ياخي.... عااااادي!!!

[العصامي]

السلام عليكم ورحمة الله وبركاته...
تمر علينا في حياتنا اليومية الكثير من المواقف التي نعيشها ونتعايشها (ياسلام درر):)
سواء في البيت أو في الشارع أو في العمل أو في السوق أو في المسجد أو حتى في السفر وفي كل نواحي الحياة.

من بعض هذه المواقف:
• شخص يسافر معاك وتعرف انه إنسان ملتزم بس لين يغادر البلد تلقاه شخص آخر تماما ما يخلي شي من أمور الخربطه الاويسويه ولما تسأله لبش يقول ياخي عااااادي إحنا الحين في بلد ثاني خذ راحتك !!!
• شخص عنده أكثر من خط جوال ويكلم غير زوجته في التلفون ولما تسأله يقول ياخي عاااادي كل الناس عندها girl friend !!!
• شخص زوجته أو ابنته خارجه السوق ولابسه عبابه ضيقه ومخصره ولوحه تشكيليه تمشي ولمل تسأله يقول ياخي عااااادي هاذي الموضه اللي ماشيه لا تصير حنبلي!!!
• شخص تراه ملهوف على الدنيا ويركض وراها يمين ويسار وحتى فرض الله مايصليه ولما تسأله يقول ياخي عااااادي بدري ولاحقين على العباده !!!
• شخص مايشوف ولايسال عن عياله ومدارسهم ونتايجهم الابعد الامتحانات وإذا ناجح عافيه عليه وإذا راسب يطيح في زوجته وكلام يسم البدن ولما تسأله ليش يقول ياخي عااااادي هي ايش وظيفتها إذا ما تعرف تربي وتعلم !!!
• شخص يشوف ولده أو بنته المراهق قاعد على النت 24 ساعة بدون حسيب ولا رقيب ولين تسأله يقول ياخي عااااادي كلنا مرينا بهالمرحله وبيكبر وبيتعلم بروحه مثل ما تعلمنا !!!
• شخص يرى بنته تخرج من البيت بسيارتها في وقت متأخر من الليل مع رفيجتها تشتري عصييييير ولما تسأله يقول ياخي عااااادي أنا مربيها عدل واثق فيها وهي تعرف مصلحتها زين!!!
• واحد وياك في الدوام أسلوبه مع زميلاته في الشغل ولا أروع ( سمي ، لو سمحتي، شكرا ، يعطيج العافيه وما قصرتي ) وعند رجوعه للبيت (ها اشتبين، ليش ، بعدين، هاتي ،حطي شيلي، روحي قعدي) ولما تسأله ليش يقول ياخي عاااااادي ملينا من سوالف (شكر ويعطيج العافيه) هاي كانت في أول أيام الزواج الحين خلاص مالها داعي.
• شخص راكب وياك تتمشون سمعتوا أذان العشاء تقول له هاه نروح نصلي يوصلك لين باب المسجد ويقول لك خلاص أنت صلي وعقب 10 دقايق برد آخذك ولما تسأله ليش يقول ياخي عااااادي بصلي عقب في البيت أنا مو متعود أصلي في المسجد.
• تسمع شخص يتكلم بالجوال مع رفيجه ويصارخ وذاك يطلب منه مبلغ استلفه من كم شهر وهو يماطل و لما تسأله ليش يقول ياخي عااااادي أذاني ماينفع معاه إلا جذي كل يوم متصل كأن ما فيه احد مدين الناس الاهو!!!
• تسمع زوجتك تتكلم في التلفون وطايحه عقار في خلق الله وعندما تسألها ليش تقول عااااادي اشدعوة إذا ما عقرنا ايش بنسولف عنه!!!

وهناك العديد والعديد من هالمواقف السلبية اللي نسمعها كل يوم،،،
ايش رايكم في المواقف السابقة؟
وهل تعتقدون فيها مبالغه؟
وإذا عندكم كثير من سوالف (ياخي عااااادي ) فلا تبخلوا علينا،،،
وتقبلوا تحياتي....

[شـعـشـبـونـه]

شخص يعصي والدينه ولما تنصحه يقولك عاادي كل يوم نتهاوش اصلا..


الله يعطيك الف عافيه عالموضوع الطيب ..

[ودي أكون]

اخوي العصامي الله يهداك بس ..:rolleyes2:

أنت مافي شي ماخليته يعني جمعت كل المشاكل والامور السلبيه .. وقلت عادي ..

ردوا على كل نقطه .. عادي .. وكأن المشكله تنحل بكلمه او كلمتين ..:rolleyes2:

لا يبا مو عادي اتعرف ليش ..:(

لأنك طرحت اكثر من نقطه سلبيه .. وكل نقطه يبلها نقاش بروحها عشان نتوصل لحل لها ..

يعني حتى تصرفك أنت ترا مو عادي .. بس في ناس اكيد اتشوفها عادي ..:rolleyes2:

الله يرحمنا برحمته يارب .. صار كل شي عادي :rolleyes2:

[شـعـشـبـونـه]

وحده زوجها مأمن عليها ويعزها ويرزهااا وتلعب من وراه واذا نصحتها تقولك عاادي كله لعب اصلا مافي شي جد ..

ياااسلاام احلفي بس.. :weeping:




راجعه مب هذا بس الي عندي :(

[ودي أكون]

وحده زوجها مأمن عليها ويعزها ويرزهااا وتلعب من وراه واذا نصحتها تقولك عاادي كله لعب اصلا مافي شي جد ..

ياااسلاام احلفي بس.. :weeping:




راجعه مب هذا بس الي عندي :(

كتبي نقاطج مره وحده حبيبتي .. تعب عليج طالعه وراده :oops:

[شـعـشـبـونـه]

كتبي نقاطج مره وحده حبيبتي .. تعب عليج طالعه وراده :oops:

مشكوره عالحرص الزايد.. !!

[خوي الشوق]

وحده تكلم لها واحد والام تدري لين قالو لها ليش قالت عادي مافيها شي انا وامي متفاهمين

[خوي الشوق]

واحد يكلم رفيجة اخته لين قالو له شلون ترضى قال عاااااااادي دامها راضيه

[خوي الشوق]

وحده تلعب من ورى زوجها مع اخت زوجها لين قلت لها شلون ترضين قالت عااااااااااادي ماتمشي اموري الا وياها

[خوي الشوق]

واحد يدري انه اخته تكلم شباب لين قالو له ليش ترضى قال عاااااااااااادي بس مب جدامي بحش رجولها

[شـعـشـبـونـه]

واحد يدري انه اخته تكلم شباب لين قالو له ليش ترضى قال عاااااااااااادي بس مب جدامي بحش رجولها

:omg:
قويييييييييييه ... لاحول ولا قوة الا بالله


http://www.qatarshares.com/vb/showthread.php?t=333788

[براتزية برازيلية]

ايش الغرض من هالموضوع بالضبط مع احترامي الشديد للكاتب؟
لما واحد يسوي شي غريب او منبوذ و يقول عادي اذاً هالشي عادي بالنسبه له هو فقط..
و اللي يستنكر و يقول مب عادي اذاً فهالشي مب عادي بالنسبه له فقط
يعني كل واحد له نظرته الخاصة بأسلوب حياته و الكل حر بحيث انها ما تتعدى حرية الآخرين

[بوحسن2009]

جزاك الله خير على الموضوع (( يالعصامي))
ولكن عندى حل لكل هؤلاء .................................................. .....
((( اتق الله حيثما كنت يعني: اتق الله في أي مكان أو في أي زمان كنت))).
وشكـــــــــــــــــــــــــــــــــــــــرا

[ام السعف]

ايش الغرض من هالموضوع بالضبط مع احترامي الشديد للكاتب؟
لما واحد يسوي شي غريب او منبوذ و يقول عادي اذا هالشي عادي بالنسبه له هو فقط..
و اللي يستنكر و يقول مب عادي اذن فهالشي مب عادي بالنسبه له فقط
يعني كل واحد له نظرته الخاصة بأسلوب حياته و الكل حر بحيث انها ما تتعدى حرية الآخرين

اعجبني هذا الرد :nice:

[sendarala]

لا حول ولا قوة الا بالله
كل شي صار عادي في هذه الايام
ما شاء الله عليكم ما خليتوا شي

[شموخ وبس]

امممممم مب الكل قله منهم يمكن اللي كلش وماظني واحد ملتزم يسويها برا الا اذا كان لحيته بس ديكور مثل البتان عموما ماراح انعمم بس فيه
عندي سؤال ليش نتكلم عن الخيانات والغيبه ونترك سماع الاغاني او عادة الكذب او الغش للهدرجه استوى روتين والله مو عادي يمكن ليش لا

[العصامي]

شخص يعصي والدينه ولما تنصحه يقولك عاادي كل يوم نتهاوش اصلا..


الله يعطيك الف عافيه عالموضوع الطيب ..


الله يهدي الجميع ان شاء الله...
قال صلى الله عليه وسلم (كل الذنوب يؤخر الله تعالى ما شاء منها الى يوم القيامه الا عقوق الوالدين)
الله يعافيك ويبارك فيك
وشاكر مرورك الكريم.:nice:

[العصامي]

اخوي العصامي الله يهداك بس ..:rolleyes2:

أنت مافي شي ماخليته يعني جمعت كل المشاكل والامور السلبيه .. وقلت عادي ..

ردوا على كل نقطه .. عادي .. وكأن المشكله تنحل بكلمه او كلمتين ..:rolleyes2:

لا يبا مو عادي اتعرف ليش ..:(

لأنك طرحت اكثر من نقطه سلبيه .. وكل نقطه يبلها نقاش بروحها عشان نتوصل لحل لها ..

يعني حتى تصرفك أنت ترا مو عادي .. بس في ناس اكيد اتشوفها عادي ..:rolleyes2:

الله يرحمنا برحمته يارب .. صار كل شي عادي :rolleyes2:


الله يهدينا واياك الى سواء السبيل...
احنا نبي نناقش الموضوع والحلول وما قلنا في كلمه او كلمتين وهذه مجرد نقطه في بحر من السلبيات اللي تعيشها كل يوم
ونتمنى ان الشيء السلبي والعادي يصير موعادي :nice:
وشاكر مشاركتك الكريمه.

[العصامي]

وحده زوجها مأمن عليها ويعزها ويرزهااا وتلعب من وراه واذا نصحتها تقولك عاادي كله لعب اصلا مافي شي جد ..

ياااسلاام احلفي بس.. :weeping:




راجعه مب هذا بس الي عندي :(


قال صلى الله عليه وسلم( اد الامانه الى من ائتمنك ، ولا تخن من خانك)
يعطيك العافيه...
واسعدتني مشاركتك.:nice:

[العصامي]

وحده تكلم لها واحد والام تدري لين قالو لها ليش قالت عادي مافيها شي انا وامي متفاهمين


:omg::omg::omg:

واحد يكلم رفيجة اخته لين قالو له شلون ترضى قال عاااااااادي دامها راضيه

:omg::omg::omg:


وحده تلعب من ورى زوجها مع اخت زوجها لين قلت لها شلون ترضين قالت عااااااااااادي ماتمشي اموري الا وياها

:omg::omg::omg:


واحد يدري انه اخته تكلم شباب لين قالو له ليش ترضى قال عاااااااااااادي بس مب جدامي بحش رجولها

:omg::omg::omg:

الله يهديهم جميعا ويرحمنا برحمته
والتساهل في المعصيه امرعظيم
وشاكر مرورك الكريم.

[العصامي]

ايش الغرض من هالموضوع بالضبط مع احترامي الشديد للكاتب؟
لما واحد يسوي شي غريب او منبوذ و يقول عادي اذاً هالشي عادي بالنسبه له هو فقط..
و اللي يستنكر و يقول مب عادي اذاً فهالشي مب عادي بالنسبه له فقط
يعني كل واحد له نظرته الخاصة بأسلوب حياته و الكل حر بحيث انها ما تتعدى حرية الآخرين


الغرض اختي ان هذه ظواهر سلبيه (في اعتقادي) اذا كنت محق :secret:
ووضعت للنقاش...
واسلوب الحياه اذا ماكان نابع من الدين الحنيف من خلال القران الكريم والسنه النبويه والتربيه السليمه فاي حياه نتحدث عنها.
يعطيك العافيه...
واسعدتني مشاركتك.

[العصامي]

جزاك الله خير على الموضوع (( يالعصامي))
ولكن عندى حل لكل هؤلاء .................................................. .....
((( اتق الله حيثما كنت يعني: اتق الله في أي مكان أو في أي زمان كنت))).
وشكـــــــــــــــــــــــــــــــــــــــرا


وجزاك بمثله وبارك فيك..
وبالفعل التقوى هي مفتاح كل عمل صالح
وكما قال صلى الله عليه وسلم(خشيه الله راس كل حكمه)
وشاكر مرورك الكريم ومشاركتك.