النظافة من الايمان للاسف يا مستشفى الريان

[khalid-qtr]

السلام عليكم ورحمة الله

بختصر لكم ما حصل وما رايتة من يومين بمستشفى الريان...

انا عندي ولدي عمرة 3 سنوات ونص وعندة دوم حساسية بالصدر وكنت دوم اودية على

مستشفيات خاصة ومن يومين سئت حالتة كثير وتم يكح طول الوقت ولا يقدر ياكل شي الساعة

كانت 11:30 بالليل قلت بسرعة بودية اقرب مستشفى الي هو الريان عندهم فاتحين طواري

الاطفال 24 ساعة لكن الصدمة يوم دشيت الناس منقعين ينتظرون تميت انتظر لين ما فضى

سرير على العلم هذا مستشفى حديث توهم مسوينة لكن نفس الممرضات والدكاترة الي ما

يدرون شسالفة او ما عندهم اهتمام يوم رحت الغرفة الي فيها يحطون الاكسجين الي هو

البخاخ مال الصدر اول ما دشيت الا اكل محطوط على الكرسي خايس صار لة فترة وتحت على

الارض الله لا يرويكم نعمة طايحة خبز وفاين والارض وصخة بشكل مو طبيعي..

وعلى طول يبوني احط ولدي على السرير والله العظيم انة الفرش الي على السرير فية دم

ومكان لو يجية الصاحي يمرض شلون لو مريض كلمت الممرضة الي تركب البخاخ من

جنسية عربية قلت لها خلي حد يجي ينظف لنة انا ادري اني بطول عندكم عصبت وقالت الناس

كثير وطنشت راحت خلاص البخاخ الدكتور قال لازم ثلاث مرات ولا حد جاء يسكرة ناديتهم

وماجاوني الا بعد نص ساعة كلهم الممرضات جالسيت على الكونتر وبس يكتبون في الاوراق

كانهم شغلتهم بس يعالجون الاورق والمريض يولي شي غريب وهذي حالتي معهم لين ما

فارقتهم الي انا حسيتة من تعاملهم كانهم يتعمدون عدم الاهتمام والنظافة لنة يقولون هم

وصخين ليش نظاف وراهم او نهتم فيهم

والله حزنت يوم شفت تعامل الممرضات مع الناس هناك كانهم مغصوبين على الشغال

اتمنى حد من المسؤلين يروح يشوف هذا الشي بنفسة لو حب يتأكد لنة وضع

ما ينسكت علية بصراحة.

[CH Engineer]

تعرف ليش لانها لو نظفت او مانظفت
لو طنشت او اهتمت فيك
نفس النتيجه لامحاسب ولا رقيب..
فليش تتعب البنت خلها ع الكاونتر << مادري ممرضه ولا محاسبه ؟؟

[الصريحه]

للاسف اعتقد كلامك صح
وللاسف ان المستشفى توه جديد
مالت على عدم الرقابه اللي مايعرفونها
هاذولا ياخذون رواتب حرااااااام مايستحقونها
ليش ؟
ليش ساكتين روحي ارفعي عليهم شكوى وكلمي الصبح المسؤوليييين
الله يبلاهم لا دين ولا ذمه

[هند88]

اي واالله جنك حاس فيني .......مركز والله حرام الواحد يدشة يلوع الجبد
الدوحة قاعد تتطور في كل شي الا الصحة|.... مادري متى بيلتفتون عليها... جنة ماعندهم الا الرياضة

[كازانوفا]

لا حولة ولا قوة الابالله

[الصريحه]

"]ولحساسيه الصدر ادهن صدر ولدك بزيت زيتون دافي وشويه فكس من الصيدليه الاطفال
ونقع له ماي دافي و3 حبات علك لبان علشان تشيل الوسخ من صدره وحاول تشربه اياه وان رفض عطه اياها في ابره واحسن لو رجع لا تخاف يطلع الخياس من صدره وينظف صدره وتحمل من التيار البارد في البيت او كثره الدخون واذا كان لابد فعلك لبان وسويده تدفي الببيت ولطل شويه الدريشه في خلال الدخون علشان يدش هواء بسيط ولاتحكر البيت وعطه ملعه زيت زيتون يشربها تدفي صدره وتنزل الوسخ وارجوك حاول ولا خلي المدام تطبق هذا الكلام
والله يعينا جميع على الاطفال لين يكبرون[/size]

[khalid-qtr]

تعرف ليش لانها لو نظفت او مانظفت
لو طنشت او اهتمت فيك
نفس النتيجه لامحاسب ولا رقيب..
فليش تتعب البنت خلها ع الكاونتر << مادري ممرضه ولا محاسبه ؟؟

المحاسب الله مشكور اخوي

[الجزوع]

انا بقول لكم ليه هالاهمال وبالذات لو لاحظتوا ان الاهمال في المراكز الصحيه اللي خارج الدوحه ، طيب من اكثر الناس اللي يقطنون هالمناطق؟ طبعا اكثرهم يمكن ثلاثة ارباعهم بدو ! صح ؟؟؟ طيب هنا الغمنده وخلونا نكون صريحين وبعاد كل البعد عن المجاملات ، لو تلاحظون مدى سوء الخدمات اللي تقدم للمواطنين اللي يقيمون خارج الدوحه، يعني عندكم انا بدويه طول عمري عايشه داخل بالدوحه وكنت احصل على احسن الخدمات الصحيه بمركز المنتزه، شاءت الاقدار اني اطلع برا الدوحه والتحقت للاسف وبحرقة دم اقولها للاسف التحقت بمركز الريان وقلبي يتقطع على المعامله الخايسه اللي يعاملون فيها المواطنين ( البدو ) ولا يحشمون لا كبير ولا صغير من اكبرهم الى اصغرهم بتقولون لي الفلبينيات بس بقول لكم لا !!! شوفوا معاملة بنات الاستقبال والله لو يتعاملون مع بهايم ماعاملوهم بهالطريقه ، ادري الكثير بينتقد وبيقول وبيسوي بس انا قلت كلمة الحق واللي يشوف اني غلطانه او يتهيأ لي يصحح لي ليش لا ! يمكن يتهيأ لي ، بس هذا اللي عندي وما اقول الا حسبي الله ونعم الوكيل وكلن شايف وعارف :)

[khalid-qtr]

للاسف اعتقد كلامك صح
وللاسف ان المستشفى توه جديد
مالت على عدم الرقابه اللي مايعرفونها
هاذولا ياخذون رواتب حرااااااام مايستحقونها
ليش ؟
ليش ساكتين روحي ارفعي عليهم شكوى وكلمي الصبح المسؤوليييين
الله يبلاهم لا دين ولا ذمه

مشكورة اختي مشاركتج

المصيبة ان ما حد يهتم حتى المسؤلين هم لو يدرون انة في مسؤلين بيحسبونهم كان اهتموا

لكن الشكوة لله

[khalid-qtr]

اي واالله جنك حاس فيني .......مركز والله حرام الواحد يدشة يلوع الجبد
الدوحة قاعد تتطور في كل شي الا الصحة|.... مادري متى بيلتفتون عليها... جنة ماعندهم الا الرياضة

اي والله صدقتي اختي الحمدلله البلد في تطور من ناحية العمران والتعليم لكن موظفين و اخص

بالذات المذكورين اعلى ما عمرهم راح يطورون من شفت تعاملهم مع اليهال واهلهم قسم

بالله كاني جالس في ترعة مش مستشفى

[khalid-qtr]

لا حولة ولا قوة الابالله

جزاك الله خير الشكوة لله

[khalid-qtr]

"]ولحساسيه الصدر ادهن صدر ولدك بزيت زيتون دافي وشويه فكس من الصيدليه الاطفال
ونقع له ماي دافي و3 حبات علك لبان علشان تشيل الوسخ من صدره وحاول تشربه اياه وان رفض عطه اياها في ابره واحسن لو رجع لا تخاف يطلع الخياس من صدره وينظف صدره وتحمل من التيار البارد في البيت او كثره الدخون واذا كان لابد فعلك لبان وسويده تدفي الببيت ولطل شويه الدريشه في خلال الدخون علشان يدش هواء بسيط ولاتحكر البيت وعطه ملعه زيت زيتون يشربها تدفي صدره وتنزل الوسخ وارجوك حاول ولا خلي المدام تطبق هذا الكلام
والله يعينا جميع على الاطفال لين يكبرون[/size]

جزاج الله الف خير يا اختي وان شاء الله بوصي الاهل يسون طريقتج

[khalid-qtr]

انا بقول لكم ليه هالاهمال وبالذات لو لاحظتوا ان الاهمال في المراكز الصحيه اللي خارج الدوحه ، طيب من اكثر الناس اللي يقطنون هالمناطق؟ طبعا اكثرهم يمكن ثلاثة ارباعهم بدو ! صح ؟؟؟ طيب هنا الغمنده وخلونا نكون صريحين وبعاد كل البعد عن المجاملات ، لو تلاحظون مدى سوء الخدمات اللي تقدم للمواطنين اللي يقيمون خارج الدوحه، يعني عندكم انا بدويه طول عمري عايشه داخل بالدوحه وكنت احصل على احسن الخدمات الصحيه بمركز المنتزه، شاءت الاقدار اني اطلع برا الدوحه والتحقت للاسف وبحرقة دم اقولها للاسف التحقت بمركز الريان وقلبي يتقطع على المعامله الخايسه اللي يعاملون فيها المواطنين ( البدو ) ولا يحشمون لا كبير ولا صغير من اكبرهم الى اصغرهم بتقولون لي الفلبينيات بس بقول لكم لا !!! شوفوا معاملة بنات الاستقبال والله لو يتعاملون مع بهايم ماعاملوهم بهالطريقه ، ادري الكثير بينتقد وبيقول وبيسوي بس انا قلت كلمة الحق واللي يشوف اني غلطانه او يتهيأ لي يصحح لي ليش لا ! يمكن يتهيأ لي ، بس هذا اللي عندي وما اقول الا حسبي الله ونعم الوكيل وكلن شايف وعارف :)


والله كلامج هو الصح 100% :nice: نعم هذا الحاصل للاسف

فعلا حتى موظفات الاستقابل الله يسامحهم ما يقدرون لا شيبة ولا عجوز ولا مريض

المفروض يعطونهم دورة في مطعم الزرقاء كيف يتعاملون مع الزبون

[موضي قطر]

انا بقول لكم ليه هالاهمال وبالذات لو لاحظتوا ان الاهمال في المراكز الصحيه اللي خارج الدوحه ، طيب من اكثر الناس اللي يقطنون هالمناطق؟ طبعا اكثرهم يمكن ثلاثة ارباعهم بدو ! صح ؟؟؟ طيب هنا الغمنده وخلونا نكون صريحين وبعاد كل البعد عن المجاملات ، لو تلاحظون مدى سوء الخدمات اللي تقدم للمواطنين اللي يقيمون خارج الدوحه، يعني عندكم انا بدويه طول عمري عايشه داخل بالدوحه وكنت احصل على احسن الخدمات الصحيه بمركز المنتزه، شاءت الاقدار اني اطلع برا الدوحه والتحقت للاسف وبحرقة دم اقولها للاسف التحقت بمركز الريان وقلبي يتقطع على المعامله الخايسه اللي يعاملون فيها المواطنين ( البدو ) ولا يحشمون لا كبير ولا صغير من اكبرهم الى اصغرهم بتقولون لي الفلبينيات بس بقول لكم لا !!! شوفوا معاملة بنات الاستقبال والله لو يتعاملون مع بهايم ماعاملوهم بهالطريقه ، ادري الكثير بينتقد وبيقول وبيسوي بس انا قلت كلمة الحق واللي يشوف اني غلطانه او يتهيأ لي يصحح لي ليش لا ! يمكن يتهيأ لي ، بس هذا اللي عندي وما اقول الا حسبي الله ونعم الوكيل وكلن شايف وعارف :)

تدرين كلامك فيه جزئيه صحيحة لكن وحياتك يعتمد على المريض تخسي اي موظفة

أو نيرس تطاول علي والله لا تلعن الساعة الي اشتغلت فيها بس الشكوى ترى في مراكز

صحيه ثانية حتى طوارئ حمد عليهم معاملة غريبة للمرضى كانهم يعاقبونهم ليش مرضوا :eek5:

[امـ حمد]

لا حول ولا قوة الا بالله

[السهم الملتهب]

الله يعيين

[msd313]

مركز الريان يعتبر من اسوأ المراكز الصحية من ناحية الخدمات والنظام والنظافة والترتيب وتعامل الاستقبال مع المرضى كأنهم يمنون عليهم بتقديم العلاج لهم.

ومديرة المركز الله يهديها نايمه في العسل ولا عندنا من الادارة او معرفة جودة الخدمات الا ما عند الجده الله يرحمها

[بنت ابوها 19]

صج انهم كجره من كل ناحيه جات بس على النظافه
الاداره بكبرها كجره

[halah]

السلام عليكم ورحمة الله

بختصر لكم ما حصل وما رايتة من يومين بمستشفى الريان...

انا عندي ولدي عمرة 3 سنوات ونص وعندة دوم حساسية بالصدر وكنت دوم اودية على

مستشفيات خاصة ومن يومين سئت حالتة كثير وتم يكح طول الوقت ولا يقدر ياكل شي الساعة

كانت 11:30 بالليل قلت بسرعة بودية اقرب مستشفى الي هو الريان عندهم فاتحين طواري

الاطفال 24 ساعة لكن الصدمة يوم دشيت الناس منقعين ينتظرون تميت انتظر لين ما فضى

سرير على العلم هذا مستشفى حديث توهم مسوينة لكن نفس الممرضات والدكاترة الي ما

يدرون شسالفة او ما عندهم اهتمام يوم رحت الغرفة الي فيها يحطون الاكسجين الي هو

البخاخ مال الصدر اول ما دشيت الا اكل محطوط على الكرسي خايس صار لة فترة وتحت على

الارض الله لا يرويكم نعمة طايحة خبز وفاين والارض وصخة بشكل مو طبيعي..

وعلى طول يبوني احط ولدي على السرير والله العظيم انة الفرش الي على السرير فية دم

ومكان لو يجية الصاحي يمرض شلون لو مريض كلمت الممرضة الي تركب البخاخ من

جنسية عربية قلت لها خلي حد يجي ينظف لنة انا ادري اني بطول عندكم عصبت وقالت الناس

كثير وطنشت راحت خلاص البخاخ الدكتور قال لازم ثلاث مرات ولا حد جاء يسكرة ناديتهم

وماجاوني الا بعد نص ساعة كلهم الممرضات جالسيت على الكونتر وبس يكتبون في الاوراق

كانهم شغلتهم بس يعالجون الاورق والمريض يولي شي غريب وهذي حالتي معهم لين ما

فارقتهم الي انا حسيتة من تعاملهم كانهم يتعمدون عدم الاهتمام والنظافة لنة يقولون هم

وصخين ليش نظاف وراهم او نهتم فيهم

والله حزنت يوم شفت تعامل الممرضات مع الناس هناك كانهم مغصوبين على الشغال

اتمنى حد من المسؤلين يروح يشوف هذا الشي بنفسة لو حب يتأكد لنة وضع

ما ينسكت علية بصراحة.


يا ليتك صورت هالوضع ونزلت الصور فالمنتدى

[khalid-qtr]

يا ليتك صورت هالوضع ونزلت الصور فالمنتدى

اختي ما يحتاج اصور انا متأكد الوضع هذا موجود عندهم على طول

يعني الي بيروح هناك بيشوف هذا الشي بنفسة تحياتي لج ولكل من شارك بالموضوع

[انا حره]

احمدووو ربكم خخخخ انا عانيت من المركز القديم معاناه كنا تقريبا يوميا نترقد فيه لا اسره نظيفه لامكان عدل وكنا نترقد فيه الله يكرمكم حتى الحمام مانقدر ندخله الشرشف قديم ومقطع وووصخ


فتحووو الجديد استانست قلت يالله جانا الفرج مادريت انه ادمر مرتين حت وعقب حرمت اروووح له


تخيلووو ولدي مختنق واطرافه صارت زرقا دخلت عليهم وانا شوي وبموووت من الخوف انه وقف قلبه الا اتقول الممرضه زحمه انطري برى شلون انطر برى قالت مافي مكان قلت والله مستعده اوقف فيه بس حطوووله اكسجين محد عطاني وجه اظطريت اروح السد والله الدكتور ايقول زين تلاحقتيه وجبتيه لنا وتم يسال شلون الريان ماسوو له اكسجين قلت شسوي محد عطاني هناااك وجهه ولا حد اهتم


ادري طولت عليكم بس والله قهر الي يصير وخاصه بمركز الريان غير معامله الموظفات الزفت الي فاضيه تتعدل وتتمكيج ولا سالنا عن الملف يقولون ضاااع

[Scorpion]

مركز أقل مايوصف بأنه "تعيس" ، وللأسف الموظفين لايراعون الله في شغلهم ولاالناس ..

حتى الدكاترة كلهم تعبانيين شي من الهند وشي من دول عربية !! لا والمشكلة أنهم يتعاملون مع المرضى بتكبر !!

الله المــســـــتــــعـــان ..

[CH Engineer]

المستشفيات بشكل عام يبيلها رقابه وتشديد انا الحمدلله ماروح المستشفيات الا اخذ اعذار طبيه
طبعا اروح للدكتور واقوله كم كلمه واحس الدكتور اهبل بكل المستشفيات واخذ العذر الطبي لاني اعطيه كلام واحس انه يتلعوز مايعرف شيقول الا انه يراضيني بدوا وورقه طبيه للاجازه وطبعا ما اروح اخذ الدوا عشان ماخسر المركز اطلع واخذ العذر الطبي فقط..
وكنت ابي اروح عيادة الاسنان بس احس انهم وايد يمنون رحت مره وحده بحياتي وبعدها تحسفت.. نشوف الاعلانات لازم انروح كل شهر وانا رحت لانه في سواد على اسناني والدكتور ذلني انته مافيكش حاقه ومادري شنو بعد طول انتظار وموعد ولا تعالجت من اللي فيني بعد..
واذكر مره سويت حادث ويوم رحت للطوارئ يسألني الدكتور انته عاوز اشعه ولا لأ..
لاتعليق..
الحمدلله ماكان فيني نزيف ولاشي لاني كنت جاهل بهالامور بس بعدها عرفت انه في ناس توفوا فبيوتهم بسبب النزيف ومستشفى حمد الله بالخير الدكتور ماله نفس يكتب ورقة الاشعة للمريض مادري خايف ع الحبر ولا ماله خلق يشتغل
مع العلم الحادث كان قلبه وتكنسل الموتر والحمدلله على الي صار
ع العموم الصحه والرزق كل شي مكتوب والامور طيبه

[سفيرالاحزان]

يالربع من 4 ايام وديت اخوي الصغير مستشفى الريان و بطاقته الصحية مع الوالدو هو مسافر

يوم قلت حق الدكتور يسجله استراحة قال لازم اتجيبون لي ملفه و رحت عند الخوات اللى في الاستقبال قلت لهم ابي ملف الولد قالو لي وين بطاقته قلت لهم االيالفه قالو لي لازم تدفع 50 ريال عشان نجيب لك مف

و اعطيتهم جوازه قالو مواطن ولا اجنبي اذا تبي ملف المريض اعطني بطاقته و اذا بطاقته محد لازم تدفع 50 ريال و هاي اوامر وزارة الصحة و احنا مالنا شغل

و قلت لهم حسبي الله

دفعت لهم 50 و خذت الملف

في ذمتكم ايش هالاوامر او تعميمات اللى يحطونه؟

نصيحة : مالكم الى مستشفيات الخاصة والله ابرك جذي ولا جذي بتدفع ف ادفع للاحسن

[CH Engineer]

تدفع 50 ريال بس تاخذ بطاقة جديدة..

مره وحده خذلك بطاقة جديدة.

[صوت الضمير]

:) كنت أعاني مثلكم لكن حولنا على مستشفى الغرفه

أرحم شوي .. ومافيه زحمه

أبداع

[بوعمير]

اخوي خالد ما يشوف شر ولدك وطهور إن شاءالله.
_______________

ذهبت لمركز الريان الطبي مرتين فقط وبعدها لم أذهب ابداً.

المرة الاولى كنت أعاني من حرارة وقابلت الدكتور بعد ساعه ونص ....
المرة الثانية كان ولدي تعبان وشفت الدكتور بعد ساعتين ....

وفي المرتين كان نفس لدكتور !! يعني دكتور حق اطفال ورجال !!

ما أدري ماسمعوا بأخصائي اطفال واستشاري اطفال وطب اطفال ...ولا الاخوان في وزارة الصحة ما عندهم اطفال !!

من زيارتين فقط لمركز الريان الطبي اقول بكل ثقه انه الاسواء بكل جدارة في قطر، ولا استغرب هذا فوزارة الصحة تعاني من شيخوخة مبكرة وترهل إداري ونقص حاد في الشعور بالغير او حتى الاهتمام بالغير .. للأسف هم انفسهم يحتاجون لطبيب.