال شحادك يالمسمار قال المطرقة

العام الماضي صار معي نفس الشئ ونفس المدرسة وعملت المقابلة لثلاث من ابنائي اثنين منهم اردت ان انقلهم من مدرستهم الاجنبية وهي معروفة وذات سمعة عالية والثالث كان اول سنة تمهيدي وكانت مستوياتهم جيدة في اللغة والصغير كان يعرف الاوان والارقام والاشكال وغيرها باللغة الانجليزية وفي الاخير لم يتم قبول ولا واحد منهم واللي نعرفهم قدموا معانا ايضا نفس الشئ .. يعني مثل ماذكر اخونا السالفة نصب في نصب وأكل اموال الناس بالباطل

زقوم زقوم زقوم

[clouds]

كل المدارس ومن زمان هالشي وبعد قبل ب500..وبعضهم حتى انك تعبي الابلكيشن تدفع 250 ريال..غير رسوم الامتحان طبعا

[meme~qatar]

لا
اذا بيتك قريب من مدرسة لندن
اكيد تقدر تحط ولدك في المدرسة الانجليزية الحديثة
في مدينة خليفة موب بعيدة
رسوم المقابلة 250 ريال
والمدرسة قوية وماعليها كلام
عندهم روضة وتمهيدي

[المرسى الأخير]

زمن التجارة بالتعليم !

حسبي الله ونعم الوكيل

[observer]

اللة يرحم ايام مدراس الحكومة

[جوال 11]

مدرسة مايكل إي. ديبيكاي الثانوية للمهن الصحية"
ومدرسة لندن الدولية"، هذه المدارس تابعة للمجلس الأعلى للتعليم ، هذه المدارس تأخذ رسوم تسجيل كما في العيادات الصحية لفتح الملف الصحي وهذا هو التلاعب وأكل الأموال بغير وجه حق ونستطيع أن نسميها المدارس المستغلة، والأدهي من ذلك مدرسة مايكل إي. ديبيكاي الثانوية للمهن الصحية" تدرس تاريخ الولايات المتحدة الأمريكية ومقرها في مبنى مدرسة حكومية في مدينة خليفة الجنوبية عندما كان الناس يتزاحمون للحصول على مقعد لأبنائهم في المدارس المستقلة .

[khalid-qtr]

والله يا اخوي خلها على ربك التعليم في بلدنا صار ضعيف وصار شي ربحي...

انا من الناس الي دخلت ولدي مدرسة مستقلة في البداية وشفتة ما يعرف شي للاسف كل ما اسئالة يبة شنو تعلمت اليوم يقول مادري او ما علمون شي يخلون نام او نلون بس صف اول اذكر اول كان يعلمونا حمد مع سحر والحين يعلمونهم النوم :(

قلت بحطة في خاصة والله شسوي محتد قطيتة في خاصة بعيد عن البيت لنة صعب يقبلون قطري

خبرك احنا في بلدهم لازم نكون بعدهم الشرها والله على المسؤلين الي كل واحد مكبر الوسادة ونايم... حسبي الله ونعم الوكيل

[براتزية برازيلية]

نصب عيني عينك
و من زين المدرسة احين اخوي بتحصل شكثر مدارس قريبة مو لازم هالمدرسة اذا هذي اولها ينعاف تاليها

[الزلزال]

كما ذكرت انا اقدر ادفع وغيري يقدر يدفع بس السوال ؟

ليش ندفع ولا يتم تسجيل الطالب ! هذا السوال

نفرض واحد عنده 8 اطفال ولا اكثر ! شبيسوي .. يدفع لهم واخرتها مايتسجلون

والله حرام

تحياتي

[سمرلاند]

كلامك صحيح

تراها طريقه تتبعها المدرسة عشان تدخل فلوس !!

بدون ما يوضحون لك الصورة ان فعلا ما في مكان لبنتك او ولدك

قمة الاستغلال !!

ناهيك عن ان الصف يكون فاضي ويقولون لك والله ما فيه مكان !!

ينتظرون البريطانيين واللي ابائهم يشتغلون في الشركات لااااخر لحظه

وترى خيره ان ما قبلو بنتك او ولدك

لان اتضح حاليا بعد تجربة المعارف

ان مستواها زي الزفت !!

[كازانوفا]

كارثه المدارس الخاااااااصه
الله يكون بعونكم وبعون الاهالي اللى تدفع مبالغ خياليه بصراااااااااحه

[الصريحه]

فيه روض ثانيه معقوله وخل المدام تاخذ فره سريعه على الروض اللي قريبه منكم وتشوف المستوى والنظافه وتسال طلاب المدرسه وتدخل على حين غره
اسوي لهم كذا وانفعت

[الزلزال]

اشكر ارائكم المطروحه اخواني و خواتي

تحياتي

[صوت الضمير]

هذا نصب عيني عينك

مفروض بعد القبول تعطيهم المبلغ بيدخل مخي

لكن ينصبون علينا عينك عينك

وينكم يالمسئؤلين تحركوا ؟؟؟؟؟؟

أبداع

[الزلزال]

ابداع

اشكر مرورك

تحياتي