معاناة مُدرسة في المستقلة [الأرشيف] - منتديات شبكة الأسهم القطرية

مشاهدة النسخة كاملة : معاناة مُدرسة في المستقلة

فتوون

11-01-2010, 08:05 PM

السلام عليكم ورحمة الله وبركاته
أبث شكواي لله سبحانه وتعالى ولأي شخص يستطيع أن ينتشلني من معمعة المدارس المستقلة
أنا ومن هذا اليوم والجميع يشهد أتنازل عن شهادتي الجامعية وأرضى بأي وظيفة حتى لو كنت مراسلة في جهة أخرى ...
فأنا لا أستطيع أن أستمر في مجال عملي الحالي لأنني سأهدم بيتي وبنفسي وذلك لأنني أهملت زوجي وأبنائي وبيتي فعمل المستقلة مستمر لا ينتهي سواء في المدرسة أو في البيت ولاأستطيع الاستقالة نظراًلأنني مديونة للبنك بأكثر من مليون ريال ....
ولست بموظفة مهملة وتشهد لي وزارة التربية والتعليم بشهادات الامتياز ...
ولكن أريد أن يكون عملي في العمل فقط ...وليس في المنزل
فنحن لا نبني تطور أجيال المدارس على هدم منازل المدرسات
وأختم كلامي
بالدعاء لله سبحانه وتعالى أن يفرج كربتي ويفرج على جميع المسلمين
والسلام عليكم ورحمة الله وبركاته
الكاتبة
شقاء مُدرسة

مجرد انسان

11-01-2010, 08:18 PM

أختي ... فرج الله كربتك وازال همك .. آمين

القرار بيدك ...

لا تعملي الا وقت العمل ,,, ما الذي يمكن ان يحدث أكثر من هدم أسرة ,,,
إن بيعطونك انذار فقد أعطاك أولادك قبلهم ,,, أكثر من انذار ,,
والأولولية لهم ,,

وان قرروا فصلك ,,, فباب السعد ,, قد فتح ,,, عتق من رق ,,

قديما قلت ... لا تعملوا الا وقت العمل ,,, واكرر ,,,

كان لاخي اسعاف موضوع طرح حلولا لهذه المشكلة ,,

من هنا / http://www.qatarshares.com/vb/showthread.php?t=312854

أسأل الله لك التوفيق ولأهلك وبيتك الاستقرار

أخوك / مجرد انسان

بـــــــنت النوخـّــــذه

11-01-2010, 08:20 PM

حااااااااااااااااااااااااااااااااااااااااااااسه فيج
انا كان لاوراي ولا جدامي وكان يصيدني انهيار عصبي فقدت السيطره على اعصابي هههه لاليلي ليل ونهاري نهار *_*

يالله اختي لاتيئسين اكيد بتفتكين نفسي 000 بس انتي شنهو تخصصج ؟؟؟

sendarala

11-01-2010, 08:23 PM

الله يعينج ويفرج كربتج ان شاء الله

فتوون

11-01-2010, 08:29 PM

تخصصي لغة القرآن الكريم
التي أصبحت مهملة في المدارس المستقلة
ناهيك عن الأخطاء الفادحة في مناهج المدارس

قناص الخليج

11-01-2010, 08:42 PM

مافي قانون يجبرج على العمل خارج نطاق الدوم الرسمي

بس الموضوع يبله وقفه جاده

bshayer

11-01-2010, 08:51 PM

اختي فتون اغلب المدرسات حالتهم مثلج واخس ...الله يعينهم .

قديما قلت ... لا تعملوا الا وقت العمل ,,, واكرر ,,,

كان لاخي اسعاف موضوع طرح حلولا لهذه المشكلة
اخوي انسان مستحيل احد ما يكمل بالبيت الإ اذا جلس لين ال4 او 5 العصر يكمل شغله بالمدرسه ...(نفس الشي لازم يضغظ على نفسه ..))
من تجربة بنت عمي ...واايد تتعب نفسيآ ..(التحضير وغيره من وسائل الدرس نفسه ومب نشاط وااحد لا لازم 3 انشطه لمستويات مختلفه ..وغير اوراق العمل الو جبات ووغيره ..وغير مايطلبونه الاداره او المنسقه ..شي لايوصف .....ونفس الموال لكل درس وغيره هي الي تحضر الامتحانات (الوحده والشهريه )..!!!

))))..

الحلول مقترحآ سابقآ صح من الاخ اسعاف لكن الطبيق للحين ماتم وشكله مارااح يتم ..>_>.
داام في ناس تكرف مثل الاالات وتسكها الفوس ..>_>

ربي يرزقج بوظيفه احسن من التدريس .اللهم آمين ..او بقدرة قادر احد يغير شوي ويسمع لمشاكل هالمدرسات ..:)

المغروره

11-01-2010, 09:38 PM

حااسه فيج
شوفي جامعه قطر يبون قطريات خريجات
وبعد بالاوقاف
تحيااتي لج والله لوبيدي كان انا وانتي اشتغلنا لكن الحمدالله على كل حاال

بلوتنيوم

11-01-2010, 09:52 PM

المفروض رواتب المدرسين تكون اعلى رواتب في الدولة
الله يعينكم

قطريه ماركه

11-01-2010, 10:59 PM

اختي كلمي هيا الكواري تطلعج من المدرسة المستقلة وتوديج شبه مستقلة أهووون بوااايد ....

وااايد سوو جذي وساعدتهم ترجيهااا وعادي بإذن الله بتوديج بما انج تبع الوزارة ...

السد

11-01-2010, 11:07 PM

ممكن تجاوبين على السؤال بصراحة ؟؟
ليش متعبه نفسج

دام في الاخير الطالبات كلهم ناجحات ؟؟

قعدي في الصف وشغلي لهم فيديو تعليمي عن السيرة النبوية
واخرتها كلهم ناجحين

ANONYMOUS

11-01-2010, 11:10 PM

ممكن تجاوبين على السؤال بصراحة ؟؟
ليش متعبه نفسج

دام في الاخير الطالبات كلهم ناجحات ؟؟

قعدي في الصف وشغلي لهم فيديو تعليمي عن السيرة النبوية
واخرتها كلهم ناجحين

وجهة نظر

حدالكلمه

11-01-2010, 11:34 PM

الله يعينج ويفرج كربتج --

فتوون

12-01-2010, 06:41 PM

شكرا لمرور الجميع
والله يفرجها علي وعليكم إن شاء الله

أم وضحى

12-01-2010, 09:54 PM

الله يفرجها عليج وعلينا وعلى جميع المدرسات

احنا مثلج اختي ..

والله ضغط نفسي وصحي ومادي ..

حسبي الله ونعم الوكيل ..

هبوب الشمال

12-01-2010, 11:51 PM

الحل اختي في الاستغفار والسعي في البحث عن جهات اخرى

وربي بيوفقج ان شاء الله من مرض المستعله اقصد المستقله

سطح القمر

13-01-2010, 09:33 AM

نصيحه من أخ لك . أطلعي من المقبرة .... اسف قصدي المستقلة .... والله عذاب في عذاب في عذاب ... لا احترام ولا تقدير وفي نهاية الامر مدرسة ... انا انصحك نصيحه حتى لو تخسرين جزء من راتبك اطلعي والله بتشوفين الفرق وبتغير حياتك ...

العلم الوكاد

13-01-2010, 09:42 AM

الله يعينك

وبصراحة فعلا المدرسات معاناتهم صعبة

واذا لم يقدر عملك وما كان بطيبة خاطر منك

فانتي ملزمة بساعات العمل الرسمية فقط

ومن بعد الدوام الرسمي تنتهي علاقتك بالمدرسة

unless

13-01-2010, 11:39 AM

ارجو ان محد يفهمني غلط أو يزعل مني
انا فيه سؤال يدور في نفسي ومحيرني
كيف وصل قرض موظفة لمليون زيادة او
نقص فعلاً امر يحير أو ليش من الاصل
اقترضت واشوف مهما كانت الظروف
ماتوصل الى هالمبلغ ..

حياة

13-01-2010, 03:09 PM

الله يفرج عليج يااااااااارب

نااااني

13-01-2010, 05:14 PM

نااااني

13-01-2010, 05:17 PM

الله يفرج همك ويرزقك بوظيفه احسن من المستقله...

فتوون

13-01-2010, 06:49 PM

شكرا لمروركم ووفقكم الله وفرج عني وعنكم بإذن الله

العليا

13-01-2010, 08:22 PM

أختي

ساعات الدوام الرسميه معروفه ومحدده من السلطات العليا

و أيام العمل معروفه و محدده من السلطات العليا كذلك

و الاجازات الرسميه محدده من السلطات العليا

وش اللي حادك تشتغلين بغير ساعات الدوام الرسمي أو أيام الاجازات الرسميه

أنا اللي ضحكني و قهرني في نفس الوقت أن فيه مدرسه مستقله شغلت مدرساتها يوم الوقفه .... تصدقون والله يوم الوقفه..... يوم الحج الاكبر .... تصدقون

والله ما اشرهه على إدارة المدرسة اللي مصدقه نفسها أشرهه على اللي راحوا للدوام في هاليوم

الله المستعان

،،،،

unless

13-01-2010, 10:02 PM

قبل لاتكلمين تعرفين ظروفها...
اللي ايده في الماي مو مثل اللي ايده في النار...

ياناااااني
انا ما الوم بس ابي افك هالحيرة اللي فيني هذي مش
مئة الف اوميتين او ثلاث حتى هذي مليون اتصور انه
رقم مش بسيط خصوصاً على موظفة وحسب مافهمت من
الموضوع ان زواجها قائم يعني رجل من المفترض انه قايم بمسؤلياته وعلى حد علمي في نماذج وايد منها في المجتمع..ختاماً(العقل زينة)

اسم العضو

13-01-2010, 10:59 PM

ياناااااني
انا ما الوم بس ابي افك هالحيرة اللي فيني هذي مش
مئة الف اوميتين او ثلاث حتى هذي مليون اتصور انه
رقم مش بسيط خصوصاً على موظفة وحسب مافهمت من
الموضوع ان زواجها قائم يعني رجل من المفترض انه قايم بمسؤلياته وعلى حد علمي في نماذج وايد منها في المجتمع..ختاماً(العقل زينة)

مع احترامي لك ... مالك خص الصراحه و مالك دخل في أمورها الشخصيه دام انها ماتبي تذكرها مادري ليش مصر مع انها ماطلبت منك تسديد ديونها

البنت ماطلبت مساعدات ماليه ... أتمنى انك تقرى الموضوع عدل مب تسوي له scan على السريع و انت ماشي

و أتمنى انك تشيل الجمله اللي حطيت فيها كلمه بـ size 6 ... سبحان الله القلوب قست

نااااني

14-01-2010, 02:34 AM

شـعـشـبـونـه

14-01-2010, 02:45 AM

الله يكون في عونج والله يفرجها عليج اختي ..

كازانوفا

14-01-2010, 09:16 AM

لا حولة ولا قوة الا بالله
ربي يفرجها من عنده يا رب
الله المستعان

unless

14-01-2010, 09:52 AM

مع احترامي لك ... مالك خص الصراحه و مالك دخل في أمورها الشخصيه دام انها ماتبي تذكرها مادري ليش مصر مع انها ماطلبت منك تسديد ديونها

البنت ماطلبت مساعدات ماليه ... أتمنى انك تقرى الموضوع عدل مب تسوي له scan على السريع و انت ماشي

و أتمنى انك تشيل الجمله اللي حطيت فيها كلمه بـ size 6 ... سبحان الله القلوب قست

شوي شوي علي يالطيب/ة ترى ماشوف نفسي غلطت هي تساؤلات
محيرتني وطرحتها واعتقد هناك حالات وايد غير الاخت موجودة في المجتمع يعني مشكلة عامة.. وانا ماتدخلت في خصوصية احد واعتقدالموضوع مطروح في منتدى عام وهذي وجهة نظر يجب احترامها حتى لو ما أتفقنا معاها .. وان كنت تطلب مني اشيل كلمة
تعتبر مبدأ حياة وتتهمني بقسوة القلب فا ايش تصنف ردك هل هو
يدخل في القسوة ولا؟؟؟؟؟؟؟؟؟؟؟؟؟؟؟؟؟

unless

14-01-2010, 10:00 AM

حبيتي ترى ديونها مو لزوجها وعلى فكره ما يقصر معاها اوكي...
فاحسن لج بدال ما تكلمين بشي مايخصج ادعي لها...

شكرا على النصيحة واوعدج باخذ بها .. وانا قصدت بزواجها هو ان
اذا الرجل يقوم بمسؤلياته فمن الطبيعي مايكون ضغط عليها الشئ اللي مايخليها تضطر تتدين لأن كلنا نعرف ان في هناك حريم قايمة عليها بعد
الله بيوت ونتيجة لهذا الحال تطيح في الديون وغيرها وغالبيتهم ارامل ومطلقات وظروف اخرى واسأل ربي ان يفرج عنها وكل مديون..
أأأأأأأأأأأأأأأأمييييييييييييييين

فتوون

15-01-2010, 02:54 AM

اشكر مرور الجميع
بلا استثناء
قمة التناقض في المدارس المستقلة يوم تكتب لفت نظر وبعدها بيومين جواب شكر
تخبط والله يستر من اللي جاي

ذيبه مزاجيه

15-01-2010, 03:51 AM

محد حاس فيج غير المدرسات واهاليهم .. والا الناس الحين كله تنتقد شغل المدرسات
وكله خايفين على عيالهم منا .. تقولين وحوش مب مدرسات
كله انتقاد ف انتقاد..
يشوفون التدريس سهل .. عدال يعني محصلين همجه من وراه
مب لاقيين الا راتب ما يغطي نص الجهد اللي نبذله .. ولا ر3 ارباعه نعدل فيه صفوفنا وغير الهدايا حق اليهال على حسابنا بعد !!
شغل 3 اشخاص براتب واحد ؟!
طلعت لي قرون من المستقله وببتدي الحين ادور مكان غيره اريح راسي من الويع اللي يصيده كل يوم ..
الصراحه لا تقدير و لا شكر ولا شي
وكله مب راضيين .. مادري شيبون
يطبقون اشياء ما تنفع لحياتنا نفس الاجانب ..للعلم الاجانب ما يطبقون هالخرابيط اللي يحشون مخوخنا فيها ..
كله الطالب مظلوم و ان خفنا عليه كبرنا المشاكل
اشفق على حال كل مدرس و مدرسه
كفايه 30 طالب او طالبه ف الحصه كفايه بانهم يسببون حاله نفسيه للمدرس . . .
بعض الناس عيالهم مايقدرون يستحملونهم دقيقه .. وهم 3 او 2 او 4 ..
شلون يتوقعون من المدرس انه يستحملهم طول النهار !!
بعد اليهال يهونون شوي .. المصيبه ف الاداره وبعض الاهالي اللي ما يعجبهم العجب ..
سلام وربي يوفقج و يعينج