استفسار عن تفعيل الويندوز الجديد

[عتيج الصوف]

السلام عليكم ورحمة الله وبركاته

بالنسبة لسؤالي اذا عندك لويندوز القديم شغال وهو اكس بي بروفشنال ولكن لانه غير اصلي,,والان عندي ويندوز جديد اصلي ....


هل بالامكان تفعيل الويندوز الجديد ووضع الريجستر للويندوز الجديد بدون فورمات ,,وحتى لاتتغير الملفات علما ان القديم ايضا اكس بي بروفشنال؟؟؟
مع العلم انه في طريقة طبقتها مثل ظهور المربع الأزرق تبع تفعيل الويندوز ولكن عند ادخال المفتاح الجديد ماقبل التفعيل ولا بطريقة برنامج keyfinder

ماهي اسهل طريقة مع حفظ الملفات؟؟ ,,واكون شاكر لكم

وجزاكم الله كل خير

[رجل الجزيرة]

أخي العزيز

السلام عليكم ورحمة الله وبركاته

شوف هذا الموقع في الأسفل لعله يفيدك:

http://www.mowafak.org/

[الحجاجي]

مرحبا اخــوي ...


حياك الله ..

انت عندك ويندوز أكس بي ..

بالتالي عندك طريقتين لتنزيل الويندوز الجديد سواء فيستا ولا 7

الأولى اسمها ابقريت ( تحديث )
يعني انك تنزل الويندوز الجديد فوق القديم
بالتالي راح تحتفظ بكل ملفاتك وبرامج اللي متوافقه مع الويندوز الجديد ..

والطريقة الثانية ( مخصص ) وهي انك تنزله من جديد في قرص جديد ..

انت سؤالك عن الترخيص ..
في الطريقة الاولى ماعندك مشكلة
بعد الترقية والتحديث فوق الويندوز اكس بي
وفي وقت التحميل اذا سئلك عن الرقم السري ( التسجيل )
حط الرقم اللي عندك للويندوز الجديد المرخص ..

وبعدها لين ينزل خلاص .. وتشبك على الانترنت
لازم تروح تسوي له اكتفيشن ..

وبامكانك تنزل الويندوز 7 اصلا بدون رقم
تتجاهل خطوة ادخال الرقم ..

وراح يشتغل معاك 30 يوم

ولازم تروح تسوي له اكتفيشن
او تنشيط عندها بيطلب منك تحط رقم تسجيل صحيح ..
وقتها حط رقمك الصحيح ..

وسلامتك

اذا فيه سؤال حياك ..

نصيحـتي .. انسخ ملفاتك على قرص ثاني
وسوى فرمات من جديد
اسرع وانظف واحلى ..

ولا تشيل هم التعريفات ( اغلبها ياخذها الويندوز7)

تحياتي لك

[عتيج الصوف]

جزاكم الله كل خير ورحم الله والديكم

ماقصرتم كفيتم ووفيتم