استفسار: بنك التنمية واخر مدة للانتفاع بالقرض ..

[anything99]

اخواني استفسار واتمنى تفيدوني فيه .. كما هو معلوم ان في سنة 2009 نزلت قائمتين باسماء المنتفعين بالقرض من بنك التنمية دفعة في شهر ابريل 2009 ما يقارب ال 1000 منتفع ودفعة في شهر اغسطس ما يقارب ال 4000 منتفع .. والان عندما نستفسر عن اخر مهلة للانتفاع بالقرض من البنك يكون الرد هو 31 مارس 2010 .. فكيف تكون مدة الانتفاع للمنتفعين الذين نزلت اسمائهم في شهر 8 اقل من سنة .. هل نعتمد كلام موظفي بنك التنمية .. ام هناك مسؤوليين متخصصين في الرد على الاستفسارات وتكون كلمتهم ثقة ومعتمدة ..

[anything99]

للرفع ..

[باظلوف]

ان شا الله يفيدونك الاخوان
والله يوفقك وييسر امرك

[الجنـون]

اتصل اخوي لبنك التنميه .. وكلم الاخ عبدالرحمن العبيدلي ..

هو الي راح يفيدك ^_^

[halcrow]

سؤال مهم ياليت تفيدونا جميع

[دهــن العود]

بالنسبة لي نزل الاسم في شهر 8

ولما اتصلنا بنك التنمية افادتني احدى الاخوات ان اخر مهلة هي 31 3 2010

وتأكدت لي من هذا الموضوع بالاتصال بشخص اخ سمعتها تكلمة ع التلفون في نفس المبنى بعد ما اخذت رقم البطاقة الشخصية


:)

[anything99]

ان شا الله يفيدونك الاخوان
والله يوفقك وييسر امرك

جميع ان شاء الله .. جزاك الله خير اخوي

[anything99]

اتصل اخوي لبنك التنميه .. وكلم الاخ عبدالرحمن العبيدلي ..

هو الي راح يفيدك ^_^

ان شاء الله .. لكن هل هو مسؤول في البنك ؟

[anything99]

بالنسبة لي نزل الاسم في شهر 8

ولما اتصلنا بنك التنمية افادتني احدى الاخوات ان اخر مهلة هي 31 3 2010

وتأكدت لي من هذا الموضوع بالاتصال بشخص اخ سمعتها تكلمة ع التلفون في نفس المبنى بعد ما اخذت رقم البطاقة الشخصية


:)

من تجربتي في ادارة الاسكان طلعت بفكرة مفادها ان اغلب الموظفين ما يعرفون عن القانون .. واحيانا كلام الموظفين متناقض .. وما تأكدت من القوانين وحصلت اجوبة على استفساراتي الا عن طريق قسم الشكاوي الله يجازهم خير .. لكن بالنسبة لبنك التنمية .. هل يوجد قسم مشابهة او مسؤؤل مختص كالشخص اللي ذكرت اسمه الاخت جنون ؟؟؟ من شهر 8 ل شهر 3 ؟ 7 شهور هل تكفي الشخص يرتب اموره فيها ويستفيد من القرض؟

[قطري مميز]

انا اتصلت في بنك التنميه وسئلتهم عن الموضوع وقالو لي الي نزل اسمه في شهر 8 اخر مهله له 31 - 3 - 2010
طيب شلون نبني والمنطقه ( عين خالد ) مافيها خدمات وحتى الشارع لين الحين ماوصل لاكهرباء ولا ماء شلون يعني . واذا كلمتهم قالو لك ابني انت وماعليك اول ماتخلص كل شي بيكون عندك انا اعرف كم واحد من الشباب خلصو وهذا هم حاطين يدهم على خدهم ينتظرون الخدمات .
الواحد شيقول بس ؟؟؟؟؟؟؟؟؟؟؟؟؟؟؟

[سوبر]

انا سئلت في بنك التنميه وقالو لي بالحرف الواحد يفضل اخذ القرض قبل نهاية شهر 3 لان عقب شهر 3 راح تنزل اسماء جديده ويكون ضغط عليهم ويمكن تطول الفترة لين احصل على القرض