معاقبة معلم بسبب رســـالــة sms

[المخفي]

انباؤكم - جدة :
تلقى معلم مرحلة متوسطة في جدة أمس خطاب لفت نظر من إدارة المدرسة، وطبقا لصحيفة " عكاظ " فإن السبب وراء ذلك لم يكن غيابه أو تأخره عن الدوام، ولا حتى لصدور تصرف مشين أو اعتراضه على قرار ما، ولكن بسبب رسالة نصية (sms) وصلت إلى هاتف مدير المدرسة.
وكان مدير المدرسة محفوظ الغامدي استلم رسالة نصية من المعلم أثناء الدوام الرسمي، ما دفعه إلى عمل جولة داخل الفصول الدراسية للبحث عن المعلم، بعد أن لاحظ ضمن الجدول الدراسي اليومي ارتباط المعلم بحصة تعليمية وقت إرساله الرسالة.
وأوضح الغامدي «الحصة الدراسية من حق الطالب، وبما أن المعلم أهدر جزءا منها فيما لا فائدة فيه، ارتأت الإدارة توجيه خطاب الإنذار ولفت النظر، حتى لا يهضم الطلاب حقهم التعليمي مستقبلا».


هل تصرف مدير المدرسه على حق او لا ؟؟؟؟

[alrheeb2020]

تصرف خاطئ ..

المفروض يكلمنه فالزين وبهدوء وتكون جلسة ود واحترام ..

مب عين حمره و و و ..

[وطن]

كفووو عليه
عشان ما يضيعون وقت التعليم في مسجات وتلفونات
يخلي تلفونه في غرفته لين بيروح الصف يدرس الطلاب
كلها ساعة الا شوي
ما يقدر يستغني عن جواله !!

[ديمه]

هذا تصرف طبيعي حتى هنا في قطر ممنوع على المدرس اصطحاب الجوال معه داخل الفصل الدراسي فإن كان لابد فانه يكون على الصامت حتى ممنوع نتكلم بالموبايل في الممرات فما بالك باستخدامه داخل الفصل
وانا اشوفه من القوانين المفروض تطبيقها في المدارس لان مش من السليم ان يتكلم المعلم في اموره الخاصة امام التلاميذ و او يترك الحصة التي هي من حق الطالب من اجل ارسال رساله ايضا ليس من الذوق ان ينشغل بالجوال بينما هو يشرح الدرس وين بيركز الطالب.............
حتى لو ما عنده شي وقاعد احتياط انا اشوف موب عدله انه يسوي هالشيء

ودمتم

[biz-qtr]

والله كفو عليه ....

صج انه حازم شوي لكن هاي اللي المفروض يصير

قواه الله

[شيزكيك]

صح الي سواه بعد مب عدله نروح الصف معانا الجوال

[بدون]

هذا تصرف طبيعي حتى هنا في قطر ممنوع على المدرس اصطحاب الجوال معه داخل الفصل الدراسي فإن كان لابد فانه يكون على الصامت حتى ممنوع نتكلم بالموبايل في الممرات فما بالك باستخدامه داخل الفصل
وانا اشوفه من القوانين المفروض تطبيقها في المدارس لان مش من السليم ان يتكلم المعلم في اموره الخاصة امام التلاميذ و او يترك الحصة التي هي من حق الطالب من اجل ارسال رساله ايضا ليس من الذوق ان ينشغل بالجوال بينما هو يشرح الدرس وين بيركز الطالب.............
حتى لو ما عنده شي وقاعد احتياط انا اشوف موب عدله انه يسوي هالشيء

ودمتم

:victory::victory::victory:

[رويس]

بس كان ودي أعرف ايش الرساله اللي طرشها المدرس حق المدير ؟؟؟ يمكن كلام ماعجب المدير وحط حرته فيه ووجه لها كتاب لفت نظر ؟؟؟ والحمد لله

[observer]

الحكمة مطلوبة

[ask_and_get]

على حق 100%

[مستجدة]

كلهم غلطانيين

المعلم كان المفروض ماياخذ معه للحصه جهازه الجوال
او انه يخليه على الصامت

والمدير المفروض اول الامر ياخذ المعلم في جلسه اخويه ويقول له اللي في خاطره
لكن المدير شكله يتصيد للمعلم هالزله وماحط في ذمتي

الله يرحم ايام اول يوم كان المدرس يدخل على الطلاب بالخيزرانه وهم يتراقلون خوف
مو يدخل عليهم بجوال وهالايام هابين في بلاك بيري بعد

[العليا]

ما عنده سالفه .... شكله متسبب على الرجال

[مستجدة]

كلهم غلطانيين

المعلم كان المفروض ماياخذ معه للحصه جهازه الجوال
او انه يخليه على الصامت

والمدير المفروض اول الامر ياخذ المعلم في جلسه اخويه ويقول له اللي في خاطره
لكن المدير شكله يتصيد للمعلم هالزله وماحط في ذمتي

الله يرحم ايام اول يوم كان المدرس يدخل على الطلاب بالخيزرانه وهم يتراقلون خوف
مو يدخل عليهم بجوال وهالايام هابين في بلاك بيري بعد

[Sharshooooor]

انا ضد تصعيد الامور لتصبح مشكلة
وخصوصا من اول مرة

[ودي أكون]

بعطيه انذار شفوي .. وبيني وبينه ..

اللي يسمعه يقول حشى محد من المدرسين يدخل جوال فالحصه ..

اذا اليهالوه يدخلون:rolleyes2:

[بنت العصـيمي]

المعلم هو مرأه الطالب

عاد عيالنا ما تعوق عندهم يقلدون

وان قلت ليش قالولك انت بعد تسوي

[eXpert*]

يمكن المعلم أرسل المسج من الليلة الماضية ولم تصل للمدير الا في وقت الحصة !!

خصوصاً ان احدى شركات الاتصال في المملكة ، طرحت عرض رسائل مجانية لمدة شهرين وبناء على ذلك أصبح ضغط في السيرفر !!

[بوخالد2]

تصرف جميل ويكون عبره لغيره

[أبا خطاب الهلالي]

مبالغـــة لا محل لها من الإعراب

[روح-قطر]

ليش حرام يمكن كان معطيهم شي يحلونه او مسوي لهم اختبار فطرش رساله شدعوا جذي:anger1:

[الصريحه]

بيض الله وجهه وكثر من امثاله

[كازانوفا]

صح وانا معه وبالفعل من حق الطالب وليس للاستاذ لان الاستاذ عنده اوقات فراغ بس الطلاب لااااا
من حصه لاخرى

[بـــــــنت النوخـّــــذه]

حبكت على بدايه الحصه يدز مسج وينه قبل ولا بعد 00000000000000

يستاهل

وبالعكس هاي التصرف بيخليه نظامي يعرف متى يدز للاوادم

[مبرمج QA]

تصرف خاطئ

الحكمة مطلوبه

[لاجل QT]

اتوقع المدير شايل بقلبة على المعلم ...لان الموضوع مايسوة توجيهة انذار ..
اشدعوة على كل شي انذاار ..الانذار مايعطة الا للمخالفات الكبيرة واللى تستاهل الانذار

[أم هشام]

تفكيرة صح بس مش بانذار مرة حده

[جوهرة قطر]

هذا تصرف طبيعي حتى هنا في قطر ممنوع على المدرس اصطحاب الجوال معه داخل الفصل الدراسي فإن كان لابد فانه يكون على الصامت حتى ممنوع نتكلم بالموبايل في الممرات فما بالك باستخدامه داخل الفصل
وانا اشوفه من القوانين المفروض تطبيقها في المدارس لان مش من السليم ان يتكلم المعلم في اموره الخاصة امام التلاميذ و او يترك الحصة التي هي من حق الطالب من اجل ارسال رساله ايضا ليس من الذوق ان ينشغل بالجوال بينما هو يشرح الدرس وين بيركز الطالب.............
حتى لو ما عنده شي وقاعد احتياط انا اشوف موب عدله انه يسوي هالشيء

ودمتم


مااضن انه ممنوع لانه من يومين فى مدرسه على بن ابي طالب المدرس مطرش للوالد صوره

اخوي وهو نايم بالفصل

:nice: