اختراق حسابي بالفيس بوك على ماعتقد

[asadfg]

السلام عليكم

انا عندي مشكله واتمنى حد يشرح لي شلي صار امس كنت قاعد ع الفيس بوك طبيعي فصراحه في رساله وصلت لي من حد ضايفه ففتحت الرساله الرابط لكن لانه عندي كاسبر سكاي طلع لي اكسس دنايد وماسمح انه الرابط ينفتح المهم رقدت قمت احين اشوف الفيس بوك اول شي الباسورد متغير سويت رست حق الباسورد ورجعت الحساب لكن اشوف كل شي ممسوح الاصدقاء والرسايل كلهم انمسحو وعقب لما دخلت الاعدادات اشوف في ايميل ثاني بديل موجود لكن مو انا حاطه ولما ابي اسويله ازاله مايصير بس ايميلي الي يطلع مكتوب عليه ازاله اذا ابي اشيله فشسالفه بالضبط وشالحل لاني متنرفز حاليا حدي وابي حد يشور علي

[asadfg]

افا ولا رد

[MoTeC]

الخطأ منك ولو اقدر اساعدك من عيوني وان شاءالله الشباب يساعدونك اذا فيه امل للمساعده
شكثر تحذيرات وكم مره العالم تعيد وتكرر ايميل ماتعرفه لاتبطله واذا تعرفه شيك على الرابط بوضع الماوس عليه مش على ابو انه صار عندك كاسبر خلاص محد يخترقك
شوف بالمرفقات تحط الماوس على اللنك مش تفتحه شيك عليه اذا انه من فيس بوك ولا من الموقع اللي انت مشارك فيه ولا لااء لأن اغلب البوقات تصير جذي
يصيد الضحيه بإسم لموضوع يشد الانتباه والضحيه مسكين على طول يبطل اللنك
للعلم فيه بعضهم مزورين صفحات للبنوك وفيه للكاش يو والباي بال صعب تعرف إلا اذا دققت :rolleyes2:
والله يعينك

[alqtri]

ارسل لي حسابك يالغالي في الخاص للفيس بوك والايميل اللي انت مسجل فيه

وارسل لي الايميل اللي لقيته في حسابك بعد ماتم مسح بياناته وملفك الشخصي في الفيس

وان شاء الله بحاول قد ما اقدر

وانصحك اذا بتتصفح المواقع استخدم الفايرفوكس فيه منه عربي وانجليزي تقدر تحمله وتستفيد منه في التصفح افضل من الاكسبلور لو كنت تتصفلح فيه

بالتوفيق ان شاء الله

[fa6ma]

هذا نااس مخططين ومهددين انهم يخترقون الفيس بوك

وطريقتهم بتكون ان حد من الي انت ظايفه يطرش لك روابط او رسائل فانت واثق من هالشخصص لانه رفيجك او اتعرفه فبتفتح الرسائل ويصيدك الفايروس
ابدا حاول انك ماتفتح شي ابدا ابدا

[alrheeb2020]

الحمدلله كل يوم عالفيس بوك ماصادني ولا شي ..

الله يعينك اخوي ..

[alqtri]

هذا نااس مخططين ومهددين انهم يخترقون الفيس بوك

وطريقتهم بتكون ان حد من الي انت ظايفه يطرش لك روابط او رسائل فانت واثق من هالشخصص لانه رفيجك او اتعرفه فبتفتح الرسائل ويصيدك الفايروس
ابدا حاول انك ماتفتح شي ابدا ابدا

اخوي ناس مخططين انهم يخترقون الفيس بوك

ماله شغل في الاعضاء اللي مشاركين لانك لو تخترق كل اعضاء الفيس بوك وتملك حساباتهم

مب يعني انك اخترقت الفيس بوك لان الفيس بوك على اكثر من سيرفر 3 او 4 سيرفرات تقريبا شغال عليها الفيس بوك

بالتوفيق ان شاء الله

[fa6ma]

اخوي ناس مخططين انهم يخترقون الفيس بوك

ماله شغل في الاعضاء اللي مشاركين لانك لو تخترق كل اعضاء الفيس بوك وتملك حساباتهم

مب يعني انك اخترقت الفيس بوك لان الفيس بوك على اكثر من سيرفر 3 او 4 سيرفرات تقريبا شغال عليها الفيس بوك

بالتوفيق ان شاء الله


انا بنت مو ولد

وانا سامعه هالحجي من الاخبار زين مو مألفته من عندي

وشكرا

[alqtri]

انا بنت مو ولد

وانا سامعه هالحجي من الاخبار زين مو مألفته من عندي

وشكرا

صح كانت فيه ثغره في قواعد بيانات الفيس بوك وتم اختراق جزء بسيط من الفيس بوك على ما اعتقد

لكن حتى لو تم اختراق الفيس بوم مب يعني انه اختراق حسابات الاعضاء :shy:

بس الثغره قديمه وسالفه قديمه :nice:

[Qatarianes]

تبطل روابط ماتعرف شنهي ولا لك حاجه فيها.. استقبل العواقب.

[asadfg]

^
^
^
^
^
مابي ارد عليك واعور راسي وياك