سؤال لوزير الشؤون الإجتماعيه ولإسكان (المحترم)

[rashid700]

بداية اود ان أطرح موظوعي بوظوح ، حيث انني تقدمت بطلب اسكان بقرض لوالدتي المطلقه بعد صدور القانون اللذي يجيز للأرامل والمطلقات الحصول على سكن ، وبعد استيفاء جميع الأوراق وهي: شهادة الطلاق + شهادة عدم زواج + شهادة من التسجيل العقاري بعدم وجود عقار بإسم صاحبة العلاقه. وأخيرا بحث حاله ، تم استقبال الطلب وقال الوظف راجع بع اسبوع لين تمت شهرين مراجعات اسبوعيه المهم بعد هذا كله كان الرد (الوالده مستنفعه قبل 10 سنوات بغرفه + حمام) يعني معقوله غرفه وحمام تكلفتها عليهم (30000 ) راح تمنعها من حصولها على أرض +قرض (600000).تبون ال(30000) بنرجعها لكم.

سؤالي ياسعادة الوزير: هل يعقل انه تنحرم امهاتنا اللي هم الخير والبركه من خير بلادهم واللي ما ناموا من فرحتهم بالقانون أول مادروا عنه قاموا يدعون للأمير (الله يحفظه) وللشيخه موزه اللي رجعت لأمهاتنا جزء من حقوقهم .

هل القانون منع المستنفعين سلفا من الإنتفاع من هذا القانون ؟ إذا كان كذلك فما لأمهاتنا بعد الله الا انت ياسعادة الوزير لتوصل صوتهم للسلطه .
وأما اذا كان هذا ليس الا كلام موظف يريد تصريف امهاتنا فإني أطالب بمسائلته وإعطاء كل ذي حق حقه.



مع كل إحترامي وتقديري( سعادة الوزير )

[براتزية برازيلية]

نفس المشكلة هنا :s
مستخسرين علينا بيوت لأمهاتنا و مليارات تروح للبنان و فلسطين
الحمدلله على كل حال

[بنت العصـيمي]

بعد نفس الحالة

الوالده الله يطول لنا فعمرها من 5 سنين يوم طلبت البيت قالوا لها بنبنيلج في بيت ريلج ملحق:eek5: - مع العلم ان احنا 3 معاها - يعني انتغلغص في الملحق في بيت الوالد الله يحفضة

بس فديتها الوالده شرشحتهم من الزين :anger1:

وطبعا بعد ال 5 سنين طلعت لها الارض من شهرين بس لين الحين ما عطوها شي رسمي كل يوم ويقولون لها بنرد عليج راجعينا بعد اسبوع:telephone:

والله الاراضي لين الحين ما توزعت والله احنا غيرنا لج المنطقة واخرتها قالو لها بنعطيج ارض في منطقة لين الحين ما عطوها اسم ومافيها خدمات بس بتجي الخدمات بعد 3 سنين ( قد احنا الله رحنا فيها )

هنا السوال ؟

ليش ما يسهلون هالامور للارامل والعجزه ... الحين لو واحد قريب لهم اركضو له

بس شنقول الله كريم وان كان لنا شي بنحصلة

[كازانوفا]

تروح لفلسطين مش مشكله بس للبنان ما له داعي
وبالنسبه للسكن الوالده الكل عارف انكم محتاجين واسطه
وربك هو الواسطه ان شالله وبندعلك من القلب
ربي يوقف لك عيال الحلاااااااااااال يا رب العالمين

[rashid700]

زين ليش شنهو السبب ؟

والله لو الأمير يدري ولا الشيخه موزه انهم مايرظون بالكلام هذا

زين بنيتوا لها ملحق (غرفه 4.5 متر × 5 متر + حمام ) في بيت ولدها لكبير الحين ولدها يبي يبيع البيت لظروفه الماديه وين تروح إهي بالنسبه للولد لكبير تزوج وجاه عيال وكبرو العيال .
مو مشكله ممكن يستأجر ويسكن عايلته . بسسسسسس الوالده وين تروح مع عيالها اللي ماطلع لهم بيوت ومعاها خدامه والبيت صار ظيق صراحه.
واالله حرااااااااااااااااااااااااااااام.
نرجو ا الرد من المسؤلين

[مستجدة]

وشنو رايك اخوي في اللي انحرم من الغرفه والحمام ومن البيت لان القانون مال الملاحق انلغى
والقانون الجديد يقول انتي ساكنه بيت ابوك خليك معه مهما كان عددكم ومهما كان صغير
هالقانون ظلم ناس واجد لكن ان شاءالله تعالى في رقبة الي حط هالقانون
واحرم الشوفات الي مالهم احد ولا لهم رزق الا الشؤون ونحرموا من خير بلادهم

كل قانون ينزل فيه ضرر بالمواطن الفقير
ولا انتظروا قانون الضمان الي ملينا من كثر مانسمع عنه راح يكون كله حسد وتنكيل في هالفقراء

شنقول غير حسبي الله ونعم الوكيل

[شعنونة قطر]

الله كريــم واذا فيه واسطه هل بيمشي الحال

[مضارب يومي]

حتى مساعده الديوان الي هي كل سنه ينزلون لك شيك حق ناس وناس وفي ناس محتاجه بس من الي يقدر لازم يكون موايدك 1974 بس انا أشواف ضلم في هذا الموضوع بعد

[قلبي الملتاع]

المثل المصري يقول:قليل البخت يلاقي العظم في الكرشه

تنشد عن الحال هذا هو الحال

[Chambray]

اكتب كتاب رسمي لسعادة الوزير
وراح يرد عليك ان شاء الله
كتابتك في المنتدى ماراح تجيب نتيجة

[همسه]

نفس الحاله

امي بعد رفضوا طلبها لنفس السبب

قالو مستنفيه سابقا بغرفه وتكرمون حمام

الحين غرفه وحمام حالها حال بيت كامل

الشكوا لله سبحانه و تعالى وحده

الله كريم

:)

[rashid700]

وشنو رايك اخوي في اللي انحرم من الغرفه والحمام ومن البيت لان القانون مال الملاحق انلغى
والقانون الجديد يقول انتي ساكنه بيت ابوك خليك معه مهما كان عددكم ومهما كان صغير
هالقانون ظلم ناس واجد لكن ان شاءالله تعالى في رقبة الي حط هالقانون
واحرم الشوفات الي مالهم احد ولا لهم رزق الا الشؤون ونحرموا من خير بلادهم

كل قانون ينزل فيه ضرر بالمواطن الفقير
ولا انتظروا قانون الضمان الي ملينا من كثر مانسمع عنه راح يكون كله حسد وتنكيل في هالفقراء

شنقول غير حسبي الله ونعم الوكيل

مايروح حق ووراه مطالب
ربك بيفرجها

وقانون الظمان كنه غيره من القوانين

[rashid700]

اكتب كتاب رسمي لسعادة الوزير
وراح يرد عليك ان شاء الله
كتابتك في المنتدى ماراح تجيب نتيجة

كلامك صحيح بس لو جانا الرد غيييير شافي
مالنا الا مكتب الشيخه موزه

بس حد يعرف وين مكانه؟ يقول لي

[(حوريه)]

ياليت اللي يلقى واسطة للسكان يقولي عشان تتوسط لي

لاتنسوني

[مستجدة]

مايروح حق ووراه مطالب
ربك بيفرجها

وقانون الظمان كنه غيره من القوانين


كلامك صحيح كل القوانين فيها اخطا تضر اكثر ماتنفع مع الاسف

[خنور]

انا اتعجب من جميع القوانين التي لاتصب في مصالح القطريين ليش اريد احد يجاوب بس ؟

[rashid700]

لأن اللي حاط القانون أجنبي
بس مشروهي على المسؤلين اللي شكلهم موب في حاجه عشان كذا ما إهتموا من الشعب الفقير المسكين واللي المشكله فيهم ان مواطنوا دول مجلس التعاون ولا بعد جميع العالم يشوفون انهم من أغنى الناس (أغنى الدول) بس شعبها هالك (الله كريم)

[فتى الجود]

كلامك صحيح

لكن ياخوى لاتعب نفسك

ماراح تلقى رد شافي

الله يعينكم

[rashid700]

رب العالمين في الوجود ويفعل ما يريد وامره بين ك و ن اذا اراد شيئا قال له كن فيكون
والصبر مفتاح الفرج

[rashid700]

راجعت أمس عند خدمة الجمهور مديرهم والنعم فيه من عايلة الملا
قال لي فيه نقاش حول هذي الإشكاليه وانشاء الله بيصير خير عن قريب
وبعدها حاولت اقابل وكيل الوزاره وما سمحوا لي
بس معليكم بطلع تلفونه وبتصل فيه

[(الفيصل)]

بصرف النظر عن قانونية الطلب من عدمه
ياجماعه
انتوا ليش حاطين (جدار فولاذي) بينكم وبين الوزراء !!!
لاسيما وزيراً مثل وزير الشؤون الإجتماعيه ولإسكان
وهو (انسان) مشرع (بابه) للجميع ومحترم من الطراز الاول

**هذا الطلب المفترض يقدم لسكرتير مكتب الوزير ويؤخذ وصل عليه وتتم المراجعة عليه لمعرفة الرد ... لامكان له في المنتدى (اطلاقاً) مع احترامي للكاتب

يعني هل تريد أن يرد الوزير عليك هنا مثلاً!!!

[خنور]

بصرف النظر عن قانونية الطلب من عدمه
ياجماعه
انتوا ليش حاطين (جدار فولاذي) بينكم وبين الوزراء !!!
لاسيما وزيراً مثل وزير الشؤون الإجتماعيه ولإسكان
وهو (انسان) مشرع (بابه) للجميع ومحترم من الطراز الاول

**هذا الطلب المفترض يقدم لسكرتير مكتب الوزير ويؤخذ وصل عليه وتتم المراجعة عليه لمعرفة الرد ... لامكان له في المنتدى (اطلاقاً) مع احترامي للكاتب

يعني هل تريد أن يرد الوزير عليك هنا مثلاً!!!






الفيصل تقبل الله طاعتك وغفر الله ذنبك نحن لايوجد بيننا جدار فولاذي مع الوزراء طال عمرك

الموضوع ومافية بعض التشريعات والقوانين وضعت ولم يراعى فيها المستوى الاجتماعي

لبعض الاسر القطرية مثل حرمان المطلقة من منزل او قطع مساعدة لمسن او لارملة

نحن نعرف سعادة الوزير جيدا وليست الاشكالية فية ، نحن هنا نطالبة بتشريعات جديده تكون

في مصلحة هؤلاء الضعفاء او على الاقل المطالبة بها ، سعادته نعلم انه عضو في المجلس

الاعلى لشؤون الاسره عضوا ، وكذلك عضوا في مجلس الوزراء والمطلوب منه بارك الله

فيك الدفاع عن حقوقهم التي اوقفت بدافع القوانين والتشريعات التي وضعت بفعل ادمي وليس

تشريع ألهي تعالى الله عنها ، يأخي نحن لانشك في سعادته ونعلم علم اليقين بأن باب مكتبة

مفتوح ونعلم انه من الطراز الاول ، اخي ويااستاذي الفيصل هل تعلم بارك الله فيك بأن هناك

مقترح من هذه الوزارة برفع المساعدات وقانون جديد للفئات جميعها وفي مجلس الوزرا

مضى علية اكثر من 3 سنوات ولم يقر لحد الان .

يأاستاذي نحن لانلوم ابناء وبنات وشياب وعجائز هذا البلد لو اشتكو فلقد طال انتظارهم

ويريدون ايجاد حل لمشاكلهم دعوهم يفضفضون مابداخلهم .:)

في الاخير : لانريد للوزير الرد على صاحب الموضوع هنا نريدك يالفيصل او انا ياخنور

نقل همومهم الى سعادته اتتفق معي يالفيصل على هذا المقترح ؟ .

[خنور]

للرفع فقط :)

[شموخ وبس]

الله يعينك والله 0000 وواسطه وواسطه من وين مايندرى :(

[الصريحه]

المثل المصري يقول:قليل البخت يلاقي العظم في الكرشه

تنشد عن الحال هذا هو الحال

ايه واللله

[hamoor4ever]

اخوي على بلاطه بقولها لك ، لو والدتك خذت القرض ( ركز على اسم قرض ) شنو راح يبقى حق اعمار لبنان ؟؟ او اعمار الدول الثانيه مثل سوريا بعد ، تدري اخوي هم محتاجين ( للهبات والمكرمات ) اكثر منا بعدين احنا محتاجين لهم خبرك من غيرهم احنا مانسوى شي ووالدتك دام انها ( قطريه ) اكيد مب محتاجه شي لان ( كل القطرين ) بخير ونعمه وكفايه الكهرباء والماي ببلاش

[مقطع حق]

اخوي على بلاطه بقولها لك ، لو والدتك خذت القرض ( ركز على اسم قرض ) شنو راح يبقى حق اعمار لبنان ؟؟ او اعمار الدول الثانيه مثل سوريا بعد ، تدري اخوي هم محتاجين ( للهبات والمكرمات ) اكثر منا بعدين احنا محتاجين لهم خبرك من غيرهم احنا مانسوى شي ووالدتك دام انها ( قطريه ) اكيد مب محتاجه شي لان ( كل القطرين ) بخير ونعمه وكفايه الكهرباء والماي ببلاش


غريب هذا الكلام---العجايز هم الأصل والخير والبركه والحق إلهم قبل غيرهم..ولولأهم ولولاء أدعيتهم كان حالنا حال..وألله إنهم إلي يستاهلون..
ياليت القرار بيدي كان شفت كل وحده فيهم في قصر عامر ..
لكن تنشد عن الحال هذا هو الحال!

[بومحمد911]

الله يعين

[rashid700]

أشكر جميع ألأخوان على التفاعل مع الموضوع وخاصة أخوي خنور كفيت ووفيت
وأنا رحت لهم وحاولت معاهم بس مافيه فايده يقولون فيه إشكاليه في القانون وفيه نقاش لحل هذي الإشكاليه قريب إنشاءالله
والله كريم