ساااااعدوني

[QTR004]

عندي بيت وابغي ااجره وش لازم اسوووي
هل لازم ارووح البلديه ... ولا محل ثاني:telephone:
وبالنسبه للعقد من وين اجيبه

لو حد يفيدني بالخطوات الي لازم اسويها اكون له شاكر:)

[بـن عدوان]

هلا اخوي

اول شي لازم يكون عقد إيجار، بتلاقيه في مكتبة ابن القيم اللي في المرخية تحت قسم الطباعة اليوم جايفه.

وعقب ماتعبي الاستمارة ترفق معاه صورة بطاقة الشخصية للمالك والمستأجر وتروح تصدقه.

بس ناسي والله وين يتصدق، ان شاءالله الاعضاء بيفيدونكـ

[الحسام اليماني]

هلا اخوي مثل ماقالك بن عدوان تاخذ العقد من مكتبة ابن القيم او تسويه فاي مكتب عقاري بحضورك انت والمستاجر وتصور العقد ثلاث نسخ بالاضافه لصور البطاقات للمؤجر والمستاجر وصورة السند والمخطط وتروح البلديه القريبه للمنطقه الي فيها العقار وتعبي الطلب وتصدقه عندهم

[QTR004]

:) الله لايهينكم يالربع على الردود ومشكوورين وماقصروتو

وبالنسبه للكهرباء في لها اجراء ولا لا؟؟؟؟
والمااااااء كذالك!!!

[بـن عدوان]

:) الله لايهينكم يالربع على الردود ومشكوورين وماقصروتو

وبالنسبه للكهرباء في لها اجراء ولا لا؟؟؟؟
والمااااااء كذالك!!!



ولا يهينك ياخوي

بالنسبة للكهرباء اعتقد عقب العقد مايتوثق توديه إدارة الكهرباء عشان يتسجل بإسم المستأجر والفاتورة تجي بإسمه. ( سواء قطري او لا )

وان شاءالله بعد الشباب يفيدونك اكثر

[احمد1]

السلام عليكم اخوي مثل ماسلفو الاخوان تاخذ عقد ايجار من المكتبه اي مكتبه اوكي ولا تروح مكتب عقار بيطلب منك عموله نصف شهر على الفاضي سو العقد ودقق بالشروط وبتلقى في اخر العقد ملاحظات حط الي تشوفه مناسب اي شيء يطري على بالك ويكون معقول واخذ 12 شيك من المستاجر تستحق الصرف اول كل شهر ميلادي وبخصوص الكهربا هو الي يفتحها في البيت مب انت على المستأجر لانه مجبور يحط تامين والبلديه مالها خص بس اذا تبي توثق العقد عندك التوثيق العقاري واعتقد انه ماله داعي وللعلم خلك دقيق في العقد ولا يحط بند من عنده وتوقع على طول لا تروى وفكر عدل واذا في شيء ثاني حاضرين اخوك احمد

[abouzein]

إخواني الأعزاء:
أنا الأن بصدد استئجار بيت
مرتين على التوالي و خلال عملية العقد كلما أطلب من المكتب العقاري صورة عن بطاقة صاحب الملك أو التسجيل في البلدية، إمّا أن يقولون أن صاحب الملك شيخ و ما نستطيع نجيب صورة عن البطاقة أو يقولون أن صاحب الملك غيّر رأيه و لا يريد تأجير العقار. ماذا تقولون في هذا؟

[مهندس]

إخواني الأعزاء:
أنا الأن بصدد استئجار بيت
مرتين على التوالي و خلال عملية العقد كلما أطلب من المكتب العقاري صورة عن بطاقة صاحب الملك أو التسجيل في البلدية، إمّا أن يقولون أن صاحب الملك شيخ و ما نستطيع نجيب صورة عن البطاقة أو يقولون أن صاحب الملك غيّر رأيه و لا يريد تأجير العقار. ماذا تقولون في هذا؟


لا تأجر و أنا أخوك
أي شي فيه شبهات أو ماتشوفة واضح إبعد عنة :secret: