مافي جنجال ---روح جيب مال أنا -- اسكيوزمي دير --هاي --باي --اوكي 00الخ

[بـــــــنت النوخـّــــذه]

http://almntazht.jeeran.com/a%20(15).gif


امممممممممممممممممممممممم لغتنا مع عيالنا ومع غيرنا ومتى نستخدمها وليش وما الهدف ---(حلو الشخص يتعلم لغات ولكن 00000000000)


يمكن يكون موضوع مكرر ولكن 0000

اكيد البعض مرّ بهالمواقف :
لاكشمي وين غتره مال انا ليش مافي اوتي :nice:
سراج الدين وين ليش مافي جيب بيبي من مدرسه سرعه الحين فيه يطلع :nice:
اليهال للشغاله : لاكشمي ماما وين فيه ولا مافيه :nice:

العجيز تتصل بالتلفون : اووووووووووووووه لاكشمي وين بنت مال انا ماما مال انتي يلا سرعه ناديها قولي ماما انتي يبيج

البنوتات الي مسويين نفسهم راقيات:

هلوووووووو ويييييينج دير اشدعوه اي ميس يو :nice:
لما اتكلم امها : مام او مامي مافيني بوّر اليوم ادرس :nice:

الاب مع عياله : هاي نان (اسمها نوره) هاو ار يو تو داي :nice:



والشباب على السياره ههههههههههههه ::nice:

http://www.rofof.com/img2/6omnrv27.jpg


عموما انا مهب ضد تعلم اللغه لان من تعلم لغه قوم أمن مكرهم وغير اللغات الحين مطلوبه ولكن عندي كمن سؤال:
* هل في البيت لما انقول للشغاله تكفين كلمي اليهال انجليزي طول الوقت هذا تصرف ايجابي؟
* هل لما انكلم شخص (من نفس لغتي ولا عربي ) بالتلفون والكلمات الاجنبيه الي داخله عرض ومالها داعي من الاساس لان دخولها غلط والجمله ركيكه ومكسره تعتبره تصرف راقي يابلفيت ناس راقيه ؟؟
* هل تتحدث مع ابنائك بالمنزل اللغه الانجليزيه 24/24 ولماذا؟
* هل مازالت موجوده المصطلحات القديمه في الكلمات عند شبابنا وبناتنا ولا يحتاجون مترجم لما يسمعونها ههههههههههههههه:nice:
*هل انت مع او ضد استخدام اللغات الاخرى (بدون هدف يخدم الموقف)--

يعني انا مع التحدث بوجود اجانب او ان الموقف يتطلب هذا 000اما اجي واعوي حلجي جدام جماعه مثلي مثلهم وافهم ويفهمون كلامي بس لجل اني ابين يعني شوفو الانجلش ^_*

* كم نسبه التزامك بالتحدث مع الخدم بلغتك الخليجيه ؟؟؟؟

* ومارأيك باعتزاز الالمان بلغتهم الالمانيه وعدم استخدام اي لغه دخيله عليها ؟؟؟

البعض بيعلق يقول لازم انعلم اعيالنا 000حلو ما اختلفنا عاد علموهم بس (بحدود ) لان البعض يعتقد ان لما يكلم عياله ولا حد لغه انجليزيه على طول الخط هذا رقي 0000

ولكن انا اشوف الرقي استخدام كل شي في وقته ومحله :nice: ولا شرايكم 0

انا وحده اقدسسسسسسسسسسسس لغه ابهاتنا القديمه واحسها حلوه وفيها دلع ورقي واصاله لما انتكلم بينا هاللغه ونستمر فيها (مع نفس الجنسيه) 00واحب اليهال يتعلمونها لانها حلوه على السانهم 0000 :nice:

وين كلمه ان شاء الله 000ليش استبدلها البعض بكلمه اوكيه حتى لي اطلبو اليهال شي اذا حد قال ان شاء الله يعني افهمها بالمشمش هههه اما اوكيه خلاص صار ولا يهمك

00

[أخت الغالي]

وين كلمه ان شاء الله 000ليش استبدلها البعض بكلمه اوكيه حتى لي اطلبو اليهال شي اذا حد قال ان شاء الله يعني افهمها بالمشمش هههه اما اوكيه خلاص صار ولا يهمك


أوافقج الرأي باللي قلتية أنقهر حدي لماتجي وحدة وتقوووووووول هاااي ولاهالووووو ولين جات تروح بااااي ، اي سي يوو تومورو


ليييش ؟
وين راحت السلام عليكم لما أدخل على جماعة
ونهاية الكلام مع السلامة او بحفظ الرحمن
وبين الكلام أن شاء الله

وصدق أكثر من وحدة صادفتها وتقبلوا مني كل انسان لة طريقتة واسلوبه اللي تعود علية فالكلام
ولكن حاولت أنبة هاذي الكلمات كلمات دينناا قبل لاتكون من ضمن العادات والتقاليد ..

تسلمين على طرح ..

[جابر المري]

اولا اهنيك على الاختيار الموفق جدا جدا في هذا الاشكال الخطير ....
نعم هذه مشكله خطيره ولها ابعاد لا يعلمها الا الله سبحانه وتعالى وتأثيرها سيئ جدا على الاجيال القادمه مثل ما كانت على الجيل الحالي.....
أنا افضل ان يتعلم اطفالي الهنديه بطلاقه على ان يتكلموا لغة غير مفهومه خليط بين مفردات عربيه بلسان هندي وكلمات اجنبيه ليست في موضعها .... وانا فعلا استغرب من كل انسان عاقل يتكلم مع الخدم بهذه اللغة العقيمه ( لغة الخدم).
لي رجعة الليله ان شاءالله

[غزلان]

اما اللغه العربيه صارت ماتشرف بعد المدارس الأجنبيه فاسحبت البساط وبكل قوه منها من فتره مريت على مجموعة اولاد يسولفون مع بعضهم بالأنجليزي يعنى الأهل ماعندهم اي مقاومه لهذا التغير.

وبخصوص التحدث مع الخدم اعترف اني مرات اكسر الكلام حتى يفهمون طلبي
ومع تنوع الجنسيات نقدر نقول ان اللغه صارت سلطه

يسلموا على الموضوع ال5 ستار

[العصامي]

المفروض نبدا بانفسنا...
اذا كان الابناء يسمعون الاب والام وجميع من في المنزل يتكلمون بهذه المصطلحات فكيف لنا ان نطلب منهم العكس
نحن نعتقد انهم لن يفهموا كلامنا لذلك نستمر في استخدام مافي جيب وسوي جنجال..
ويعطيك العافيه على الموضوع.

[ضوى]

الحمد لله والشكر لله عيالي ماعمرهم قالوا لي اوكي كله ان شاء الله ونعم ، وماعندي احد يرطن في البيت حتى الخدامة جات وعيالي كبار يعني ماتعلموا منها شئ الحمد لله ، حتى انا كلامي عادي وياها ماكسر الكلام
وشخصيا لا انا ولا زوجي صادتنا هالسالفة مع عيالنا الحمد لله رب العالمين وعيالنا تربية مدارس حكومية يعني الحمد لله ماعندنا هالمعضلة

[بـــــــنت النوخـّــــذه]

وين كلمه ان شاء الله 000ليش استبدلها البعض بكلمه اوكيه حتى لي اطلبو اليهال شي اذا حد قال ان شاء الله يعني افهمها بالمشمش هههه اما اوكيه خلاص صار ولا يهمك


أوافقج الرأي باللي قلتية أنقهر حدي لماتجي وحدة وتقوووووووول هاااي ولاهالووووو ولين جات تروح بااااي ، اي سي يوو تومورو


ليييش ؟
وين راحت السلام عليكم لما أدخل على جماعة
ونهاية الكلام مع السلامة او بحفظ الرحمن
وبين الكلام أن شاء الله

وصدق أكثر من وحدة صادفتها وتقبلوا مني كل انسان لة طريقتة واسلوبه اللي تعود علية فالكلام
ولكن حاولت أنبة هاذي الكلمات كلمات دينناا قبل لاتكون من ضمن العادات والتقاليد ..

تسلمين على طرح ..

اي والله 000 حتى السلام عليكم -قوه ياجماعه - صارت مصطلحات الي يستخدمها معناته دقه قديمه خصوصا" في مجتمع الحريم الهاي كلاس ههههههه يابلفيت
ليش مادري ترى الرقي بالماضي والي ماله اول ماله تالي 000انا مع استخدام اللغه لاجانب وضد استخدامها مع بعضنا لغرض اني حافظه كمن كلمه واتفلسف فيها :nice:

وسعيده بمرورج اختي 000000000000

[بـــــــنت النوخـّــــذه]

اولا اهنيك على الاختيار الموفق جدا جدا في هذا الاشكال الخطير ....
نعم هذه مشكله خطيره ولها ابعاد لا يعلمها الا الله سبحانه وتعالى وتأثيرها سيئ جدا على الاجيال القادمه مثل ما كانت على الجيل الحالي.....
أنا افضل ان يتعلم اطفالي الهنديه بطلاقه على ان يتكلموا لغة غير مفهومه خليط بين مفردات عربيه بلسان هندي وكلمات اجنبيه ليست في موضعها .... وانا فعلا استغرب من كل انسان عاقل يتكلم مع الخدم بهذه اللغة العقيمه ( لغة الخدم).
لي رجعة الليله ان شاءالله



اولا شاكره لك الاطراء على الموضوع
وثانيا": صحيح كلامك يا يتقن الحديث باللغه كامله او يتركها 000

وننتظر استكمال تعليقك على الموضوع الليله 0000000000

[بـــــــنت النوخـّــــذه]

اما اللغه العربيه صارت ماتشرف بعد المدارس الأجنبيه فاسحبت البساط وبكل قوه منها من فتره مريت على مجموعة اولاد يسولفون مع بعضهم بالأنجليزي يعنى الأهل ماعندهم اي مقاومه لهذا التغير.

وبخصوص التحدث مع الخدم اعترف اني مرات اكسر الكلام حتى يفهمون طلبي
ومع تنوع الجنسيات نقدر نقول ان اللغه صارت سلطه

يسلموا على الموضوع ال5 ستار


عاد شنسوي بعضهم يحسبون هذا التصرف فنتك ورقي 00000000000000

والله الرقي عينه واعلمه ان الشخص يتقن اللغه الانجليزيه ويستخدمها فقط مع الاجانب وبحياته العاديه يفتخر بماضيه ولغته الاصيله 000حتى في اللبس بس ما ابغي ادخل موضوعين بموضوع واحد لان ماقمت اشوف الثياب البيض على اليهال موجنها ادنرثت هههههههههه0000

وسعيده بمداخلتج اختي وكلامج صح 0000000000

[بـــــــنت النوخـّــــذه]

المفروض نبدا بانفسنا...
اذا كان الابناء يسمعون الاب والام وجميع من في المنزل يتكلمون بهذه المصطلحات فكيف لنا ان نطلب منهم العكس
نحن نعتقد انهم لن يفهموا كلامنا لذلك نستمر في استخدام مافي جيب وسوي جنجال..
ويعطيك العافيه على الموضوع.

صح كلامك المفروض نبدأ بأنفسنا عشان انكون قدوه لعيالنا وللي حوالينا 00000

والله وقلتها صح احنا نعتقد ان مايفهمون كلامنا وعشان جذيه نستمر 000

والله يعافيك على المداخله المفيده -------------

[بـــــــنت النوخـّــــذه]

الحمد لله والشكر لله عيالي ماعمرهم قالوا لي اوكي كله ان شاء الله ونعم ، وماعندي احد يرطن في البيت حتى الخدامة جات وعيالي كبار يعني ماتعلموا منها شئ الحمد لله ، حتى انا كلامي عادي وياها ماكسر الكلام
وشخصيا لا انا ولا زوجي صادتنا هالسالفة مع عيالنا الحمد لله رب العالمين وعيالنا تربية مدارس حكومية يعني الحمد لله ماعندنا هالمعضلة


الله يخلي لج عيالج وابو العيال ---- وهذا الي نبغيه سواء مدارس اجنبيه ولا حكوميه 00

بس حبيت انوه على نقطه المدارس اعطيها الدور الثاني بعد الاهل 000لان الاهل اهم الاساس لان عندنا اعيالنا بمدارس اجنبيه ولكن خلاص طلع من المدرسه ودخل البيت يستخدم اللغه المتداوله (العاميه) لا يس ولا نو ولا دونت وري خلاص هذي يمه وهذا يبه وهذا جدي وهذي جدتي وهذا عمي لا اونكل ولا داد ولا آنت 0000000مره سمعت بت اخوي ترطن انجليزي (بالصدفه ولا ول مره )الا قلت لها تعالي يه يه شهالرطينه قالت ايه اعرف بس ابوي قالي لاتستخدمينها الا مع الاجانب الي مايفهمون اللغه العربيه ؟؟؟؟؟؟؟؟؟0000فقط :eek5: للعلم عمرها (8 سنوات )0:nice:

يعني الاهل اهم الاساس الي يقوم عليهم تربيه الاطفال وإلزامهم على استخدام اللغه العاميه السليمه الغير مهشمه 000000--- وحلو نستخدم اللغه الكامله في محلها المناسب 00

[yosif1]

للاسف الضعف فينا احنا القطريين
شوف الخدم في السعودية وحتى في الاردن ولبنان
الخدم الي كانو شغالين في تلك الدول يتكلكون لغة البلد
اتجي الخدامة الي شغالة في السعودية تقول لبية ياعمة
او قي لبنان تقول اعملك لبنة بالزعتر
اما خدمات قطر ولامارات يتعلمون لغة وسط مابين هندي وعربي مكس

[شموخ وبس]

قوه يابنت النوخذه طبعا مواضيعج كلها روعه وانا من اشد معجبينج بس انا وحده احب ادخل كلمات انجليزيه شسوي صارت عاده عندي بس مااكلم اعيالي انجلش لا لاني ابيهم ايتعلمون يتكلمون كلامهم صح عقب كيفهم عاد اذا بيمكسون مثلي خخخخ
اقولج يمكن بيدخلون فرنسي بيرطنون فرنسي
والانجليزي بتصير قديمه عندهم

[بـــــــنت النوخـّــــذه]

للاسف الضعف فينا احنا القطريين
شوف الخدم في السعودية وحتى في الاردن ولبنان
الخدم الي كانو شغالين في تلك الدول يتكلكون لغة البلد
اتجي الخدامة الي شغالة في السعودية تقول لبية ياعمة
او قي لبنان تقول اعملك لبنة بالزعتر
اما خدمات قطر ولامارات يتعلمون لغة وسط مابين هندي وعربي مكس

ههههههههههههههههههههههههه والله انك صدقت صح صح لاحظت 000

ومثل ماقلت احنا بيدنا انهمش اللغه وبيدنا نعطيها قدرها 000وشاكره مداخلتك 00000

[بـــــــنت النوخـّــــذه]

قوه يابنت النوخذه طبعا مواضيعج كلها روعه وانا من اشد معجبينج بس انا وحده احب ادخل كلمات انجليزيه شسوي صارت عاده عندي بس مااكلم اعيالي انجلش لا لاني ابيهم ايتعلمون يتكلمون كلامهم صح عقب كيفهم عاد اذا بيمكسون مثلي خخخخ
اقولج يمكن بيدخلون فرنسي بيرطنون فرنسي
والانجليزي بتصير قديمه عندهم

تسلمين ^_*

بس يعني حلو اتقولين لهم هذا اسمه كذا بالانجليزي وبعدين اتكلمينهم عادي اللغه العاميه 000

وحلو يدخلون فرنسي ويستخدمونه اللغه لاهلها ^_______^ والله يخلي لج اعيالج

[alanood]

تعودنا على هذه المواضيع حتى في مجالسنا يالنسوان ننتقد و فينا اللي يقول شي ويسوي شي ثاني
وبصفه عامه
من العنوان مابيدخل الا اللي ما يبي يغير من الواو والياي او ماي غاااد
اصلا ما تعودوا عليها بسهوله عشان يتركونها بسهوله
والله تاج عالراس لغتنا لكن يبي لها صحوه وناخذها مأخذ جد لان الظاهره زادت في الاونه الاخيره
وانا وحده بحاول من بكره اكلم السواق عدل اوكي بابا مافي سرعه شوي شوي.....وبنتعود:tease:

[بوحارب]

ادر توم كيا منتا هيييي كنجوس نفرات واخد:anger1::anger1:

[مالي ومال الناس]

موضوع جداً مهم .. تسلمين على الطرح الراقي

شئ مهم تنمية الاعتزاز بالذات واللغه لدى ابنائنا خصوصا في وطننا الغالي ..

[الخارجية]

موضوع جميل أختي

[بـــــــنت النوخـّــــذه]

تعودنا على هذه المواضيع حتى في مجالسنا يالنسوان ننتقد و فينا اللي يقول شي ويسوي شي ثاني
وبصفه عامه
من العنوان مابيدخل الا اللي ما يبي يغير من الواو والياي او ماي غاااد
اصلا ما تعودوا عليها بسهوله عشان يتركونها بسهوله
والله تاج عالراس لغتنا لكن يبي لها صحوه وناخذها مأخذ جد لان الظاهره زادت في الاونه الاخيره
وانا وحده بحاول من بكره اكلم السواق عدل اوكي بابا مافي سرعه شوي شوي.....وبنتعود:tease:



هههههههههههههههههه التكرار يعلم الشطار ^_______^ لازم انعيد وانزيد عشان لحد فيوم ينسى لكنته :nice:

[بـــــــنت النوخـّــــذه]

ادر توم كيا منتا هيييي كنجوس نفرات واخد:anger1::anger1:

يعني شنهو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شكل الكلام هندي بدخل الشغاله الموضوع تترجم لي :nice:

[بـــــــنت النوخـّــــذه]

موضوع جداً مهم .. تسلمين على الطرح الراقي

شئ مهم تنمية الاعتزاز بالذات واللغه لدى ابنائنا خصوصا في وطننا الغالي ..

طبعا وخصوصا الزي التقليدي ياحلوووووووه على اليهال الصغار ولي اكتمل بحجيهم العامي يجننون والي ماله اول ماله تالي 000000000000 الشخص لازم يعتز بقيمه وعاداته وتقاليده 0000شاكره مرورج اختي 000000000

[بـــــــنت النوخـّــــذه]

موضوع جميل أختي

مشكور 00000000000000000بس ماقلت رايك باصحاب اللغات المكسره:nice:

[alanood]

يعني شنهو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شكل الكلام هندي بدخل الشغاله الموضوع تترجم لي :nice:

شتسوين هني....بخيله نفرات واخد يعني سامعها غلط
شدخل بخيله ف هني؟؟؟:rolleyes2:
انا بت الخدامه حذاي تترجم:secret:

[بـــــــنت النوخـّــــذه]

شتسوين هني....بخيله نفرات واخد يعني سامعها غلط
شدخل بخيله ف هني؟؟؟:rolleyes2:
انا بت الخدامه حذاي تترجم:secret:

هههههههههههههههههههههههههههههههههه
ترى خدمنا اثيوبيات زين ترجمتي ههههههههههه سلمي على الخدامه وايد :nice: دخليها عضوه بينا نحتاجها للترجمه :)

[alanood]

هههههههههههههههههههههههههههههههههه
ترى خدمنا اثيوبيات زين ترجمتي ههههههههههه سلمي على الخدامه وايد :nice: دخليها عضوه بينا نحتاجها للترجمه :)

مستحيل ترضى
عليها طلب فالخارجيه بيموتون يبون حد يعرف اوردو وعربي:victory:

[كروشيه]

شاكره لج اختي طرحج للموضوع ، وللأسف المدارس المستقلة ساهمت بشكل اكبير في هذه المشكله بتركيزها الخاطئ على اللغه الانجليزية وإلغاء العربي في كثير من المناهج مثل الرياضيات والعلوم وغيرها ، بنتي لما اقولها جيبي كتاب الرياضيات ما تفهم علي اقولها حساب يعني اشوي بس لما اقولها ماث على طول تفهم وتجيبها والارقام طبعا باللغة العربية بدأت تنقرض من مدارسنا يعني الجيل القادم ما يعرف شئ اسمه 1 2 3 ، ولا زايد وناقص ، قلبي يعورني لما اشوف الحال لاحول ولا قوة الا بالله العلي العظيم وبالله المستعان ، الله يسترها مع اعيالنا لانه المشكله مب مجرد لغه ولكن من نسى لغته راح ينسى هويته وعروبته وانتمائه والحبل على الجرار ، واحنا في الاسره نبني ويجي غيرنا يهدم ويصعب مهمتنا اكثر واكثر في مجال التربية ، دمتي بود اختي الكريمه

[بـــــــنت النوخـّــــذه]

مستحيل ترضى
عليها طلب فالخارجيه بيموتون يبون حد يعرف اوردو وعربي:victory:

ههههههههههههههههه دام بتشتغل هناك عيل خليها للعوزه (واسطه ) يمكن تفيد اهل البلد ويطلع فيها الخير ^_*

[بـــــــنت النوخـّــــذه]

شاكره لج اختي طرحج للموضوع ، وللأسف المدارس المستقلة ساهمت بشكل اكبير في هذه المشكله بتركيزها الخاطئ على اللغه الانجليزية وإلغاء العربي في كثير من المناهج مثل الرياضيات والعلوم وغيرها ، بنتي لما اقولها جيبي كتاب الرياضيات ما تفهم علي اقولها حساب يعني اشوي بس لما اقولها ماث على طول تفهم وتجيبها والارقام طبعا باللغة العربية بدأت تنقرض من مدارسنا يعني الجيل القادم ما يعرف شئ اسمه 1 2 3 ، ولا زايد وناقص ، قلبي يعورني لما اشوف الحال لاحول ولا قوة الا بالله العلي العظيم وبالله المستعان ، الله يسترها مع اعيالنا لانه المشكله مب مجرد لغه ولكن من نسى لغته راح ينسى هويته وعروبته وانتمائه والحبل على الجرار ، واحنا في الاسره نبني ويجي غيرنا يهدم ويصعب مهمتنا اكثر واكثر في مجال التربية ، دمتي بود اختي الكريمه


صحيح كلامج اختي واثرتي نقطه مهمه تتعلق بالمناهج ---

انا كنت اتمنى المعلمه الي بدرس الطلاب للماده تنطق المصطلح بالعربي وبعدها انجليزي انا يوم كنت بمستقله ادرس الطلاب كنت جذيه اعزز اللغه العربيه او (عشان اكون صادقه العاميه بعض الاحيان مع العربيه الفصحى ) وبعدين الانجليزي كنت اشرح النقطه بالعربي واعيد شرحها بالانجليزي 0000

اعتقد الموضوع يحتاج ذكاء من مستخدم اللغه 000بس مشكله البعض يتكيسل او مايهتم بهذا الموضوع 000وشاكره مداخلتج القيمه :nice:

[فلفل حار]

هلوو
هارو ار يو راعية السبجت ..؟؟ هههههه


السالفه عاديه جداً ...
وراعي اللومينا ماله حل ...
:victory:




\


http://www.rofof.com/img2/6omnrv27.jpg

التعليــق آجرااااااام هههههههههههههههههههه

[غلا قطر]

موضوع مهم جداً وله أبعاده علينا وعلى الأجيال القادمه
اللي قاعد يصير هو مسؤولية الكل

واللغة الانجليزيه صارت اهم من اللغه العربيه في البلد ومحد يقدر ينكر هذا الشي

والأهل يعرفون ان اللغه الانجليزيه هي مفتاح التوظيف في قطر عشان كذا تلقونهم يحاولون يعلمون عيالهم اللغه الانجليزيه بأي طريقه ويدفعون دم قلوبهم للمعاهد

المدارس المستقله كل تركيزها على الانجليزي اما العربي والشريعه الإسلامية فهم ما يركزون عليها وصارت مواد ثانويه بعد ما كانت على زمانا أساسيه

كل واحد يقدر يساهم بشي بسيط في رد اعتبار لغتنا وديننا


انا عن نفسي وبحكم عملي في شركه بريطانيه واكثر من 95٪ منهم اجانب كنت لما ادخل اسلم وعلمتهم يردون السلام وعلمتهم لما يشوفوني يقولون السلام عليكم

علمتهم عاداتنا وتقاليدنا في البلد

علمتهم ديننا الاسلامي

ولاحظت الكثير منهم يتسائلون عن هذا الدين

ولقيت منهم تقبل للدين الاسلامي

واحتمال كبير ان واحد من الاداره التنفيذية يعلن إسلامه قريب

والحين نسوي دروس كل اسبوع لتعليم اللغه العربيه للي حاب يتعلم ولقينا إقبال كبير للتعلم



تفكيري أنا واللي معاي هو مثل ما إحنا عندنا اهتمام للغتهم ليش ما نخليهم يهتمون للغتنا صح ولا لا؟

ارجع وأقول كل واحد يقدر يساهم ويساعد في رد اعتبار لغتنا وديننا

لان لو لغتنا ضاعت ديننا بيضيع

لكن من بيساهم؟ من ممن يستثمر شوي من وقته في هالقضيه الخطيره؟ من يقدر؟ هذا هو السؤال

لان في الاول والأخير كل شي يبدأ من انفسنا ومن بيوتنا



واعتذر للاطاله

[بـــــــنت النوخـّــــذه]

موضوع مهم جداً وله أبعاده علينا وعلى الأجيال القادمه
اللي قاعد يصير هو مسؤولية الكل

واللغة الانجليزيه صارت اهم من اللغه العربيه في البلد ومحد يقدر ينكر هذا الشي

والأهل يعرفون ان اللغه الانجليزيه هي مفتاح التوظيف في قطر عشان كذا تلقونهم يحاولون يعلمون عيالهم اللغه الانجليزيه بأي طريقه ويدفعون دم قلوبهم للمعاهد

المدارس المستقله كل تركيزها على الانجليزي اما العربي والشريعه الإسلامية فهم ما يركزون عليها وصارت مواد ثانويه بعد ما كانت على زمانا أساسيه

كل واحد يقدر يساهم بشي بسيط في رد اعتبار لغتنا وديننا


انا عن نفسي وبحكم عملي في شركه بريطانيه واكثر من 95٪ منهم اجانب كنت لما ادخل اسلم وعلمتهم يردون السلام وعلمتهم لما يشوفوني يقولون السلام عليكم

علمتهم عاداتنا وتقاليدنا في البلد

علمتهم ديننا الاسلامي

ولاحظت الكثير منهم يتسائلون عن هذا الدين

ولقيت منهم تقبل للدين الاسلامي

واحتمال كبير ان واحد من الاداره التنفيذية يعلن إسلامه قريب

والحين نسوي دروس كل اسبوع لتعليم اللغه العربيه للي حاب يتعلم ولقينا إقبال كبير للتعلم



تفكيري أنا واللي معاي هو مثل ما إحنا عندنا اهتمام للغتهم ليش ما نخليهم يهتمون للغتنا صح ولا لا؟

ارجع وأقول كل واحد يقدر يساهم ويساعد في رد اعتبار لغتنا وديننا

لان لو لغتنا ضاعت ديننا بيضيع

لكن من بيساهم؟ من ممن يستثمر شوي من وقته في هالقضيه الخطيره؟ من يقدر؟ هذا هو السؤال

لان في الاول والأخير كل شي يبدأ من انفسنا ومن بيوتنا



واعتذر للاطاله



الله --------

والله مادري شاقولج يابنت الحلال على هالكلام الطيب والتصرف الي يدل على انسانه واعيه مثقفه 00000000 صراحه شاكتب لج غير رحم الله والديج وكثر الله من امثالج ولو بيدي حطيت ردج الرد (المميز في الموضوع ) هذا الي بغيت اوصله :nice:

[بـــــــنت النوخـّــــذه]

هلوو
هارو ار يو راعية السبجت ..؟؟ هههههه


السالفه عاديه جداً ...
وراعي اللومينا ماله حل ...
:victory:




\

التعليــق آجرااااااام هههههههههههههههههههه


اي عاديه جدا" دامك فلفل حار 000000000

[الخارجية]

مشكور 00000000000000000بس ماقلت رايك باصحاب اللغات المكسره:nice:
كان ابوي الله يرحمه ويدخله الجنة ... كان يزعل اذا كلمت الصبي بكلام هندي قطر ويقولي كلمة بالغتك العاميه لاتكلمه قطري مكسر ويقول المفروض هو اللي يتعلم لغتنا مب احنا

[بـــــــنت النوخـّــــذه]

كان ابوي الله يرحمه ويدخله الجنة ... كان يزعل اذا كلمت الصبي بكلام هندي قطر ويقولي كلمة بالغتك العاميه لاتكلمه قطري مكسر ويقول المفروض هو اللي يتعلم لغتنا مب احنا

والله الي اقدر اقوله 000 الله يرحم ابوك ومثواه الجنه --دوم اقول مافي احسن من الشياب في ردودهم وتعاليمهم 0000وحكمهم