المساعد الشخصي الرقمي

مشاهدة النسخة كاملة : القروض البنكيه



sporty
15-01-2010, 03:53 AM
السلام عليكم ورحمة الله وبركاته

انا اليوم حبيت اطرح موضوع وهو القروض البنكيه وفوائدها...

انا متسلف من البنك 30.000 لمدة ثلاث سنوات وصارت الفائدة على الـ30.000 +6000

مما ادى زيادة عدد الشهور معى الـثلاث سنوات يعني بدل يكون قرضي ثلاث سنوات صار ثلا سنوات وسبع شهور...يعني في رأيكم هل هاي الشي يكون معقول يعني الفايده كثيره كثيره

وماحكمه هالأمور في الدين !!

STAR
15-01-2010, 05:53 AM
ياخي هالبنوك حراميه من قلب‏↳‏
سؤال من أقل بنك ياخذ فوائد؟

ahmed jasim
15-01-2010, 10:50 AM
الموضوع عرض وطلب
إنت محتاج وهم إعرضو عليك الخدمة بمقابل
إذا ماعجبك العرض من حقك تروح لغيرهم

هذى بنك موب جمعية تعاونية
مادام إقدرو على الحكومة وإلطشو منها 15 مليار
يقدرون على أي شىء بالورقة اللى وقعتها معاهم


نصيحة أول ماتقدر على السداد على طول إدفع المبلغ ولا تنتظر لين تخلص المدة
وإلا بتتراكم عليك مبالغ ثانية ماكنت عارفها

sporty
15-01-2010, 02:41 PM
والله الموضوع مو موضوع عرض وطلب..الموضوع في هالشي موضوع ربا ...يعني ياخذون ربا من عندي
يعني هالمبلغ حددوه لي وقت سداده ثلاث سنوات وانا ملتزم وياهم في السداد المبلغ بدل 30.000 ادفع..37.000
يعني بذمتكم هاي مو ربا !!...يعني اتمنى ان يكون الموضوع جدي..ونتعاون لمنع هذه الظاهره...

والله حراااااااااااااااام جذيه

أسد الجزيرة
15-01-2010, 02:53 PM
لانه من شروط القروض الربوية انه الفايدة متغيرة تتغير مع نسبة البنك المركزي

رنج سبورت
15-01-2010, 04:11 PM
ممكن نعرف اي بنك ؟؟

technical
15-01-2010, 04:35 PM
اخوي هل قريت شروط العقد الي وقعته معاهم ؟ لأن كثير من الناس ما تقرى شروط العقد !
عاده يحطون شرط صغيرون بين الشروط يقول انهم يقدرون يغيرون نسبه الفوايد متى ما بغو وبشكثر ما بغو .
فأذا رحت البنك المركزي او المحكمه صفوا في صف البنك بسبب هذا الشرط الغير عادل والي البنك يتعسف في استخدامه بطريقه تظر بالعميل والأقتصاد الوطني .

شوف هذه البنوك وشغل الديون عندهم تراه شغل يهود , كانت بأسم الدين الأسلامي والدين منهه براء ولا كانت بطريقه الغرب . كلهم يعطيك فلوس ويقلبه بفايده من غير اي مخاطره .

fandi
15-01-2010, 04:41 PM
طبعا قبل لاتقرا الشروط لاتنسى تاخذ معك مجهر عشان تشوف الكتابة

حمد
16-01-2010, 11:16 PM
في البنوك الاسلاميه ... لايوجد شيء اسمه فائده او فائده متغيره .... هناك ارباح تم تحديدها في اليوم الذي وقعت معهم .... ولا تتغير ابدا.

اتكلم عن تجربه مع الدولي الاسلامي

البدع
17-01-2010, 09:23 AM
أخوي

أنا ما ادري كيف وضعك

بس أنا شريت أسهم من الدولي الإسلامي ب 200 الف ريال قطري

أخذوا أرباح 6% (تقريبا ما اذكر بالضبط)

في خمس سنوات

فصارت الأرباح ( 0.06 * 200 الف) * 5 سنوات

المجموع 260 الف ريال

ودفعوني تقريبا 1500 ريال حق التأمين مع الاسلامية ..... وطلبوا فحص طبي وايدز وسرطان وغيره

بالنسبة لموضعك فيه شيء أنا أبي اعرفه ... كم النسبة واي بنك

لو كانت النسبة 5% على 4 سنوات فهو كلامهم سليم ... والحسبة عندك سليمة

شعنونة قطر
17-01-2010, 08:19 PM
طيب ينفع تاخذ قرض لشركة السياره نفسها اللي تبي تشتريها



ووش الفرق بين قرض البنوك وبين قرض الدوام نفسه



!

البدع
17-01-2010, 11:52 PM
طيب ينفع تاخذ قرض لشركة السياره نفسها اللي تبي تشتريها



ووش الفرق بين قرض البنوك وبين قرض الدوام نفسه



!


قرض البنوك عليه ارباح .... يعني 50 الف ترجعينهم مثلا 60 الف

قرض الدوام بدون ارباح .. تاخذين 50 الف ترجعيمهم 50 الف ... لان ممنوع ياخذون فوائد ... الدولة تمنعهم مثل ماحصل مع شركتي

لوجين098
18-01-2010, 12:02 AM
شككككرا على الطرح وبالتوفيق

شعنونة قطر
18-01-2010, 12:47 AM
قرض البنوك عليه ارباح .... يعني 50 الف ترجعينهم مثلا 60 الف

قرض الدوام بدون ارباح .. تاخذين 50 الف ترجعيمهم 50 الف ... لان ممنوع ياخذون فوائد ... الدولة تمنعهم مثل ماحصل مع شركتي

جزاك ربي الف خير وماتقصر /ين

غير عنهم
22-01-2010, 12:36 AM
والله ياخوك حاول تتجنب القرض بالفائده لانه رباء

البدع
22-01-2010, 08:36 PM
بعضهم مايقصد قرض ك(رب)ا اخوي

يقصد شراء سيارة مثلا